or#Tm65354992的個人專頁

平時通常隔成幾個月先記得打食評，今次呢間真係唔打唔得！朋友生日飯，六人訂了7:30晚飯我地Join 左推介版Menu C 極上牛小排海鮮食物一到店員親切主動問洗唔洗幫手燒教我地燒肉既火侯同時間，服務態度體貼之後有幸舖頭行政總廚過黎閒聊，仲親自燒肉。食客同店舖職員互動交流下係呢幾年少見既，尤其是連鎖餐廳亦都令客人有深刻印象大家一致讚成以後聚會都係到食講返食物質素先肉上枱溫度同質素非常好肥瘦平均，仲有教點咩調味料可以帶出肉味唔會出哂水，同比人唔新鮮既感覺海鮮，蔬菜，自助吧都ok 環境整潔，唯一改善就係可能雪櫃唔夠凍我地帶去既蛋糕食既時候溶溶地…查看更多

阿堂魚湯，係我地兩公婆既飯堂，唔煮飯就去食，貪坐位坐得舒服，有住家味道，無味精，cp值好高！尤其冬天，熱辣辣嘅魚湯加埋烏冬，食完暖笠笠。烏冬有好多選擇，我最中意食廣島蠔烏冬，蠔味濃，size唔大唔細，加埋佢地烏冬係煙韌個種，可掛到魚湯係上面，超正老公次次都簡花膠魚湯泡飯，其實係兩種魚肚黎，清淡又鮮味，同魚湯絕配！其中一種魚肚好似海綿咁可以索哂d湯另外佢仲有好多小食，魚生壽司刺身簡，燒物，炸物落單先即炸，上碟脆卜卜推介推介黎試試…查看更多

香港度度都係連鎖店，包舖唔係東海堂就美心，全部空氣做既！下午三點三買返幾個蛋撻下午茶不知幾爽，新鮮麵包出爐既香味成條街都聞到！要搵一間仲係幾蚊個飽既麵包舖變得好難，所以要多多支持呢類型舖頭！下午3，4點人頭湧湧，兩個姨姨收錢摩打手，今次黎買生日蛋糕，最中意呢類餅店唔花巧，有黑森林，雜果，芒果，栗子，傳統得黎又好有回憶既口味。簡左個黑森林一磅都係$120，真材實料，有蛋味既蛋糕特別好食，內餡cream再加提子味啫喱，外面朱古力碎係dark chocolate，驚喜！…查看更多

搬去大圍之後，呢間餐廳已經係我家人飯堂，諗唔到食咩就會：落富記囉！野食夠大碟，炒野有鑊氣，價錢相宜，食物好味。介紹幾款我地必叫好味推介！！口水雞 約$70 半隻抵食到，佢個汁係香辣少油版好開胃，上面有花生碎同莞茜，又香又滋味。生炒骨炸得脆卜卜，加酸甜汁菠蘿同青椒，上菜熱辣辣，食得出唔係炸完放好耐既肉，新鮮炸完再炒，炸粉唔厚。粟米魚肚湯一黎個個都嘩嘩聲，好大盅，同酒樓佛跳牆個盅咁上下大，冬天凍冰冰飲返兩碗好爽，無胃口又可以送飯，最緊要係飲完唔口渴，應該唔多味精。下次你地係大圍諗唔到食咩，可以黎試試…查看更多

7個中意食辣既女人，聚餐點會無麻辣火鍋，之前經過見到老碼頭裝修古色古香，落地玻璃見到食客食得好滋味，所以經一輪投票就簡佢，位置未屬於相當方面，不過勝在易搵。 中辣豬骨鴛鴦火鍋，湯底正宗，香得黎辣味唔會太嗆，配肉類、薯粉一流，食完麻辣味係口留香，另配料一定有佢地自家香油，個人唔中意太油，但我地當中位麻辣火鍋專家就好欣賞！食材方面，澳州雪花肥牛，打邊爐無牛點得呀！好正！推介！仲有黃喉，蝦，墨魚滑，即炸響鈴，紅薯粉，我地叫得唔多野食，紅薯粉叫左三份，配個湯底都夠滿足！坐位寛闊，坐得好舒服，三五知己飯局一流…查看更多

肺炎下都要見下朋友既，做足個人衛生，餐廳好貼心，將每張枱相隔距離拉開，食得安心又快樂。食物方面，我地叫店員推介海水味同creamy d，兩打試左6-8款，全部都好新鮮，好岩口味。兩個女仔就簡左兩支偏甜既白酒配生蠔同沙律，味道好夾。另外我地order左鮮芒蟹肉沙律，羊架，雞軟骨同豬頸肉，豬頸肉燒得剛剛好。唯獨羊架比較多筋難咬，一件大一件薄，不過總括味道尚好。另外值得一讚，坐outside，落毛毛雨都有小小濕，店員好細心咁幫我地調位，服務好好。環境舒服，食物質素好，值得推介！…查看更多