嘩嘩嘩的個人專頁

很久沒去過打邊爐了，因為之前新聞說打邊爐的一家人有人確診肺炎了，我雖不認為有關，但也認為避一避好d。眼見牛一的會員的生日電子現金贈券就到期了，就和家人去把它用了吧！現在入座都不用排隊，三人也被安排到卡位，很闊落舒適，人少也有人少的好處。為了防疫及衛生點，就把食物及醬料都加上蓋，事實這樣做心理上會比較安心!選了180的中價牛，第一碟好靚，脂肪分佈均勻，軟滑，但第二碟跟之後3碟都偏瘦，較硬，但跟侍應反映後，就轉換跟第一碟一樣的了，讚!這間食咁多年都仲係好抵食，老人又有優惠，性價比高，如可堅持得住，以後仍會繼續支持的!…查看更多

與朋友到銅鑼灣購物，又在經常作為本人參考指標的openrice找餐廳，就找到一間好多人讚的岩鹽，去到等左成個鐘，因為真係勁多人等位。45分鐘後，被安排去2人枱，真係幾細張，但因為有好多野想食，所以就一次過點了。首先叫左一客海膽，雖然細片，但都幾鮮甜。再叫蟹味甲羅燒伴法包，好重蟹膏味，唔會咸，價錢適中。再點了一客稍為平價d既三文魚親子丼，雖然相對平，但質素不錯! 仲附上三小碟! 見到有限定的極饌壽司烏冬定食，三百幾，好似幾貴，但因為限定，怕下次會無左，所以決定點。成排寿司12件，一字型排開，加上沙律、烏冬(仲加左條炸蝦天婦羅，有心思!)、面鼓湯、漬物，好靚，豐富!寿司上的刺身好新鮮，肉質甜美，不是下價刺身，寿司飯不會一夾就散，有飯香，烏冬煙靭好有咬口，湯底清甜。剛食的時候，因為想對下食緊咩寿司，對對下就發覺唔見左一件蝦刺身寿司，好彩有影低餐牌同食物啫相啫! 侍應對照後都迅速補回!全枱食物來晒，真係唔夠擺，侍應就好醒咁拍埋隔離張2人枱比我，服務good!埋單時仲送左哈根達斯雪糕! 其他日本餐好少會咁識做! 讚! 整體來說，性格比高!…查看更多

現在逢星期五，洲際在網上商店購買6折晚市自助餐，那時候購買自助餐券，真的便宜很多。食物有水準，款式多樣化，而且侍應服務態度很友善、積極。環境亦很讚，全視野的大玻璃，維港景緻盡收眼底，邊看維港的日與夜邊進餐，簡直是賞心樂事!昨晚是婦女節，食物款式與我2星期前的星期六食過的差不多，是有一點點改變了，例如鮑魚蒸蛋變鮑魚糯米飯，雖只是一點點，但已非常飽的情況下，連飯同食，變得非常飽。鴨肝煎得香口，放了一小片菠蘿，nice!雪場蟹腳鮮甜，不是間間自助餐都有提供呢!鮑魚雖小但鮮甜，可惜香草羊架及燒牛肉看似很美味，但食落非常靭，不知是否太生還是肉質問題呢！炸蝦天婦羅，熱辣辣，皮脆又薄，高質!現在做買2送1，總的來說，$660/人，性價比高!…查看更多

最近食了很多酒店自助餐，想轉清清地的日本餐轉下口味，見到openrice的食評，評價不錯，都參考了相中的餐牌內容及價錢，想著慶生，選間貴得黎食評又不錯的餐廳吧。首先點了甲羅燒，有卓頭，店員會在你面前幫你燒，可惜燒的時候，見到女待應木口木面兼有點黑面，就想著不如自己燒好過。燒左好耐，見到有d燶佢先起，試了一口制成品，偏咸，沒岩鹽好味，仲要貴d……再點了刺身5盛，三文魚腩，正常水準，性價比低。再點了一客265的大片海膽，及後侍應告知有新到日本海膽，更鮮甜，盛惠365，想著店員推薦就試下，誰不知與普通130一板普通日本海膽沒分別，性價比也低。帆立貝也要85一隻，與街市買回家蒸的那種鮮度差不多，貴!:(最後叫了金槍魚蓉丼，撈均後漿住晒d飯全餐埋單$1305，咁既價錢，普通質素，坐位又迫夾，只計食物、環境、價錢、服務 : 性價比真心低…………比去同區的洲際酒店自助晚餐，價錢更貴呢！…查看更多

今日放假就近近地落街到附近午膳，見食評d人都推介風車，最近又人禍又肺炎疫症，周圍都人心惶惶，餐廳、食市、酒樓都好慘，無乜人食飯，要白交貴租，所以都想支持下本地消費。叫左個紅酒牛腩薯菜餐同岩魚配法式香草汁薯菜，是日餐湯係南瓜湯，因為想試特別d既野，所以將二碗湯都加$15轉了龍蝦湯。龍蝦湯味濃郁，雖然一丁點龍蝦肉碎都沒有，加$15都差不多係咁既貨色了。(無跟湯餐包或多士。)主菜友人話佢碟牛腩無乜味，我叫的煎魚就不錯，魚皮煎得脆，汁就單一d，白汁忌廉加香草咁，味道都ok既。薯塊炸得香口，整體不錯，咁我諗應該比牛腩好食。餐飲 (我食到1/3侍應已問我飲乜，可能以為我食1個鐘就返公司卦) 轉左爆谷咖啡(加$10)，爆谷味不算特出(相比澳門的蜂大就爆谷咪味出好多又唔算甜)，但杯咖啡好甜，唔知點解落唔夠爆谷糖水都會甜成咁。朋友點了跟餐的普通凍咖啡，又話無乜味喎總數$188，大圍午餐來說，屬於中價。環境不錯，不趕客，不嘈雜。可以番頭食!…查看更多

昨晚去慶生，第一時間想到的就是洲際同普慶了。一間出名景靚，一間出名海鮮新鮮，食物款式多。睇了好多youtube影片都介紹普慶自助餐的海鮮款式多，新鮮，又有生蠔，所以就選擇了普慶。因為未去過個度，第一眼以為係酒店租出去的food court，因佢地d擺位一D都唔似酒店餐廳，收費$700但一d都無高檔的感覺，算了。刺身擺盤靚，但三文魚食落唔新鮮，有變壞既味。生蠔，無乜蠔味，只有少少甜味，我平時都食一打以上的，昨晚為左回本，免強食左6隻就放棄了。諗住個個都讚既龍蝦應該會ok啦，點知一d味都無! 其他全部回唔到本既熱食款式少，甜品又唔掂，連突登通知食客去攞的火焰雪山(甜到嘔)同片皮鴨(非常油)都難食過人! 食洲際起碼有景，都唔駛1400。呢度? 乜都無!……如果呢排少人食不如先停業，好過出d咁既貨色比客人! 做衰自己間酒店!我同朋友都無心機食，埋單1360，早知攞黎買口罩好過!…查看更多

因為臨時決定和朋友第二天一早到旺角睇戲，所以早一晚就book我在旺角經常會選擇午膳的sky726。我地12點到了，安排了最好view的窗邊4人枱，原來星期六是沒有午餐套餐的，叫餐牌上的食物滿400就有7折，但(+)錢的食物就不算在內，例如+$50變套餐就不算數了，相比起我平日去食午市套餐，真的貴了很多:(。我每次一定點豬鞍扒的，雖然是慢煮的，但因為有炭火烤過，變得很香很爽口，保持水準。另外叫了牛柳，比之前個次做得好，熟度剛好，很淋二塊扒剛好過400，有7折，折後350，但在平日已是套餐了。我們食了一小時多，一枱客也沒進來過，比著以前，一早已座滿了，我試過一樣也是星期六食，因太多食客，等出主菜等了1小時呢！現在只有我們一枱包場咁，希望佢可以堅持到香港再度繁榮吧!p.s. 呢個時勢，午市一碟扒218+48先可以變套餐既話，真的小貴了，其實索性連星期六，日都推套餐啦，收平番DD，D客好評，客又會多番DD，好過一枱客都無啦………查看更多

因為新城市廣場經常有反修例活動，地鐵又經常提早關閉 (昨天亦不例外，也是晚上8時就關閉了)，廣場內的餐廳很多也因為地鐵關閉而會提早關門，為謹慎起見，朋友就選擇遠離新城市的偉華中心作為晚膳的地點，方便之後行路回家。見到炑八韓烤可以訂位這麼方便，二話不說就決定訂枱了。見到餐單上有很多款式，睇得我眼花瞭亂，心想就選個最貴的拼盤應該會不錯吧!$895的韓牛夢幻餐，對他真有點幻想，可惜食落幻想有點破滅了, 有部份牛肉很細碎，好像肉絲一樣，也不軟淋。牛舌非常UN，咬到牙都掉了都未咬得開! 最好食的算是帶子及龍蝦了……接近1000元的一個餐也不包飲品(另外點了桃醋soda及檸檬soda,普通貨色)，服務也不是很好，相比尖沙咀很多的韓燒，食物有質素、食環景、有service，相比之下這間性價比真的非常之低………查看更多

因為好耐無食過蟹粥，上網查左好耐，連某網站都研究埋，見到呢間牛記既水蟹粥同蟹皇撈麵都好多人讚咁，就特登去谷古一下地圖尋找美食，發現同一條街有2間牛記，一間新d大d,另一間響街頭既就傳統d舊d, 就選左舊式個間黎試個二樣名物。好快就有得食了，但初見覺得都幾細碟，蟹粥粥底不錯，但最重要個樣就無左，無乜蟹味，雖然有一隻蟹及少少蟹黃，但整體無乜蟹味及海鮮味。而蟹黃麵就中規中矩，但好細碟，我同朋友食完都覺得無乜野落過肚咁。…查看更多

先講環境裝修比較古老，但勝在二面有落地玻璃夠開揚。我們訂左110位，而其他公司見到大約60位，一齊攞食物時熟食位置都幾迫，而最最回本的亮點就係生蠔，但可惜比較細而且比阿姐啤水啤走晒d鮮味。另外羊髀就只比二片仔，仲要比我見到有一盤係魚旦，攪乜! 其他熱盤都係大路野，蒸魚，炸魚柳，南瓜湯等等。而甜品就係好大路個幾款意大利芝士餅，慕絲乜乜cake, 唔大滑既豆腐花，紅豆沙等，咖啡有即磨咖啡任飲，咖啡味道係ok既。…查看更多

今日去食下午茶，20蚊生菜拼春卷，攞番黎居然得4條生菜，點解用條呢？因為非常薄一片，一拎起就係變成一細條咁! 見到碗野都已經好不滿了，食左一大半後，見到隔離剛攞一樣係20蚊下午茶既食客，碗菜多我一倍。我攞幅相比出餸個位阿姐睇，佢居然話係咁既，4片都已經比多左我咁話! 咁都得? 服務差到呢! 😖仲話下次先比靚菜我喎，真係投訴無門! 以前南記係我每天都會食既面店(食左20年)，就算跨區我都會特登搭車去食，自從河粉變粗糙(以前好滑)，依家仲淪落到得個4片仔菜，同幅宣傳相真係差天拱地，以後唔係勁餓又無其他餐廳既話，我都係唔幫襯了!…查看更多

一早經openrice訂座星期日1：30午餐，不單止有分儲，唔駛咁麻煩打電話去餐廳訂枱，若然叫單點食物，仲有7折優惠添! 我地準時1:30到達餐廳，見餐單比平日的午餐每款貴多$10，都係食個d：A-F款式餐，再加10%，無計啦，星期日加價難免的。叫了蝦球意粉及紐西蘭羊仔扒，等待期間去午市免費Bar枱攞沙律先，原來仲有好多其他食物，有中東米(淨食都好味)，幾款沙律，果仁(幾脆口)，泡芙(有餡，但面頭的士多啤梨醬太甜，唔加更好)等等……再叫左6隻$10蠔，性價比高，鮮甜而且算肥美，比我上星期日食的另一間$10蠔(深水埗)品質更好!意粉香，蝦彈口無雪味，份量夠一人食。羊無羶味，煎得啱啱好(但不夠焦香)，大約6成半熟，肉質軟，連加一$110，性價比高，但如果配薯條而不是薯蓉會更香口野味!最後食埋香甜水果，完美的一餐…查看更多

麥記都想響夏天同台式飲品分一杯羹，搵2位明星做代言人賣芝士飲料，呢幾日apps仲免費送一杯芝士碧螺春或芝士咖啡添，我同家人都裝左apps，所以每款換左一杯黎飲! 芝士碧螺春甜甜的，有茶味，唔澀，同芝士味都夾到，算唔錯!:) 但係芝士咖啡因為係齋啡黎既，好苦，又稀，兼且混和唔到芝士，最終係咖啡還咖啡，芝士還芝士，真係難飲到一個點! 如果係奶咖啡應該會好飲d...…而所謂大杯裝，就係似星巴克大杯既size，唔算好大杯。總結 : 坊間台式茶店更啱飲!…查看更多

今天晚上看完復仇者4後，剛好要去深水埗買點東西，記起上次非常多人等位的蘇媽，今次再慕名而去，踫踫運氣看有沒有位，拿籌後要等10張枱，應該很快吧，誰知一等就1小時過去了......好難才等到有位，索性就點個最貴有大姆指推介的大雜會肉骨茶$130(無論貴或平，湯都是任加的)，牛肉Nasi Lemak, 雞satay, 加多碗椰漿飯，招牌老鼠粉，埋單300，依味道及性價比來說，絕對唔平!點解? 首先，湯底藥材味唔夠正宗，其次材料非常"下欄"，都係豆泡個d, 而湯內所有的肉都好硬，連腩肉都好硬，豬肚乾硬又無味，好似湯渣咁，雞爪無剪腳甲， 油炸鬼同響鈴唔脆.....無樣好食收費130...(無言)而牛肉Nasi Lemak就牛肉少又硬，椰漿飯除左顏色靚係無椰漿味既，旁邊的辣醬無香味，連炸蝦片都是軟的，非常無誠意! 我是由小食印尼及馬拉餸長大的，一試便知龍與鳳...... 而沙爹的醬雖然味道不錯，但雞肉應該是用冷藏雞肉及完全沒有燒烤過的香味，能該不是用正宗的炭燒處理方法吧! 而70元的老鼠粉，同乾炒牛河可謂同出一撤....完全唔值!我食過官塘及佐敦的星馬及印尼餐廳更好食更正宗更平，慕名而來食過就算，等位等到我老爸腿都軟，食完只彈沒讚，吃力不討好，沒下次了!…查看更多

之前因為新店推介, 所以某個apps做左掂檔車仔麵會員, 所以就送左$10電子現金券1個月內使用。 我平時都好鐘意食車仔麵, 食過香港非常多既車仔麵同粉麵店, 但平時去尖沙咀通常都唔會係首選, 但見新店兼現金券就到期, 諗住尖沙咀既地段, 應該唔會差, 就試下啦！一入到去就覺得好熱, 門口位至入到最入面都係好熱, 算, 反正趕時間, 就諗住快手食完走...... 餐紙上配料同小食都算多款, 但都極之普通, 3餸1麵選左魷魚, 紅腸, 牛腩配烏冬要秘製汁中辣, 餐飲加$8要左珍珠奶茶。食左2啖烏冬, 就知死梗, 因為已經咬到有d未熟, 硬既, 魷魚無乜味, 牛腩好似普通瘦肉咁, 紅腸算最正常! 佐敦間麵x店同幾間米線店全部都高班過佢又平過佢!秘製汁中辣一d辣都無, 少少咸, 好似有超微既香料味, 都唔知似乜, 總之唔好味!珍珠奶茶仲衰, 珍珠無味, 奶茶似粉開的包裝奶茶咁味, 響厚褔街食牛肉麵個間免費既珍奶好似過佢多多聲! 無計要左碟辣菜浦諗住調下味, 但又係唔香兼且唔辣.....成餐飯非常伏! 仲要熱到流住汗咁食, 攞苦黎辛!總數$50, 減左優惠$10, 浪費左我40蚊! 真係貼錢買難受!…查看更多