Jackie2的個人專頁

不知所謂！啲飯生米又唔熱湯又係唔熱可以一啖飲晒嘅溫度，滑蛋粟米魚柳又係凍嘅，嗰個吉列豚肉我太太淨係食咗嗰件好硬嘅豬扒都係凍嘅飯又係生米！係咪依輪天氣熱驚啲客食唔到所以出啲凍嘢俾人食呀！你哋知唔知道而家有好多人食一餐飯都要諗過度過，一餐晚餐對一家人來講幾緊要，但係去到你哋大快活真係不知所謂，成份餐食到天一半地一半，係揼咗，係浪費啊！但係真係食唔到，揼飯喎！我都驚折墮，你哋舖頭啲大廚同啲經理喺度做乜嘢㗎，區域經理有冇去睇場呀！睇吓啲嘢啦師傅起碼都要熟吖！熟嘅熱飯熱餸都做唔到唔好做啦！大快活嘅晚餐我真係第一次嚟食但係一定一定一定唔會再嚟！不過老實嘅其他夥計係冇問題服務都好好禮貌但係出品就真係⋯⋯不知所謂！…查看更多

好耐冇用好好食嚟形容麥當勞啲食物，現在好多分店啲食物keep得好差包硬薯條凍，但今日下午喺紅磡站麥當勞食出驚喜，Big Mac meal 加 Mac Spicy Chicken 一個軟熟有熱度嘅巨無霸，新鮮脆卜卜嘅薯條，連依個麥芝鷄包都係熱嘅，好軟身，同啲餡料都係夠溫度，冷門產品都可以keep得噤好，真係好耐冇食過啦，巨無霸生菜脆口，牛肉唔係硬晒。係值得讚嘅。希望其他分店都可以做出水凖。好飽好開心，多謝紅磡麥當勞團隊。…查看更多