jsshum的個人專頁

5點4~50分到達， 只有兩枱二人食緊， 3~4張4人枱。 女店員示意我地坐門口果張。 但因為開住門， 有d 凍， 問佢可唔可以轉去店入d 嘅另一張枱， 女店員在收銀遠處拎頭表示唔可以。 咁問佢咁可唔可以關玻璃門， 佢又繼續喺原位拎頭示意唔可以。 相信佢應該大把客， 唔志在我地嘅幫襯。 面對咁"友善"嘅態度， 決定離開。 …查看更多

一直掛住大阪食過嘅鰻魚飯， 見到呢間過江龍鰻魚飯專門店， 諗住搏一搏啦。 星期六晚8點幾去到，大把位，餐廳環境比想像中低檔，加上waiter 態度較茶餐廳level (友善嘅）... 已經心中暗叫不妙。跟食評點左兩份最多星嘅雙重鰻魚飯 (waiter 話會較少骨）， 每日限量嘅鰻魚omelette, 鰻魚肝湯。 鰻魚omelette 先上。蛋、蔥、芽菜、醬味道不錯，不過夾住嘅鰻魚味道唔特別。鰻魚肝湯味道清甜，魚肝咬落有小小煙韌，唔算好腥，好特別嘅體驗... 份量似平時定食嘅湯。雙重鰻魚飯賣相吸引，魚肉厚身但唔嫩滑，鰻魚味亦唔算濃，骨幼 & 脆，小心d 就可以咬得碎。 鰻魚汁份量足夠，但味道可以再濃d. 喺香港黎講，呢間價錢，食物品質算不錯。 但想食好味嘅鰻魚飯都係留番去日本食喇...…查看更多

兩個女仔去完科學館，覺得有d 餓想食tea. 不如去韓國街睇下啦。就經過見到呢個shop. 眼睇好似好多款韓式小食，check 埋openrice 冇負評喎， 一於就入去黎試下啦。講得出嘅韓國小食都有。好多野都想食，勁力控制下嗌左4款。芝士蛋、炒年糕、紫菜卷同埋炸紫菜卷。年糕甜同辣味適中，只係較為韌少少。$30芝士蛋芝士味唔算濃，ok 嘅。$25紫菜卷黎講，味道係我喺香港食過嘅頭幾名。 $28/box炸紫菜卷入面係粉絲，之前食部隊鍋有呢個覺得好味，而今日呢個都好味。$15 最後仲嗌多左串魚串，喺香港黎講都係算好味嘅。$15如果encore 嘅話，會係紫菜卷。希望小店唔好咁快執啦， haha. …查看更多

周不時黎食dinner, 但每次都唔會嗌dessert.今次第一次試dessert. Waiter 推介麵包布甸， 咁就試下啦。 點知...咁鬼好食嘅！ 麵包布甸最好食就係焗脆左嘅面。呢個個面有成4~5塊麵包， 脆嘅範圍真係好多 😋 有時d 麵包布甸加左提子同有少少酒味，個人黎講唔太like. EXP 呢個就冇提子同酒味， 所以真係好正～～加埋vanilla 雪糕 (杜文澤話加vanilla 雪糕最正），冇得輸。不過分量都幾多。兩個女仔食真係盡晒力都KO 唔到。 最好就係4個人share~~ 食完唔會太飽，回味無窮。p.s. 衛生，環境扣一分， 係因為我好mind 垃圾係經餐廳範圍推出去囉... …查看更多

有coupon 生日 free 就同friend 去試下tea buffet. 之前食過幾次lunch buffet, 覺得d 燒賣、salad bar, sushi 同 dessert bar 好食， 而海鮮同其他熟食個人唔係太食， 所以諗住tea buffet 就夠食啦～點知冇燒賣... 不過珍珠雞都ok. 魚生得最兩款。熟食都比lunch hea d. 有一盤係truffle 炒蛋... 不過友人話好食。 有一盤係咖哩雞， 有一盤係白飯...salad bar d 菜都仍然新鮮。 多汁揀但冇最想食嘅粟米同麵包糠...最後要煮麵食。 煮左碗烏冬。 餸主要係菜類，得蛋係肉。 不過都好味。 dessert bar 豆腐花好味。 雪糕仍然有movenpick, 但得半櫃，即4款味... 其中得yogurt 味想encore. 總結：都係食番lunch buffet 好d. 貴d 但質素都好d...…查看更多