GT1668的個人專頁

之前有食開呢間韓國菜館都好幾年.一直覺得值哋買嘅梳子蟹真係有一手.第二間經常遇到中伏.少蟹膏.唔夠新鮮樣樣齊.但呢間一路都keep到.上兩星期想食.點知話裝修.等咗兩星期終於再來.發現多咗一个醬油蟹任食餐468一位.作為一個蟹精自然要試下！首先限時90分鐘.食剩食物罰100.但係就先局你食甚麼泡菜薄餅.炒年糕.辣蟹.炒粉絲.蟹湯.紫菜飯.塞飽你一半.第一碟四隻醬油蟹一般正正常常.但感覺上蟹比之前單點細咗兩個碼.蟹膏都比之前少咗少少.但都合格！收貨.第二round蟹就嚟料！首先再無蟹蓋！第二蟹膏極少.幾乎無！只能食蟹肉！追問店員.就話第二碟開始嘅蟹係咁咖喇！唔會再有蟹蓋.然後就自動行開！個人覺得有被騙感覺！咁就唔係放題任食啦！你開得個盆口係你哋醬油蟹任食.但竟然第一碟50分第二碟就得返10分！絕對唔合格！大佬埋單都$1107.唔算平.食自助餐都可以啦！做到咁少家就唔好話任食啦！…查看更多

利申，曾經幫趁過杭州店，6年亦幫趁過此店，絕對無問題，於是早一星期已經訂位，一進入大門攞位，就有一個身穿西裝嘅男人用很不屑的語氣話帶他去2號枱，我們莫明其妙的，第一次見面，無得罪佢，唔明白為何有這種態度。食物水平十分之普通，如一般屋村酒樓，但卻收尖沙咀價錢！食套餐，花膠薄如紙，鮑魚算細隻，人參湯淡如水。焗蟹蓋無蟹肉，只有蟹柳絲，有一味紫紗白玉，豆腐無味，連豆味都無。蟹粉小籠包蟹味其淡。唯一可以一讚係甜品，椰子雪粑。（應該係買返嚟）最最最差係服務，侍應們像游魂，自己傾計傾個不停，要牙簽，攞左出嚟，不過隨手放咗落隔離枱。開始等左二十分鐘無嘢上，一上第一樣野之後同時嚟鲍魚同小籠包，咁自然先食鮑魚，要求侍應留低籠仔個蓋保溫。五分鐘後一個疑似經理操內地口音嘅女士，無釐頭走嚟打開蓋，我哋一齊望向佢，佢竟話睇吓你哋食咗未？如果食咗就收走。完全不合格的低水平啦！如果食咗就會打開蓋.等你收啦！PS 張枱相當大，完全無必要急於收碟。結論：一班完全唔合資格嘅樓面侍應，隨意地，胡亂地招呼，使食客啼笑皆非。個人就絕對唔會再幫趁！是見到facexxxxx 內廣告才決定一試，結果非常失望，徹底破壞咗一餐節日午飯！如果評分有負分，呢間應該係負五星！…查看更多

第二次黎，第一次OK，不錯。但相信不會有下次了！訂位7：00，早5分鐘到，不需要等。入座後立即點刺身併盤最貴的一種（不算寒酸吧？）西京燒銀雪魚，生啤兩杯。五分鐘後加多一個沙律。40分鐘後刺身併盤先到，問侍應為何沙律比刺身併盤遲？答案係：你地叫刺身先，所以黎先？（莫明其妙）銀雪魚都到，魚皮煎到“火農”曬呈現黑色，仲係有三分二無左魚皮，最不明白點解有汁？水汪汪？本人食過好多間，從未見過！叫侍應問，佢第一句即話，我換過碟比你，點知一出房隔住度門話，不如取消，我當然取消啦！講到咁。呢個時候沙律終於到，足足45分鐘以上！沙律水平一般，都係水汪汪！侍應態度莫明其妙的黑面，自問沒有得罪佢。…查看更多