yyt919的個人專頁

又到左食大閘蟹既季節，我見到周圍都係大閘蟹既野，自己都想去食番餐，我就去左尖沙咀既滬江飯店食啦😄滬江飯店是香港本土企業，位於尖沙咀超過四十年歷史。是傳統菜式的上海菜館結合香港本地人的飲食口味，菜式多樣。10月至12月期間特設蟹宴套餐，每日蟹粉蟹膏鮮拆，深受本港及外地日本遊客青睞👏🏻餐廳地方夠闊落坐得舒服，位置超大，有圓枱適合家庭聚餐，朋友聚會😉滬江飯店係每日香港人手鮮拆，香港極小數有，日拆 5小時，佢地做左四十年蟹宴，品質保證，堅持新鮮好食材，有多款以蟹為題既菜式，能夠完美融入上海菜，連日本電視台都有每年推介，極多日極遊客慕名而來🤩食完呢餐真係回味無窮，無論蟹粉小籠包，蟹羹，定係大閘蟹，全部都好好食🦀…查看更多

早排去左深水埗見到呢間外賣店d野食幾平，順便買d外賣番屋企食👍🏻胡椒鹹菜豬肚湯飯（$30）個鹹菜豬肚湯飯唔止有鹹菜同豬肚，仲有粟米紅蘿蔔，味道同茶樓食到既差唔多，正常水準🐷小食拼盤（$22）小食拼盤包搭有腸粉，燒賣，魚蛋，都係平時既街頭小食咁，小小要挑剔既係甜醬同花生醬唔太夾魚蛋燒賣，可能下次問下有冇得分袋裝要辣油豉油就正啦😄糯米雞（$26）糯米雞幾大隻，入面仲有隻雞翼，外賣點心店黎講幾有誠意🐥火腿雞蛋炒米粉（$24）碟炒米粉幾足料，除左火腿雞蛋仲有d椰菜，味道幾香😌流沙包（$7）流沙包個心真係有奶皇流沙，合格有餘👌🏻呢間點心店幾抵食，特別係飯類，$30一個湯飯仲平過兩餸飯，其他蒸飯之類$20幾都食到，野食又唔差，平平地食個外賣都可以😉…查看更多

岩岩出左糧就帶屋企人出去食餐飯，佢地都係鐘意食中餐多，帶左佢地去南昌呢邊既酒樓食飯，呢度平日食有$1燒味好吸引 😄至尊燒鵝1/4隻（$1）個$1燒鵝見到佢皮好脆，鵝肉厚實，肉嫩多汁，$1就食到真係勁抵👏🏻2-3位晚飯優惠套餐（$488） 小食一款沙薑雞腳佢用鍚紙包住，所以特別入味，沙薑味突出，雞腳膠質軟腍☺️老火靚湯個老火湯每日都唔同，佢地係有埋湯渣比客人食，夠曬火候既湯🫕燒味雙拼蜜汁叉燒+燒腩仔叉燒肥瘦適中，有肉汁唔好乾，燒腩仔好靚，皮脆肉嫩，咸味夠，都係一樣有肉汁，又唔會太肥😋荔芋滑雞煲個滑雞煲既雞件全部浸既入個汁度，雞肉滑嫩入味，芋頭幾粉，個汁係偏濃，用黎撈飯食勁夾🐥金銀蛋時蔬食左咁多肉要叫個菜平衡下，佢個湯汁又冇好咸，菜都唔會煮得太老，仍然保持到翠綠，咸蛋皮蛋份量都多🥬呢餐食得好豐富，野食又大碟，4個人食都夠食，有湯，有肉，有菜乜都齊，仲有個$1燒鵝，好鬼抵食👏🏻…查看更多

貓員外精釀酒館📍香港馬鞍山海映路9號西沙GO PARK G樓G15號舖趁放假就想出去行下，我就未去過馬鞍山新開既西沙Go Park玩，放假特登入去睇下未環境😄入面有間貓員外精釀酒館，佢環境幾有特色，係度食個飯，hea下咁過日假期真係舒服😌餐廳有自家釀制既啤酒，唔同顏色既罐裝都好靚，食物除左主食，都有pizza，小食，墨西哥taco等等👍🏻餐廳係寵物友善，見到好多養寵物既主人特登帶埋佢地既寵物一齊食飯🐱🐶…查看更多

今日約左朋友去朗豪坊行街，出黎順便一齊食飯，不過未諗好食乜，附近有間新開既越南餐廳想試下，朋友都話試下冇壞就黎左食啦👭🏼越式生牛肉湯河（$62）加牛丸（$12）其實佢地有個牛三寶河，不過朋友唔鐘意食牛展就揀左生牛肉加牛丸，個生牛肉幾嫩，牛丸爆汁好好食😄招牌河內街頭烤豬肉撈檬（$78）個撈檬睇落有d誇，好大盤之餘，賣相同烤豬都好靚，$78就食到，個烤豬又冇乾身，仲勁香勁惹味😋香茅雞翼（2件）（$16）香茅雞翼唔錯，整得好香同埋裡面唔乾🐥軟殼蟹（$32）軟殼蟹size適中，個炸粉厚左少少，新鮮炸出保持到熱度🦀越南滴漏咖啡（凍）（$18）滴漏咖啡又係上枱時幾驚喜，好似cafe咁pro，真係滴漏咖啡唔係得個名，質素都有cafe咁好☕️龍眼冰（$12）龍眼冰清甜潤喉，有幾粒果肉🍹呢餐食得好飽好滿足，個正餐本身已經好大份，撈濛同埋咖啡係最出色，價錢就正常價，最緊要野好食🥰…查看更多

早排開OT收得夜，同個同事係附近搵野快食，見到魚米呢個二人餐幾抵食咁，拿拿林去一齊食完番屋企🏠超值二人餐（$148）麻辣八寶米線二人餐包一碗米線，可以2選1，我揀左麻辣八寶米線，佢有8樣餸，貢丸，魚蛋，豬肚，腩肉，豬潤，牛肉，魚片，炸醬，好似過橋米線咁豐富，個湯底小辣唔算好辣，都唔錯🍜蜜汁豬扒菜飯有3塊豬扒，個蜜味唔算好多，裡面都冇整得太乾，菜飯咸咸地咁幾好味🍚香茅雞翼2人餐包一碟香茅雞翼，呢個佢即整熱辣辣好食喎🐥脆皮南瓜粒脆皮奶卷呢個係甜品黎既，對我黎講就似小食，兩樣野食都炸到脆卜卜😋飲品跟餐包2杯飲品，轉凍飲就要+$3🥤呢個2人餐其實好抵食，每人先$74，就有咁多野食仲包野飲，食完好鬼飽，就算男仔食既話我覺得都夠食👍🏻…查看更多

富寶會所私房菜呢排返工都好忙，最近終於完成左個大project，老細帶左我地去九龍城既私房菜食餐好既慰勞下大家☺️潮式涼瓜排骨煲潮式涼瓜排骨煲都幾特別，苦瓜清香，排骨軟嫩，個汁濃郁，用黎撈飯一流👍🏻黑松露花枝帶子皇帶子花枝鮮嫩，松露香濃，芹菜都好爽脆🦑櫻花蝦海鮮炒飯個飯炒得粒粒分明，海鮮鮮甜，鮮味十足，仲有好多櫻花蝦👏🏻餐廳環境舒適，適合家庭聚會或者好似我地咁幾個同事食飯，佢地既菜式精緻，食材新鮮，呢餐食得好滿足🥰…查看更多

呢間野真係唔好食又貴，服務態度差🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬同同事搬完屋，佢話請食飯，諗住坐間舒服啲嘅餐廳，就過隔離始創食，點知超級大伏☹️☹️☹️☹️☹️😔😔😔😔😔叫左dinner set 一個慢煮牛板腱配薯菜完全唔合格勁多筋138蚊衰過茶記碟頭飯，最好笑個店員見我地切極都切唔到就黎幫手，話慢煮係咁🤣另一個鴨胸配薯菜一樣咁垃圾冇真係冇下次…查看更多

今時今日重有啲咁嘅餐廳生存度，點解咁多人寧願北上消費？嚟呢度食過就知，咁啱朋友新居入伙黎大角嘴探佢，樓下就見度呢間藍色幾搶眼嘅餐廳，眼見星期六黎講一枱客都冇心知不秒，但係肚餓唯有求其揀就入咗去食啦，一入去個男侍應服務員真係好似唔多想做，同openrice俾佢差評個感受喺一樣囉，見難得有客都唔會介紹吓菜單衰過茶記喎，俾得呢個價錢食飯冇諗過係咁冇水準，冇服務囉，環境、食物都普通、價錢貴，想留客就改善吓…查看更多

放假屋企齊人返嚟食飯，又懶煮既話都鍾意黎呢度斬料加餸，絕對係快靚正👍🏻👍🏻👍🏻👍🏻👍🏻👍🏻而且每次嚟都必叫貴妃雞，過節拜神諗唔到食乜都會嚟叫番半隻貴妃雞半隻（ $60 ）肉質幾鮮嫩，骨細皮薄叉燒半斤（ $60 ）肥瘦適中，唔會過硬，我老竇冇帶假牙都食得到🤣乳豬（ $120 ）我見最多人叫嘅都係乳豬，外賣拎到返屋企，雖然皮唔算脆，但都可以接受下午茶大少潛艇（ $40 ）都幾大份，甜麵包夾芝士叉燒蛋…查看更多

知道媽咪鍾意食中菜，仲好鍾意食小籠包上海嘢，今日一於帶佢嚟利舞臺新開嘅樂天王朝前菜叫咗醋醬海蜇頭(例)（$90）海蜇頭好爽口，酸酸地幾胃菜雲吞雞 （$168）叫左半隻雞，兩個人食啱啱好，清清地好啱老人家食招牌原味小籠包（$78）當然要是招牌小籠包啦，一籠有六粒，即整即包,皮薄多汁,果然係招牌肉碎欖菜乾煸四季豆（$88）媽咪鍾意食欖菜呢個餸啱晒佢，夠晒惹味桃膠紅棗桂圓湯 （$45）大熱既桃膠，加埋杞子雪耳養顏啊…查看更多

打卡真係一流，懷舊裝修靚，座位亦十分舒適，食物賣相非常精緻，冇得彈美顏花膠雞鍋 HKD 298 滋補花膠蟲草花雞鍋，用上原隻雞浸得鮮嫩可口,湯底重非常濃郁，花膠同蟲草花係分開上既，服務員更加會幫你切埋隻雞，服務一流香江拼 HKD 798呢個真係想食好耐㗎啦，成日見到人哋IG打卡，全牛拼盤包括安格斯肥牛、牛白肉、牛柳粒、手切肥牛、牛心頂、牛小腿、 牛脷、牛柏葉等等，圍住個爐嘅拼盤賣相好吸睛，而且砌成玫瑰花形狀，成個藝術品咁食咁多牛咁肥膩，梗係叫返杯茶飲呢度都幾種花茶，有洋甘菊同玫瑰花茶可以揀最鍾意佢有間波波燈房可以任影…查看更多

朋友啱啱考到車牌，於是諗住喺灣仔遊車河，順便搵一間有免費泊車嘅餐廳，遊到差唔多天黑，於是就去咗英皇酒店嘅駿景軒食晚飯醫肚🤤瓦罉焗胡椒蝦充滿香噴噴胡椒香味，而且蝦亦都大隻，肉質新鮮拔絲咕嚕肉脆口而且有拉絲感，酸汁開胃，配新鮮菠蘿好夾百花炸釀松葉蟹鉗 松葉蟹肉超級鮮味，外層同樣炸得香脆，每一口都啖啖肉，yummy😋霸王辣子雞呢個一上菜已經香噴噴，流晒口水🤤🤤🤤🤤好鍾意呢種四川麻辣嘅味道，雞肉切成丁爆炒，超級惹味…查看更多

成日見到人哋鋪社交平台嘅樹林餐廳好吸睛，今日終於到我試吓啦😚蘋果木燻泰安雞（半隻） $288上菜嘅時候店員先至開蓋散發着一種濃烈嘅煙熏味，好有儀式感，每一啖雞都食到有煙熏味🤣雞件滑溜唔錯👍🏻昆布龍眼蜜燴金蠔 $238 賣相好靚，金豪夠大隻而且好入味香煎花膠扒半三色藜麥 $298食得肉多，試吓呢個fusion菜花膠扒三色藜麥，幾特別嘅一個菜式☺️啤梨川貝燉陳皮 $88做完流感，食返個啤梨川貝燉陳皮滋潤一下先嵐月甜品碟可以request生日嘅字句，甜品都做得幾出色👍🏻…查看更多

今日喺尖沙咀shopping完，經過iSquare就入去搵吓有咩好食，見呢間新開冇耐就一於試吓啦蠔仔肉碎泡飯濃郁的蠔味道與鮮嫩的肉碎在口中融合,散發 出鮮甜的味道,再配多份量的脹卜卜蠔,二人份量岩岩好 潮州粉粿粉皮細軟够薄,包裹著脆香的花生,馬碲又够爽脆,而 餐廳既辣醬再配潮州粉粿十分惹味 香辣雞軟骨燒賣酥脆的外皮包裹著多汁的雞肉和香辣調味,感覺 特別的配搭,雞軟骨够彈牙 松露野菌晶瑩餃呢個黑松露味好夠,餡料好多,味道唔錯一口紫薯唔太甜重有少少燕麥脆脆 ❣️潮藝館 (尖沙咀) 尖沙咀彌敦道63號iSQUARE國際廣場6樓602號舖 #尖沙咀美食 #香港美食 #香港必食 #香港探店 #香港打卡#香港旅 遊 #香港必喝 #尖沙咀探店 #香港好去處 #尖沙咀推薦食品 #yummy #foodie #hongkongfoodie #hkig #852 #delicious #hongkongfoods #dinner #hkfoodie #hkfoodklogger…查看更多