烏冬妹的個人專頁

見到好多評論都講呢間餐廳嘅服務態度差希望佢會改善下啦🤦🏻‍♀️職員態度真係唔ok我地兩個人去食叫兩個餐 （乾抄牛河，厚切午餐肉煎蛋飯）樓面姐姐話ok 仲畀埋碗覺得幾貼心吖…點知張單嚟到見到淨係打左乾抄牛河咪叫姐姐過嚟 同佢講我地叫左兩樣嘢wo之後佢態度勁悪劣話我地淨係叫左乾抄牛河wo唔係點會畀多個碗你地呀聽唔到後面嗰餐 叫我地下次講清楚d心諗：下…明明就係我地講左 你聽唔到咋wo🤔點解可以話番我地轉頭 服務態度真係要改善下 …查看更多

好耐冇出嚟食飯~同事推介嚟食呢度嘅pizza果然冇介正錯呀🤤Pizza可以一半一半咁叫~🔸超級撒亞人肉腸（左）我的帕爾馬（右）2個人食好滿足😛 好大份~~Pizza餅底軟硬適中 唔係厚身嗰隻 好好食!成個pizza鋪滿材料~ 🔸意大利白酒肉腸意粉🌶有少少辣 但好食到停唔到口🤤🤤最欣賞個汁! 而家睇番d相好想再去食多次…查看更多

第一次食呢間🇰🇷餐廳喺出面見到個裝潢設計已經覺得好有feel食物質素都好好😋帶子泡菜卡邦尼意粉 - 唔係好辣，我諗小朋友都食到，帶子彈牙，仲有好多煙肉同泡菜做配料蜂蜜蒜泥炸雞 - 呢度提供即用即棄手套畀客人。醬汁好惹味，但我嫌唔夠多😂炸雞脆得嚟juicy👍🏻…查看更多

好耐之前食過一次😋已經覺得好正今日再嚟覆桌😋😋😋果然仲係咁出色👍🏻叫左3樣嘢：特色蒜蓉包塔 - 有少少辣但好惹味，因為太肚餓唔記得影相😂Garlic steak - 好多炸蒜喺塊牛扒上面😗鐵板上香噴噴，一定要叫嚟食蒜頭香蕉朱古力薄餅配雲里拿雪糕 - 呢個甜品我畀100分👍🏻加左蒜頭但整體個味好夾 lamlam脷下次再去食其他菜式…查看更多

估唔到情人節嚟食都咁多人😱😱夜晚7點半walk in前面仲有十幾張枱等緊好彩堅持落去等多45分鐘就有位😎（建議大家嚟食之前嗰日好book定位先~）叫左老川北粉、水煮魚、大盤長豆角*全部食物都可以自選辣度~當然唔少得嘅係啤酒🍻食辣嘢飲啤酒真係絕配!老川北粉（小辣）－第一次食，覺得好新奇，我以為麵質會係彈牙，原來係林嘅，不過小辣都好辣呀~好正水煮魚（小辣）－當日得番桂花魚揀，都好好食好大盤! 兩個人食仲未夠喉呀! 覺得唔辣haha下次挑戰中辣先🤗大盤長豆角（小辣）－鐵板上夠哂鑊氣，好多蒜頭，啱哂鐘意食蒜嘅朋友總括嚟講：我一定會番嚟食多次!!! 好食到停唔到口!! …查看更多

下午茶時間嚟呢度試下先豆漿加粢飯 $20咋wo!!平日呢個時間嚟都要稍等一陣，始終係新鋪開張冇耐，不過等10分鐘度就有得拎喇😎先講豆漿~香滑濃郁，好有豆味粢飯~即刻整，熱辣辣好好食，以下午茶嚟講，其實都幾大份，入面d料都ok多。$20我覺得物超所值呀。…查看更多

想食平靚正晚餐，呢度就係你嘅不二之選白咖哩豬扒飯，永遠都冇走樣，味濃多汁，豬扒用香茅等調味料餣製過，更顯濃郁可口，滋味無窮。沙嗲肥牛粉絲也是經常下單的，嚟沙嗲王唔係唔叫沙嗲口味嘅嘢食呀?粉絲浸喺沙嗲湯中，每一啖都含有沙嗲味，正呀喂😋…查看更多

食完飯口㾗試下呢度嘅芋圓先~本身鐘情於煙煩韌韌嘅product😋第一次嚟食，跟住個google map行都差d搵唔到😂鋪頭喺轉角位，店內嘅枱唔多，menu共有6種口味畀客人選擇我就揀左芋圓桂花雪梨海底椰，男朋友就揀芋圓喳咋，每碗都係$28前者清甜好fresh嘅感覺，唔太甜啱啱好後者足料，西米大大粒，好多唔同種類嘅豆，滿足芋圓有3隻味道，包括蕃薯、芋頭同紫薯，彈牙有咬口，唔淨至係粉團，仲食得出蕃薯、芋頭同紫薯味！嫌唔夠喉可以買一大包芋圓番屋企自己煮！😋…查看更多

今晚親戚開大食會😎嚟街市買嘢為大食會加料🤗知道呢度除左滷水嘢食之外仲有蠔餅!就買兩底去試下😋蠔餅 - $63即叫即整!見就嚟收鋪老闆娘話畀多幾粒蠔仔畀我地!正呀!呢度嘅蠔餅比出面嘅唔同冇咁酥炸嘅感覺，粉比較多，但味道夠香夠味沾埋魚露，食過番尋味呀~…查看更多

平日lunch time嚟觀塘工廠區覓食🤤好彩朋友帶我嚟😂唔係都搵唔到路入去(1:00pm開始就排哂大隊喇…平日嚟食嘅朋友記得早d嚟)環境好好😎好鐘意呢度嘅裝潢，復古風格好特別牆上嘅poster令人覺得置身於台灣三個女仔叫左肉燥飯、雞肉飯、玉米起司蛋卷、酥炸魷魚另外仲有冬瓜茶、百香果紅茶同珍珠奶茶飯嘅size唔算大，但好好食！口味都算正宗蛋卷料足，即叫即整熱辣辣，一碟完全唔夠喉呀~酥炸魷魚香口！好食到上癮我一定會再過嚟翻桌，仲想試埋餐牌上其他小食呀🤤…查看更多

喺新世紀商場行到攰，去food court覓下食。行左好多個圈，最後都係想食日本嘢，就決定幫襯呢間蛋包飯。生薑豚肉蛋包飯 & 咖哩吉列豬扒蛋包飯前者 - 蛋包飯上的蕃茄汁味道略為酸，開胃可口後者 - 吉列豬扒脆卜卜，配上咖哩汁口感更佳兩個飯個份量都好大，女仔應該食唔哂~…查看更多

平日12點幾嚟買，都有小小人喺度等拎外賣，我又試下係咪真係好好食先。手撕雞飯(小辣*) - $23*姐姐會問你要唔要辣同芝麻，我梗係兩樣都要啦飯嘅份量十足! 唯恐手撕雞太少，不過個辣汁係幾好食嘅💪🏻食到最後一啖喉嚨痛了😂hahaa食唔到辣嘅朋友千祈唔好叫呀…查看更多

假期嘅apm真係好多人，尤其撞正食飯時間，都等左15分鐘先安排入座。同男朋友叫左一人一個飯☺️名古屋鳥開親子丼 - $83Menu上面嘅推介系列🤤份量十足，滿滿嘅雞肉同雞蛋鋪滿整個飯，而且個汁唔會令人越食越滯。炙燒海鮮丼 - $88有幾款刺身，包括蝦、帶子同三文魚，鮮甜!新鮮!Yummy…查看更多

喺門口已經聞到陣陣榴槤味🤤榴槤迷一定唔可以錯過!快d嚟試下啦叫左兩杯嘢飲🤤兩杯嘅份量都好多!仲有榴槤蓉!(左)一舊貓山王跌落奶 - $48飲落去個感覺好match，清甜，啖啖榴槤蓉，越飲越飽😂不過好滿足呀!(右)貓山王芝士雲頂綠茶 - $38店員建議先飲奶蓋部份，再拌匀。對比左邊嗰杯，呢杯綠茶味較重，如果喜歡茶味濃d嘅朋友可以試下。另外值得一讚嘅地方係店內環境舒適，每一張枱都放置紙巾畀客人，好貼心呀👍🏻👍🏻👍🏻…查看更多

平日晏就嚟呢度飲茶，雖然位於工廠區，但1d都唔難搵。12點一入嚟就有位，到左差唔多1點鐘，就開始多人，我估應該係附近公司放飯。叫左3個點心：1. 雪山叉燒包 - 我最愛的點心😍熱辣辣食嘅話口感更佳，上面嘅雪山質感鬆脆可口，一級棒！2. 南瓜蒸排骨 - 南瓜略嫌少左d，但排骨夠稔身，好味！3. 虎皮尖椒 - 唔太辣，唔會食到狂飲水。…查看更多