naomi_tataka的個人專頁

從球場就一路聞到好濃郁嘅羊肉火鍋味。覺得好香，好肚餓。朋友話我係狗鼻，用個鼻嚟帶路。我就當係讚美。可能因為疫情關係都無咩人打邊爐，而且餐廳啲位都隔得幾開。我地就點咗番茄湯鍋底，因為唔食得辣。呢度就無醬油提供，因為話唔洗點醬油都夠味。唔靠調味，先可確保到食材的新鮮度，食到原汁原味。羊肉我就最中意滑嫩太陽卷，個名起得幾得意，我想象係因為啲羊曬得太陽多，所以啲肉質就特別滑嫩。其他配料味道都不錯。我地就試埋熟食，點咗蒙氏烤串，好耐無食過燒烤。燒得好惹味，肥瘦均勻。…查看更多

糧尾既時候成都小巷都會成為我既Best friend皆因佢既lunch真係三個字形容哂 : 「平靚正」佢地午市特價飯套餐真係幾抵架$39有薑蔥霸王雞、蘿白牛腩、白汁雞扒、鴨腿湯飯等等...有成8款選擇想轉下口味食米線又得我就鐘意食佢地既麻醬酸辣米線酸辣得黎又帶有濃濃既麻醬味, 個陣味真係香濃得黎又幾特別配菜方面我通常都係要麻辣腩肉同豬紅麻辣腩肉好入味, 真係唔好睇少佢薄薄一片以為無料到....豬紅唔會一夾就散, 有少少硬度之餘仲好索味, 都係一個唔錯既選擇黎架~…查看更多

見完客想搵個地方坐低休息下食下野同靜靜地諗下Project就上左黎呢間樓上BAR原來呢間係星級BAR黎既, 做得星級BAR, 裝修唔可以馬虎環境空間感幾大幾舒服, 裝修又唔會過於華麗, 幾唔錯叫左個Homemade既Baccala ravioil望落個樣似係意大利雲吞個一類既食物擺盤幾靚, 唔會太多花巧野食落味道都唔錯, 外皮厚薄適中, 帶點口感職員服務主動有禮, 唔會過於騷擾, 可以靜靜地享受一個人的午餐…查看更多

本身個人返工同住都係九龍區, 基本上除左約人食飯都好少過港島個邊因為港島區俾我既感覺係衣食住行都貴過九龍區咁不過今日過開灣仔做D野, 咁就順便係呢頭食埋LUNCH先返公司我就搵左呢間叫慶吉家既餐廳解決今日既午餐佢地既選擇都幾多, 有好多款唔同既雙拼飯配搭同便當~仲有拉麵同刺身飯我就揀左日式蒲燒鰻魚便當鰻魚比想像中厚肉淋身, 唔會硬柴柴或者有奇怪既煙韌口感除左鰻魚之外仲有兩隻炸蝦、兩隻炸餃子、溏心蛋、中華沙律同埋雜菜沙律炸蝦都好好食, 炸皮薄薄的, 仲要係新鮮炸起炸餃子深信都係為左俾食客填飽個肚, 不過不失, 反正都係來貨溏心蛋反而有驚喜, 蛋黃部份鮮新食完都夠飽, 算係對得住個價錢…查看更多

環境開揚闊落，仲有落地玻璃窗，個View好正。睇menu，餐廳主打粵菜和川菜，粵菜就常見啦，但喱度川菜的款式都好多，例如水煮魚和毛血旺等。可惜我食唔到辣，試唔到，都係叫返啱我地口味嘅嘢。點咗幾樣嘢，味道都幾出色。鮮菌蜜汁黑豚肉：黑豚肉食落滑嫩，無豬肉騷味，配上鮮菌四季豆食，香甜可口。桂花帶子韭菜苗煎蛋角：帶子韭菜蛋餅喱個組合第一次見，韭菜清香搭配帶子嘅鮮甜味道唔錯，底仲鋪咗一層瑤柱乾，配埋食口感更豐富。鮮粟米番茄炒飯：番茄本身會出水有可能整到飯濕軟，但呢個食落粒粒分明仲乾身，唔錯。板燒牛柳粒：最愛喱個餸，牛柳粒好軟淋，又Juicy。整體而言，食物質素確係唔錯。會再嚟。…查看更多

係呢間潮發附近既教會參加與禮拜活動，有點肚餓不過啱啱先病好返，個人無咩胃口，淨係想食啲清淡野咁啱醒起附近有潮發，就打算去食個雲吞麵坐低睇下餐牌發現佢有方魚肉碎蠔仔泡飯剛好啱哂無胃口既我泡飯唔錯，蠔仔夠飽滿食落有淡淡方魚既鮮香味肉碎份量剛剛好，唔會太多或者太大粒之前係另一間餐廳食過肉碎蠔仔泡飯，入面係勁多肥豬肉碎，幾乎成碗都係咁….個感覺係勁噁心….好彩呢間潮發無呢個問題啫加入左薑絲同蔥花調味，除左可以辟走蠔仔既腥味之外，仲可以有提鮮既作用…查看更多

呢間JAN JAN係食日本炸串既專門店其實除左炸串之外，仲有串燒，質素仲要唔差架!於是今日就約左朋友出黎食野吹下水佢地既炸串選擇有好多款絕對唔單止係豬牛雞咁簡單仲有年糕、蘆筍、半熟蛋、黑松露芝士同三文魚子海鮮球等等...我地ORDER左幾款唔同既串燒、炸串同埋一個凍蕃茄炸串如我所料幾好食，佢地既炸串粉漿好薄，食落唔油膩跟枱仲有一兜醬汁俾你點炸串食，但記得唔好點第二次呀!我以為炸蘆筍係會切開幾段咁樣上枱，估唔到係原條咁上炸蘆筍入口鮮嫩無渣，唔會因為係炸過而變到老哂串燒都唔錯，牛肉肉質好嫩好淋凍蕃茄作為一個開胃既前菜都做得好好，夠哂凍，入口清新食炸野飲生啤真係最佳拍檔，大大杯，口感清爽，CHEERS!…查看更多

難得今日市面比較平靜，出左旺角買下野買完有啲餓，一個人食飯就好在鐘意食乜都得於是就去左荔香園食晚飯啦佢地都幾多食物選擇，最估唔到係有一人份量既煲仔菜可以食講緊既唔係沙嗲肥牛粉絲煲個啲而係有卜卜蜆、重慶雞煲、芝士雞煲呢類仲有我好鐘意既酸菜魚煲，啱哂我！因為今日特別肚餓，於是再加多一份香煎墨魚餅酸菜魚煲賣相幾靚仔魚片好大塊，仲好鮮嫩墊底有好多酸菜，夠哂醒胃，送飯一流估唔到又幾好食香煎墨魚餅都好正墨魚餅好彈牙，仲食到好多墨魚粒點埋跟碟既辣醬真係好夾好好食…查看更多

呢兩年好多西餐廳都興起一陣工業風格，隨處都可以見到裝修帶有工業風西餐廳太子呢一帶都有好幾間呢類型既餐廳要突圍而出就要靠食物質素黎取勝啦呢間119 Italio Restaurant & Bar就係今次既晚餐地方我地點左西班牙黑毛豬火腿配哈蜜瓜、流心水牛芝士配法國雜茄、黑松露野菌意大利飯同埋羊扒配露絲瑪莉汁【西班牙黑毛豬火腿配哈蜜瓜】蜜瓜細細粒，夾埋火腿一齊食好易入口火腿既咸度剛剛好，唔會太Over，真係好夾【流心水牛芝士配法國雜茄】其實叫呢個頭盤係因為想食下蔬菜~當然沙律佢地都有好幾款，本身想叫另一款沙律既但見到有流心水牛芝士....當然即刻轉軚啦!!水牛芝士大大舊...估唔到同雜茄係100%MATCH喎【黑松露野菌意大利飯】飯粒係半熟質感，帶點咬口，可能有人會唔鐘意有少少硬身~但其實正宗既意大利飯既造法就係咁有少少硬我自己就幾鐘意呢種煮法~醬汁唔會太稀，每一粒飯都有豐富醬汁包住，仲有好濃郁既黑松露幽香，仲勁Creamy!【羊扒配露絲瑪莉汁】我地叫左5成熟，肉質勁鮮嫩，露絲瑪莉汁同羊扒好夾…查看更多

My friend took me to Causeway Bay for dinner and she said we would be having some great seafood.She said she has been to this place once already and the seafood she had was fabulous.Since I am a big fan of seafood, she wanted to bring me there to let me try them out.It was a steam-pot restaurant. The environment was cozy, and service we received was adequate. We ordered the seafood set with lobster, razor clam, scallop, fish and shellfish, etc.The lobster was fresh the contained lots of meat, I really enjoyed that.The scallop was nice also, can taste the sweetness of the meat. The set also came with some beef, it was tender and delicious with just soy sauce. The meal ended with a big pot of steamed rice with assorted toppings. Up to 8 different toppings could be selected and the portion was really big. We couldn’t finish it all but the taste was good and the texture of the rice was nice. …查看更多

平時我都比較偏好於中菜，好少食其他菜式。所以都幾長時間無食過西餐了。突然心思思開始尋覓西餐廳來解下口癮。見佢離屋企都係幾個站，一於約埋中學好友一齊撐抬腳，食個“燭光晚餐”，享受下西式嘅情調。入到餐廳睇到環境都幾小巧溫馨，仲有擺好餐巾。好似好正式咁。唸起有部電影個主角，攞啲餐巾當係口水肩，唸起就覺得搞笑。我地見MENU啲嘢食幾啱我地食，樣樣都想揀。於是我地就揀咗四樣嘢食：【比利時黃番茄凍配魷魚沙律】：我就唔中意食得啲菜嘅沙律，覺得好dry，我發覺佢呢度啲沙律都有肉噶，一係軟殼蟹，一係牛肉，我地就揀咗魷魚。食落真係好fresh，黃番茄配魷魚，真係好清新，有一種在大海暢遊的感覺！【龍蝦汁意大利麵配風味燒波士頓龍蝦】龍蝦整到好好味，啲配料好入味。意大利麵啲汁幾creamy，唔錯！【炭燒美國頂級肉眼扒】燒到啱啱口，入口好嫩滑juicy，牛味十足！【香草燒春雞】雞肉都整得幾好，肉質都好滑，表皮燒得微焦，味道都醃製得唔錯！樣樣嘢食都幾滿意，扭轉了我對西餐的刻板印象。先前真係覺得西餐唔好食，等得又耐，分量又少，又貴。不過今次係初味食嘅一餐讓我對西餐有點動心，雖然等待時間都會有點長，但我認為這樣的食物質素值得等待，分量也充足，價錢也合理。…查看更多