KissChris的個人專頁

叫咗個蝦仁炒伊麵（午餐），$50左右啦，味道正常，唔難食（而家喺香港食嘢唔難食都已經贏），一貫茶餐廳作風，一食完就係咁趕，咁碟伊麵食唔晒就梗係打包啦，個外賣盒收我兩蚊，膠袋仲要話另外收多一蚊其實都係唔想浪費啫..跟住問我要唔要，咁我仲有得揀咩食淨大半碟我同我同事講個盒應該係鑲金嘅，點知我聽到個唔鹹唔淡廣東話嘅扎馬尾女人話唔係鑲金㗎你可以唔要…好有態度呀你後記：跟手見到執枱嗰個帶住隻金撈，我明晒了…查看更多

星期六下晝經過呢度飲杯奶茶食個下午茶，叫咗個蠔仔泡飯轉米粉，見佢個圖咁樣寫以為淨係銀針粉加$7，點知米粉都要加，阿姐又唔講，當我自己白痴啦睇錯。。。最唔明就係唔知點解樓上唔開冷氣，香港地，10月份其實都可以好熱，食到身水身汗唔知為乜！呢度絕對係為生存，唔係為生活嚟食！衛生環境其實都係一般…其實而家好多茶餐廳都做得好好，荃灣分店就好味好多同埋乾淨好多，唔係一句「旺角茶餐廳」就要體諒佢嘅污糟同埋搵笨同埋唔開冷氣，時代變晒㗎啦😔😔…查看更多

點左5個食物，襯🍻，價廉物美夠正宗👍🏼👍🏼真心讚👍🏼👍🏼下堂後同同學老師一齊去吹水飲啤酒，老闆娘好好又開張相俾我哋出出面傾到收檔（因為十點冇堂食）！食物好正，steam momo (veg.)手做唔似係現成野～～Masala Papad 酸酸辣辣，配上脆片，送酒一流👍🏼Pani Puri 脆脆波波配上檬汁汁嘅湯係勁正😋有機會一定會再幫襯最可惜係十點就要走人，野食都食唔切，但已經一人隊咁兩支啤酒🍻…查看更多

疫情嚴重都想出去食個Happy Friday Lunch，點知換來唔happy 一去到話2位, 有個女侍應叫我地等等, 過來量體溫, 到佢放低佢把槍既時候, 佢叫我地坐低等，我行過嘅時候我手踭就掂到佢隻掂過好多野既藍色手套, 我都未嫌呢個霸氣女侍應污糟, 佢就起勢撥自己隻手, 示意我整污糟佢, 我成身都係菌咁，仲即刻用酒精搓手液搓佢隻手套...到落單又係呢個女侍應落, (本身佢地D MENU(菜單)都非常之污糟, 即係只係乾淨自己, 所有野污糟都無問題, 因為都係客人自己食返晒), 又係用一隻手指去LIM 個菜單, 呢個女子真係好奇怪, 請佢係唔係幫手趕客? 我同朋友都講明唔會再幫襯到落單又係呢個女侍應落, (本身佢地D MENU(菜單)都非常之污糟, 即係只係乾淨自己, 所有野污糟都無問題, 因為都係客人自己食返晒), 又係用一隻手指去LIM 個菜單, 呢個女子真係好奇怪, 請佢係唔係幫手趕客?到要講食物, 我地叫左個皮蛋豆腐($35), 非常唔好食, 因為佢只係淋D 好咸既蠔油上豆腐同皮蛋度當汁...好咸我同朋友都叫半筋半肉麵($85): 好漏, 半肉就只係切片牛展唔入味; 公平D 講牛筋係好食既再叫2杯飲品, 蜂蜜咸金橘, 朋友話好難飲, 我無試..我自己叫薑母鮮奶...勁甜 (我叫左另外個男侍應俾個蓋我, 呢個就服務好好, 即刻去拎俾我, 仲係好樂意)…查看更多

之前經過呢一間小店, 望入去環境都算不錯, 最後決定我的生日就俾次機會試一試~訂位用whatsapp 跟chef jw 溝通過後, 最後先試4道菜小試牛刀~一去到, 得我同老公一枱客人, 變相包場; 而且由於”小店”的關係, 我地就可以自備紅酒!!頭盤:-1.a熟熏三文魚•海萄葡.芝士 (slow cook 過既salmon 好滑) 2. 北海道帶子•芒果醋汁 (帶子略煎為半熟, 口感好好) 3.玉米•火腿.洋蔥湯 (絕對唔係金寶湯) 主菜 香煎黑鳕魚.西班牙風味 (呢個係老公點的, 我自己就不太啱吃) 燒風乾熟成頂級牛扒+$100 (肉質非常好, 係可以溶化喺口入面)…查看更多

喺佐敦上堂落堂後喺附近搵食，見到呢間「樂湯雞」應該係辣開，店舖望落好光猛，都有9成滿人，需要安排搭枱，阿姐安排得好有禮貌，仲俾凳我放手袋叫左個砂窩花膠雞湯麪+刀削麵；另一個藥膳豬手米線，再加多個小食 - 麻辣青瓜～花膠雞原煲砂窩上，嚟到時都仲滾緊，熱辣辣雞件好滑，花膠都有2大件，仲有翅～老公個豬手湯底就藥膳，都係熱辣辣，好甜豬手去晒大舊骨，好爽口～麻辣青瓜就略嫌鹽左啲～整體來說都係唔錯，凍凍地嘅天氣好岩食…查看更多

之前來Story 已經係2，3年前，曾經，係曾經係很好吃，食物都用心做的！（晚飯時間仲可以帶紅酒🍷）但而家就.........今晚就再幫襯變成黃店的Story, 其實Menu 圖片係完全無變！我哋點左巴馬火腿Pizza $88/ 香蒜辣椒蜆肉煙肉意粉$88 / 煙三魚凱薩沙律 $68性價比其實算低，最主要係個意粉🍝，硬到不得了，又唔熱，涼拌意粉咁！我畢左一碟仔食已經食唔到落去，太硬，根本咬唔到胃都有少少不適🤢Pizza 個邊焗到又濃又硬，我同老公都食淨個邊...呢一餐簡直係胃功能大挑戰！最後提一提，女侍應啲服務態度有待改進，餐飲要我哋跟餐叫；水吧哥哥落單的話就可以俾其他客人餐到左分開叫；明明餐廳唔爆又唔俾啲舒適啲嘅位置客人，仲要2人嘅坐到迫埋一堆！（唔係茶記食lunch 時段喎！？）…查看更多

同事仔食過話好新鮮，食物質素不錯，即管同老公試試！溫室蕃茄沙律，都幾多份量，蕃茄都幾新鮮！時令原條秋刀魚，好正呀！好新鮮同好肥美！御八貫尋司，件件都正斗，仲有件拖羅添另叫一客燒雞皮同汁燒雞肝，雞皮好香脆，雞肝就...環境就其實唔算華麗，同埋繁忙時段座位都超迫，需要搭枱後來都頂唔順要求轉枱，因為大家都會叫好多野食整體今次晚餐都算好ok~唯獨個別嘅侍應喺我埋單時啲態度有啲奇怪之外（可以講係無乜禮貌），要保持心境開朗，唯有睇開啲食物方面都值得推介的…查看更多

大失所望！喺香港銅鑼灣店食過兩次都覺得不錯，就連去日本都食！事隔多年後再幫襯，「只能說我輸了」先嚟亂安排位置，亂嚟...都算！繼而就係竟然同我講國語，就當我個樣同衣著都好似國內同胞都好，呢度係香港嘅尖沙咀喎！係咪應該用左廣東話先呢？講左輪國語我就講「講廣東話得唔得」？好！到價錢，本身唔平我當然係知啦，但要唔要用$60追加套餐（半熟蛋/紫菜/黑木耳同叉燒）呢？麵終於嚟到...不論麵質/湯底都大不如前，隻蛋唔滑好硬唔好食，叉燒好薄同好好多肥！環境，我地揀左屋台，開始時講左國語人呢個問題，原來原因好簡單，因為幫襯既人9成都係國內人囉，成間野感覺好暗唔整潔，仲有啲賭檔feel!一蘭...算吧啦…查看更多

如題，機緣巧合下，因為同一條街嘅火鍋店遲遲都唔安排入座，所以俾左機會我去試！個安格斯牛係面書打卡送嘅好正湯底係蕃茄花甲，好鮮！不過要快手食左啲花甲，怕老！個芫茜餃應該係自家做，幾好吃個黃金蝦丸好創新，係有幾粒咸蛋黃喺入面的！黑柏業同其他野都好新鮮！希望試業後都一樣保持到水準同服務…查看更多

Book 左位9點等左over 半個鐘都仲要等，最後走左。。。店員再發左個whatsapp 俾我，話再嚟有返啲compensation 俾返我...其實我唔會想再無限輪迴啦，個刺身你留返俾有需要人士啦！最離譜係要我地3個到齊晒咁樣等位等左咁耐都係話「埋緊單」，當時已經9:30，然後同我解釋係上枱客無按時交枱囉！咁就唔好set左用餐時間120分鐘，過晒時都情願得失新嘅客人！邊夠你地玩呀⋯⋯…查看更多

試味！又同另一個職員對望我同老公一人試啲！如果你地認為唔想你浪費多隻膠匙羹係有問題我地早知叫你不停「畢」解釋咩size 同價錢完全黑面無耐性！唔係一定要知道幾錢即係幾大杯真心覺得雪糕並不是特別好食（開心果同菠蘿椰子）$65，加埋呢啲服務態度同咀臉，絕對不會再幫襯！…查看更多

今次唔係第一次幫襯東哥，之前係買外賣返家吃！今次終於食到籠仔飯，穩陣啲叫左個鳳爪排骨飯，老實說，好一般，無驚喜其次有叫啲點心，春蛋燒賣（有點蒸過龍）蟹籽燒賣，棉花雞，薑蔥柏頁；穩穩陣陣，中規中矩，味道ok （其實都應該係中央廚房交嚟）另外叫左個川芎魚頭燉湯，呢個值得讚因為夠熱同夠味！不過最失望嘅係跟餐叫嘅菜心（$18）講明左要走油，嚟到油立立，叫個阿姐姐話廚房已經拖左水，迫左我要離譜...最離譜係...成功叫到有人同我地搭枱，呢個迫人啃左佢地碟油立立菜心嘅「好瘦阿姐」係咁將我地未食完嘅點心籠啦，辣油碟啦，茶壺..1cm 1cm 咁向我地推，好迫好迫，我推返出去，又1cm 1cm咁推返向我度！好無聊呢個阿姐我隔離枱6個佢地啲熟客就可以任坐唔打攪，我同老公就飽受煎熬！飲夜茶本應係好開心可以吹下水，點知迫到啲生客要當快餐咁食！最後埋單$189，唔算貴，不過今次肯定係最後一次幫襯！…查看更多

呢間小店經過好多次都好想去試，見到門面算好日式，又有好多靚靚佈置...知道加$18先可以轉流心蛋包飯，咁話晒第一次去，試左唔流加錢嘅先啦～🤭真心講個白汁係係好漏，雖然個賣相睇得出用心制作...而朋友叫嘅海膽蛋包飯，都明白唔會有超多喺飯入面，但係真係食唔出有海膽嘅味😓而我叫嘅鰻魚蛋包飯就相比下好啲啲，不過鰻魚肉唔算多...如果$108呢個價錢實在係有啲貴！芝士雞亦算係最出色，即叫即炸牛魔王，3串之中係得牛舌比較好食！整體來說，一試無妨！再試投降🏳️…查看更多

從偉大嘅面書介紹呢間牛牛牛（犇道）好耐，仲話每日限定，賣晒就無架啦喎～咁呢～ 好似話說而家已經開到好夜🤭叫左個火山牛 $92 同 慢燒牛排盛丼（大）$88火山牛，其實就係薄燒牛包住啲飯，上面就加左大量蟹籽同溫泉蛋，做有老闆話犇道秘密醬汁！個飯係好好食，份量多亦都足料，個汁都好有肉味！慢燒牛排盛丼，除左啲燒牛肉唔同，其他飯，配菜同蛋係同火山牛差不多；牛肉係好林，5成熟左右，有口感！而且叫（大）已經食唔晒，牛肉同飯都好多！…查看更多