yuki020的個人專頁

Lunch同班同事真係唔知食咩好，見到間上海野就諗住試下，叫咗3碟餸share 食，分別係豬扒擔擔麵、炒四季豆、魚香茄子。呢3碟餸除咗嗰四季豆正常之外，其他兩碟餸真係超難食。擔擔麵同平時食ge好唔到，冇咩花生味，不過味道都接受到，但嗰炸豬扒真係好難食，炸得又好唔脆，仲感覺好多粉🙄。嗰魚香茄子真係我有生之年食得最難食，d味道又甜又酸，有冇搞錯！乜宜家d魚香茄子係咁咩😑😑，好心嗰餐牌改糖醋茄子喇！！…查看更多

聽朋友介紹，就去咗食呢間拉麵。只能說大碗抵食，叫咗碗豬骨湯麵，d麵都幾有口感，但湯的味道可能食唔慣，覺得怪怪地，覺得調味粉味好重，有d似麵豉湯味，勉強可以接受下，但唔會話想食完又食。我今次嗌咗全部都係普通，但份量已經好多，食唔晒。可能我唔識欣賞嗰湯底，覺得麻麻，但未食過的人，都可以食下無妨。…查看更多

好耐冇食意粉屋，同朋友行街見附近有就入去食喇！嗌咗嗰set，將嗰湯轉咗酥皮龍蝦湯，覺得係意粉屋，呢個湯真心必點，因為嗰龍蝦味好濃郁，但又唔會過咗龍，再加埋酥皮，超好飲👍👍之後揀咗嗰辣肉腸飯，雖然嗰賣相唔係好靚，但嗰飯真係好好食，再揀埋嗰龍蝦天使麵，呢個麵就中伏喇！得嗰賣相靚，一d味道都冇，食幾啖已經唔想食😖，之後叫咗兩杯野飲，味道一般，冇咩特別。…查看更多

覺得香港已經好少有咁抵食的食物，一碗雲吞麵$18，味道我覺得唔錯，不過不失，雲吞夠大粒，係平民之選。加了少少辣椒油，覺得間鋪頭d辣椒油超辣，可以唔洗加都得。最後叫咗杯雞骨草來飲。成間鋪頭比我感覺好香港地道的粥粉麵舖，吖姐講野唔鹹唔淡，又大聲又有禮貌，仲要有埋涼茶飲，可以再試…查看更多

上個禮拜約左朋友係銅鑼灣，朋友一來到就話好肚餓，想買野食，問我知唔知附近開左間新嘅小食店，佢公司d嘴刁姐姐個個食完都話超好食，我話剩係知開左間渣哥，但我未食過。之後佢好開心捉住我，話就係呢間喇！😍陪我一齊搵佢。睇到朋友咁想食嘅樣，搞到我都好試下，於是就開始左尋找渣哥之旅，幾經辛苦先搵到渣哥(原諒我係一個路痴😢）買左豆漿，腸粉同一口腸😋😋1.豆漿比出面更加有豆香同質感，可惜只有凍豆漿冇熱豆漿2.腸粉超香滑，唔會好粉，入口QQ地，真係超好食，魚蛋都好彈牙😊😊，超級值得推介3.第一次食腸仔要加蒜頭，但搭配起來真係好好食，有種刺激嘅感覺，係一個好好嘅新嘗試，下次經過會再買✨✨✨覺得渣哥係經過銅鑼灣必食嘅小食店，可惜得銅鑼灣先有，希望將來越做越大，開多d分店，到時就隨時買到來食😌😊…查看更多