icetsui的個人專頁

8月29日擒日睇完曼聯場波, 所以今朝超眼訓, 於是求其係附近既大家樂買外賣返屋企慢慢食。好好彩無咩人排隊, 叫左個吉列豬扒拼腸仔, 再加左個火腿通粉, 餐飲要凍奶茶。另外再叫左個吉列魚柳拼腸仔 (因為一家都鐘意食腸仔) , 亦加左個火腿通粉 (無公仔面), 餐飲要好立克, 另外換左杯免費飲品凍檸檬茶。一如以往….真係唔好食, D 腸仔好似無煎過但勁油, 吉列豬扒吉列魚柳尚可接受。飲品方便真係好唔掂, 唔怪得茶餐廳仲有生存空間, 凍檸檬茶無檸檬味, 凍奶茶D奶多到無茶味。 今日只怪自己懶字累事。…查看更多

又係返工既時候啦…真痛苦!!每個星期日之後要返工一定好不甘願!所以我會好好優待一下自己!!食個靚早餐!^^今日簡既呢個靚早餐就係生利食堂啦~~諗唔到想食咩, 突然想食旦牛治!!!哈哈!!good!!!就咁決定!去到先叫, 一定即整, 包熱辣辣啦!! 姐姐問飲咩, 都係要凍檸茶少甜少冰囉!返到寫字樓一, 冷氣都未開就啦啦聲食開個包先!費事d倒汗水整濕晒就唔好吃囉~~佢d牛肉好飽滿呀!!!勁多肉, 反而我覺得d蛋就少左啦!多d蛋就更加好食啦!^^個包夠晒軟熟~~GOOD AR!…查看更多

今日朝早返工時, 因為上左到灣仔架車war! 所以又去左麵軒買外賣早餐返公司食, 唔知係咪由於飲得太多佢既金香奶茶,開始覺得有d厭, 所以今朝叫左個同樣係手撕雞通粉配熱o既蜂蜜綠茶既外賣速遞快線餐。 先講杯熱o既蜂蜜綠茶, 蜂蜜味道唔係太明顯, 整體來說, 味道跟某某品牌既蜂蜜綠茶都係差唔多je。至於手撕雞通粉呢, 我覺得今日個湯底稍稍咸左d, 不過d雞絲份量跟之前食既都差不多。都係我既早餐之選^^16蚊就可以買到早餐!抵到振!…查看更多

星期日, 細佬同我兩個都唔駛返工, 於是乎一齊落街去食早餐。 朝早十點幾,去潮苑餐廳食早餐竟然唔駛等位, 真係好好彩,仲要坐到卡位。今日棄食平日食的火腿鮑魚絲通粉, 改食番茄薯仔排骨蜆殼粉配熱檸檬水。細佬就叫左特選三拼湯麵餐, 要豬排配午香肉丁蜆殼粉配凍奶茶。今次的番茄薯仔排骨蜆殼粉的蜆殼粉煮得口岩口岩好, 番茄湯底味道未算濃郁, 不過不失。唯一係d排骨少左d, 少返D薯仔,多返D排骨好D囉。熱檸檬水無咩檸檬味。跟餐塊火腿應該係完全無煎過, 多士烘得唔錯。 碗豬排配午香肉丁蜆殼粉, 無咩送OR份量小, 豬扒亦好細塊，加埋我比隻雞蛋.至於杯凍奶茶, 奶太多。…查看更多

又到食午飯時間，但又真係食到唔知食咩好，係條街行來行去，最後都係決定都係買外賣返公司食。見到源興餐廳小廚有雲耳蒸滑雞飯，於是就叫呢個食，天氣太熱關係加左三個大洋換左罐七喜汽水。個雲耳蒸滑雞飯預左D滑雞唔會係滑雞，但總算唔太鞋，至於D雲耳，只係食左好小，蒸飯的飯唔太腍亦唔會好干身，恰到好處，加埋D汁味道唔錯, 值得一讚。至於罐七喜汽水, 唔係好夠凍同無咩汽, 早知叫凍檸檬茶 or凍奶茶好過。…查看更多

是日早餐, 食左我最愛既麵軒. 因為好肚餓的關係, 今日無食外賣快線既早餐, 而係叫左二十幾蚊的早餐. 炸魚柳拼火腿,飲品要左熱的金香奶茶. 打開外賣盒, 見到既唔係火腿, 而係腸仔. 條腸仔好油而且唔好食. 炸魚柳就炸得剛剛好. 皮脆肉嫩, 有兩塊, 份量可以!原本塊牛油厚多士想夾住火腿食...而家唯有就咁食. 因有幾聲咳, 所以金香奶茶要左小甜, 原來平時飲得超甜, 所以都唔覺係呢一杯係小甜. 下次可能要叫走甜, 自己加糖啦!…查看更多

今日食午餐, 同事話想去飲茶, 好難得咁兩個人去左飲茶...叫左一碟蜜汁叉燒腸(呢個係大點呀), 蜜汁叉燒腸係每次去茶樓都必叫既點心, 為什麼呢??無人知, 只係情意結而且佢D腸粉都做得好滑, 個汁又好味!豉椒蒸鳳爪, 惹味豉椒汁, 加埋軟淋既鳳爪而且仲要係好入味既!山竹牛肉球, 牛肉球打得好, 唔會死實實, 加埋D醋食~VERY GOOD!…查看更多

今日去食飲茶, 香港仔間百樂門宴會廳開左咁耐都未食過, 今日約埋D親戚朋友一齊去試下, 九點半去到已經要開始等位, 好在唔係好多人等緊, 所以我地都係等左陣就有位坐啦!叫左蘿蔔糕、叉燒腸粉、燒賣、XO醬炒腸粉、鮑汁鳳爪等等。主要想講既係個XO醬炒腸粉呀~佢個XO醬炒腸粉既XO醬夠晒味, 辣得哩又唔會覺得辛苦, D腸粉又夠晒滑~真係好唔錯~!!而個蘿蔔糕就煎得唔夠香~蘿蔔絲都唔夠多~~其他點心都係一般啦^.^…查看更多

難得大家一齊放假, 就緊係約埋一齊去飲茶啦.去左迎囍大酒樓食, 因為食完都諗住去行下街先返屋企。 素菜餃 - 幾好食呀, 佢有D菇呀~蘿蔔呀o個D野, 個皮唔算厚, 算唔錯啦~~翡翠牛肉腸 - 味道幾好,而且D腸粉皮亦好滑流.包到好似粉果咁...鮮蝦炸春卷 - 炸野食邊可能唔好食!仲要係有蝦係入面既炸春卷WAR!上台時佢都仲係熱辣辣嫁!!好食!…查看更多

食午餐, 又決定去飲茶, 簡左去旺角既鐵人中國料理食! 可能係因為未夠1點, 所以仲有好多位, 呢到坐係的確幾好坐既!千層馬拉糕 - 馬拉糕係我所愛之一(佢排係煎腸粉之後), 佢係可以逐層逐層拆開來吃O個隻馬拉糕, 而且都食到佢每層之間都有奶皇餡。夠晒鬆軟,而且都唔算甜, 叫做唔錯囉~~蝦餃 -蝦餃既外皮較黐, 可能凍左掛…黐住左另一隻, 一拉就…將蝦餃皮整穿左D蝦肉走晒出哩, 而且都唔算好食…叉燒包 – 佢細細隻一個, 飽身鬆軟算係水準之作. 雖然點心價錢不算貴,但份量不大, 大男食一定唔夠飽~~食物係美觀的, 但食落就一般啦~~唔算特別出色, 只算一般而已。…查看更多

今日開工之前行過釗記茶餐廳見無咩人, 就走左入去食早餐之先返工, 原本仲諗住返到公司附近先食嫁!叫左一個基本既早餐啦~火腿湯通粉, 午餐肉加腸仔再加多個白包餐飲要左熱奶茶。碟午餐肉加腸仔係油左D, 不過佢都煮煎得好香口!都幾好味既, 算唔錯啦!火腿湯通粉佢個湯都好清, 但又好夠味, 唔錯!而佢個奶茶, 茶味夠香, 夠濃, 但又唔會苦, 沖得唔錯啦。…查看更多

今日睇聖誕節同媽媽一齊行完街就去飲下午茶, 簡左去上樓食。唔~~要左一壺鐵觀音, 佢d茶都幾香, 但o的茶葉就碎左d啦!叫左一個帶子蛋白炒飯, 佢真係炒到o的飯一粒粒, 香只噴噴呀!仲要有勁多帶子, 勁多料!!因為阿媽話要食叉燒包, 所以叫左一個叉燒包~個包都好軟熟, 算唔錯~可能因為係連所集團既關係, 我覺得同稻香o個o的好似無咩分別war...兩個人食左一碟飯, 一籠叉燒包, 都唔洗八百蚊, 真係抵!…查看更多

今日食完早餐, 經過東海堂, 見到有好多好多新餅車返,於是就兜個圈再返東海堂睇下有咩新西餅蛋糕買黎試下好唔好食. 我好鐘意食芝麻糊的, 見到有黑芝麻的卷旦就買了一件, 另外阿妹就要左件佢最愛既栗子味卷旦 . 黑芝麻的卷旦食落真係有好濃郁既黑芝麻的味道. 稍為甜左DD, 中間的奶油改配其他味道或黑芝麻會更好. 栗子味卷旦, 栗子容小得可憐. 同食平時我普通卷旦無咩分別. 唯獨係兩件卷旦都比平時食的鬆軟.但栗子味不足.叫做滿足左我既甜品欲啦^^…查看更多

今日聖誕節朝早訓醒想食西式早餐賀一賀呢個聖誕節^.^即係吉列豬扒腸仔面包o個D囉~換好晒衫諗緊食邊間野好~~簡左去買美心外賣食, 去到睇水牌, 原本諗住食吉列豬扒, 但見到吉列深海魚柳好似心思思又想食佢多D, 最尾簡左吉列深海魚柳啦!!叫呢個餐係因為佢話有炒薯仔煙肉拼腸仔!!個名好似好勁咁呀!!返到屋企, 見個個餐…真係樣衰到無朋友…!佢個魚柳D粉多過肉, 脆漿勁多, 條腸仔係白肉腸…仲要勁油WAR!!真係麻麻地!!好在個奶茶叫做唔錯啦。茶味夠香!…查看更多