yuwanghin的個人專頁

早幾日同兩個朋友去咗上環一間主打食烤雞Tapas嘅私房菜餐廳 ，價錢唔算平，人均$1000，見到OpenRice食評普遍對餐廳都係讚賞，本來以為會有驚喜，點知成晚都係「有期望就有失望」, 中伏 。以呢個食物質素同埋份量，總共食咗$3000 難怪香港中高價食肆都掀起結業潮。環境同座位安排 一入去就覺得唔太對路。枱與枱之間排到好似茶餐廳咁密，我哋三個人居然係坐一張兩人枱，再加張櫈，好似搭枱咁樣。講真，以呢個價錢食飯，連最基本嘅坐得舒服都做唔到，真係幾失望。 服務方面入座咗差唔多 5 分鐘後先有人過嚟招呼。之後叫咗支紐西蘭 Sauvignon Blanc（$550）， Sommelier 話支酒有花香 and Complex，實際飲落就平平無奇，好似 house wine 咁，完全唔值咁嘅價錢。Tasting Menu 當晚我哋揀咗七道菜 tasting menu，入面有四道係 tapas，烤雞，脆皮雞皮飯，甜品。三個人 share 四碟Tapas，份量都幾少，賣相就同平價Tapas 小店出品差唔多 雞肝醬配麵包 – 質感滑，味道濃，配搭係幾好，算係當晚較好嘅一款（7/10） Padrón Pepper  – 炸小椒加 parmesan cheese，唔辣，但冇乜味道（5/10） 蒜泥泡沫魷魚 – 魷魚夠彈，泡沫帶生蒜既微辣，味道幾好食（7/10） 蒜香蝦 – 蝦夠新鮮，有炸蒜片，但成碟味道偏淡，唔夠鮮味（7/10） Apricot Flower 烤雞 – 未上前菜就上原隻烤雞 俾你打卡影相，點火 show，之後拎返入廚房去骨斬件，不過雞皮脆，肉嫩，差唔多係成晚嘅 highlight（8/10） 酥脆雞皮飯 – 雞皮脆係幾脆，但飯偏濕、無雞油香味（6/10） 甜品 Catalan Cream – 完全未凝固，入口水汪汪，好似失手布甸，失望收尾（4/10）總結：環境迫、食物無記憶點，$800人均，除咗隻燒雞有多少少誠意，其他都比較普通。上環呢個價位有太多選擇 。*推薦餐廳指數 - 5/10 *回頭指數 - 1/10 …查看更多

慕名而來朝聖前Samsen廚師開嘅「泰排檔」，米芝蓮推薦，又係 foodie吹大左嘅排隊人氣店，試完覺得有啲失望，同朋友排隊排咗成個鐘先入到座，點知入到去發現啲位窄到喊，上菜快到好似食緊快餐咁，食物分量又偏細，試完之後覺得同Samsen和牛船河嘅質素真係差一大截。總括嚟講，可以一試如果你唔介意等一個鐘以上，但整體無一道菜會令你想返轉頭再排隊食。  冬陰功湯 – 排隊期間，店員好貼心拎咗碗冬陰功湯出嚟畀排緊隊嘅人試飲，話限定15碗。我試完覺得好正宗，酸辣得來夠濃郁，心諗$108真係值得一試。點知入座後點咗一碗，送到檯嗰碗同試飲嗰碗完全係兩回事！湯色明顯淡咗好多，懷疑佢為咗賣多幾碗加咗好多椰漿去溝稀咗個湯，最後飲落只係滿口椰漿味，完全搵唔到試飲嗰陣嘅驚艷。泰式生蝦 - 虎蝦幾爽口，但個汁完全無味，帶唔出蝦嘅鮮味，普普通通，無咩特別。  燒豬頸肉 - 係預先燒好，上檯時只係微暖，完全無炭火香，肉質唔入味，食落真係幾失望。  虎蝦醉貓炒河呢個係全晚少數有驚喜嘅菜式。虎蝦本身無咩味道，但好爽口；反而個炒河真係幾好味，有好似喺泰國食到嗰種鑊氣，算係挽回咗少少分數。  A9和牛船麵 – $98嘅價錢，喺香港算係中價船麵，但同Samsen比真係差好遠。湯底唔夠濃郁，金邊粉份量仲要少得可憐，食完完全唔飽肚，無滿足既感覺。  飛天通菜 - 呢碟炒通菜幾有驚喜，豆醬落得夠重手，仲有啲鑊氣，算係全晚表現好嘅一道菜。  芒果糯米飯中上水準，椰漿飯幾香，芒果又夠甜，作為甜品算係唔錯嘅收尾。 整體嚟講，「泰排檔」嘅名氣同社交平台吹捧真係有啲過譽。食物質素同排隊時間完全唔成正比，同Samsen既和牛船河比，簡直係差天共地。如果你係泰菜fans，試一次當體驗都無妨，但想搵一間值得一試再試嘅泰菜餐廳，呢度可能唔係你嘅首選。…查看更多

第一次去將軍澳廣場食荳子冰室，叫咗個菜心牛肉炒河同埋熱茶走。食物質素真係好普通，炒河只係微暖，完全冇鑊氣，牛肉同汁淋上河粉，感覺好似冇炒過咁。河粉應該係要炒到有啲焦香同埋鑊氣先好食，但係呢度嘅炒河完全冇呢種感覺。最失望嘅係杯熱奶茶，茶底淡茂茂，冇層次，好似用普通茶葉浸出嚟嘅有色水咁，但係呢度嘅奶茶完全唔達標。荳子冰室真係要注重下食物出品，香港茶餐廳文化俾你哋嘅食物質素嚴重拉低晒！希望餐廳經理管理層雖然要控制成本，但係都要自己試吓啲出品質素…查看更多

**牛腩水餃撈面**永豪麵家主打竹升面，但係呢次嘅體驗真係令人失望。首先，竹升面唔爽口彈牙，完全無面香味。煮出嚟嘅面條仲有好多條係黐埋一齊，明顯係煮面嘅時候無鬆開麵條，面質亦唔係傳統雲吞麵嘅質感。牛腩方面，炆到好柴，腩汁同一般豉油冇分別，完全唔推薦。至於水餃，主打韭黃水餃，但係餡料入面嘅韭黃同木耳非常少，完全唔飽滿，細細隻食咗兩隻，只係食咗個空虛感。湯底方面，有輕微大地魚味道，但係味精感好強烈，飲完即刻有口渴嘅感覺。整體嚟講，呢次嘅體驗真係非常失望，唔會再推薦呢間店，完全明白點解會咁少人幫襯！強烈建議老闆，去試下其他傳統雲吞麵老字號，人地都係收同你差不多價錢，你就會明你既出品收里個價錢同人差別有幾遠！…查看更多

YAKINIKU KAKURA (Tower 535) 真係一間幾不錯嘅燒肉店！上次同事升職請食飯試咗佢哋嘅燒肉海鮮盛盒，整體體驗非常好！首先，呢度環境好舒適，座位闊落，完全唔會覺得擠迫。 燒肉海鮮盛盒 呢個燒肉海鮮盛盒真係好豐富，入面有新鮮嘅墨魚、帶子、蝦同埋和牛，每樣都咁新鮮！墨魚燒完之後，口感彈牙，帶子香滑可口，蝦肉鮮甜。至於和牛，質感柔嫩，肉味濃郁。 總括嚟講，呢度真係一個好適合同朋友或者家人一齊嚟嘅地方，食物質素不錯，環境乾淨，值得一試！午餐套餐先係 $169，真係幾抵，無論慶祝特別日子或者平日聚餐都幾合適！…查看更多

I recently visited Bâtard, a well-known restaurant, especially famous for its stunning wine cellar that’s perfect for Instagramming! With a bit of star power backing it, it attracts many diners. However, the food quality was a bit surprising; while everything was decent, it didn’t quite reach outstanding levels.  Smoked Beef Tartare, Potato Mille-FeuilleThe smoked beef tartare was quite good, with a unique flavor and paired with crispy potato layers. The texture was rich, but the beef flavor could have been a bit more pronounced.  Cold Angel Hair, Kristal CaviarThe cold angel hair pasta with Kristal caviar looked upscale and tasted fresh, perfect for summer. The pasta was smooth, and the caviar added a nice oceanic touch.  Chicken Velouté BâtardThe chicken velouté was silky and rich in chicken flavor, light without being too heavy.  Bâtard’s Signature Roast Chicken, Warm Pilaf RiceWhen it comes to their signature dish, the roast chicken was decent but not exceptional. The skin was crispy, but the chicken itself was a bit average. The warm pilaf rice was overly moist and lacked the aromatic chicken essence, tasting mostly of broth.  Yellow Peach, Greek Yogurt, MintFor dessert, the yellow peach with Greek yogurt and mint was refreshing and a nice way to end the meal. The sweetness of the peach was balanced well by the tartness of the yogurt, making it light and enjoyable.Overall, while Bâtard's food was decent, I found it a bit disappointing, especially concerning the signature dish, which I expected more from.…查看更多

將軍澳嘅蕃茄18，叫咗佢哋嘅招牌蕃茄叉燒湯通粉，個湯底真係好濃郁，唔係用蕃茄膏煮出嚟，而係用真材實料嘅蕃茄煮成，味道鮮甜帶少少酸味，叉燒亦都好鬆化。通粉煮得啱啱好，唔會太軟亦唔會太硬，同湯底好夾真係好正。呢間餐廳裝修真係好有特色，以香港80年代嘅風格為主題。入去之後，你會見到好多懷舊嘅元素，有霓虹燈招牌、鐵閘、舊式木椅同埋牆上貼滿咗懷舊海報。呢啲裝飾真係令人感覺返到以前嘅香港味道。雖然裝修係懷舊風，但係都好乾淨，冇舊舊嘅感覺。餐廳嘅座位安排有啲緊湊，啲位置有啲逼。…查看更多

位於銅鑼灣百樂中心21樓嘅Chez Bistro，試咗佢哋嘅4 Course Dinner Set！呢度嘅環境幾靚，仲可以望到跑馬地馬場嘅景色。  黑毛安格斯極級肉眼扒肉質好嫩滑，煎得岩岩好，外脆內嫩，配埋佢哋嘅特製醬汁。而且呢個4 Course Dinner Set 只係$398。不過，佢哋嘅酒就比較弱，主要係得啲house wine。用幾倍嘅價錢淨係飲到支非常普通嘅house wine，真係有啲失望。希望餐廳可以改善下酒單，提供多啲選擇。…查看更多

Order 左Oyster Cove 嘅精選法國生蠔拼盤，有24隻生蠔，包括 Tarbouriech No.1 ，價錢 HKS 1,138。每隻生蠔都好新鮮肥美，質素絕對唔使擔心。而且佢哋嘅包裝真係做得好用心，裡面有個精美嘅托盤同冰塊，可以保持生蠔新鮮度。一打開包裝，就聞到濃濃嘅海鮮味。  除咗生蠔質素好之外，佢哋嘅送貨服務亦都好不錯。每次訂購，佢哋都能夠準時送到，而且佢哋嘅包裝都做得非常細心，確保生蠔在運送過程中唔會受損。  雖然 Oyster Cove 嘅生蠔拼盤價格相對較高，但係每次食到嘅質素都非常滿意，絕對係物有所值。…查看更多

Nocino is a highly popular Italian and Swiss fusion restaurant in Tai Hang. The ambiance is comfortable, with simple yet elegant decor, and the staff is very friendly, making every diner feel right at home. One of their signature dishes, Malakoff, is a deep-fried cheese fondue made with Swiss Gruyere cheese. The outer layer is crispy and golden, while the inner cheese is soft, smooth, and rich in flavor, offering a truly unforgettable experience with every bite. The Wagyu Beef Tartare is a very refined appetizer, featuring high-quality raw Wagyu beef paired with garlic butter sauce, roasted celery root, pickled shallots, and crispy potato chips. The beef is tender, juicy, and the layers of flavors from the accompaniments elevate the dish to excellence. The Brown Crab Cacio E Pepe is a classic Italian dish made with Bucatini pasta, Pecorino cheese, and sweet crab meat. The rich flavor of the cheese combined with the sweetness of the crab meat creates a dish that is rich in texture and highly recommended as a main course. The Braised Duck Leg is a unique dish that features tender duck leg served with Reginette pasta, rosemary, and Pecorino cheese. The duck leg is flavorful and tender.  Odette’s Tiramisu is the restaurant's dessert highlight, made with coffee and cheese, perfectly balanced in sweetness, making it an ideal post-meal treat.  For beverages, the Astrolabe Sauvignon Blanc from Marlborough, New Zealand, is a fresh and fruity white wine that pairs exceptionally well with the dishes, enhancing the overall dining experience.…查看更多

去咗人人和平小飯店，試咗佢哋嘅和平四寶飯，總括嚟講，呢個燒味飯嘅評價係一般般。 肥腩叉：肥腩叉好多汁，肥肉好豐富，入口即溶，但冇咩特別，有啲失望。窮願佢唔好用荷蘭既肥腩肉去燒，感覺上個叉燒 只係得個肥字。燒鵝：燒鵝嘅整體黎講一般，主要係因為背骨位冇肉，食落去冇咁多燒鵝嘅香味，有啲失望。 豉油雞：豉油雞嘅味道還算可以，但係有d 太鹹。 總括嚟講，我覺得人人和平小飯店嘅和平四寶飯質素一般，特別係以燒味飯嘅價格黎講80蚊食呢個燒味飯，我覺得質素同價格唔太相符，有啲貴。…查看更多

食評】劉森記麵家 - 蝦子水餃豬手撈面 【食物質素】蝦子水餃豬手撈面真係冇得頂！麵條彈牙，蝦子味道濃郁，豬手煮得好淋，入口即溶，完全冇腥味，蝦子份量非常豐富。整體嚟講，呢碟撈面真係好滿足。  水餃入面嘅蝦肉非常鮮甜，質感爽口，咬落去有彈性。豬肉餡料夾埋蝦子完美結合，入面重有木耳，增加咗口感，味道鮮美。 【服務質素】服務員態度一般，有啲忙碌，但都算友善。上菜速度快，唔使等太耐。  【環境】店內環境比較簡單，但乾淨整潔。座位唔算多，有時要搭枱，但都係香港老字號麵店嘅特色。  【總結】劉森記嘅蝦子水餃豬手撈面真係值得一試，特別係鐘意食蝦子嘅朋友一定唔會失望。…查看更多

觀塘嘅牛站(駅)麻辣火鍋放題，試咗佢哋嘅SRF美國極黑和牛片套餐！呢度環境好舒適，自助區嘅選擇好多，啲蔬菜、丸類，仲有甜品、飲品，應有盡有。SRF美國極黑和牛片套餐 - 呢個套餐牛肉質素幾不錯，好嫩滑。除咗SRF美國極黑和牛片，仲有美國安格斯牛板腱、美國肩胛肉等選擇。個價錢大約$298 ，加埋一三百零蚊埋單。 燒乳鴿王亦係必食，皮脆肉嫩，一定要試下。  環境同服務 - 呢度環境好舒適，自助區嘅選擇多樣化，啲蔬菜、丸類，甜品、飲品應有盡有。啲員工態度都好友善，點餐上菜速度都好快。…查看更多

 The Market 出名榴槤甜品，特別係貓山王榴槤雪糕同榴槤奶凍。貓山王榴槤雪糕味道濃郁，榴槤味十足，口感綿密。榴槤奶凍亦都好滑，榴槤味道香濃，甜度適中，係榴槤控必試之選。 除咗榴槤甜品，仲有Godiva雪糕，呢個雪糕味道濃郁，朱古力味十足。榴槤卷亦都係一大亮點，榴槤餡料香濃，甜而不膩。  不過，The Market嘅凍海鮮就比較一般。凍龍蝦好乾，食落去好似食緊擦子膠，完全無海鮮鮮味。凍蟹腳亦都係解凍得麻麻地，無乜鮮味，呢方面有啲失望。  反而，The Market嘅roast beef同烤羊架就幾出色。roast beef煮得medium rare，肉味濃郁，口感嫩滑。烤羊架亦都煮得啱啱好，外脆內嫩，味道香濃，值得一試。 The Market嘅buffet要接近$1000一位，性價比實在太低。雖然有啲菜式好出色，但整體嚟講，呢個價錢未必符合所有人嘅期望。 …查看更多

半島冰室試咗佢哋嘅暖男餐！ 豬潤公仔麵：豬潤煮得啱啱好，嫩滑可口，配埋香濃嘅湯底同公仔麵，仲有大量嘅芫荽同埋肉碎，味道好搭，食落去好滿足。  火腿炒蛋配多士：火腿炒蛋煮得好香，蛋嫩滑，火腿鹹香，配埋香脆嘅多士。環境：半島冰室環境好擠迫， 餐廳環境麻麻地。呢度排隊真係好多人等位，自從出咗名之後，食物質素都有所下降。總結：暖男餐豬潤公仔麵同火腿炒蛋都好好味。不過，排隊時間長同埋食物質素下降係一個小小嘅缺點。…查看更多