Kup Boon Kup的個人專頁

兩星期前BOOK落呢度試下，因為見裝修幾特別，門面又幾骨子，加上本人又好中意食海鮮，所以嚟試試佢。。我哋一行四人叫左個海鮮塔幾正，可以自己揀海鮮，D海鮮又大隻又生猛，重好好味。。。D伙計又好NICE，個老闆娘仲同我哋傾計，D SERVICE的確唔錯。。。基本上我哋食海鮮已經好飽，不過都叫左一兩碟牛試吓。。。Generally this is a good resturant, with nice service and good food. 不過埋單果吓都幾罅利，我地四個人TOTAL食左三千幾蚊！平均每人＄880！！！未免太貴。。。唔係話唔好食，我覺得堅好味，不過＄880響出面可以食D更好既野。。。即係咁，有得揀既話我唔會再嚟，除非有人請～…查看更多

今日難得放假去左上環搵野食，慕名來勝香園一試，聽講哩度D番茄麵好出名。。。來到大約十點半度，雖然坐滿好彩我一個人都易搵位，坐低左大若兩三分鐘都無人SHOW我，我知到大排檔都唔喺點講SERVICE，之但係我都要落ORDER架，叫左兩次阿姐終於埋黎，於是我叫左碗茄牛麵，凍奶茶。。。D野食都算黎得快，諗住試下佢最出名嘅番茄底，一食落去其實幾失望，首先D番茄好碎，又酸，個麵底又唔好味，我都唔揀擇，但係D麵真係唔OK，你俾大光麵我食都好吖，我都唔要出前一丁喇，份量又少，牛肉又韌，凍奶茶又唔好飲（太多奶），埋單要成39蚊。。。有D貴喎～雖然話唔係唔好味，不過以佢嘅名氣嚟講真係有點名過其實，普通茶記有D重好味，可能唔係度度有得食番茄湯底啦，加上響中上環好似好有風味咁，如果D伙計態度可以好D就更好，埋單都要主動地走埋去個伙計度比錢。。。…查看更多

難得星期日同女朋友拍拖飲茶，點知揀著呢間真係火都黎埋....話說我地去到等左五分鐘個帶位叫我地坐咗喺張完全未執嘅枱度，之後有個阿叔走過黎執枱，第一句就話我地有無喺出面等位，定係自己走入黎坐...佢D態度真係奇差囉，有乜理由咁樣對D客講野...OK算！之後我地叫左壺壽眉，一間茶樓最緊要就係D茶，佢完全唔掂。。。第一，個茶壺好唔乾淨，好似上一枱客飲完直接比我地咁。第二，壺茶完全無壽眉味，唔知咩黎，兩個茶名溝埋一齊就係嗎？（見圖）第三，D茶葉勁碎，飲到我成咀都係，OK都算！輪到D點心，揀直超級難食。。。腸粉D皮成寸厚，馬拉糕濕立立，所謂推介甜品朱古力芒果卷入面唔係鮮芒果而係芒果糕?!味道極之奇怪。。。乜佢地推出前無試菜加咩?!雖然環境裝修好靚但食物同服務就完全唔掂，我諗老闆應該著重返食品既質素。。。唔知點解仲有咁多人排隊食，我諗我好難再返黎食第二次喇... …查看更多

難得今日同女朋友一齊放假，諗住去鍘魚涌輕鬆嘆一個lunch, ，行過見到呢間野都幾特別，所以入去試吓，點知原來係惡夢嘅開始...首先個餐牌無乜野食，不過坐低咗無理由起身走...所以我叫咗個抄雜菌黑松露抄飯，我女朋友就叫咗咖哩牛腩黑松露抄飯...等咗陣D野食到左，我同女朋友同時O咗咀，因為我哋兩碟飯根本無黑松露，只係純白飯。咁即係抄雜菌白飯哩腩飯...大佬呀，我使乜60蚊食你個雜菌飯，超市幾蚊包雜菌都食死你...我哋發覺唔對路，問個老板佢先話黑松露無哂。咁你又唔一早話我哋知，諗住唔出聲就算，真係好差lor...之後佢唔知點解又突然有返黑松露，就補返比我哋，但我見到好多客都係食緊白飯。。。食食吓有聽到隔離枱D野飲又錯，食物又落錯單，佢哋話呢度成日錯單，唔只一次，突然同佢哋friend咗...因為佢地都好不滿呢間野!只可以講呢間野服務差，又貴又唔老實，唔會再去第二次...…查看更多