msy_1994的個人專頁

一直都好鐘意食雞煲，但唔鐘意太濃味。所以椰子雞煲清清地但又唔會唔夠味，就岩哂！依間位置夠大仲坐得好舒服首先就叫左個竹笙椰子雞煲，有得揀半隻/一隻雞，見住店員倒啲椰青水落去，仲有椰肉，所以個湯底好清甜濃郁。雞煮完之後仲好滑，有淡淡椰青香味。竹笙吸哂個湯超多汁又甜。餐廳自助醬料區仲教埋點樣整椰子雞傳統醬料，沙姜+蔥花+小米辣+小金桔+特調醬油同個雞又幾夾幾惹味食完雞就開始打邊爐，叫左精品肥牛，牛肉味都濃郁又滑仲叫左肉丸拼盤、蝦滑，特別讚下個蝦滑好彈牙，蝦味仲好香，口感一流最後仲叫左個生菜，吸哂椰青水，食落好清甜依間個雞同湯底都好出色！…查看更多

餐廳暗暗地氣氛幾好，餐廳名原法文演變出嚟，解有好食嘢、有好氣氛嘅地方，幾有意思！上枱就有熱辣辣嘅餐湯同埋包，麵包熱辣辣同埋幾香。湯就係南瓜湯，都滑同厚身首先嗌咗個巴黎前奏，有西班牙風乾火腿、辣味意式腸、法式火腿、炸白汁三文魚球、煙三文魚、迷你蛋批、吞拿魚撻。每一款點心都好精緻主菜就嗌咗澳洲牛胸腹扒，五成熟非常好，有少少肉汁但一啲都唔韌。火箭菜同炸薯仔配牛都都夾另外再嗌咗個法式煮青口配薯條，份量都好多，個汁係白酒牛油香草湯汁，甜甜地帶淡淡嘅白酒香，幾好食甜品方面係火焰橙酒可麗餅，好有儀式感先用火槍燒左個酒，再將酒倒上可麗餅，食落有少少熱熱地再配上凍凍嘅雪糕，口感夠哂豐富今餐好豐富係好啱香港人口味嘅法國菜！…查看更多

依間樓上餐廳裝修好型格，好有空間感！除咗飲嘢之外啲嘢食都好有心思同特色前菜已經好特別，係韓式醃牛蒡同埋蒜頭，味道濃郁，又爽口首先叫左Akagai ，係赤貝包住新鮮嘅蘆筍，食落有咬口又彈牙，口感清涼而且赤貝鮮甜都幾開胃Celtuce salad ，呢個係檸檬凍湯配萵筍絲，食落好似水冷麵咁嘅，但係口感就好爽脆，酸酸地夏天食真係好啱Caramel used Pumpkin，呢個係拔絲南瓜！一入口先食到香甜同香脆嘅焦糖，之後就食到軟滑嘅南瓜，又唔會太甜掩蓋咗南瓜嘅香味Charcoal Grilled Eel，好有儀式感，現場攞炭燒魚皮，個皮好香脆！食落魚肉嫩滑彈牙，冇太多調味但係魚肉嘅鮮味都好出Wagu Katsu Sando，係竹炭三文治再加吉列牛，仲可以自己將燒肉汁吱落三文治入面，和牛嘅油香同牛味都濃郁甜品叫左Double fromage cheesecake，淡淡芝士香氣又唔會太濟而另一款甜品係mini melon daifuku，細細粒嘅蜜瓜大福 一咬落去就好多蜜瓜醬，清香又唔會太甜飲品叫左杯Jade,係有冷泡茉莉茶嘅cocktail,清清地好香茶味今餐真係好豐富又夠哂特色！…查看更多

依間樓上cafe好有特色，除左幫韓星做應援之外，食物其實都加入咗少少韓國嘅元素。好有特色！食物選擇唔算太多，但係都吸引同特別首先叫咗個火炙北海道帶子配海鮮炸醬意粉，韓式嘅炸醬麵味道鹹鹹地配意粉又幾特別，配料都好豐富，除左大大粒帶子仲有蜆肉、八爪魚同埋魚糕另外叫咗招牌名古屋鰻魚大阪燒意大利飯，鰻魚汁好香好甜，再加埋雞蛋撈埋個飯夠唒入味。鰻魚都好大條跟餐仲送咗粟米湯，入口好滑，有粒粒粟米味道仲好濃郁飲品叫咗雪嶽山青提牛奶，賣相好靚，面頭係奶泡下面就係青提汁，呢個配搭都好少見，但係幾清甜好飲仲叫咗杯凍檸茶，都夠唒好清新，唔會好甜最後仲食埋蛋糕，揀咗朱古力芝士蛋糕同埋柚子蛋糕，朱古力芝士蛋糕個朱古力香味幾濃帶淡淡嘅芝士香，唔會太膩。柚子蛋糕就好清香，海綿蛋糕仲好軟熟今餐都好有驚喜！唔係淨係普通西餐咁單調…查看更多

依間居酒屋坐得舒服，仲有露天位，都幾有氣氛。嘢食選擇都好多，壽司、鍋物、串燒、天婦羅等等都有齊！首先叫咗個牛小排壽喜燒，個牛油脂分布平均，入口味道都好濃郁，吸哂甜甜地嘅壽喜燒湯底，好入味。配料仲有菇、豆腐、菜等等另外試左鹿兒島A4和牛海膽卷（6件），賣相好靚，海膽鮮甜，再加上和牛油香味濃郁，入口軟熟，卷物口感豐富味道又唔會單一仲叫左個沖繩丼，有三文魚、帶子、油甘魚、牡丹蝦，幾款都係鮮甜得來入口軟滑，都好新鮮串燒方面就試咗免治雞肉棒同荔枝煙肉，燒到外面有焦香都幾正！最後仲叫咗韓醬燒紐西蘭蟶子，呢個整法特別，味道有少少似係韓式辣醬再加芝士咁樣，又估唔到同蟶子幾夾依間原來宵夜時段串燒都係$10，咁真係有特色得黎又抵食…查看更多

Airside空中花園樓層原來都有幾多餐廳，見到呢間西餐廳裝修都幾靚，室內外都有得坐首先叫左Garlic loaf ，呢款蒜蓉包個皮好脆入面軟熟仲好香蒜味，仲配橄欖油同醋，作為前菜開胃又濃郁主菜揀左BBQ pork ribs，半份份量已經好大份兩至三個人食都好夠，食落肉多同有豐富嘅肉汁薯條吸收咗豬肋骨嘅油同埋醬汁，甜甜地都好食仲叫咗個Crab Linquini，蟹肉意粉都有啲驚喜，豐富嘅蟹肉配上有少少辣味，蟹肉食落新鮮，油膩感一啲都冇飲品叫左Strawberry smoothie，飲落清甜仲有好香嘅士多啤梨味仲試左Oreo Milkshake，飲落好滑仲有Oreo嘅香味，但係一啲都唔入漏今餐真係好豐富，就算唔食飯，飲下野都正！…查看更多

PMQ除咗有嘢行之外，餐廳嘅質素都唔差！呢間泰國嘢環境舒服得嚟嘢食都好好食首先叫左Thai Shrimp Sashimi，酸辣嘅醬汁再加埋蒜頭配新鮮嘅虎蝦，味道清新，蝦肉質地爽口主食叫左Pad Thai with Prawns，金邊粉炒得好香好有鑊氣，麵質煙靭好夠味。但係又唔會好油仲叫左個Baby Kale，用咗泰式蒜蓉嚟炒個芥蘭苗，味道香濃得嚟個芥蘭都炒得啱啱好唔會太硬另外叫咗個Wagyu Beef Skewer，好香炭燒嘅味道，燒得啱啱好肉質唔會太乾！另外個汁係用咗青檸、魚露同埋辣椒，酸酸辣辣咁幾開胃甜品就叫咗Mango Sticky rice，個飯係暖暖地好煙靭椰汁味都好香！飲品都有特色，叫咗杯Linchee Lemonade，入面有荔枝、蘋果、青檸同埋泰式梳打，果香濃郁又清新另外叫咗watermelon smoothie都幾好，好濃郁嘅西瓜味，而且冇加糖，夠晒解渴今餐質素真係好高，賣相靚得黎又好食…查看更多

依間餐廳環境好闊落，又坐得舒服，慢慢食飯傾吓偈就最啱嘢食選擇好多正餐甜品都滿足到！首先叫左個藍鰭吞拿魚&三文魚刺身茶漬飯，刺身都幾新鮮，個茶帶淡淡茶香，撈埋飯暖暖地入口幾舒服仲叫左個牛肉壽喜燒定食，份量好足，牛肉好多吸哂甜甜地嘅汁撈飯入味又好食，配料仲有菇、豆腐同菜另外加左小食，都好多嘢揀！試左三文魚，都幾厚身同新鮮仲叫左鹽燒鯖魚，食落好滑，配埋個柚子醬汁清新又好食嗌埋個海鮮炸物盛合（蝦/廣島蠔），炸粉唔算好厚，食落去口感又唔會太腍，仲幾新鮮飲品方面叫咗個熱忌廉抹茶拿鐵，抹茶香濃得來加咗忌廉所以飲落好滑，仲有幾粒石頭朱古力甜品方面叫咗個紅葉甘之三味（抹茶提拉米蘇），一次過試晒三款甜品好滿足，尤其雪糕真係好滑好香依間食物選擇真係夠晒豐富，一定有啱你口味…查看更多

之前喺長沙灣食過依間已經覺得好好食，終於都等到佢開分店！環境裝修同長沙灣都好似叫咗二人前，好豐富有壽喜燒、手打和牛漢堡扒、小食同黑松露燉飯！壽喜燒嘅肉都有得揀，揀左澳洲M9和牛西冷同美國頂級牛頸脊，肉味濃，油脂唔算好多所以唔會太濟，配甜甜地嘅壽喜燒湯底入味又好食之後仲會幫手煮埋漢堡扒、蔬菜、豆腐同埋菇類等等嘅配料，吸晒濃郁嘅湯底都幾好味！比較特別嘅係黑松露燉飯，煮晒啲嘢食之後就會落埋個飯，吸咗個汁再加埋黑松露本身嘅香味，個飯甜甜地帶點黑松露香好好食小食方面選擇都好多，揀咗松露芝士薯條同明太子玉子燒，都好好食！份量都唔少另外加咗$38叫咗杯柚子水果茶，清清地唔會太甜，而且仲好適合食濃味嘢嘅時候食！呢個餐真係好豐富好滿足！…查看更多

想食個快嘅一人燒肉，依間高質又抵食，難怪平日夜晚都坐滿！揀左個牛魔三重盛宴，包左牛舌、牛五花、牛板腱，另一個餐就叫左M9和牛肉眼、牛肩肉套餐牛舌薄片嘅微焦邊緣同彈嫩口感令層次鮮明，牛五花油脂豐富，脂香四溢，入口細膩柔滑。牛板腱肌理緊實，牛味濃郁同口感有嚼感。和牛肉眼油花似大理石紋，入口即融好正。牛肩肉就以香氣濃厚取勝。仲有多款醬汁揀，總有一款岩口味，特別推介個檸檬鹽，清新解到肉嘅油脂每個餐包左湯、沙律同埋飯，加左$18溫泉蛋紫菜月見拌飯，蛋、醬油、紫菜撈埋個飯真係入味又開胃今餐性價比好高，一解燒肉癮…查看更多

依間樓上餐廳環境都幾寫意，仲有榻榻米坐！野食選擇唔算多，但係係好有特色！首先叫左個明太子八爪魚北海道刺身帶子夕陽富士山，依個飯賣相好有心思，用左蛋白同醬油蛋黃做左個夕陽感覺，個飯仲要係粉藍色，再撈埋明太子八爪魚、刺身帶子、粟米、中華沙律、青瓜等，味道口感都豐富但都無掩蓋左八爪魚同帶子嘅鮮甜仲叫左個牛肉壽喜燒，薄切牛肉吸哂甜鹹交織嘅日式醬汁，又滑又入味，肉味又唔會遮蓋哂，牛肉份量仲好多+$58可以配小食同飲品，今日精選小食係蝦餅，炸得唔會太油，蝦餅keep到彈牙飲品方面，叫左豆腐咖啡，豆香同咖啡嘅微苦好夾，口感順滑仲叫左靜岡抹茶豆乳，茶味濃郁豆乳中和左茶嘅苦味依間餐廳規模唔大但真係好有心思…查看更多

喺附近上堂要快食個晚餐，依間有特色又好食！快靚正！首先叫左如珠如寶面，個名改得好得意，入面原來係豬皮，豬手，豬紅同豬頸肉。麵底同湯底都有得揀，揀左米粉再加腩汁，豬皮係有咬口吸哂d汁，豬手亦都煮得好腍有豐富嘅骨膠原，豬紅都好入味。另外嗌咗個咖喱三寶飯，三寶就係咖喱牛腩，豬扒，雞扒。咖喱雖然落咗唔少椰汁有椰香味，但係都係有微辣。啲肉煮得都好嫩滑，撈埋飯食好惹味小食叫左個炸雲吞，炸得脆得黎一啲都唔油膩，餡料好豐富蝦肉彈牙依間性價比好高，款式都特別！…查看更多

中午喺尖沙咀行街特登黎試依間拉麵店，因為每日只賣100碗，賣完就收工！質量好有保證首先叫左濃湯海老拉麵，一放上枱已經聞到好濃郁嘅蝦湯味，即刻試咗啖蝦湯，並唔係齋鹹係好香蝦味，飲埋個湯都唔會口渴！麵底方面偏向幼身容易掛湯，同時可以揀唔同程度嘅軟硬，好貼心另外揀左鹽味濃清湯蛤蜊拉麵，呢個湯底比較清淡，但唔代表無味！蛤蜊數量都好多，又大粒又鮮甜小食試左自家製魷魚餃子，平時食韭菜餃就多，魷魚餃都係第一次聽！食落口感特別，有魷魚嘅彈牙同餃子皮煎左嘅香脆仲揀咗炸明太子醬芝士薯角，明太子醬非常濃郁最估唔到嘅係佢有大量芝士成個碗都係食落味道一啲都唔單調飲品揀咗個柚子汽水，好清甜柚子味清香，飲落好舒服依間拉麵真係好出色，下次想試埋其他款式！…查看更多

大左都好少食任食雞煲火鍋，因為覺得質素通常無咁好，但依間食落味道都唔錯！而且餐廳都闊落坐得幾舒服。平日夜晚$178就有得任食雞煲火鍋同埋飲品！首先食咗雞煲先，揀咗BB辣，以前食開啲雞煲好重口味，依個唔會好鹹，但味道都好夠同埋唔會掩蓋咗雞本身嘅味。個雞肉都滑，食落一啲都唔鞋兩個女仔食得唔多之後就叫咗少少嘢打邊爐，食唔到太多肉，但係其他嘢食嘅選擇都多。叫咗娃娃菜、芝士獅子狗、響鈴、蜂巢豆腐幾正嘅喺呢度仲有炸饅頭叫，好好食，外脆內軟又唔會太油飲品方面除咗汽水之外，仲可以叫茶餐廳飲品，都幾爽！依間過足雞煲邊爐嘅癮!…查看更多

之前食過荔枝角個間，覺得又平又好食！開咗喺旺角質素都保持到！首先叫左慢烤雞腿芝士蛋吐司，最鍾意食吐司有芝士，依到個芝士仲拉到絲！雞腿烤得岩岩好食落好滑，仲有少少肉汁。配埋蛋同埋芝士口感豐富又飽肚主食揀左秘製紅燒牛肉麵，牛肉煮得好稔，入口即溶，個麵底煙韌有咬口，個湯牛肉香味濃郁仲叫咗個小食烤台灣香腸，原條上，比起平時出面食嗰啲更加有咬口，味道濃郁咬落仲唔會好乾甜品試左冰火湯圓，好大碗嘅刨冰淋上桂花糖漿，中間有幾粒芝麻湯圓，外冰內暖飲品叫咗冬瓜茶，味道嘅清甜夏天又啱晒！呢間性價比真係幾高，食物又特別…查看更多