Haha Y的個人專頁

叫咗五個點心一個飯！紅燒東坡肉飯-味道幾好，切咗一粒粒！鮮蝦腐皮卷-味道正常，有啲西芹粒喺入邊，小朋友唔鍾意食！蔥花炸兩腸粉-炸兩係脆嘅，腸粉皮都好味！名將蒸鳳爪-味道夠，鳳爪有咬口醬皇金錢肚-京城蜜汁叉燒包、味道唔錯，小朋友食咗兩個之前上網睇片呢度裝修好有港鐵感覺，但係嚟到我又唔覺得，唔知係咪上面嗰層先有，但係職員安排我哋坐下層…查看更多

呢間都開咗好幾年，喺長沙灣村下面，鋪面唔大，有時七點嚟到勁多人，今日八點幾嚟到就冇乜人，侍應仲埋嚟傾咗幾句，好Nice嘅！如果而家呢啲天氣想食煲仔飯，魚你相聚真係一個好嘅選擇😆 而且佢個煲仔飯飯焦仲係好好味，唔會太燶黑晒，少少焦顏色，啱晒我哋，每次都一定食完飯再食埋個飯焦先夠皮！煲仔飯我哋揀臘味千尋煲仔飯，因為臘味多油，所以成個飯都非常之香，配甜豉油一絕！另外叫咗個檸檬酸菜魚，一如以往嘅味道，但今日辣咗少少，不過都係好好食，鯛魚夠滑，湯底濃郁，夠酸度，熱辣辣！…查看更多

生炸雞髀好乾，一般，雞髀比較細，面有啲乾蒜，辣辣地，見到有味精粒粒，雞髀因為炸得太硬，好難切！紅豆冰淡口，紅豆係細粒，啲奶落得好稀，另外叫咗漢堡+肉醬意粉，呢個正常$62全日餐…查看更多

入天水圍搵朋友食飯，就去咗Wetland,輕鐵濕地公園站一落車就到，就算唔係處理區都覺得好方便，星期一至四成人$178一位，兩小時，雞煲可以無限添加仲可以由無辣食到大辣，真係冇得頂👏🏻👏🏻👏🏻其他食材都係任食，可樂雪碧芬達忌廉玉泉cc任飲，仲有咖啡奶茶檸茶都係任飲…查看更多

經過food court個職員係咁Sell話佢哋下午茶好抵食，就叫咗個L8 ：皇牌3+2撈檬粉（手撕雞+豬頸肉絲+脆豬肉+扎肉絲+烤牛肉）$68感覺好一般，檬粉好碎，夾到夾唔起，嗰五樣嘢好似啲頭頭尾尾執埋俾你咁一陣另外叫咗個下午茶T7:法式芝心蝦多士配沙律，蝦多士四件，唔多，不過味道還可以，但係要$49…查看更多

我差唔多六點去到個food court好多位剩，叫完之後等咗10分鐘內就有，應該算係快！今次三個人叫咗兩份雞髀加薯條，一杯手打檸檬茶，一杯珍珠奶茶！其實已經唔係第一次食，但係因為怕熱氣好耐冇食，但老闆娘竟然認得我，仲記得我上次同咩人嚟，原本以為佢吹水，佢一講竟然中，真係好好記性，老闆老闆娘好有禮貌，人好好！講返食物，炸雞髀同之前一樣外脆內軟，啲肉係超Juicy，薯條今日略嫌老身咗少少，但志不再薯條，最緊要炸髀好食，另外提一提佢杯珍珠奶茶，我覺得個茶底相當唔錯，可以一試，手打檸檬茶不過不失，費事行上樓上買！…查看更多

炯記冰室長沙灣門口好細，入邊座位同枱都係白色，睇落乾淨企理，叫咗叉燒蛋包飯同麻辣手撕雞撈出前一丁，兩杯凍檸茶，麻辣手撕雞算係辣，出前一丁正常，有一pack薑蔥喺度，叉燒蛋包飯個蛋係冇味，啲汁都唔夠味，叉燒普普通通，份量唔少， $48算好平…查看更多

餐廳偏舊，大部份都係熟客，廳面算大，一般茶記食物，早餐米粉算係出色，有滿姨米粉嘅感覺，點咗個五香肉丁菜譜米粉，如果菜譜多啲就好啦～煎蛋加餐包，餐包有焗過，脆脆地，奶茶正常！ …查看更多

敏華冰廳成日有蛋撻出爐，一出爐就嗌咪嗰隻，本身諗住食菠蘿油餐$22連熱飲，食食吓忽然間有蛋撻出爐，就順便叫咗兩個蛋撻！菠蘿油係好脆口，但係脆得滯，而且菠蘿包上面嗰塊皮同個包有少少分離我覺得冇一般菠蘿包咁好食，純粹係脆面！蛋撻係一般味道，唔覺得好熱，如果呢區要食蛋撻有更多選擇！…查看更多

買咗兩個三文魚壽司飯，散裝壽司$3一件，仲有長長手卷兩條，鰻魚手卷兩條！我自己幾鍾意食，佢嘅長長手卷， $15至$16 ，好食，同埋三文魚壽司飯賣$48都抵食㗎，女仔食晒一個都飽！…查看更多

「茶救星球」有個特別飲品，招牌首創「苦瓜檸檬茶」講明苦瓜係唔苦嘅，賣$29 ，即管試一試，另外仲叫咗杯楊枝甘露芒芒試吓，每杯飲品上面都有隻麻雀仔，唔打麻雀都覺得佢好可愛，但應該好難儲齊一套…查看更多

放工行去地鐵站，順便食個tea，西多正常，入邊有少少花生醬$33，熱狗如果係茶餐廳嚟講都算係OK， $29， 仲叫咗個蝦醬肉碎炒飯唔記得影相，個蝦醬味有少少似鹹魚雞粒炒飯下午茶$44 ，全部包嘢飲！茶餐廳價錢，茶餐廳質素！…查看更多

去附近院舍探婆婆，經過咗呢間順德公幾次，入去試吓～ 11點左右以為係午餐時段，原來仲有點心，正，啱晒口味，因為我得兩個人，食午餐叫唔到好多，點心可以叫六七款，最後點咗八款，因為好幾樣嘢都想食，出面酒樓又唔多見有！鮮蝦韭菜角，有少少似韭菜餃，但係炸過，香脆好食！春風得意腸粉，有少少似炸兩，腸粉包住炸物，但入邊嗰個係鮮蝦春卷即係腸粉包住脆皮再包住蝦，真係好好食百花釀魚肚，上面係蝦膠，爽口椰汁黃金糕，除咗新年好少買嚟食，煙煙韌韌，一碟三片，唔錯豬肚燒賣，我覺得係懷舊嘢，本身我都鍾意食豬肚，覺得真係好特別，豬肚fans唔好錯過仲叫咗蝦餃，桂花糕，腐皮卷，都係水準唔差，以為順德公淨係食河鮮，蒸點心都幾有心思，下次探婆婆再去食吓…查看更多

呢個舖位轉咗越南嘢一段時間，第二次入嚟食，下午茶全部$38 ，有六款粉面飯，仲有埋小食+熱飲！有招牌越式檬粉河粉，仲有兩款配飯嘅選擇！我揀咗香茅雞扒撈檬，其實佢話嘅輕量都唔係輕，碗粉都好大碗，檬粉份量&味道正常，香茅雞扒夠味，炸過先出嚟，唔係擺咗好耐果啲下次可以再幫襯吓嗰兩個飯餐…查看更多

傷心酸辣粉唔係剩得酸辣粉🤣🤣🤣🤣我都係想入去食酸辣粉，但係俾佢好優惠嘅燉湯午市套餐吸引！今日叫咗三個餐，都係有湯，有蒸飯，有個餸，梅菜扣肉係最好食，啲梅菜絕對可以送兩碗飯！今日叫咗紅燒肉，梅菜扣肉，鹽焗手撕雞，紅燒肉有少少辣，有啲唔知咩配菜一齊，有啲咬口，我都鍾意食，梅菜扣肉真係好耐冇食，超級送飯，不過扣肉切得好薄好薄～手撕雞不過不失，下面啲青瓜冇咩咩！羊肚滾湯入邊有五粒羊肚菌BB，都叫做OK啦，我飲花膠豬肚湯，有豬肚冇花膠，但係味道都OK，整體$48一個餐係好抵，呢間嘢返放工都經過附近，但次次入去都係食酸辣粉，呢個燉湯套餐下午茶仲要賣$39🤑🤑🤑…查看更多