Dadacheong的個人專頁

午市建議唔好黎。一坐低，個侍應“啪“一餐落menu已經覺得幾有趣，睇完想叫嘢食，啲侍應見到扮見唔到，總終見到個經理，佢“友善“望住我同我講：“等等啦你，你叫到冇用啦，我都做唔切!“ 跟住我就起身走左喇。整個過程15分鐘。唔怪之得啲細嘅都咁對客啦，個經理都咁🙄…查看更多

下晝三點幾，餐廳忙完lunch, 又未到dinner時間，應該唔會有啲咩令到餐廳員工做到好嬲姐，我諗。我錯喇，一入去，當時有三枱客加埋我四枱，有一個中年侍應叔叔約五十歲左右，另一個短髮皮膚白肥肥地大約三十九四十歲嘅女人侍應，女人不停喺度話緊個叔叔，完全唔想理我地(我地只係兩個人），叔叔發現左我地坐底左想過黎，女人大嗌住佢：“你又去邊啊，哩樣都未搞完“，都唔緊要嘅，咁你唔俾佢埋枱咪啊女人你過黎囉，佢眼尾都冇望過我地繼續鬧😅終於我問佢有冇menu, 啊女人都幾夠中氣咁話：“你睇左個黑板先，唔啱先俾張Leaflet 你"🤔有料喎😂其實喺佢鬧人我地冇嘢做嘅時候都真係睇左個黑板架喇，我就答佢：“睇完喇，我想叫薯粉寫餸嗰啲“，佢啤一啤我地：“睇左？“就俾左張leaflet 我地但冇筆，我地唯有細細聲叫叔叔拎支筆俾我地啦，叔叔拎俾我地嗰時仲要報以帶點可憐我地嘅眼神😂😂😂😂識笑其實真係幾好笑我食過尖沙嘴嗰間好多次架喇，所以諗住我就同佢講方便佢做嘢：“兩碗，一個薯粉五餸，另一個淨七餸，再加一個午餐水煮魚飯，咁係真係大食嘅講真，你咪當我加餸囉😂😂不過都唔洗咁嬲嘅：“寫喺張紙度得啦，兩個人叫三樣啊？“ 係我哋等緊嘅同時， 個叔叔不停咁畀佢鬧， 第一次叫佢要先用抹布抹枱先至可以用抹手紙， 過一陣又話要先可以用抹手紙先至可以用抹布抹枱， 跟住又話隔離枱個小朋友唔好喺張枱度玩玩具，話啲膠會溶喎 😂其實我真係唔想知咁清楚㗎， 不過真係好大聲 ，叔叔真係好嘢 ，點解會忍到呢個女人架😂😂好喇食完花生，真係黎左喇，食食下發現冇蟹子丸，問佢有冇落到，佢大大聲講：“薯粉四餸丫嘛!冇落喎“，我有寫(又剔又圈）。。咁都錯🤔最爆係佢佢反應(講數mode)：“你一定要蟹子丸架？“😤我答佢：“係啊，我一定要啊，因為我叫架嘛“最後就當然有俾啦， 呢個世界級嘅服務， 真係值得睇下，本來都唔信咁多個劣評都係講同一個人， 總算畀我而家開到眼界， 佢能夠將佢每次嘅服務都係達致同一個水平，真係唔容易。#叔叔好可憐#如果喺度同佢番工應該做唔到超過五分鐘#啲嘢食唔難食嘅#不過要心情好好嗰日先好去囉…查看更多