MK2017的個人專頁

上網見呢間嘢好出名，門口成日大排長龍，星期六中午去試了，今天才有空就寫下食評！總體評價是名過於實！性價比低！只適合做遊客生意，一次過！排左半小時才可以入座，主要是做遊客生意，入到去點餐唔俾你叫燒鵝脾瀨粉，店員話冇，迫你叫價格較高的1/4隻燒鵝（裡面有燒鵝脾），店員「冇燒鵝脾」之說完全令人摸不著頭腦！目的只是要你點較貴的東西！瀨粉好細碗，油菜好難食，但燒鵝味道的確不錯，但價錢並不便宜，1/4燒鵝，一個油菜，2碗瀨粉埋單$250，普通一碟茶餐廳嘅10蚊油菜呢度都賣29蚊！性價比一般！最糟的是座位很窄，桌子很小，坐的不舒服，坐起度食嘢會碰到對面食客的腳，用餐時間很短，會趕人走！全程完全好似打仗咁，因環境過於淺窄，店員執枱時會碰撞到食客，不建議堂食，外賣燒鵝應該比較好！…查看更多

今日假期，中午同阿媽去試呢間嘢，樓下有人hard sell派傳單，話午市7折，好似好抵！所以就去左試！去到唔洗等位，冇咩人，我心諗今次中伏了！坐低左，一睇下個價錢，係加價左之後再7折😂，折完同區內飲茶市價差不多，點心甚至貴人地幾蚊，今次做左壽頭啦！點心選擇很少，冇套餐優惠。坐位算舒適寬敞，冷氣有點凍，侍應服務態度好差！叫左5碟嘢食，燒鵝飯，鮮竹卷，燒賣，馬拉糕，叉燒腸，個燒鵝飯真係嚇死！好少，得幾舊鵝，但收58蚊，加一之後60幾蚊，勁唔抵食，個馬拉糕又係好細，一人份量，鮮竹卷，燒賣，叉燒腸正常size……食物味道尚可以！冇乜味精的~2個人埋單200蚊左右，比起附近的連鎖酒樓，一啲都唔算平，性價比低，唔值……區內大把選擇，唔會光顧下次！…查看更多

店舖在上水舊墟橫巷，不顯眼，所以冇大街咁多人，環境都幾舒服，因為見到食物多選擇，又免收加一就入去試下，今天是星期日，估唔到都好易搵位！我試左豬軟骨拉麵$38蚊，湯底是豬骨濃湯，味道頗為濃厚，拉麵爽口彈牙，份量適中，豬軟骨整得真係好好食，非常入味，入口即融，真係唔錯，但係散叫冇嘢飲送~但係咁嘅價錢黎講算超值嘅！店員服務態度也很好，上菜速度快，去開上水嘅朋友可以去試下~比起好多連鎖經營餐廳，呢間真係唔錯嘅選擇啊！…查看更多

今日午市去飲茶，都算多嘢選擇，有好多款點心，麵飯，甜品，而且價錢幾平，有多款特價點心，最後叫左7樣嘢，$165埋單，真係好抵。環境就一般啦，裝修比較舊，但坐得都舒服，2個人去都俾你坐4人枱，冷氣比較凍，要帶定件外套，侍應服務態度不錯，上菜都算快，不過略嫌沖茶嘅水唔夠滾。講返食物方面，點心份量大大碟，2個人去食唔哂要打包，味道方面，我覺得中規中矩吧！這個價錢來說很不錯了，叫了點心拼盤，散叫比較好，因為拼盤入面的點心不是十分吸引，蝦腸和桂花糕都唔洗10蚊一碟，絕對抵食，燒腩飯好食，好脆，鮮竹卷和鳳爪就比較油，雞札不錯！…查看更多

星期五同同事去左普光齋食自助午餐，$67加一，尚算抵食，呢間齋舖開左好耐，店員服務態度很好，間舖有2層，中午去食都易搵位，除了自助午餐，仲可以叫餸食嘅，自助午餐食物選擇頗多，有約10款主食，e.g. 通菜，四季豆，咖哩薯仔，炒雜菌等等，再加多款甜品，當中椰汁糕好好食，仲有碗仔翅，炸春卷，咸水角，酸甜齋等等，食物refill得都算快，而且味道不錯，比較清淡，食得健康，餐廳不另收茶錢，想食素嘅朋友可以試下！…查看更多

粉嶺祥華邨商場新店，今日同媽媽試食左，首先，環境算衛生，坐位很多，夠寬敞，始終是連鎖經營，食物選擇不多，一共有8款定食（48元或58元一個）及其他小食（10元起），每位最低消費一個定食，今次點了芝士豬扒飯和烏冬定食，另點了炸蠔，芝士豬扒夠鬆化，味道不錯，烏冬定食很多炸野，有點膩，雖然定食的份量不多，但飯和麵鼓湯可以任添的，味道方面，因為價錢較低，一分錢一分貨吧！不能要求太高，我覺得不過不失吧！只嫌炸物粉太厚。…查看更多

夏天胃口唔好，想食重口味野，所以約埋朋友仔一齊食泰國菜，餐廳位置比較偏遠，在大埔大尾篤，好彩朋友有車，揸車入去好方便，餐廳的環境不錯，可訂位，坐位尚算寬敞，餐廳門口有空位可以泊車，菜式選擇也比較多，價錢大約是100元左右一道菜，最後點了沙律，金邊粉，菜，同埋咖哩包，味道不錯，岩香港人口味，不像傳統泰國菜那麼辣，很開胃，份量適中，侍應服務態度也好，雖然要山長水遠入去，但係餐廳氣氛和食物質素也值回票價，值得一試！…查看更多

呢間算係幾抵食，之前有雜誌推介過，又好近屋企，所以同朋友去試下，點知有驚喜，環境好大，座位多，一啲都唔迫，食物款式算多，熱盤有5，6款，飲品都ok....而且唔係cheap野，有蝦，有炸雞，有姜醋，有好多款甜品，連豆腐花，人蔘雞湯都有，lunch $68加一好抵食，而且食物refill得好快，值得一讚，而家食茶餐廳lunch都要50蚊起跳啦，呢度任食加埋一先係70幾蚊！絕對係好高性價比，值得推介！但係只食一個鐘，有少少趕！…查看更多

見網上有人介紹過，我同阿媽去試過，好失望，性價比極低，假日收78蚊位食個半鐘，食物質素一般，因為下午2點才到，食物只剩下很少，選擇不多，只有10多款，而且冇哂食物也不refill, 這還算自助餐嗎？完全係大陸餐廳的經營手法！職員也不老實，明明下午2時半有8折，但職員說沒有打折，欺騙顧客2時即刻入座，收較高的價格！野飲方面，只有所謂的檸檬水和中國茶，味道跟水一樣淡，總之質素很差，不會有下次！以這個價格，可以吃到質素好過呢間嘅野啦！…查看更多