micro-y的個人專頁

食物味道唔錯，個人最鍾意叻沙、土司、同埋加入咗煉奶嘅南洋咖啡同奶茶。🥘星洲海鮮叻沙 $69湯底十分濃郁，椰漿香味撲鼻而來，配上鮮蝦、魚片和豆卜等，更添鮮味。麵質亦彈牙，吸收晒湯汁，整體鮮香好食🤤👍🏻🐤新加坡無骨海南雞飯 $72雞肉嫩滑，配上雞油飯、醬油同辣椒醬，更加提升咗風味。海南雞飯本身包咗細份馬拉盞通菜同魚丸湯，性價比高。🍞⁠⁠咖椰牛油配傳統土司 $22經典組合，土司外脆內軟，抹上醇厚咖椰醬同埋牛油，甜而不膩。點上半熟蛋汁同醬油，更香更濃郁，鹹甜交融，好味呀😋🍲魚丸湯 $56湯底帶鹹味唔會清寡，魚片魚丸彈牙，再加生菜和青蔥，幾清新嘅湯品。🥬阿公馬拉盞通菜 $26通菜清脆口感搭配馬拉盞香辣，十分惹味。☕️南洋咖啡 $27香氣濃郁，口感順滑，帶有淡淡堅果香氣。加入煉奶味道更平衡，好飲！👍🏻☕️南洋奶茶 $27濃郁嘅奶香茶香十分融合，再加入煉奶，更香甜可口，同樣好飲！👍🏻…查看更多

揀咗鴛鴦鍋🥘：自家麻辣鴨血豆腐湯 配 黃金金湯椰子雞，兩款湯底都好足料。🥘麻辣鴨血豆腐湯底好香濃，麻辣滋味撲鼻而嚟，辣度過癮又適中，鴨血彈牙，配料烹煮時吸收咗湯汁，有提升咗味道嘅層次，好食！👍🏻🍲黃金金湯椰子雞湯底可以先飲湯，有雞肉嘅鮮味，亦有唔少椰子絲🥥。雞肉嫩滑，椰子肉增添口感同香甜味，相對冇咁油膩，飲完湯成個人暖笠笠。火鍋配料有多款肉類選擇🥩🥓。牛肉方面最鍾意本黑毛和牛A+ 及 極上安格斯牛小排，肉味香濃，新鮮又彈牙。豬梅肉片、黑豚肉亦很新鮮。羊肉不會很羶。海鮮河任食🦪鮑魚、帆立貝、🐟魚片、🦑水魷、貝類等，同行友人大讚串串海蝦🦐新鮮彈牙。然後亦很欣賞有唔少手工製作，例如手工丸、手工滑及手工餃子🥟，食材嘅準備上已睇到誠意十足。蟹籽墨魚滑、黑松露墨魚滑等都食到墨魚香味，口感彈牙，十分唔錯。鮮蝦雲吞有大大粒蝦，很鮮味😋自助吧有多款涼拌前菜、冷盤小菜、熱食、水果、雪糕、海鮮類例如凍甜蝦、青口、翡翠螺等。飲品方面除咗有啤酒🍺、汽水、紙包飲品🧃外，我最喜歡係自家製有營花茶同埋茶酒系列。試過茶酒嘅醉荔枝茶🍹，荔枝清香，配上一陣回甘味，幾特別。…查看更多

環境幾chill，食物質素都唔錯，上菜時間較慢，適合同朋友傾計聚餐。🐟前菜係炸魚干，香口酥脆，配酒一流！餐點+S48 可升級套餐，配是日餐湯 或 沙律。係套餐中再加配+$48 Wine / Mooktall，+$38 Dessert。🥣餐湯係薯蓉火腿湯🥔，面層加上橄欖油，口感香滑，帶風乾火腿嘅鹹香🍖，幾好飲😋🫕黑松露芝士火鍋 128(Fries. Bread. Penne. Mushroom)依款等得比較耐，芝士火鍋味道調得幾好味，濃厚的芝士🧀加上黑松露，香氣撲鼻。配搭薯條、麵包、筆管麵，🍞沾上滿滿芝士好滿足。本身配蘑菇就轉成了炸蕃薯🍠，炸得夠脆，但同芝士唔太夾。🦀甲羅燒鮮蟹肉意大利飯 $178蟹肉、蟹膏、混合蛋汁同忌廉意大利飯🍲，鮮味香濃，口感Creamy又順滑，香濃而不膩，不知不覺就食完，好食！🤤🍹西柚梳打直到永遠 阿門 $88 （+$48）清新爽口，帶微微酸甜，平衡到食物嘅油膩感。🍫朱古力心太軟 $68 （+$38）原來有畫碟服務🌱，仲要有chiikawa三隻小可愛🌷，打卡幾開心。心太軟外層微脆，內餡有濃郁朱古力，作為一餐嘅收尾好完滿～…查看更多

經過幾次見門外都有人等位，決定帶屋企人嚟試吓。我哋揀咗✨經典雙重鮑魚鵝肝撻海鮮海洋盛宴✨晚市加一，每人大約三百幾蚊。有80款品項，選擇都唔少，包括刺身、壽司卷物🍣、燒物、串燒🍢、熱食料理、炸物等。亦設有自助區，有冷熱盤、壽司、水果甜品、任飲清酒🍶、梅酒、紅酒🍷、啤酒🍺及其他汽水、紙包飲品🧃等等。幾特別係有得任食馬來西亞極品榴蓮🥠，見枱枱都點好多！我本身唔食榴蓮，但見屋企人食得幾開心🙊🍣刺身、壽司選擇都不少。特別壽司會配搭唔同嘅醬汁組合，例如脆蒜醬燒牛肉壽司、胡麻醬燒左口魚邊壽司、火炙焦糖三文魚壽司等等，不坊樣樣都試吓。我幾鍾意燒紐西蘭羊鞍🍗，無咩羶味，有咬口又保留肉汁，幾好食。和風牛柳粒亦炒得幾香。食咗咁多熱氣嘢，再點個松草花准山杞子燉雞湯，滋潤又足料👍🏻。川燒蒜蓉焗生蠔🦪都幾香，仲有乳鴒都係任食。炸物試咗南瓜同虎蝦天婦羅🍤、紫心香芋丸、吉列炸蠔、脆皮炸奶等，樣樣都炸得幾香脆，唔會好油膩🍢甜品、飲品都正常，留意到雪糕雪條🍨都幾吸引，可惜最後真係太飽太飽無食到。整體係食得滿足嘅。…查看更多

見依間新開無耐，又主打手工意粉🍝餐廳環境不大，二人枱如果叫多幾碟嘢食，會有些窄。我平日夜晚去都坐滿客人。職員幾友善會主動問你意見，新店開冇耐，睇得出佢哋想努力進步，幾有誠意～💚泰式青醬羅勒大啡菇貓耳朵 $98青醬都幾濃郁，羅勒香氣好香🌿。我哋揀咗配貓耳朵手工意粉，口感帶點煙靭，幾好食。🧡極濃龍蝦汁原條龍蝦尾吸管粉 $168龍蝦尾🦞帶點焦香，調味唔錯，但肉質比較乾，黏住了蝦殼。吸管粉口感彈牙。龍蝦汁淡咗少少，唔太掛到意粉上，如果煮得濃稠啲會更好。🍟脆炸薯條配溶岩松露芝士醬 $68芝士醬相對質地厚身濃稠，冇預期以為咁膩。🍗脆炸咸蛋黃單骨雞翼 $38/4隻雞翼外層炸得香脆，有啲咸蛋沙粒口感，整體鹹蛋味夠突出。🍹Mocktail - 吉蒂貓Hello Kitty $38士多啤梨肉泥、配上橙汁及青檸梳打水，味道甜甜酸酸，幾清新開胃。☕️摩卡咖啡 $38味道唔錯，咖啡不會太苦，摩卡味較濃，奶泡厚了些。…查看更多

提早預約咗畫碟服務，作品完全畫到💖chiikawa三人組嘅可愛，欣賞咗好耐都唔捨得食😍同場會送一張即影即有相，儀式感滿滿。🍰開心果奶蓋巴斯克芝士蛋糕 Half $98味道好有驚喜，我食開嘅巴斯克蛋糕都係偏硬身，依款口感卻軟滑綿密，💚開心果味濃郁，配搭奶蓋層次再提升，甜而不膩😋HANDMADE PIZZA SET $398/2位依款二人套餐有兩份餐湯、沙律、pizza、小食，可優惠價加配飲品。🍕松露牛肝菌雞肉芝士薄餅餅底帶些厚度，十分香脆。Pizza加入不少雞肉同牛肝菌，口感豐富。帶有淡淡香草同松露香味。🍄‍🟫黑松露牛肝菌蘑菇湯質地順滑，加入不少牛肝菌碎，配香脆麵包很夾。🦞法式龍蝦海鮮濃湯+$22龍蝦湯鹹香中帶海鮮鮮味，質地醇厚。🥗煙三文魚凱撒沙律 +$18煙三文魚入口融化，搭配新鮮蔬菜，清新可口。🍟🥓滋味小食拼盤 +$58有四款小食：芝士醬薯條、唐揚炸雞塊、吉列廣島蠔及吉列魚手指。特別喜歡吉列蠔🦪，外層炸到酥脆，內層蠔保留咗鮮甜綿滑嘅口感。🧀芝士醬濃郁，配薯條一下就食晒。另外兩款小食同樣炸得脆身，調味適中。🍹玫瑰荔枝果肉梳打 +$34荔枝果肉清甜，果香同玫瑰🌹花香交融，香氣柔和自然，入口清爽又滋味😋🥛熱竹炭芝麻牛奶 +$34熱牛奶中帶芝麻香氣，風味特別。…查看更多

樓上cafe簡潔設計風格，菜式組合幾特別，整體幾好食有驚喜😋設有兩款套餐分別+$48及+$66，同樣有湯、甜品和飲品，主要分別係$48係指定飲品，而+$66係自選飲品。🌽粟米濃湯口感濃稠，湯底滑順。🍝魚糕串辛辣麵卡邦尼意粉 $128配搭好有驚喜！😍韓式風味意粉，卡邦尼醬汁配上韓式辣香味，味道偏辣，好香好濃郁。魚糕串煙煙韌韌，面層加上脆口嘅辛辣麵，口感豐富又惹味。推得試👍🏻🧀大發！！芝士辣炸雞年糕 $148有兩大塊炸雞，面層灑上滿滿芝士粉，外層都算脆，肉質彈牙。年糕Q彈，亦有魚糕、泡菜，辣度適中，唔錯。最鐘意紫菜粉絲卷，調味剛好又夠香。🍟芝士秘撈薯條 $58薯條炸得好夠香脆，撒上芝士粉真係食唔停口！🍵抹茶豆腐拿鐵組合特別，整體配搭得幾好添。豆腐🤍口感好柔滑，所以同抹茶拿鐵一齊飲，會飲到綿密感。而且豆腐清香同抹茶醇厚好夾，做到互相襯托。☕️美式咖啡苦味適中，帶淡淡果酸。🍰柚子乳酪慕絲傾向似蛋糕口感，相對清新有夏日嘅感覺。🍰Tiramisu同樣係蛋糕口感，不會太甜膩，輕盈柔滑。…查看更多

結合音樂、表演、舞蹈及美食嘅餐廳！一邊品嚐新派Fusion菜式，一邊欣賞每晚唔同嘅原創表演節目🎭我去睇個場係🎵重遇音樂 Nicola x Errol x Pino x Chung，唔同嘅樂曲同舞蹈交替🥳🥗Roasted Chicken Caesar Salad $148雞肉份量不少，肉質鮮嫩，蔬菜亦新鮮，芝士加上經典凱薩醬，輕盈又開胃。🦀Crab Cocktail Toasts $158蟹肉鮮甜彈牙，面層覆蓋住黑魚子，配搭脆身吐司，更突顯海鮮嘅鹹香鮮味。🍄‍🟫Mushroom Soup $88蘑菇香氣濃郁，湯底滑順，帶微微黑胡椒嘅辛辣香氣，更添惹味。🥩Roasted Cheese Pork $218依款菜式係我最愛，豬肉外皮烤到焦香，帶酥脆口感。肉質彈牙唔會硬身，肉嘅油脂比例剛剛好，香而不膩。配上半溶芝士同醬汁，好好食！🤤🍝Set Thai Green Curry Seafood Linguine $208將泰式青咖喱及海鮮意大利麵重新結合，帶有青咖喱微甜香辣風味，醬汁滑順creamy，配上不少新鮮海鮮，蜆肉🦪及蝦🦐都大大隻，味道豐富！🍰Meta Dessert Platter $338甜品拼盤賣相好靚，色彩繽紛，打卡able！連點蠟燭都特別華麗浪漫🎆，幾有驚喜。…查看更多

依間韓式菜式做得到位，好好味🤤！而且氛圍悠閒，仲有維港美景，好適合同朋友傾偈聚餐，令人想回訪💕推薦！我哋揀咗全新二人餐Menu試吓~每人先有兩杯WELCOME DRINKS，🍸MAKKOLIT COCKTAIL 加入韓國米酒🤍，味道特別又易入口，酒精味亦唔會太重。🥃PORCH LEMONADE 檸檬🍋香氣酸甜清新，好飲！HOUSE SPECIAL: OG CHICKEN🍗國民炸雞係我今次嘅最愛！一上枱係熱氣騰騰，皮夠薄炸得好酥脆，雞肉肉質嫩滑多汁，單為咗食依個炸雞已經想回訪！🤤❤️另外套餐可選四款，我揀咗CHUCK FLAP TAIL、BEEF TONGUE、PORK JOWL、PORK BELLY。🥓串燒燒得好香，肉質彈牙，配搭辣椒粉及加有檸檬嘅醬油，更加惹味。FRIED: MINCE PORK、SHRIMP TOAST、RICE CAKE、SWEET POTATO炸物全部都炸得香脆。🍠甜薯入口係酥脆！🍢年糕煙煙韌韌夠入味，🦐蝦多士都非常香口，🍢豬肉丸彈牙有口感。VEGGIE: HOUSE CORN、TOFU PUFFS🧆豆卜帶點鹹香，香脆好食。🌽粟米亦烤得滋味。🍜PERILLA NOODLES: 韓國紫蘇葉油拌麵，加入紫菜蔥花，整體香口，❄️拌涼麵夏天食一流。🍜SOYBEAN NOODLES: 同樣係涼拌麵，今次加入黑芝麻豆漿，味道幾有驚喜。黑芝麻豆漿濃郁香氣及順滑口感，配上青瓜絲車厘茄，清新又解膩，個人好鍾意😋DESSERT: MANGO YAKULT BINGSU🥭芒果益力多刨冰十分冰涼清爽，芒果味道好Fresh！酸酸甜甜，很喜歡！😍…查看更多

設計以復古優雅圖書館為主題⚜️，環境精緻。餐廳以胡桃木作主調，數百本古典書籍作裝飾，氛圍浪漫📚Tasting Menu $1388 per head 我好鐘意今次依個menu，每款菜式都好精緻，而且味道好好食！😋🍞🧈Bread & Butter麵包外脆內軟，配上海鹽及羅勒兩款牛油，提升香氣🫶🏻🔹Chu Toro Tartare吞拿魚腹肉配煙燻沙丁魚慕斯，鮮味十足。🔹Royal Daurenki Caviar魚子醬搭配日本高湯果凍，清香滋味，加上酥皮撻，層次豐富。🔹Red Prawn Tartare紅蝦肉質彈牙，鮮奶油綿滑，味道鮮香平衡。🧡Hokkaido Sea Urchin新鮮海膽搭配蟹肉及牡蠣果凍，口感滑順豐富，奢華濃鮮味十足😍🦞Lobster龍蝦刺身配上爽脆綠蘆筍、乾魚子醬片 ，中間配搭日本山椒檸檬泡沫。酸酸甜甜，十分開胃。🦐Seafood Bouillabaisse濃郁海鮮濃湯，湯底以日本蛤蜊及烤蝦熬製而成，香氣渾厚，味道鮮美。魚泡沫更增添輕盈口感，好滋味！😋🐟Red Grouper紅石斑魚片魚肉鮮嫩。扇貝慕斯柔滑，加上羊肚菌，醬汁由牡蠣奶油及龍蝦油製成，更帶出濃郁香氣👍🏻🦪Charcoal Grilled Abalone炭烤鮑魚加上日本冷麵、蟹味噌，嫩滑彈牙，帶陣陣焦香。🥩Red Wood & Charcoal Grilled A5 Miyazakigyu Beef日本宮崎牛肉，肉質鮮嫩多汁，十分好食！😍🤤馬鈴薯泡沫及鴨油馬鈴薯都好香！🍫Belgium 64% Chocolate with Yuzu & Almond Cake用64%黑巧克力製成，蛋糕濃郁帶微微苦甜。柚子醬增添清新酸味，令整體無咁甜膩。🍯Cocktail The Honey Thief以琴酒為基底，加入咖哩葉、杏桃醬，酒香濃厚，帶果味甜香，亦有檸檬酸味平衡，還有蜜蜂巢脆增添口感層次，很喜歡！🍸Mocktail Tellado $88蘋果汁、檸檬汁的甜酸味道平衡，加入接骨木花糖漿嘅獨特花香，口感清爽怡人。…查看更多

兩款期間限定鍋底好吸引，所以點咗鴛鴦湯底。🥘喇沙椰爺仲夏鍋：喇沙醬同椰漿嘅比例調得啱啱好，鮮奶中和咗辣度，整體香濃不膩，非常推薦！🥘木瓜椰皇嫩雞鍋：有不少配料，熟木瓜配搭椰皇水，果香同椰皇嘅淡雅奶香十分夾，仲有些椰子肉、紅棗、枸杞，整體清甜滋潤，同樣滋味！♨️120分鐘日本A4黑毛和牛火鍋放題🍲每人送澳洲M9和牛牛丸2粒、海鮮拼盤及任食鮑魚。✨海鮮拼盤十分豐富，有生蠔、鮑魚、蟶子及帶子。肉類🥩選擇多，個人最喜歡日本黑毛和牛A4+及伊比利亞黑毛豬梅肉，肉味香濃，質地嫩滑。🥓酒糟嫩牛舌帶點酒香，彈牙口感，幾特別。另外亦以椰子主題推出幾款特式小食：🥓椰酥跳跳豬：豬肉炸到酥脆，再灑上椰絲及爆炸糖，甜鹹交織，爆炸糖係舌尖「噼里啪啦」爆開，幾過癮。🍟椰林火山脆薯條：薯條外脆內綿，外層有香辣粉，好食。我用嚟配搭椰汁美奶滋，醬汁帶有椰香清甜，中和炸物就油膩感。🍢黃金椰絲蝦丸：將蝦肉與椰絲裹粉炸到金黃色。外層酥脆，內層口感彈嫩多汁。🍠香芋椰漿脆脆：#芋頭控 必試，芋頭口感綿軟，椰漿好香，再鋪一層椰肉脆片，口感豐富，我本身鐘意芋頭覺得好好食，不過會飽啲😋🍹雞尾酒特調 - 粉桃椰香 #PinkuPaloma 粉色特調好靚，🍑新鮮蜜桃加入椰子酒，甜香中帶陣陣酒香，再加入雪碧嘅輕盈氣泡同紅糖焦糖尾韻☺️好飲！🍸雞尾酒特調 - 冰檸伴椰 #MalibuLemonade🍋‍🟩檸檬原汁融合Malibu 椰子酒，加上少量橙皮糖漿、雪碧、香水檸檬粒，檸檬清香爽口，椰酒綿柔帶奶香，尾韻帶出絲絲橙皮甜味。依款都好飲！👍🏻…查看更多

原來出咗全新餐牌✨120分鐘日本A4+和牛饗宴✨款式豐富，肉類同海鮮都有質素，高CP值😍同埋唔少細節位都令人覺得被照顧到，例如一入坐就有安平慢熬清雞湯，鮮美好飲。要讚下當日Staff不時主動幫我哋換燒肉網、加壽喜燒湯底👍🏻💖日本A4+和牛饗宴：🥩澳洲M8和牛肩胛：有濃厚肉香，帶有肉汁，好好食！🤤🥩醬燒一口和牛丁：肉質細膩鮮嫩，脂肪分布均勻，燒完更帶有醬汁香氣。🥩壺漬特調牛肋肉：油脂香氣突出，肉質有口感。🦪灸烤生蠔 (鹽蒜)：生蠔鋪滿蒜味鹽醬，烤熟後更帶出海鮮鮮味。🦪灸烤生蠔(鹽蔥)：鹽蔥濃郁香氣同生蠔鮮味好夾。🦪威士忌釀鮑魚：配上安平特製威士忌醬烤製嘅鮑魚，帶有微微甜味同煙燻感。🦪黃油蒜烤帆立貝：牛油、蒜在加熱後增添香氣，提升咗帆立貝嘅風味。🐟安平赤魚一夜干：肉質細嫩肥美，烤到外層焦香。🩷日本A4+和牛饗宴：🥩日本A4+和牛：帶有和牛大理石花紋，口感細膩，鮮美濃郁🤤🍲日本A4+和牛壽喜燒：牛肩胛肉眼油花豐富，同壽喜燒一齊煮熟，吸收咗湯底甜鹹香氣。🥩極．厚切檸檬牛舌：原條牛舌配有沙漏，儀式感滿滿。搭配檸檬清香，烤過後帶清爽口感。🐟炭烤白鱔：外焦內嫩，肉質滑順，油脂香口入口即化。🦐灸烤霸王蝦 (鹽蔥)：蝦鮮甜，肉質有彈性。🦐灸烤霸王蝦 (黑蒜油)：特製黑蒜油味道濃郁，令蝦味道更有層次。🍺啤酒喝到飽日本A4+和牛饕宴 及 澳洲M8和牛宴：包兩款啤酒無限續杯🍻SRF極黑牛餐，安平好康之選：每位 +$68 可任飲兩款啤酒🍻🌸 安平櫻花蝦飯有櫻花蝦、香蔥、海苔或秘製滷水汁可供配搭，可按個人口味調配拌飯。🥣 十二味醬專區超多款醬汁可供配搭，例如招牌🔹黃金醬，用新鮮蔬菜汁配上台灣麻醬，味道清新，並帶有蔬菜甜味。 🔹薑味可樂醬甜中帶辣，同肉類好夾。🔹五味醬係經典台式醬汁，酸甜層次分明。仲有全新限定嘅🔹香辣烤肉辣椒粉都值得試。…查看更多

🌿整體餐點都唔錯，好啱同朋友傾計聚餐～🍔香脆軟殼蟹芝士牛肉漢堡 $98見到menu就想試Home-Made Burger，牛肉係較為紮實，有咬口嘅口感，肉味好香濃。軟殼蟹脆身，鮮味同肉香幾夾。包亦夠鬆軟。🍟香脆薯條 +$25炸到好金黃酥脆。🍝溫泉蛋煙豬腩卡邦尼意大利麵 $108意粉口感彈牙，煙豬腩幾香，鹹香味道適中，醬汁creamy不膩，幾好食😋🥣加配餐湯（甘荀湯）及餐包 +$15湯有薑碎好特別，配合桃碎小餐包。🍗香脆雞翼 (3pcs) +$38雞翼外皮香脆，肉質鮮嫩，調味剛好，好食。☕️Hot Hazelnut Latte +$16味道好濃厚，香甜味幾出。☕️Hot Mocha +$16口感好濃帶點微苦。🥞日式宇治抹茶紅豆梳乎厘班戟（製作需時25mins以上） $118班戟輕柔綿密，紅豆甜得好滋味，加上面層cream 幾香，帶些抹茶香，好滿足嘅收尾。…查看更多

第一次食韓式串燒放題，有多款串燒及輕食，亦有幾十款韓國酒選擇。🍺啤啤小食放題🍻入座時間 每位收費 追加暢飲 1700~1745 $248 支裝/罐裝啤酒 1800~2030 $288 燒酒、米酒、手工啤酒 2030~2200 $268 $98/1位 2200~2300 $238 生啤$128/1位飲品種類真係好多，有生啤、啤酒🍺、燒酒🍶、米酒、红酒、韓式特飲🍹。亦有罐裝無酒精飲品，全部韓國入貨，有唔少款我覺得香港少見或者搵唔到嘅，幾特別。串燒小食款式都唔少：🔸肉類：五花腩、牛肋條粒、封門柳、牛仔骨、雞髀肉等。🔸海鮮：鰻魚、帆立貝、鳳尾蝦、小墨魚、八爪魚、鯖魚、三文魚、魷魚鬚等。🔸蔬菜：茄子、甜彩椒、南瓜、翠玉瓜、菇類等。🔹其他特色：蜂蜜年糕、魚糕、芝士午餐肉、豬大腸、火雞腎、牛舌、雞皮等。🔹輕食：辛辣麵、刀削麵、火辣雞炒麵🍗炸雞塊幾好食。另外有點幾喜歡就係，無論海鮮定肉串燒都會配啲蔬菜，所以整體唔會覺得食到好膩。🫘紅豆鯛魚燒好食，外層香脆，內餡甜甜地。餐廳亦有提供派對包場服務，有唔同娛樂設備，仲可以唱K添～🎤🎵…查看更多

餐點份量幾多，特別係升級套餐，食得幾滿足😋🍱海膽魚籽燒肉丼 $188一上枱已被賣相吸引，海膽同魚籽都不少，鮮味豐富。燒肉燒得帶少少焦香，飯亦吸收咗醬汁，整體口感好豐富，樣樣想食嘅都包含其中，好令人滿足👍🏻🥩橫膈膜腹肉 300g，$288份量比我預期多，肉質鮮厚綿密，油脂分布均勻，可以燒到喜好嘅熟度。依款肉嘅脂肪唔會好多，肉味幾濃郁，亦幾多肉汁！🤤✨自選套餐+$32 ✨可選三項，我覺得好抵加！🍚升級大碗紫菜飯，日本溫泉蛋 +$12真係超大碗😂面層紫菜、醬汁、再加溫泉蛋汁攪拌後好食，食到後面得返白飯，再加些醬汁就更好。🍟薯條份量都好多，可惜唔太夠脆。🍺威士忌梳打Highball (跟餐+48)酒味唔算濃，冰凍爽口。🍇巨峰提子梳打好香提子味，甜得嚟唔會好死甜，幾好飲。🫔鵝肝多士 $88鵝肝脂油好香，口感軟綿，多士夠脆身，好食。…查看更多