⏰ 用餐時間：晚上 7 點👫 用餐人數：2人🍲 拉麵主角味道：8.5/10當晚點了櫻花蝦龍蝦湯拉麵，一上枱見到堆「小蝦山」。湯底夠濃郁，有蝦味但不會過鹹，喝得出係有慢慢熬出嚟。麵條方面選左粗身，口感飽滿又掛湯，夠咬口，食完一碗都幾滿足幾飽下！另外都試咗叉燒拉麵，同樣水準，亦掛湯，叉燒肥瘦適中，配埋濃湯一齊食幾夾。溏心蛋都樂食！小食選了清炒高麗菜，雖然簡單，淡淡地，但可以中和下拉麵嘅濃味。🌟 菜式指數：櫻花蝦龍蝦湯拉麵：4/5叉燒拉麵：4/5高麗菜：3/5💰 性價比指數：4/5每碗拉麵大約 $98 左右，中等價位。以湯底和麵質來看，屬於對得住質素嘅價錢。🛋 環境舒適度：4/5樂拉麵位於 MegaBox 內，雖屬 foodcourt 格局，但佢哋用咗半開方式間隔，坐位唔會太侷促，環境乾淨整潔，坐得舒舒服服。燈光柔和，適合休息下慢慢食碗麵。🙋🏻♂️ 服務分數：4.5/5店員十分親切，有禮貌，主動幫我哋添水，態度積極。上菜速度亦相當快，值得加分。🚶♀️ 等候情況 & 整體印象當晚 7PM 去到冇乜人排隊，幾快入座，對於打工仔夜飯嚟講屬於一個唔錯嘅選擇。整體體驗滿意，特別係湯底真係值得讚，會考慮之後再試其他款式。🧾整體推薦指數：4/5 如果你鍾意濃郁型湯底、粗身麵條，樂拉麵會係個唔錯選擇。價錢合理，味道有水準，下次如果再經過 MegaBox，都會想再食返一次。😋…查看更多
