cherrryyy的個人專頁

之前喺OpenRice搵吓新蒲崗有咩好食搵到呢間泰國菜又好似幾多哈哈笑 (定lam lam脷)嚟到門口，原來呢間泰國嘢有埋日式嘢食不過一心諗住食泰國嘢所以都係嗌泰國嘢食不過少失望肉碎飯一般般，冇乜底味 (醃肉唔夠調味 aka 唔夠咸) 但係小辣又幾辣泰式炒椰菜苗好唔菜苗，食落唔嫩又唔爽脆，只係韌… 唔係纖維豐富嗰種韌，係已經擺耐咗嗰種韌，要𡁻多幾下而且啲菜望落都知唔新鮮，啡啡黃黃咁唯一要讚一讚嘅係佢呢個泰式炒菜，係用泰式濕炒河嗰啲汁嚟炒咁佢個汁係調得幾好味然後啱啱上菜嘅時候熱辣辣聞落都好香，好似好有鑊氣咁…. That’s all因為最主要嘅菜係唔好食嘅今次嚟新蒲崗搵食… 好失望🥶…查看更多

平時去開 v point分店，食咗好多年嗰間分店要自己出去拎餐, 咁多年都係咁食今次嚟開新蒲崗, 又想食鮮芋仙，第一次幫襯呢間叫咗個期間限定泰奶冰，$78店員呀姐會拎過嚟等咗唔係好耐就見到出餐，店員拎到嚟我哋枱，點知佢放低嗰下整冧咗個冰最頂三份一然之後佢就將個冰收返埋去廚房張枱有啲跌咗出嚟嘅冰碎同糖漿佢都冇抹咁都算啦好快佢已經出返個泰奶冰出嚟比起第一次見到嘅矮咗一大截 (張相喺最底)原來佢哋完全冇intention補返跌咗冇咗嗰part總之跌剩幾多就俾返幾多我哋無言佢再放低個冰嗰陣，我(用比起正常講嘢大聲嘅聲量) 話“吓，就係咁㗎咋? 冇補返㗎？”(隔籬枱嗰啲人都望到，有個呀叔比咗個 “唉你真係黑仔，冇偈啦” 嘅眼神我)店員扮聽唔到，總之擺低咗佢就行開我哋再正面抽擊，直接問佢話“阿姐你咁樣唔補番啲冰俾我哋㗎?”佢先死死氣過嚟收返個冰走入去廚房仲大聲過我哋話，個客話要補返啲冰喎啲態度勁晦氣又唔係廚房做錯嘢又唔係我哋做錯嘢做錯嘢嗰個反而咁晦氣咁臭串我哋真係貼錢買難受呀姐，人無恥便無敵，你叻👍🏻仲有，其實在之後都係補得嗰少少冰比起原本見到個冰都係矮咗3成原本$78有得食，又有得打卡依家個冰又矮，食又少咗截影相出嚟又變咗樣仲要受氣唉食後感啲冰冇v point分店”ug”得咁實唔怪得由”專業”嘅人拎，都會成個冧咗而且個冰好似冇咁甜泰奶味不足可能因為冧咗個頂，嗰一忽嘅比例上係少冰又多泰奶漿，所以影響整體味道啦不過佢冧咗嗰啲冰冇跌咗去我哋身上已經算係不幸中嘅大幸因為店員係冇諗過去為任何嘢善後紙巾都唔會俾多張你抹下張枱Btw 嗰陣時全舖都係得三四台客，另外嗰啲客都已經食緊嘢，得一張外賣單，店員們都應該好清閒…查看更多

我哋去食下午茶，嗰日天氣好晒好熱，我哋被安排錯咗係一個面對太陽西斜嘅位。坐咗一陣發覺真係搞唔掂，好晒，嗰陣時啲嘢食都未上，我哋見到另外一邊有張二人枱，問咗其中一個waiter，我哋話好晒，都未出聲話想轉枱，waiter就答已經落咗窗簾，又話啲座位已經安排好晒，唔可以轉枱。然後我哋就晒足成程而嗰張空置嘅二人枱，我哋食咗一大半，成個鐘之後先有人到。咁其實點解唔可以將我哋調過去先，然之後再有人入就安排去我哋本身個位呢？就係因為已經安排晒啲枱？就算係嘅話，將兩張枱對調其實有冇咁難？我哋都係普通一張二人枱，又唔係有啲咩特別settingWaiter係有禮貌嘅，但係服務真係唔係酒店standard, 茶餐廳服務都好過佢, 因為茶記呀酒樓呀，你同佢講太曬太凍etc 都會俾你調位，就算落咗單佢哋咪喺茶記入面大聲講聲1號枱轉2號枱，呢啲都唔係啲咩唔常發生嘅嘢。反而酒店就係有空間嘅情況底下唔俾你調，你哋安排咗個位其實並唔係個顧客concern嘅嘢。酒店服務唔係應該喺個客嘅角度諗嘅咩？我知呢間唔係好高級嘅酒店，個tea set又唔係貴嘢，但係waiter呢個處理手法真係令人失望，同埋搞到我哋餐tea食得好唔舒服…查看更多

睇食評好多笑笑，仲要啲日期係一批批咁我哋嗌B set, $348@之前睇呢度嘅menu話包澳洲和牛去到就話改咗menu, 貴咗$10定$20但已經冇和牛食嗌咗佢d特選牛… 啲肉睇落其實好靚，油脂分佈均勻只係一擺落口真係出事… 𡁻唔爛不特止，佢d牛肉 係! 冇! 牛! 肉! 味! 㗎!!!!!! 係講緊冇落汁嘅原味牛板鍵 牛肋條 肥牛 牛肩胛 都係冇牛味!!! (所以佢d肉有幾款醃料揀) 我究竟食咗d咩落肚?? 唔好話咩靚牛，平時凍肉舖幾十蚊一磅d普通牛都好味過佢好多！我睇返呢度有喊喊嘅食評, 大致都係講呢樣… 究竟另外百幾個好評係點儲返嚟嘅呢? 乜香港人對食嘅要求咁低嘅咩, 我已經係接受到劣食嘅人… 但係咁多好評?? 其實做marketing係冇乜大問題，但係失實嘅食評大家要小心過濾，同埋最大問題係啲肉真係好難食!!!…查看更多

成間舖面得嗰兩個人，落單又送餐，明顯人手不足啦，我哋去食晏好彩12點就落去，遲啲佢都有排等呀我哋坐卡位，但係就喺坐位隔離，有老鼠屎又有毛髮🥶 有圖有真相:Burger一般，又唔係特別好食，但係又唔係特別差嘅，跟餐嘅黑松露薯條 (係常餐唯一一樣食物) 幾好食，天使麵好垃圾，啲汁又淡又水nel nel👎🏻 軟殼蟹都唔係話好香口，可能因為掂到啲水nel nel白汁呱?一路食一路驚, 會唔會有老鼠喺隔離行過㗎🥶…查看更多

呢間自助餐，呢幾年都幫襯過不下10次無他嘅，又平，又方便，質素又唔差，呢個價錢嚟講都算多嘢食我早餐，午餐，下午茶，晚餐都有食過，由疫情前未有”staycation”呢個概念，我已經會嚟食，耐唔耐想食buffet又唔捨得食咁貴又會嚟食吓。呢度食評不嬲好壞參半，個個人標準唔同，有人覺得好麻麻，我都會照嚟。環境係一般d，但始終覺得性價比高。可惜，今日嚟食，出現咗d我接受唔到嘅嘢。我寧願食到昆蟲，起碼最多腸胃炎，痾嘔吓。但係今次個炒菇入面有舊玻璃🥶🥶🥶🥶🥶🥶好彩屋企人見到，冇畢埋入口⋯⋯唔好話吞落肚咁驚，放咗入口𠝹親咀，或者梗親牙都咁好啦雖說係酒店，但係經理收咗個碟，話叫廚師check吓就完喇🥶🥶🥶 嗰陣先係啱啱開始食沙律，但嗰個section嘅嘢我哋都唔敢再食喇🥶🥶🥶 唔知會唔會有d碎d嘅玻璃就大鑊🥶🥶🥶…查看更多

隻餃咬咗面嗰層已經係生嘅🙃我淨係影咗我lur出嚟嗰啖皮加少少蝦肉入面成粒生蝦shashimi，不過冇影到就比呀叔收咗喇有冇人想清腸胃？可以去功夫點心試吓佢嘅招牌生蝦餃…查看更多