大胃學生哥的個人專頁

一黎到門口, Reception 問就已經話近魚缸位full 左要等, 坐遠少少就唔駛等! 咁ok啦! 都只係為左食!入到去, 正如之前好有人講過咁 有三分二係空位. 睇黎係出面等位的真係只為魚缸!環境是絕對一流的! 可惜.. ..好明白水有收費與唔收費, 但女朋友order左兩次, 兩個服務員都完全無左回事, 等左25分鐘, 我地連食物都叫埋, 再叫第三次有少少火同佢講: "我地已經order左第三次要兩杯水, 到依家都未有!" 個女服務員只講左一句, "兩杯水? ok!" 咁就走左去! ok~ 你地少人做野, 場好大. ok 我接受你!食物價錢, 以佢食物價錢, 點都唔會太差掛, 一心因為自己生日, 第一次係Ocean Park 入餐廳食咁豪. 叫左一個$180 幾Kid's Meal, 一個$98 沙津, 一個soup, 一個拉面.食物都好快上, soup 同個salad 都ok! 最大問題係個拉面 同個 kid's meal 囉!一個$89 拉面, 出前一丁都不如, 入面竟然又可以一粒栗米都無! 都算啦! 拉面入面仲有蟹柳, 你估唔到一個$89 拉面的蟹柳係俾百佳牌急凍蟹柳你食. 點解我會知? 因為佢連煮都煮唔夠火侯, 一睇就睇到佢係急凍蟹柳條! 多謝晒!Kid's meal, 明明呢個沙津同正價沙津係同一樣野, 我唔明白點解細佬個份會係一d都唔凍囉! 下? 唔凍沙津我都係第一次食!個飯同我食大牌檔還要差! 想點呀?算! 生日好日子, 到埋單先最大件事!叫一個後生女埋單, 佢攞住好多野, 背對我地用手揚一揚, 下意識佢咁係應左我啦掛! 你背對我又唔出聲唔緊要, 你攞住咁多野, ok!佢之後係我地面前經過左兩次, 過左20分鐘, 無人埋過單! 我地叫返佢過黎.. ..女朋友: 你叫咩名呀?女服務員: .. .. ..女朋友: or~ xxx , 麻煩叫你manager 黎呀!女服務員: .. .. .. ..第一次, 我見到佢呆左加O咀, 之後無出聲走左去!下? 咁即係點呀? 茶餐廳都唔會咁啦! 仲要係香港最出名主題樂園新餐廳發生.. ..會唔會太過份呀?環境的確係好好, 可惜, 大陸人&細佬之多, 極之嘈, 根本唔係一個好的地方食野! 之前三個comment 都係話讚! 我想請呢三位自費入去睇一次, 同你地free 乒去人地做show 咁做真係天與地!!差到無得再差!!!!!!!!!!!!…查看更多

事前一日已經訂了位, 而且好好的服務, 打電話去時雖然先由一個無咩禮貌的阿姐聽電話, 估佢應該唔係負責訂位的, 所以佢叫我5分鐘後再打去! 可能已經遲左訂位, 服務員話未必有window 位, 但佢都仍話會mark低到時睇情況.去到時, 我都未問有無window位, 佢已經帶左我去window位~ 呢個真係要讚!!! 自上年日本地震之後, 上年呢個時候都是一班朋友去呢間野慶生日, 今年不同我地方就是多人左好多!食物方面 睇左之前的comment, 個人黎講都幾驚訝! 佢d 刺身 係有時可能唔夠凍, 但呢間野有好好的服務及服務員, 只要你叫佢俾凍d, 佢一定做到俾你!食物份量方面, 真係個個唔同. 無錯! 佢地有時.. ..應該話好多時都會漏單, 但係, 反正都係放題姐! 你再叫佢又唔會收多你錢, 唔叫又唔會收少你錢! 而且人地真係好忙, 我一班朋友都覺得問題不大呀!至好就係無限時! 就算佢有漏, 再叫都仲有大把時間. 一班朋友中有人話刺身太厚, 又有話唔夠厚, 我就覺得ok啦! 反正係放題不限時, 食厚d, 咪坐下等下再食囉!不過, 可惜~ 人多了! Toilet 亦唔夠clean 了! 上年黎係好好的.. ..但出左名, 人多左.. ..唔得啦!最抵讚係服務, 真係唔講得笑~ 個個都好後生, 但個個都好好禮貌! 而且睇到佢地好努力工作! 十個讚!總括而言, 食物水準一分錢一分貨, 聽講9月會轉menu, 到時會再多d食物選擇. 下一年的生日飯仍然會到!…查看更多

是日幫襯晚市時間的! 睇過食評, 見好少人俾過comment, 而且俾的唔係Good 就係 Ok~ 都真係幾好的一間日食 (似乎.. ..>.<)因為唔知人多唔多的關係, 所以我係打左電話去book 位的!1940 左右到達餐廳, 竟然一個客人都沒有, 都幾嚇人! 因為之前的食評推介蛋包飯, 所以決定一試! 兩個人叫左一客刺身, 佢地服務都真係好好又好nice, 佢推介是日精選吞拿魚, 價錢係比我想像中貴, 不過都要一試! 試完都覺得好抵! 因為佢D刺身是絕對的厚身, 而且肥美, 可以感受到人地講個d 入口會溶的感覺!!!因為朋友唔餓, 所以另外只叫左一個蟹子沙律 & 蛋包飯!蟹子沙律 ---- 樣貌同普遍餐廳無咩分別, 不過, 佢d 沙律將唔係一般的沙律將, 個份量剛剛好, 唔太多, 亦唔太少, 而且食入口完全唔覺得唔好食. 再者佢d 青瓜刀工一流, 菜亦都好爽好甜!最後上場的就是蛋包飯~ 而且附送味噌湯! 朋友從來都不愛味噌湯的! 但眼見蟹子沙律 & 蛋包飯的驚喜所以都一試, 而且是一試不能停! 蛋包飯 ---- 就正如之前的食評~ 大讚! 絕對是有心之作! 就算我兩已經好飽, 但仍然是清晒的!!!! 細心的地方是, 食完所有野, 餐廳仍然只得四-五個客人, 所以都可以慢慢傾計, 而且服務員仲俾過另外兩杯熱茶我地, 拎走左兩杯已經凍晒的茶~~~~ 太好了吧!!!!!!價錢是貴少少, 不過換來一流的食物及服務, 都是值得的! 最適合情侶!!!…查看更多

我自己已經有好多年無去過lAMMA iSLAND啦! 是次係同tAI pEI的朋友到訪! 同之前d 人一樣啦~ 天虹tOO expensive啦! 所以到訪"世外桃源"~ 而且我都好欣賞佢地好誠懇的服務態度, 重點係同外籍人士都可以溝通到囉!!!!!!! 勁~~~~ 有hEART呀!!當日係星期六~ 我地一行十一人, 點左八樣海鮮~ 第 1 : 白灼海蝦 , 好新鮮, 又大隻, 又多膏 , 又甜~~第 2 : 牛油龍蝦 , 雖然唔係原隻原貌上 (賣相唔得), 勝在出晒味, 而且唔係好油!!第 3 : 白灼墨魚 , 好新鮮, 又甜~~ 唔知道仲可以點形容.. 第 4 : 炸子雞 , 雖然唔係海鮮, 但技術一流~ 雖然已經好飽.. .. 但都差唔多清晒!!第 5 : 粉絲蒜蓉蒸象拔丰 , 無得頂呀! 係西貢食得多, 但都係呢度好食好多好多~~第 6 : 清蒸花櫻斑 , 有得讚, 無得彈.. .. 全隻cLEAR aGAIN~~第 7 : 豉椒聖子 , 好新鮮, 又甜~~ 但唔太夠火喉~第 8 : 椒鹽賴尿蝦 , 最最最最正的一個~~~~~~~~ 呢度仲有一個好~~~ 就係佢的上荼時間好好~ 一個完另一個再上~~真的極力推介!!!!!! …查看更多

昨日下午同女朋友去食ｌｕｎｃｈ～由始至終扒王之王的服務唔太好，但勝在食物大件抵食！時間大約１３：００左右，入到去係門口企左半分鐘才有一意識到有客～入到去都只得三台客，感覺已經似入左黑店～個待應俾左個ｍｅｎｕ我地，不過就好奇怪ｍｅｎｕ只有ｓｅｔ　ｌｕｎｃｈ，但以我印象個ｍｅｎｕ應該係好靚的！我唔知點解係酒店內的ｒｅｓｔｕａｒｎｔ可以咁～叫左兩個ｓｅｔ　ｌｕｎｃｈ～又好奇怪．．個ｍｅｎｕ無話會落咩汁，問個待應又話一般會落蒜汁．．．下．．．一般？！個湯係好快上，可惜好戲在後頭．．．先上女朋友的牛扒，女朋友一食已經話有腥味～我食落都食到有腥味，最大問題係唔係血腥而係魚腥囉～　叫個經理黎同佢\\\講．．　竟然可以係呆左唔出聲囉～　呆左半分鐘就話可能係ｄ汁令我地覺得腥同我地換．．．汁同扒分開上～之後到我個雞扒．．．真係唔知發生咩事．．．一件大約只有１０ｃｍ　ｘ　１０ｃｍ的雞扒賣＄５１．．．好戲出場，女朋友的牛扒返黎！但有一件是原本個件，另一件竟然做左豬扒，問個待應佢\\\都話係豬扒，經理又竟然話係牛扒，我同女朋友都用眼睇得出，而且食過都知道分別～個經理竟然好大聲話：我係專業的！．．．咁一係我再同你換另一件！令人最莫名其妙係．．由始至終個經理態度，語氣都好有問題，而且我地一句唔好意思／對唔住都無聽過囉！今時今日咁ｇｅｉ服務態度！ＢＬＡＣＫ　ＬＩＳＴ～～～…查看更多

菜肉雲吞麪 $16 啲皮厚咗少少, 不過好多汁~又大碗, 食唔晒的....鍋貼$6 @3隻皮脆,料正, 汁多, 肉鮮!!上海粗炒$20 炒得好均勻, 夠煱氣, 不過少咗少少餸... 好似細細碟, 不過份量剛剛好~豆漿$3 跟麫價有豆味... 唔太甜, 又抵飲...good!!抵讚!服務合格, 不俗.環境不似傳統上海店, 好似啲食物連鎖店咁, 光線充足, 乾淨衞生.…查看更多