CimanCheng的個人專頁

超抵日本一人燒肉體驗，上個星期一家四口去食RUD，大人細路仔都食得好開心，又平又抵食，最平$58就可以有一個餐☺️，鋪頭採用先進無煙烤爐及抽氣系統，咁就唔怕食完成身臭崩崩啦😆黃大仙店最近裝修重開，近近地就帶佢哋去食下，牆上有富有日本文化的彩色壁畫插圖，打卡一流👍，今次係我哋第一次帶🐣旦旦同嵐嵐🐶去食日式燒肉，正確啲來講，係第一次比佢哋參與自己燒嘅過程，小朋友坐嘅位同爐都有一段距離，而且佢地都大個左，媽媽都比佢哋參與下，佢哋又食又玩，開心到不得了❤️…查看更多

上個星期襯送哂啲馬騮仔返學，就同爸爸去食個舒適嘅午餐😌，今次就去咗中環食得特別啲，比我地行行下搵到歌賦街嘅魚蝦蟹🐠🦐🦀，一見個名就覺得玩味十足，就入去試下😋餐廳入面走日系簡約風，感覺好悠閒，黎放鬆下啱哂，我同爸爸一人叫左一個set，可以大家試吓唔同嘅嘢ma 😆我就叫左巨型海蝦🦐湯麵，爸爸就叫咗酸菜魚🐠湯麵，一上係日式嘅擺盤💗，除咗主食之外，仲有3個小前菜同水果🍊，包括煙肉炒飯菜、梅酒花雕浸去皮蕃茄，同醃青瓜。至於主角，巨型海蝦湯麵🍜，麵入面隻蝦真係有手掌✋咁大隻😍，除咗蝦之外，仲有魚肉塊同溏心蛋，湯底有濃濃嘅蝦味，鮮味十足，至於酸菜魚湯麵，一道招牌菜酸菜魚湯，它散發著酸香的氣味，魚味濃郁。值得一提的是，佢哋嘅酸菜魚湯完全使用魚湯製成👍，兩款面入面嘅配料都好豐富，有甜粟米粒、同我最愛嘅木耳絲😍另外，我地仲點左個佢哋新嘅小食～鮮濃蝦汁燒賣，好似好奇怪嘅配搭，但異常地夾，上面仲有蝦片碎，食落去無論味道定口感都好正，我同爸爸都大讚🫶🏻…查看更多

上星期送完兩個小寶貝返學之後，我同爸爸就偷咗啲時間去食個午餐❤️，平時我自己一個人，送完返學都係返屋企快食。今次同爸爸去左食我最鍾意嘅韓國🇰🇷菜，MW Korea House佢真係好有係韓國食嘅味道，佢個Kimchi真係超好食，據知佢哋所有醬料都係佢哋老闆娘自己做🫶🏻。五花腩Gimbap🐽入面有蛋絲、醃蘿蔔、紅蘿蔔絲等配料，卷得好實淨，唔會一夾起就散晒👍芝士煎雞蛋🧀超多芝士，一夾係可以拉絲嫁🤤，仲要超大份，食完超滿足，但都有少少🤏罪惡感，但美食當前，無計埋😂辣海鮮豆腐湯🌶️個海鮮湯嘅辣味完全係我嘅辣度，即刻心心眼左🤭，入面仲有蝦同蜆，仲有一啲蔬菜，全部都好入味同鮮甜，店員仲超細心，上嘅時候提我哋記得撈好隻蛋先食😍韓式炸雞🍗佢哋嘅炸雞全部都係無骨嫁，咬落去淡淡都係肉，亦炸到外脆内滑，好juicy，仲有個醬汁係另上，可以自己決定加幾多，超貼心🫶🏻飲品方面，我哋叫左士多啤梨牛奶沙冰🍓同香蕉牛奶沙冰🍌，除咗好打卡able，仲好好飲，食完辣嘢，飲返啖甜甜冰涼嘅沙冰，真係好正😙…查看更多

呢排天氣熱辣辣，想食得輕啲健康啲，大人小朋友又都啱食嘅嘢，有啲咩好揀呢？Pizza Hut最新就推出咗全新嘅升級沙律🥗吧，平時沙律🥗多數都係得d菜呀同粟米🌽咁，今次Pizza Hut嘅就好唔同喇，有粒粒脆卜卜嘅麵包粒，又有香濃嘅Cream Chesse😋，仲有嵐嵐最鍾意嘅彩虹🌈啫喱糖，簡直係顛覆沙律的傳統定義，令沙律不再被侷限於傳統只有綠色蔬菜醬汁的配搭!依家我哋只需 $48 點選沙律吧就可以享用18款滋味食材及開胃醬汁，另外仲可以$22加配香煎帆立貝(3件) ，或橄欖油大蝦🍤(6件) ，或蒜香魷魚圈🦑(6件)，令碗中沙律更與別不同，加入海鮮嘅滋味。我同弟弟今次同朋友仔一齊去食，除咗沙律吧🥗嘅每款菜式都有落到🤭，而醬汁方面我地就揀咗凱撒沙律醬，仲鋪咗煙肉粒係面，滿滿嘅一座沙律山🫶🏻，我哋仲加咗橄欖油大蝦🍤同蒜香魷魚圈🦑，小朋友可以完全根據自己個人喜好同食量去加入不同份量嘅食材，打造自己專屬沙律🥗，大家都快啲約埋好朋友一齊去10間指定分店食全新升級沙律吧，食個健康輕鬆嘅晚餐啦❤️#PizzaHutHK #沙律吧 #任你反轉沙律定義 #18款食材任你反 @pizzahut.hk…查看更多

個仔同女兩個返學學左假日遊香港🇭🇰，係介紹香港唔同嘅地方，其中一個就係太平山頂，所以今個暑假，我哋都酷熱遊香港🫠，我哋揀咗坐山頂纜車🚠上山，一落車就係凌霄閣，本身諗住上凌霄閣摩天台426，但實在太熱，所以決定去阿甘蝦餐廳食住嘢嘆住冷氣咁睇景🤭，我哋去到嘅時候係2:45左右，職員話有部份位置3:30就關閉，佢見我哋有2個小朋友同行，就話最遲可以45分走，真係好好人，好窩心，但最終我哋3:29分就走左喇🫶🏻餐廳明文規定每位客人需至少點一份食物，5歲以下就豁免，因為弟弟未夠歲數，我哋又食左午餐，所以我哋就叫左兩份甜品，一份暖朱古力曲奇🍪新地，同朱古力布朗尼，同一個阿「甘」美國拼盤，兩個甜品都好正，個布朗尼超軟綿綿，入口溶化👍，朱古力曲奇新地，面嘅雪糕係雲呢拿味，阿甘拼盤嘅炸蝦🍤同魷魚圈我最鍾意❤️大人小朋友都食得好開心，最重要係坐到窗邊，打到卡🫶🏻…查看更多

生日月搵個藉口同朋友去食下嘢，今次就揀左SOHO嘅KANATA串燒居酒屋，鋪頭內設計都幾型格，當日我地兩個女仔去被安排二人枱，如果張枱大啲就好喇，因為叫完嘢食，張枱真係放電話嘅位都冇😆。串燒種類都算多，個人鍾情燒飯團🍙，覺得好食嘅，當晚sake仲做緊買一送一優惠，買大送大，買細送細，超抵，我哋兩個就叫左枝細嘅☺️，相影得唔多，因為一來枱太細，二來一路叫一路上，就一路食，所以冇特別等影相📸️，影完一round就冇影，因為其實都冇咩擺盤，係就咁夾上黎枱面嘅碟，但食物係好食嘅👍…查看更多

第一個冇疫情嘅暑假就緊係要帶小朋友周圍去玩去食啦🫶🏻，上星期去完澳門🇲🇴返黎，就係上環新開嘅KIN食埋個午餐加下午茶先返屋企啦我哋就叫咗泰國米芝蓮推薦嘅Sri Trat Curry Bar烤紅咖哩配燒豬肩肉飯，係今年KIN引入香港🇭🇰，咁就唔使去泰國🇹🇭都食到，另一個亦都係米芝蓮菜式，就係黎自澳門🇲🇴嘅兩姊妹招牌麻辣雞肉涼皮，大熱天時，食個撈涼皮真係最正👍帶住小朋友，除咗主菜就緊係要食甜品啦，佢哋純素朱古力蛋糕配杏仁脆片，佢哋用高品質的純素巧克力和天然甜味劑製成，朱古力🍫味好濃郁，呀女食到停唔到口😋，另外佢哋杯士多啤梨🍓抹茶拿鐵☕️真係好特別，係由士多啤梨 、奶油牛奶和抹茶組成，酸酸甜甜，女生都一定好鍾意☺️…查看更多

趁暑假同小朋友快閃澳門，行下街食下嘢，小朋友嘅最愛就緊係雪糕🍦，我哋就帶埋佢哋去食意大利手拉雪糕，因為佢已經連續好多年拎到米芝蓮，咁緊係要試下啦😋，佢$30/1球、$40/2球，$50/3球，我地就買左3個2球，味道選擇都好多，要排隊，我哋大概排左10分鐘，食左藍莓🫐乳酪、士多啤梨乳酪、金莎朱古力、彩虹🌈、檸檬車露同益力多味，最正係金莎朱古力同檸檬車露，不過店舖得8個位，天氣太熱，溶得好快，小朋友食到污污糟糟🤭🤭…查看更多

放暑假除左玩盡佢，就緊係食盡佢啦🤭，加上呀女🐣入都心儀嘅小學，點可以唔慶祝一下呢☺️今次我哋就揀左帝逸酒店嘅Alva House喇，暑假佢哋就推出全新泰．韓滋味海鮮自助晚餐，連泰國🇹🇭旅遊達人胡慧沖都勁推薦，就好似泰式牛肉沙律、泰式烤魚、泰式青咖喱鴨肉、同泰式黃咖喱雞肉，仲有我最鍾意嘅串燒，真係食到停唔到口😋，除咗泰菜又點少得韓國🇰🇷菜啦，兩個小朋友最鍾意食嘅就係韓式炸雞🍗，爸爸就就大愛韓式人蔘雞😍，仲有經典嘅韓式拌飯同泡菜炒年糕都超正❤️其實Alva House食物嘅種類都確實好多，除咗泰韓風味之外，其實中、西、日嘅菜式都有，仲有不停refill嘅海鮮🦞bar、即開生蠔🦪、香煎鵝肝、中式片皮鴨🦆、各式火腿芝士🧀，仲有爐端燒同天婦羅🍤，真係應有盡有，食到捧住個肚🤭食完正餐緊係要拎返個甜品胃出嚟啦😆，除咗各式甜品🍮外，佢個芒果糯米飯真係好有去咗泰國嘅感覺，我同小朋友都最驚喜嘅就係有Gelto，有👩🏻媽媽同弟弟鍾情榴連、🐣就鍾意韓國🇰🇷香桃味，爸爸👨🏻就最欣賞椰子味🍨，另外，韓國香桃希臘乳酪撻真係一試便愛上😋你以為自助餐即係食咁簡單？咁就錯喇，今次真係食自助餐食得最盡興嘅一次，皆因Alva House正舉行緊夏「逸」盛典，有5個好玩又開心嘅攤位遊戲包括電流急急棒⚡️、歡樂彩虹谷🌈、棒球九宮⚾️、圈住玻璃樽，而最重頭戲嘅緊係2米高嘅充氣成堡啦🎪，贏咗仲可以換小禮物🎁，搞到爸爸媽媽都玩得勁興奮😆…查看更多

我哋一家就去左翡翠拉麵小籠包做節，今次就揀咗新春賀年如意套餐嘅迎春接福宴，由前菜到甜品總共有10個餸，寓意十全十美 ，真係一家大細都食到飽飽 前菜有火腿烤雙方、雞絲粉皮同花雕醉雞，黎到翡翠拉麵小籠包，又點可以唔食佢哋嘅小籠包呢，迎春接福宴入面就有黑虎掌小籠包，入面湯汁滿滿，肉餡粒粒肉質肥厚的黑虎掌，仲有菇菌香味。 食完前菜，就上左好足料嘅花膠雲吞雞湯，每人一盅，入面有大大舊花膠，一大粒雲吞，仲有雞，湯味鮮甜，飲完即刻有一股暖意。 主菜我哋揀左黃金蝦球鍋巴，大蝦 啖啖肉，加埋鹹蛋黃一齊炸，香噴噴又脆口，小朋友食到停唔到口 ，另外仲揀左滬式蔥油雞 同椒麻酸菜魚 ，再配上金銀蛋浸時蔬 ，最後仲有八寶飯做甜品 結尾，真係好完滿 ，依家凡堂食或外賣消費即送日曆卡同揮春，食滿$300更再送一套利是封 臨走前我哋仲買埋賀歲年糕禮盒返屋企，賀年禮盒入面有一鹹一甜兩款糕點 ，非常貼心，真係送禮自用都好啱 ，我哋就揀左瑤柱蘿蔔糕同日本十勝紅豆糕，全部100%香港製造，當中蘿蔔糕含有超過50%厚切蘿蔔絲，夠哂啖啖真材實料！大人細路都鍾意 ，依家係翡翠會員，或者有匯豐信用卡 都會有折扣優惠。 …查看更多

今次我地叫左紋牛肋骨煲、水冷麵、人蔘雞湯同埋我最鍾意嘅韓式炒年糕😋。不得不提佢地嘅其中一個皇牌，紋牛肋骨煲，個冬菇同牛肋骨都好淋同好入味，而且牛肋骨有好多肉汁，好juicy，而且好大件，真係一定要試。人蔘雞湯隻雞超滑，肉嫩到不得之了，原來係用50日嘅春雞整，肉滑得黎，啖啖肉，我哋今次諗住試多幾樣嘢，所以叫左半隻雞，但份量都唔少，2個人叫呢個份量都好夠。總括今次，啲嘢食好地道好好味，完全有當地嘅感覺，而且價錢都好抵，兩個人都係食到捧住個肚走，最後好值得一提係，員工服務好好，好嘅餐廳除咗食物之外，我覺得員工都係不可缺少嘅一環。老公話下次夜晚黎encore食燒肉😋…查看更多