為食寶妮豬的個人專頁

旺角地舖侍應姐姐好冇禮貌，我係1 樓嘟咗安心出行，同事話枱安排咗地舖，落到去，我唔知道地舖要再嘟過，佢大大聲話：2 間唔同舖，要再嘟過呢位姐姐講嘢冇尾音，個爐我想較細火，點知熄咗，佢加湯時好大聲話：你熄咗個爐呀？隔離檯叫好多野食，佢居然叫個客執下張枱啲位比佢擺嘢，真係都幾搞笑！另外食物都好失望，鱔片好細塊兼唔爽，羊肉片好薄好碎，水餃好細粒，水餃雲吞入面啲蝦都腥我之前係中環分店食過，食物質素同服務都高好多老實講，我唔介意價錢比一般火鍋店貴啲，不過如果以禁嘅質素同服務，真係好失望，唔會再幫襯，呢個價錢有好多其他火鍋店可以選擇…查看更多

以前啱啱開嘅時候，腸粉燒賣真係幾好食，腸粉好軟熟，但係最近2次食真係又貴又難食，腸粉硬，燒賣淋，價錢一啲都唔平，所以以後都唔會再幫襯喇希望店主會留意返啲食物質素，有所改善啦…查看更多

東昇樓可以係話係東涌最似樣嘅飯店，推介：勝瓜魚肚，冰梅骨，鹽焗雞，豉召炒檉子王，蒸魚，油鹽水大蜆。以前椒鹽鮮魷都好食，不過而家唔掂喇，成碟都係魷魚鬚，仲要黑猛猛。呢度有個樓面阿姐做嘢又慢又多嘢講，多人食又話做唔切，打工都禁多怨言，真係幾搞笑。而家隔離開左間新飯店，我近排都轉左場喇。…查看更多

新開一個月唔夠已經食左兩次喇。試過奇味雞煲，好味！水煮桂花魚，以$80一條黎講算係唔錯，魚好滑，片得夠薄！干扁四季豆唔得，完全唔係果回事！油鹽水大蜆，一般！油泡田雞，太碎，味道可以！通菜夠大碟！有個揸fit人會問下你食物意見，不防直講！不過好多樓面做嘢時候食煙，由其係啲後生妹！…查看更多

呢間野真係無下次....三個人入去... 枱同枱之間勁迫.... 準備想走之際個亞姐就轉左張枱比我地...但係對住個風口囉...跟住有個亞姐走埋黎話: 我地呢度主要食魚翅撈飯... 其實我地想食小菜...係門口見到有雞食... 點知睇黎睇去個餐牌都無... 問左兩次先比個牌話係特價菜....叫左個二人餐有兩個燉湯, 一碟小菜, 兩隻鵝掌或者海參... 兩個木瓜甜品.... 另外加個豬展燉湯...炒花甲... 魯肉... 個亞姐就唔高興噤話二人餐黎咖喎夠唔夠食呀?:(隔左陣..隔離枱有兩個女人坐底... 當然個亞姐又係話: 我地呢度主要食魚翅撈飯啦.... 跟住無幾耐聽到個女人大聲話個亞姐: 你點知我唔會叫呢? 亞姐依然話: 我地呢度主要食魚翅撈飯!!!除左啲服務九流之外... 啲野食更加係垃圾.... 花甲有半碟未開嗀... 風沙骨係排骨粒... 要鵝掌又比錯海參..個魯肉難食....有負分我會比負一百囉...希望呢間野既老闆會睇到我既反映啦... 噤都幾難有人幫襯!!!:(…查看更多

噤多樣野都係牛肉最吸引... 我次次都係食牛餅河! 仲買左半斤生既牛肉餅番去比屋企人食... 佢地都話正 炸魚皮都係多人食... 我就覺得麻麻喇.... $18 又平又抵食 …查看更多

足足等左45分鐘先有位...員工服務差, 上菜勁慢... 漏單個職員可以比張單叫你自己睇有咩漏... 真係搞笑!海哲係酸既... 變左都唔知, 有無搞錯! 炸蠔卷係又淋又凍既... 從來未食過噤難食既壽司我只可以用 "不知所謂黎形容" !!! 我之後都唔會再去…查看更多

其實我好鍾意食呢度啲米線,煮得好入味!由於我係附近工作,一個禮物都去兩三次!其實坐得迫都唔介意,但係個度啲員工實在又無禮貌,做野又慢,又黑口黑面,一食完就走埋黎收碗等你快啲走...如果我係老闆,我一定炒哂去! 仲有我都唔知個厨房係咪得一個爐,經常等碗米線等左廿分鐘有多,又唔係特別多客等緊喎...所以食飯時間我一定唔會去!我早幾日打電話去叫外賣,坐櫃檯個新女聽電話十分之無禮貌! 今時今日噤嘅服務態度係唔得咖...…查看更多