kkho2018's Profile

往昔在舊舖食客背對背坐著，大家吃得開心的味道，可惜已消失殆盡，襯聖誕夜重臨九龍城隆姐，點了幾個菜都不行 1）青木瓜沙拉：沒有辣椒/辣味，又扣起甜酸味，只剩下鹹味，很難吃。2）黃咖喱軟殼蟹，蟹應該炸了好一段時間，上面的醬色香味不全，而且不熱，廚房只是幾步之遙，不想太囉嗦了…下刪三百字。3）泰式蠔仔蛋，炸粉厚耷耷，太沒有誠意。埋單出門口舉頭一望，發現招牌上的姐字缺了「女」字旁，變成隆 「且」，相信不是被拆招牌，只是來不及維修，只怪自己太大意，那麼明顯的提示都踩雷，「得過且過」是現今香港飲食業的縮影否？這個真實評價是盡量用書面語寫的，你們都看得懂的，對嗎？…Read More

隔左唔夠兩個星期再去藍鳥，溫泉蛋忌廉雜菜意粉走晒樣，雜菜煮到爛晒，菇得2-3片，一大堆意粉煮到好淋，個汁太薄而且收得唔靚兼無芝士味，plus coriander disappeared. So Disappointing！「殿堂級」呢三個字我收翻，只嘆廚房師傅的流動性實在太大了😖…Read More

本來約好去Musea灰狗，經過上次不快經歷，諗住比機會佢地洗底，但天公不造美，天意難違！有飯友揀呢間但佢又戒辣，所以無得試酸菜魚，飯友們一致認為烤鴨做得好👍👍；小籠包麻麻，鼎*豐跟蘇*匯真係咁難replicate？；松子魚做得出色👍但芡汁杰左D，做到掛汁唔杰又兼顧道菜嘅賣相難道好高；菜螃蟹不過不失，油可以再滰清D；蟲菜花翡翠苗炒得脆口唔油👍；高力豆沙最出色，蛋白皮Q彈，豆沙綿滑細膩甜度剛好，上面的糖粉不多不少、恰到好處👍👍👍最後一定要提，鐵觀音茶好正🤩🤩🤩🤩…Read More

簡餐一頓，叫左溫泉蛋忌廉雜菜意粉配熱奶茶，意粉係殿堂級水準，色香味俱全，芝士味濃郁（食唔慣芝士可能接受唔到）但平民價錢🙏唯一有小小擔心係溫泉蛋是否用可以做溫泉蛋等級嘅蛋呢？如果餐牌寫清楚就放心好多。奶茶不過不失，有進步空間。😅…Read More

上次quick lunch後，飯友決定eccore，一致認為這家店的Signature Dish 不負眾望，呢餐嘅排名如下：火山排骨 > 紅咖喱豬頸肉 > 青咖喱植物肉丸 > 馬拉盞通菜 > 大蝦米紙卷。如今food quality & services大都讓利給租金的情況下，好難方方面面做得好，大家唯有張就下，感恩還有餐廳有heart用heart去煮好嘢俾大家食，夫復何求！Kop Kun Ka🙏BTW - 唔明點解要寫200字先可以比🌟🌟，誠心寫review只係想幫下餐廳去改進、食客去選擇，使唔使咁rigid呀！星唔星who cares？…Read More

一向都知Ritz Carton 102樓的bar & lounge 係食view，無expectations嘅情況下無咩失望！頂級素牛排係用beyond meat，同「頂級」有一段距離，以為會插上素肉旗仔但無出現，可能廚房go green，每次唔見素肉旗仔我都有疑惑coz 真係有餐廳上過真牛肉比我！就素牛排而言，side更重要，salad 的份量有D mean，sweet potato chips鹽多左，嗰3款醬suppose 係靈魂但完全唔知搞乜，可否多一點誠意？Waiter哥仔介紹的Rose Red tea好好味，after taste好soothing👍同行幾位點了tea set，都話麻麻地。服務方面，起碼幾個人serve過我地，都好有禮貌，無大甩轆，只是上錯兩杯嘢飲，算係亂中有序。…Read More

平時到朗豪坊quick lunch都響四樓兜兜轉轉，今日更上幾層樓到八樓搵食，試了這家泰越菜的set lunch，發現素食居然有幾款impossible meat的選擇，當下有點受寵若驚。我們仨分別點了青咖喱impossible肉丸，青咖喱雞及越式生牛河粉。大家都話青咖喱已經冇進步嘅空間，因為實在太好味，連白飯都熱辣辣，今時今日set lunch有熱飯比你食都好難得，加配的morning glory味道不錯，不過青木瓜沙拉唔夠酸辣，沙嗲雞係凍嘅，生牛粉好味但湯唔夠熱，扣左小小分。下次一定再黎試佢地嘅a la carte 跟 dinner menu。…Read More

第一次惠顧，好心提醒1. 素食者請注意，雜菜咖喱飯裡面有肉碎，算係自己大意，唔問清楚就落單。2. 長者請注意，如果座位冷氣太大風扇吹頭頂要求轉位好麻煩，而且樓面會比說話你聽。3. 管理層請注意，服務有待改善！香蔥豬排飯，肉質算OK但味道一般，不過不失！奶茶奶味夠，茶底唔夠細滑。咖喱雜菜飯叫左小飯，但同正常一樣，最「驚嚇」係裡面有肉碎。這家新開的店頗有人氣，座位不多，每次路過都有人排隊，店外排隊指示不足，有D混亂。…Read More