將軍澳芝苦的個人專頁

品香樓，未去過，但個朋友話唔錯，亂點都入得口，我又抱住，亂入食下的心態，去試下。係石硤尾站出，行咗10分鐘，就到南山村，個屋村，好有香港舊式屋村的風情，港味好濃，好鐘意。間店係在南山村街市，重要係2樓，開頭唔識路，係禁係地下揾。7點左右到，都幾多人排隊，但門口個大姐講，搭枱即刻有位，禁我當然，即刻話ok.霸皇雞半隻($130)--- 好盞下，第一次食到有蒸魚感覺的蒸雞，幾特別，味道ok, 可以接受。椒鹽豆腐($82)--- 豆腐味唔出，冇豆味，內面唔滑，普通嘢，唔值82，42都比多。…查看更多

今日試間新食店:)，佢主打東南亞主題，裝修都有啲果邊的風格。2點半左右，入到去都有位，但都好多人吓，但啲位都坐落，係唔迫，同埋都舒服。青咖哩配手抓餅--- 青咖哩汁，好濃吓，香料唔多，如果，係真泰式的青咖哩，香味會更強，配料香草都會多好多，但佢的咖哩味都幾出，都係到達可接受的下限。手抓餅幾好食，有口感，但餅就加多塊會好啲，餅太少:(，就點唔曬啲咖哩汁，有啲可惜，如果加錢再買餅，我係ok呢間店都幾好，食物，環境都可以，會再光顧。…查看更多

繼續咖哩，咖哩係一種多變的食物，佢傳入某地區，就會具地方性。去到日本，就會有咖哩湯，咖哩包，咖哩熊肉，面豉咖哩;去到泰國，紅，黃，青咖哩，用啲香料，就會出現係，香茅，薄荷葉，漁露，耶漿;去到馬拉，就出現，咖哩拉沙，係一種，加入大量當地食材，大雜燴的咖哩湯食。 南瓜咖哩軟殼蟹--- 用南瓜肉煮黃咖哩，入口帶甜，口感會細密，用來伴飯，點炸物，都十分夾，呢度就用炸細蟹配，但我就覺得啲炸蟹，唔夠香口，如果野味啲就好…查看更多

今次介紹，呢間鋪的咖哩。泰式咖哩，一般可由顏色區分 : 黃，紅，青，三色。薑黃粉，係咖哩必用材料，亦都係黃色的來源。紅色就係，加紅辣椒，青色就係，加青辣椒。所以，最易入口，一定係黃咖哩呢間鋪的黃咖哩，我覺得係幾好，香料啲香味，都出到。我再點咗碟蒜蓉包，但我就覺啲包身，太乾身，唔太好食。我再叫埋薄餅，試下係點，用薄餅點咖哩，兩樣嘢都好夾，真係好好食。呢到啲薄餅，油油哋之餘，重好軟身，我覺得，就算唔點汁，都會好好食…查看更多

繼續昭拍耶之旅，今次介紹佢哋的: 串燒。其實泰國啲串燒，都係由馬拉，印尼，傳入。所以，佢哋都係用，沙嗲汁，來點串燒，味道帶輕辣，習慣用竹籤串起來燒。串燒，都係追求原汁原味。所以，好的串燒係會食出，肉汁的鮮味，同肉的嫩滑感。串燒--- 今次叫咗，雞肉，豬肉串，一共12串($98)，作為前菜，都唔錯，我個人，比較喜歡食豬肉串，可能係咬感，比雞串，好咬啲的關係。可能，係啲雞肉，唔夠好，或者去日本，食佢啲雞串，可能會好啲.…查看更多

今日出到街，有啲肚餓，入咗間茶記，叫咗隻，有奶黃的墨西哥包，隻包入口幾柔軟，個面小小脆。個心啲奶黃，唔太甜，流心感都十足，有淡淡的奶油香，如果再配杯，走糖的熱奶茶，禁就真係優質配搭。真係飲啖茶，食個包，慢慢坐。熱奶茶，就覺得茶味唔夠，奶味就ok ,由於我就比較鐘意，茶葉味重的，要茶味濃，先夠香。總結，30蚊左右，有包食，有茶飲，重可以坐一坐，係油尖旺，係禁上吓，逛完街，回一回氣，再逛過街，是常識吧。…查看更多

香港人，就好鐘意打邊爐，一路刷一路傾。今日介紹間食材唔錯，位於寶林村商場的火煱店，雖然好少海鮮，但啲肉類，都幾高質下。98元任食: 要有3人才可開爐，主力係牛肉任食，但就唔可以叫其它肉類。128元任食: 只有豬肉，雞肉，魚肉，但就無牛肉。158元任食: 就係可以食到以上4種肉。以我個人來講，一定食牛，所以就儲定3個朋友，一齊會一會佢。其實呢間嘢，非肉類的邊爐料都幾齊，由其是豆品類，重要幾好食，午餐肉都唔錯。甜品~雪糕，就唔係禁得，啲味重有啲假，但有維記雪米糍，都幾好食。飲品~感覺係偏少，建議入多幾種，另外要飲啤酒，要加18元，唔太化算。飯~鹹肉飯來，偏鹹的肉碎，同用唔好食的米。如果用珍珠米，肉碎減鹹。用個心煮啲肉碎啦，唔係，就好浪費食物。總結，我建議係食128元任食，除非你，一定要食牛，那就叫齊3人，去食個98元任食，由於呢間嘢係收加一，所以要注意。另外湯底~除豬骨，芫茜唔加錢，其它都要。完…查看更多

近排睇電視，kfc 有隻廣告，話有新出品，叫咗咩「櫻花脆雞」 ，食落去，話會有，什麼什麼的幸福滋味，禁我就決定去會一會佢。今次去到叫咗個3人餐，200蚊左右，內面就有幾件櫻花脆雞，我汽水都唔飲，即刻試一試佢，入口係幾脆，啲肉質都幾滑，鹹鹹哋，但件嘢，就好似，噴咗花香味香水禁，入口會好怪，心情都重有啲複雜，怪怪禁，睇落去係脆雞，但食落又唔似，有啲似分子料理，古靈精怪。總結，其實脆雞都係辣味好食，我建議kcf 不如整啲，唔同辣味種類的脆雞，唔好再整啲分子料理，完。…查看更多

入得涼茶鋪，唔飲嘢的話，就係食龜苓膏。呢排比較夜訓，又食得多熱氣嘢，但又唔想飲苦茶，所以，就要咗碗龜苓膏，化一化佢。仁和堂大碗龜苓膏($34)~大碗上，特別貼地，比以前叫一盅盅的，親切好多。我叫咗碗熱的，首先唔落糖漿，試下原味，入口係苦後回甘，口感亦有咬口，之後，我將成碗攪碎，再落糖漿，一入口，簡直，成碗飯後甜品禁，真係又好食，又健康。總結，仁和堂龜苓膏，係物超所值，比那些一盅盅的，另外亦有套票買，一次10張，270元，平均一碗大龜，就變成27元，強烈推薦買套票，完。…查看更多

今日介紹，位於將軍澳站，popcon商場2樓，叫紅樓的酒樓，來試下啲晚飯小菜，一共叫咗4碟:1:鮮鮑魚滑雞煲($158)~雞入味，又可口，鮑魚就無味:(，所以淨雞煲已夠。如果啲鮑魚另炒收汁，會更好。 2:黑蒜荷香籠仔蒸雞($118)~賣相是唔錯，但荷葉，同啲配菜味...入唔到去。如果，用荷葉密封啲雞來蒸，啲味應該入到。3:潮式煎蠔餅($128÷2,套餐價)~啲蠔幾有咬口，但啲蛋漿就...偏咸，令蛋味唔出，葱又唔夠，芫茜又唔落，究竟想點，搞到啲味，無曬層次，再點埋啲魚露，真係，咸過龍虎豹。4:海鮮什菜煲($128÷2,套餐價)~呢個菜要用放大鏡食，唔用，就會揾唔到啲海鮮。不過，個煲啲湯又幾好，入口幾舒服，什菜新鮮，唔錯唔錯。總結，啲煲係值得食，由其是雞煲。同埋現在2~3人，叫小菜有6折(只限，星期一~星期五)，但套餐就不能用這優惠。茶位12元，白飯12元，前菜醬料12元，但可以唔要，但要同啲樓面講。另加一服務費。…查看更多