mb0607的個人專頁

見到呢間餐廳成日都係openrice推介之列，所以今日lunch約埋靚靚同事一齊去試試佢~午餐menu上既burger已經包左薯條同飲品，唔使額外加錢轉set我同同事都叫左cheese burger，再加個buffalo wings share 個burger好大個，女仔食好難可以有儀態地食，不過美食當前，唔理得咁多啦講返個burger，八面有好多配料，塊牛肉夠juicy，一啲都唔會過熟/過乾不過個薯條就無咩特別，有少少乾得滯，所以食左一半就唔要lu...抵讚既係跟餐如果叫Iced lemon tea 可以無限refill 而佢既buffalo wings，愛食濃味野既我都覺太濃味，有少少咸得滯，所以不特別推介~~…查看更多

因為要係銅鑼灣參加朋友生日party，所以搵左間泰國野一大班人一齊食本來無咩特別期望，但每次食泰國野都會叫炒金邊粉食。今次亦唔例外，叫左個炒貴刁。上枱先知原來咁靚，後尾睇返其他食評，原來佢係招牌菜之一仲叫左菠蘿炒飯、雜錦串燒、小食拼盤、柚子沙律等等。除左侍應服務麻麻之外。總括黎講，樣樣食品質素平均，不錯不錯，可以再到訪…查看更多

向來最鐘意食日本野既我，每年都要去日本一次食餐飽 事關香港無咩日本餐廳可以用正常價錢食到日本質素既刺身...而係日本，普通一個刺身飯已經令我回味無窮因為係灣仔做野既關係，呢間餐廳係我地既飯堂咁濟 試過佢既午市定食咁多次，今晚決定帶埋屋企人試試佢晚上既日本放題由於太肚餓既關係，無逐一影相 刺身十分新鮮之餘，仲有魚生既鮮甜味。所以我不停encore，食刺身已經食飽 唯獨是貝類同象拔蚌既刺身唔係好新鮮，陣味有少少奇怪。所以試左幾片就無再encore 了熟食方面，以炒牛柳粒最令我印象深刻 炒得好香之餘，又夠淋，一啲都唔會太乾，連嘴刁既媽咪都食唔停口今餐家人好滿意，我都好開心 可以放工一家人周圍搵下好野食，返工都有動力啲…查看更多

同男朋友仔係尖沙咀行完街，但又唔想係返尖沙咀食野。突然諗起好耐以前想行下觀塘海濱拍下拖，於是揸車去觀塘搵野食 本來想試下小時光，但去到觀塘已經九點幾，所以求其搵左間餐廳算~~間餐廳比較似公司樓下既coffee shop，但係估唔到有啲咁邪惡既野食！！！因為男朋友鐘意食炸野既關係，所以冒住爆瘡既危險叫左呢個炸雞啲芝士好香，可以拉絲，炸雞夠juicy~ 所以雖然好肥但都忍唔住不停口 男朋友仲話不枉我地專登揸車過黎食添左邊杯梳打差不多枱枱都叫。初初怕佢會藥水味，但係出奇地無喎，陣味仲要唔人工，幾好 反而右邊杯芒果沙冰完全無芒果味，好似飲緊啲奇怪味道既冰咁...總括黎講，呢間餐廳都幾抵食，可以再黎試其他菜式…查看更多

星期一返工前的星期日，約埋幾個姊妹去happy hour chill 下~~~一路望住個日落同維港景，一路談心，真係好舒服呀！！！呢度好啱同班frd一齊happy hour 傾下計叫左個Red Sangria同兩個姊妹share飲。因為我地無特別想飲邊款cocktail，所以叫左做promotion 既red sangria雖然佢話for 兩個人份量，但三個女仔每人都飲到兩三杯，好抵~~~希望下次無咁熱再黎過happy hour，坐露天位望住個景應該幾正…查看更多

自從有一次打完波，其中一位主張green monday既同事帶我去過六和之後，自此就愛上呢度既新派素食。有別傳統素菜，新派素食無咁油之餘，亦都加入日式、台式元素。對喜歡食日本野既我黎講係相當吸引軟殼蟹卷和另一款芝士吉列豬扒卷，個人比較喜歡軟殼蟹卷。炸得十分香脆之餘，竟然仲有軟殼蟹既蟹味，實在神奇~~~台式燒肉剎包好精緻，醬汁幾香，而入面既燒肉都入味，唔錯唔錯... 每次黎都必叫，焗素豬扒飯個名看似普通，但能將素食做到同真既焗豬扒飯一樣味道同口感，我同朋友都嘖嘖稱奇經理推薦我地食呢個雪映金牡丹，其實是南瓜燉雪耳。食過數次六和，最唔抵食就係呢個菜式，無記錯價值$27x，但味道唔係甜，又不是咸，都唔知當主菜定甜品食好，不值呢個價錢。…查看更多

和M君頭幾次約會，佢都帶我去啲拍戲先會去既浪漫地方 e.g. 黃金海岸。 今次係我第一次坐佢車，一齊去大埔狗會做義工，探流浪狗。天氣咁熱，仲要成身狗毛同狗狗既味，難得M君唔介意。不過我都早有準備，帶定套衫黎換加狂噴香水...餐廳望出去都幾舒服，不過怕熱既我都係坐室內好了M君好鐘意食鵝肝，所以order左一份。上碟時我都嚇親，塊鵝肝好大件 食落煎得幾香，不錯...仲叫左牛扒同risotto，不過不失，個名都唔記得了…查看更多

男朋友去左日本半個月，今個星期日難得有時間陪下屋企人，於是去左九龍陪媽咪行街 (順便係巴士捉下小精靈)行到3點幾，媽咪話肚餓，於是我提議去佢未去過既茶木食個tea~~係台灣讀書既細佬一見到份menu就話自己餐餐係台灣都係食呢啲厭，最尾佢不情願地叫左個 松露野菌奶油手作麵食 而我，向來都十分喜歡茶木既手作麵，貪佢似意粉之餘又彈牙，個人覺得好似意粉mix刀削麵既質地，所以每次黎茶木都必叫 今次就叫左墨汁烏賊奶油手作麵 (因為同屋企先夠膽食到個咀黑蚊蚊)點知細佬食完之後讚不絕口，不停話好香奶油味，最尾仲食左我半碟... 媽咪就order左差不多枱枱都叫既草莓香草蜜糖磚塊 一向唔食甜品既媽咪竟然會主動叫甜品，我同細佬都覺得出奇哈哈 天氣咁熱食呢款就啱晒啦!!!…查看更多