smartyi5a的個人專頁

間中會同同事黎呢間意粉狂熱食，意粉可以揀正常size,或免費upgrade 大size，而家3位以上叫lunch set仲送一個芝士pizza南瓜湯好濃好好飲，磨菇湯都好濃，但個人比較喜歡南瓜湯飲品就可以免費揀特飲例如柚子梳打，我每次都飲咖啡，有d苦，叫少甜就大鑊，但凍飲唔駛加錢我鍾意佢的南瓜雞意粉，番茄雞意粉同事就鍾意三文魚焗飯如果叫每日精選，仲有甜品送的，有時送布丁，有時送雪糕。食完留單下一次再食有9折，即免收加一。…查看更多

折後300一位，簡直感覺被騙。我們一家12點半到，橙汁已經冇晒，到走果時都未加。食物食完refill 慢，冇野食，甜品得幾款，最攪笑椰撻寫葡撻，仲要未熟。服務9流，乜都慢過人，都唔知做乜,等退休果款, 又冇禮貌，好似去左茶記。環境仲差過賓館，廁所洗手盆水制3個都壞2個，一入去成間酒店發霉味，好心做大清潔，一定唔會有下次…查看更多

6月12日下午13點50分叫了個卡邦尼意粉，職員話等20分鐘，已經比左錢就算，到14點10分都未有，職員話等一陣，其間已經同位男職員講，你做唔切就退錢，佢話好快等一等，到14點30先有，一男一女態度惡劣，話等唔到唔好叫外賣，難道等唔到就堂食？香港人返工多數得一個鐘食飯，40分鐘先出到個意粉，做唔到未唔好接單。我唔一定要食呢間，隔離都有幾間餐廳。今次係想試下新野, 附上外賣意粉及咖啡圖，份量對我來說是足夠的，味道普通，麵條質地不硬不淋，都可以接受，但唔值得我等。…查看更多

同事離職，買了呢間的蛋糕請同事食，其實望落去已經唔想試，個樣似細過玩的泥膠玩具整出黎的蛋糕樣，太鮮豔，食一啖，勁甜，蛋糕底亦很硬，唔夠鬆軟。同事買了件裝同cupcake, 但冇一個同事可以完全食晒，太甜了…查看更多