sfk的個人專頁

湯頭濃而不咸不膩，大而厚身蜆肉新鮮，冇梘水味麵條靭度剛好，店員態度友善，令人食得開懷。食過呢間再試一風x梘肉拉麵,即刻覺得以後唔使食一風x，梘肉好細隻，又唔夠新鮮。食過米芝蓮既Tsuta蔦，麵屋武藏，一蘭，日本既無敵家，覺得團絶對唔會比佢地差。雖然佢冇無敵家有厚肉叉燒，但湯底冇咁重味精（Topick有報導過無敵家一碗拉麵係好重口味，鈉含量3900毫克，所以食過無敵家會勁飲水）。能夠同團有得比既，我會話山下拉麵，不過兩者唔同區，所以响荃灣想食拉麵不二之選一定會去團食。…查看更多

攞完飛隔一陣，派飛個小姐總係話好快有1人，2人枱，1人枱最後等左30分鐘左右先有枱。叫左個鐵板海鮮餐：大蝦，帶子，魚柳。個魚柳腥既，大蝦唔見有，只有兩隻細蝦，帶子冇味。埋單係$197，重點係冇下次。…查看更多

我們點了聖子, 牛丸, 墨魚滑, 肥牛, 豬肉, 田雞, 蟹柳, 日月蚌, 脘魚片, 美國桶蠔, 牛栢葉, 芝士腸, 豆苗, 生菜, 冬菇, 粟米, 南瓜片, 冬瓜片, 蓮藕片, 火鍋材料確是新鮮, 肉味鮮甜, 肉丸彈口, 冬瓜片, 鮮淮山片, 牛栢葉還要是沒漂得太白那種, 更是爽口, 鮮淮山片, 南瓜片也切的厚度也方便涮，不會太薄, 涮得長時間就溶掉了，然而湯底不能接受。我們點了鴛鴦湯底, 一邊是沙嗲, 一邊是清湯。 服務員捧湯上來, 眼見清湯那邊是全白湯汁, 不用多說已知是頗重味精湯, 但安慰自己有芫荽，皮旦應該也會煲出味道來的。 怎料涮了1小時, 味蕾還只感受到味精味道, 味覺感受不到食物, 湯底香味, 一向火鍋我是忍得住不喝汽水, 然而這味精湯底要我破戒一次。另一邊沙嗲湯底只有辣味沒麻香味道。每枱位置也很近, 店內未坐滿人不覺問題, 坐滿人的話有些位是背貼背, 就如我背後跟後面那枱都是。 對我們來說就算食物材料再新鮮, 湯底那樣差，是浪費了食物鮮味。還有座位太逼, 商鋪位於一幢只有兩部細小每次載7，8個人的升降機, 大廈內還有數間食肆。 雖然我們一早上來避過飯市, 不用排隊, 但也會想走火安全問題, 一到飯市排隊搭也花時間, 沒有送貨升降機，人家送貨又會先用, 排隊上去得花更長時間, 雖然是有後樓梯, 但窄小樓梯是不夠疏散, 尤其一層是火鍋, 一層是韓燒, 一句到尾, 還是沒法再來光顧。…查看更多

呢度每一樣野都力求完美咁, 每樣火鍋料都好新鮮, 同埋好多選擇, 比如牛骨髓, 都幾好味, 要食豪d既可以叫埋花膠黎打, 款色多都不能盡錄.打邊爐通常會有剩唔少食物, 但今次我地一行5人係食得晒, 仲要我地每人飲埋個湯1,2碗(我地叫左豬骨湯底), 可想而知有幾好味. …查看更多

(1) 叫左好幾個小菜, 海鮮, 再加個長洲xx炒飯, 唔洗幾分鐘個炒飯到先, 食落去凍既, 一d都唔熱, 佢連叮一叮, 整返熱都費事.(2) 椒鹽海虾 $7X: 上到枱一眼就睇出係椒鹽基圍虾, 唔係海虾, 基圍虾係軟, 薄殼, 虾肉"林"身好多, 海虾個殼硬好多, d肉爽好多, 根本貨不對辦.(3) 椒鹽鮮魷: 從未食過咁難食既, 硬屈屈, 似係炸左好耐放响度, 一d都唔香口, 魷魚亦唔得, 唔新鮮.(4) 豉椒炒硯: 成碟一眼望到好多空殼, d肉响底先見到d, d硯肉都唔新鮮, 霉霉地, 仲要d肉唔係"痴"住d殼, 好肯定話比大家聽d肉一d都唔新鮮, 獨立一粒粒, 我好懷疑佢地係响街市買個d $10份蜆肉放幾粒落去炒.(5) 肉絲炒麵: 我自己冇食到, 不過上到枱都見到唔對路, 明明落單時講好左話要脆個隻, 炸過d麵再落汁响上面個隻, 但黎到係濕炒, 唔係脆口, 跟住食過既人都話好難食, 好重油味, 好差.我可以話係我食過咁多間海鮮店最差一間, 真係永遠都唔會再食.…查看更多

第一次光顧, 感覺不錯, 價錢合理, 2人點了4餸, 1湯(當然是吃不完, 打包回家), 每人平均 $110. …查看更多

中午12點多黎到, 原來都好多人專程入黎飲茶, 座無虛席. 由於已經中午, 晏左黎, 好多點心都冇, 燒賣, 虾餃呢d搶手點心休想見到, 牛肉, 包, 排骨, 豬腸, 鮮竹卷, 蒸飯, 炸物都仲有既.山水沖茶葉---果然係滑d, 杯茶一d都唔澀, 飲多幾杯都幾滿足.牛肉球---好軟下, 夠淋, 唔會覺得一嚿肉硬掘掘咁.排骨---好味, 啖啖肉, 冇乜肥膏, 又唔會好油.馬拉糕---唔夠滑, 可能食慣大榮華個隻, 呢隻傳統既唔係個個人鍾意.灼菜心---好甜, 好香, 又唔會好油.鮮竹卷---凍左d, 細細件, 唔會食到好"濟".炸豆腐---幾好, 夠干身, 唔會油淋淋.鳳爪---唔油, good!整體而言, 由於d點心唔係好油, 所以感覺幾好, 只係晏左黎, 有d點心凍左. 不過當你飲過杯山水茶再加環境舒服, 空氣清新, 夠晒地道, 就算下次早d黎都願.…查看更多

薑汁撞奶---帶苦, 薑味唔夠, 唯一係夠滑.芒果布丁---香而清甜, 值得一試.芒果雪糕---自家制, 清清甜甜, 奶味唔會好重, 幾 fresh.全脂奶---冇乜"酥"味, 幾好, 又唔會好啖口. 地方係隔涉左d, 不過環境就幾舒服, 又可以餵下羊羊, 親親大自然. …查看更多

金牌鹽焗雞---ok, 肉地都新鮮, 嫩, 唔似冰鮮既, 價錢合理, 都係 60蚊半只.莧菜金銀旦---d菜炒得好, 唔老, 清清地.中式牛柳---d肉有牛肉味, 唔似平時個d只有個醬既甜酸味.豉汁魚雲蒸豆腐---味唔太濃, 比較淡口, 都幾好.京都骨拼椒鹽炸魷魚---京都骨冇乜特別, 但個魷魚炸得幾好, 唔油, 夠干身, 爽口.白飯---硬左d, 美中不足.呢間野價錢唔算貴, 可以話係大排檔價錢, 而環境又好過大排檔, 食物都ok.…查看更多