sikmehho的個人專頁

Bench cafe2點半去到，啱啱好坐到最後一檯，但就係窗邊，要曬住太陽，個日陽光仲要好猛，好處係影相影出黎好睇d🤪座位唔係好多，大概都係得5-6檯。出面嘅bench都見有人係到影相，食物d擺盤都好靚，係好啱打卡嘅一間店。慢煮香草雞胸配雜莓及手工蛋沙律 ($88) 4/5推薦！個麵包外面係脆脆地，入面係好似豬柳蛋漢堡個包咁，食落好香🥰，好好食！蛋應該溝左蛋黃醬，食落係凍嘅，幾好食，冇蛋腥味。雞胸肉俾得幾多，食落唔會乾，但係都係有d柴，但我覺得都正常嘅，雞胸肉點都係有d柴 ，依間已經係幾好食。d菜配嘅係醋醬，食落幾開胃，又健康d。d莓就比較酸。我本身係唔會食沙拉嘅人，但覺得幾好食，真係有驚喜😆。夏天冇咩胃口食依個就啱曬！丹麥寶貝班戟配糖煮雜莓 ($68) 3.75/5一上到黎係熱辣辣，個鍋都係熱嘅，要小心唔好辣親手！幾大份，大過手掌，唔同平時厚嘅pancake，依款pancake係比較薄嘅一大片，食落係戚風蛋糕味，上面淋左酸酸地紅莓醬，感覺似濕左嘅蛋糕，最外圍嘅會比較脆。主要嘅甜味係黎自白色嘅cream，配嘅水果全部都好酸，所以食完都唔會覺得太漏。推薦俾好似我咁鍾意食酸嘢嘅人😂黑松露貝夏媚白醬蟹肉自家手工千層面($108) 3/5今次係第一次食千層面，上到黎見到係用兩個碟裝住，入面嘅碟係熱嘅，都係要小心唔好掂到佢😂！個面真係幾細份，同埋要食一陣面皮先食到餡，芝士俾得幾多，可以拉好長絲，啱曬影相🤩。最上面嘅黑松露味道幾濃，我本身係唔鍾意食海鮮嘅，但依個食唔到咩蟹味，唔講真係唔知食緊蟹，如果唔配黑松露ga wa，感覺最主要食到嘅都係芝士同面皮嘅味，整體感覺比較普通。整體份量比較細，兩個女仔食三樣嘢覺得啱啱好。好味程度 3.75/5性價比 3/5環境3.5/5回頭率 3.5/5…查看更多

Strawberry Special(配北海道牛乳奶凍) ($98)(+三粒白玉$10) 3.5/5冰係水冰，入口即溶，幾順下。士多啤梨醬幾多， 唔會話食到一半冇曬，味道唔會好假，幾濃奶香味，好jeng，但係奶味就會蓋過左士多啤梨味，味道好似哈根達斯嘅士多啤梨雪糕。醬唔會話太甜，最底嘅奶凍好滑，啖啖奶香味😋。最上面嘅士多啤梨係酸嘅。白玉嘅感覺就係冇餡湯圓😂，食落淨係得糯米粉味，冇落糖，建議唔好單食，連埋刨冰食好d，但就夠曬煙韌。依間係我食過嘅刨冰店入面最大份嘅，真係幾抵食，但係感覺好普通，唔值排咁耐。主要因為唔係派飛，冇得行完再返黎，喺冇冷氣地方等真係好鬼熱😔。如果唔使排隊我覺得可以去試一試😂夏天用黎消暑一流🥰日本柚子芝士蛋糕 ($38) 2/5我本身以為食落會好清新，實際係好重cheese cake味，柚子味唔明顯，食第一啖已經覺得好漏🤢好d嘅係個底唔會好厚，食落冇咁濟。推薦俾鍾意濃厚口味嘅人🤫…查看更多

甜姨姨環境好舒適，d位好闊落，要出去落左order，比左錢先，之後再上嘢食。星期六6點幾去到等左一位就已經可以入到，10分鐘都唔使。7點幾開始有4-5個人排隊，就要等耐d先入到。黃到金幾好食！冰入口即融，唔會有硬粒🥰但係就冇想像中咁大，睇相以為好大個，兩個人可以輕鬆解決，性價比唔係太高。淋上去嘅芒果醬有種某牌子芒果汁味，好熟悉😂有額外俾一兜醬自己加，唔驚食到中間冇芒果味。芒果肉新鮮，幾甜，唔只最上面嗰舊，入面都有芒果肉架🤫最上面嘅豆腐奶蓋就係豆腐雪糕味，唔會話好甜，可以中和翻d甜味。食到中間會有好多芒果脆脆(乾燥芒果粒)，口感好豐富。食到最後d冰溶曬做水，加埋最下面有芒果布丁+少少柚子肉+西米，變左食楊枝甘露，一樣嘢雙重享受😋 p.s.食嘅時候要小心筆，如果唔係好容易跌到成檯都係🤦🏻‍♀️豆腐奶蓋奶茶$38唔推薦🙉 感覺係奶精奶茶，飲完會小小頭暈🤢豆腐奶蓋同刨冰上面嘅一樣，冇咩特別。如果你鍾意食豆腐雪糕，依款你應該會幾鍾意😂…查看更多