` Hamburglar™的個人專頁

今日收工特登行過去食碗魚蛋麵記得以前Ge魚蛋係好有魚味，爽口彈牙，聞落係有一陣好香ge魚味年幾無食過夏銘記喇 今日去到諗住重溫當年美味啦餓住個肚由佐敦行到油麻地入到去見唔到老闆同老闆娘（後來店員話佢地收左工）五點半左右客人唔多 只有四五人 有卡位坐裝修好似殘舊左好多點左碗魚蛋麵都等左三四分鐘先到 應該係即刻煮 見佢地係出面揀緊幼麵 麵質幾靚先叫上菜了三粒魚蛋同三塊魚片完全遮蓋D麵 但係魚蛋比想像中細粒左試下個湯，有D堿水味 但都算清佢俾左個小碟俾你放調味 我整左一羹辣油就咁食左啖 完全唔彈牙 好似好多粉咁 試下點辣油食 辣得唻正！再試下魚片啦 魚片比魚蛋Ge魚味濃好多 亦都有小小彈牙唔知係咪老闆已經年老 打魚蛋力度大不如前希望老闆可以搵到繼承人啦以前ge魚蛋真係好好食打邊爐都一定去呢度買魚蛋 魚皮餃以前的味道難道就咁難搵得翻？？…查看更多

久違了的十五蚊下午茶，相信唔少人都受過吉野家ge恩惠，一個牛肉飯下午茶可以話係窮人恩物。曾經下午茶係貴族ge象徵，時至今日下午茶已經變得不能再平民化了。細細個放學扭計食野，阿媽可能會帶去大家樂食十四蚊燒雞翼紅豆冰。下午茶可以貴又可以平，但今時今日下午茶開始越來越貴，以前可能18蚊一個粉面餐，依家分分鐘要30蚊，唯獨吉野家仲咁益街坊。上年吉野家話15週年 牛肉飯特價15蚊，今年16週年都變左17蚊，諗住第日都係無平野食，點知唻個野菜牛肉飯，多兩塊西蘭花，牛肉分量一樣咁多都係15蚊，仲平過就咁叫牛肉飯，抵啊！落到唻呢個地庫，可以話係一個小天地，今日五點鐘放學時間，見到有幾對家長同小朋友做緊功課，旗艦店真係唔同D，座位多到好似一個迷宮咁，要搵個小天地坐得舒舒服服，食個飯做下功課溫下書，成個社區中心咁。難得唔會俾人趕，快餐店成為另類補習社，其實不失一種人情味。六點前食個15蚊下午茶，飽飽地，又做曬功課，翻去晚餐都慳翻，係呢個百物騰貴嘅日子，師奶啲去慳錢都唔係咩罪姐。=】…查看更多

呢日同個fd 餞行食9點半場平日無咩人 好鬆動 6個人坐8人位 2個爐 相比漢X苑個D 呢度有人送過來 都唔知叫好定唔好自己攞就可以睇真個樣先夾 呢度送上來喺咁就咁通風做得都唔錯 上到去唔會好大油煙味 gd!老實講...個人對於熟食比較有興趣芽菜 薯仔 饅頭 都唔錯...望著D生肉 同埋個鐵板好驚....D燒燶既預感已經不斷湧現D野食岩岩夾上來 個爐空左阿叔即刻過來: 你地熟既夾上去 就一定要快D放新野落去 如果唔系好容易燒燶.好教仔feel -.-"聽話即刻放堆肥牛落去啦但系放落去又要落油 搞兩搞岩岩熟左夾上來果舊已經凍左 唔知點解叫左碟金菇夾左一小紮落去 點點爐邊D油 嚇死左變曬黑色....(致癌物爆曬燈)呢度無任飲(得茶)....汽水$7罐 啤酒都最平$10 食左兩輪 已經口渴到爆 口渴緣故 叫個西瓜來解解渴白雪雪的西瓜肉 好淡 無曬味 明顯新鮮程度=0一直以來對韓燒都不抱任何期望任食打邊爐 都無 韓燒咁劣食叫埋幾罐汽水 加一 6個人埋單 99X 好似打邊爐抵食D wor (唔系劣食邊爐 呢個價錢都可以食飽啦)…查看更多

呢日同兩個fd喺佐敦食飽飯無事做決定整碗甜品歎下~D座位比較細 坐得唔太舒服!但系整體叫做乾淨企理~叫落單 佢地人手好似唔太足夠 叫左好耐先過來落單同行兩位lady 叫左 楊枝甘露+涼粉+西米露 (唔記得左個名)我叫左個 哈密瓜西米露凍既甜品 講求消暑 最緊要:凍! 碗哈密瓜西米露 "" D哈密瓜 常溫來既 好唔舒服既感覺西米煮到爛曬 口感連粥都稱唔上 加上甜品...居然唔甜 (系咪太多人叫少甜 自動落少左糖?) 另外碗楊枝甘露 就比較好D 起碼有D涼粉 qq地 而且甜度唔似碗哈密瓜咁清 好味好多!!個人好中意哈密瓜 但係佢D哈密瓜唔凍真系一大敗筆! …查看更多

今日上晝11點 因為太得閑關係 喺佐敦逐條街掃諗唻諗去都唔知食咩好唔係太早未開門 就好似澳奶咁大排長龍 (按:好似得澳奶有咁既情況 哈哈)再唔係就無人食野 搞到唔敢入去終於行到來翠華....$38一個茶餐廳快餐式LUNCH....好貴 .... 不過都喺入左去入到去兜左兩個圈都無人帶位...半full 張張檯都坐左一個人咁唔想無端端坐低搭檯關係, 最後都系開聲問侍應: 一位坐邊好? 侍應點左我去個角落頭.....午餐得兩個選擇.... A. 豬扒伴香草雞翼 (個D形容詞唔記得 所以已被刪去) B. 唔記得左 哈哈坐低叫左個A餐 鴛鴦 白湯 (d忌廉湯成日都有個好聽D既名 雖然次次個名都唔同 但飲落都一樣...)飯意粉薯菜 佢問都唔問就走左 最後上左碟飯 奇怪佢居然個飯同鴛鴦早過湯1分鐘黎到....掛住影相之際 湯到啦....個人習慣飲湯先既... 稀巴巴的忌廉湯 哈哈 勝在無味精 夠暖肚 出面落左成日雨 室內冷氣又凍冰冰 個身一早已經感到好凍.... 味道方面就無咩特別架啦 一般般個種啦 飲完碗湯 當然輪到碟飯啦...(飲湯時間約2分鐘) D飯粒吹到硬梆梆 凍冰冰 連塊豬扒都凍曬....(大佬...上菜到我食都唔超過5分鐘 ) 試埋個雞翼先...一隻凍曬 另一隻被豬扒蓋住既就仲有D餘溫....相信上菜個陣應該都暖掛好奇怪~ 碟飯既伴菜居然用白汁淋, 豬扒同雞翼就用橙色既"香草汁".... 玩混醬 orz 豬扒 唔太好食 反而雞翼味道唔錯不過都系凍冰冰關係 感覺唔太好一路食 前面個張既一對夫婦 一直投訴 : 無侍應比餐牌佢地,又無人寫野, 上菜速度慢到傻(我坐低前佢地已經坐低左)我差唔多食完佢地仲未有得食.... 不禁令人覺得呢度服務好差 聽完投訴撈凍冰冰飯 到杯鴛鴦啦! 可能流質啦 仲未凍曬 哈哈 暖暖地 (溫度應該得翻40-50度) 想落少少糖 點知個糖罐嘴 塞左... 只能夠倒到好少糖 算啦 我都唔中意太多糖杯鴛鴦都系無咩感覺 無茶香 咖啡香 奶香 咩都無 唔明點解佢唔等我食完先沖出來 -.-" 呢方面 澳奶做得好好多.整體黎講....差~…查看更多

今日一個人無無聊聊 突然心血來潮想食粥話說當年揀中學張統一派位表都喺呢度填.....每個人都有自己既故事....舊式鋪頭就俾到你懷緬過去既環境....呢種舊式鋪頭 裝修雖然古舊 勝在店員有人情味 個個都做得我阿公啊嬤 見我一個後生仔來食粥不知幾開心 照顧得十分周到!一入去叫及第粥 無及第 哈哈 轉食艇仔啦咁醉翁之意不在粥 在乎懷緬過去(細路...你有咩過去懷緬啊? 講到自己咁老)$10碗 想點丫 普普通通既粥 唔通可以好味到飛天咩都話今日旨在諗野 同HEA XD 食到一半又想叫碗白粥沖淡一下點知碗粥煲燶左 有陣味 之後伯伯都無收我錢 其實我都想俾埋碗白粥既錢架啦...佢又唔收(感覺好似俾家用親人=.=") 如果喺想懷緬下 諗下野的話 推薦你想食好野就 掰掰 滿足~突然覺得 如果香港呢個商業社會 無左呢D舊式店鋪咩都講現代化 效率化 電腦化 人情味往哪裝?食粥唔喺食粥本身 而喺享受個份人情味 同埋 周圍既環境雖然簡簡陋陋 但喺摸住張鋼檯 坐住無靠背既折凳 腦海中總會冒起一點一點既兒時回憶....希望大家經過都入去幫親下 唔好俾呢D夕陽行業消失無蹤搬去博物館入面 只能睇 無野食 只會成為失去靈魂既軀殼雖然佐敦好多好味既野食 得閑叫碗白粥清清腸胃都唔錯丫阿媽教落: 食粥 正氣啊! …查看更多

同屋企人 下晝3點幾去到 可能平日 無咩人 入到去 知客都好好咁帶我地坐低小點$7 喺同區都叫平啦 牛柏葉 唔會硬到咬唔開 不過味道一般般馬拉糕 古法蒸(聲稱) 咖啡色幾靚 不過有D濟....南瓜餅 甜而不膩 值得推薦 入面好似包左芋泥 好正!鹹水角 唔多好食...原只上 又唔問要唔要剪開 =.= 餡料差勁川弓"己子"蒸雞腳魚雲 聞落去 藥材味好香...不過齋聞真系好過食 = =" 隻雞腳 腳趾都未剪 =.= 而且好似比人打過來 部分位置淤黑色....魚雲就唔錯既 叉燒包...平靚正 打包2籠返歸先...仲抵過去超級市場買急凍=.="懷舊三星燒賣 塊冬菇...好核特 太大舊 下面舊肉就鹹到要即刻飲水.... 豬潤同豬肚就唔差 服務方面 飲茶叫斟水指定動作 佢地侍應都好識做 有時都唔使出聲就幫你斟上菜速度 適中 讓人滿意 埋單3個人 $123 飽...===後記===見到個燕麥雷沙湯圓 賣相好似好正 無奈太飽未試 下次去試下先 ==========…查看更多

２點先放學去食ＬＵＮＣＨ做得師兄當然要帶班新仔去食飯啦　原本打算食附近一間新疆野　但因為要等位先走左過來佢呢度每杯茶都係用獨立茶包的...感覺比較好(雖然無特別好飲)一個飯一個例湯包野飲 $28 價錢算ok la由於2點半 過曬食飯時間 餐廳都無咩人叫左個枝竹炆牛腩 凍OT 上菜速度都叫快啦 落單唔使10分鐘都上菜啦 (可能因為只需隨便加熱)例湯都真係幾例湯下.....味精唔算多 不過都略鹹碟牛腩同白飯分開上(上左碟牛腩過左2分鐘個白飯先來) 牛腩好大碟....食完個飯都仲有半兜....牛腩無癡牙 不過我杯凍OT 唔知用既係咩糖漿 甜味感覺好怪同伴叫既凍奶茶 第一次來左杯熱既....再來 一次過上兩杯 =.=" 無客人姐 都唔使咁掛 大贈送??咖啡無黃糖....算啦 一般茶餐廳都係一盅白糖 有時候潮濕仲變成一大舊 佢呢度用獨立包裝 算啦.....老實講 呢間潮式菜館唯一優勝 只係新開張 裝修比較好 客人少, 夥計好得閑過來幫你收野 不過一食完碟野 佢就即刻過來收 感覺好似趕你走咁 =.="斟茶方面 我地食飽就黎走 杯茶都仲有7成滿 佢都自動走過來幫我地斟茶 (可能都係因為人少啦)同區黎講 除左間新疆菜之外 呢間都應該係食晏唔錯既選擇 (當然 你要求高的話 隔離揾間高級餐廳吧)…查看更多

2點半剛剛從香港過關還沒吃飯隨便找個地鐵站出然後找了一找除了麥當勞到處都是空位沒什麼人看店員挺友善的樣子鋪面也挺乾淨進了去環境裝修還算不錯看看餐牌菜單 .......酸辣肥牛肉面照片拍出來樣子不錯牛筋面好像也不錯 .....就要這兩個了服務員問要面還是粉...一個面一個粉吧喝的還是小菜？...這麼熱解解渴喝吧豆漿 /汽水.....豆漿健康一點吧坐下來等服務員送來 .....服務挺好的麻可是.....就變成牛筋面肥牛粉了（收據也不這樣寫 ....)這面...不是說拉麵嗎？怎麼變米線了=.=“算了餓死了嚐嚐那個湯 ....哇搞什麼啊酸辣的還好牛筋的怪怪的難吃 =.=再試試粉跟面都不好吃算了吧誰叫肚子餓放點花椒粉湊合著吃吧.....老實說卻是太鹹了...喝口豆漿 ...這確定是黃豆磨的嗎 = =“難喝價錢挺貴的.... 1個 ¥ 24 1個 ¥ 17.......以後也別想我來 服務好食物差…查看更多

去完開會 一直未食野 (5點半)每次來親 中環都會食碗 沾仔記 雲吞麵順帶一提 佢星期日公眾假期 全日下午茶XD 超抵食入到去 啊姐已經過來 好友善坐低唔諗就叫碗 雲吞麵 豆漿 $17 + 5等左唔夠2分鐘 已經有得食 個人中意落D辣椒油 同埋醋 (唔好話我浪費 原汁原味XD)正~一碗3粒大雲吞 正^^咬落去 大大隻蝦 D麵底又夠 一碗食落去 夠曬飽啊好怕飲到D豆漿煮唔透 生豆味或者有怪味 =.="呢度D豆漿 唔會太甜 gd 食飽飽滿足啊~~…查看更多

呢日約埋成班舊同學敘舊 兼睇波 食都還算其次 最重要玩得開心一上到去個層 就見到好大個賓館招牌 cafe就係電梯隔離 都算就腳 唔使揾一開門只見一陣藍光, 老闆娘個女系度跳跳紮 睇緊卡通片由於系包場 我地都玩得好放 唔怕嘈到隔離 但系一坐低 已經feel到好濃既煙味, 眼尾見到有半塊嚴禁吸煙既牌 另一半被D野遮住左 orz包場廿幾人 每人$220....包:2杯野飲(唔包特飲 咖啡)10盤野食(2盤白汁意粉 1盤炒飯 1盤雞翼 1盤咖喱角 1盤薯角 1盤波蘿腸 2盤沙嗲定咖喱飯 有一盤唔記得添)野飲方面 有fd話 荔枝沙冰 有怪味 建議唔好試....野食上無乜特別 都算有水準 唯咖喱角好苦 上cafe多數都系要個場地姐 野食都仲係其次....玩物上 有部可以上網既PC (內置LF2 !!!!????)大富翁 戰國風雲 啤牌 DEAL 層層疊 骰盅..........都唔算太多款有3部電視 不過一部畫面放大左 唔見左上面同下面(北韓轉播世界盃版本?)全場老闆娘一腳踢....妹妹仔有時都會幫下手 杯野飲係佢手上顯得好重....話說影大合照 妹妹仔係後面攝鏡 orz德國vs阿根廷開波之前有兩位阿生入左來 唔知係熟客定fd? (我地唔係包左場咩??)坐低就順手煲煙....(救命 )算.....大家來開心 唔想嘈 睇波睇到12點散場 上來個部電梯鎖左 >< 要行去第二邊落…查看更多

呢日起身到依家食得個麵 肚餓落街揾野食啦 原本想食粥既....不過行過見粥鋪黑乎乎 天氣又熱死辣辣 食粥念頭頓消轉多過彎 見到呢間台灣野 都知道佢開左一段時間 一直都未去試 走入去祭五臟廟啦 門口哥仔見我行過來 指住餐牌話 埋來試下丫 呢度系我地既下午茶...(佢想繼續講) 我望左望隔離賣布既 佢就唔出聲啦 我心諗: 我有聽緊架入到去睇下餐牌先....唔....沙律,拉麵,鹽酥雞,香酥豆腐,都好多野食同媽咪點左 一個紅燒牛肉拉麵 一個香酥豆腐 餐飲配 2杯珍奶少甜少冰紅燒牛肉拉麵: 分數: 3/5賣相唔錯,面頭放左D炸蒜 拉麵唔會糊狀都算彈牙既. 湯底過鹹,有味精牛肉唔會痴牙 香酥豆腐: 分數: 2.5 /5賣相依然不俗,即叫即炸,入口熱辣辣 唔知系米D醋既問題 豆腐入面酸酸地無個種好似憹憹地既豆腐味珍奶: 分數: 2/5同大型連鎖店既完全無得比珍珠數量少得驚人....全杯唔夠20粒....而且太硬冰占左大半杯 少甜都仲係好甜 敗筆啊......見到佢地將奶茶放係雪櫃一壺壺 滿曬另外講下鋪面先裝修唔錯 夠曬光猛 黃色牆身 唔錯 座位唔會逼 舒服由於全場得我地一台 員工都好得閒 坐曬係度睇電視望到廚房入面 有位大叔飲緊野...佢無著衫啊 有D唔衛生咁wor....總括還算過得去啦 因為真係好肚餓 …查看更多

哈~~隔左咁耐見到張相先記得未寫 個日下晝5點左右去食既....唔算太多人啦 入到去 自己一個唔使等位都食左好多次架啦 ~正野叫左碗牛肉腩肉3小辣 好怕有時候食到D腩肉有臭豬味 好彩無牛肉唔會冰到無晒味 佢呢度有黑柏葉 不過好似麻麻地 試過一兩次都唔多好... 要讚下 D料都幾多選擇 gd 上菜速度快 啊姐好好人 gd~另外平時著校服去 一個餸既 就送豆漿 2個餸 就送多2隻雞翼 話說D雞翼好香 好正個日去食 咁岩放假無著校服 啊姐可能認得我定見我攞住D書就問我: 細佬~係米學生啊 我: 係啊~(我叫左2個餸 但係無著校服)啊姐: 豆漿岩唔岩? 我: 嗯[豆漿照送 超好 XD]對比集團式 X仔(X哥) 多左一點人情味而且食物質素一D都唔拽 價錢仲平小小添 所以都最小成年無去X仔 lu…查看更多

再一次出外食lunch啊sir遲放 出到去度度都無曬位求求其見佢有位就入左呢度裝修一般般快餐$26 叫左個黑椒腸仔雞扒飯話有例湯 有野飲熱咖啡一杯 都無咩期望架啦 但求可以入口姐啊叔攞來既時候 遙到無左半杯 算數 -.-個飯辣度ok 可惜都只系價錢比較貴既頹飯一碟orz最後例湯都無上 算數走人 =.=老實講服務質素真系唔得為求快而乜都好求其…查看更多

呢日無訂到飯又唔想食canteen出到去 到到都滿曬 得呢度有位唯有入去啦裝修一般 餐牌老實講我睇左好耐先研究到....唔知點解長期客滿 多數都系要搭台研究一輪之後點左個皮蛋牛肉米線小辣幾分鐘後有得食啦個樣都ok既不過食落就兩回事小辣同清湯無分別... (可能個人食慣譚仔大辣>特辣緣故 不過真系一D味道都無)D料就ok 既 只系湯底味道唔太夠食完走人 老細系廚房收銀...第一次見咁既布置 有D唔太衛生既感覺價錢其實都比同類店鋪貴....如非必要我都唔會再來 =.=…查看更多