michelle12345的個人專頁

作為住係西貢區既港女，平時係市中心只會食cafe ，自從發現到呢間野，好似發現新大陸咁！我已經連續2日食佢地午餐，真係好好味，午餐有晚餐小菜級數！鮮魚、川辣雞、一口牛全部都好好味（汁味好濃🤤🤤🤤🤤，用來撈飯一流。）加上一大碟，肉既份量非常足夠。最重點係奶茶真係好好味（飲品係成個午餐既精髓）。昨日堂食、今日外賣、質素都有keep到、外賣盒、飲品杯既quality 都好好、唔係發泡膠盒！我好少寫食評，但真心推介呢間茶餐廳！…查看更多

7:35下了訂一份炸雞，預計取餐時間8:05已經好誇張啦，但最後去到8:30先有。其實等一個鐘唔緊要，你可以事先講清楚要等一個鐘架麻。服務態度先最令人討厭，問個門口waiter追單，問完可以扮聽唔到，轉頭做自己野！！！！！！！！！！利申：身邊一齊等既人個個都中晒伏。個個都等超過45分鐘之上。有個人問個經理，個經理話：「係咁架啦！ 個時間唔準架，唔好信」咁我心唸，點解其他餐廳都可以準時準備到？分明佢餐廳有問題啦！…查看更多