AlcoholicFoodie_HK的個人專頁

今日 lunch time 已經早咗少少落灣仔搵食，點知呢度都仲係咁多人排隊，等咗成半個鐘先有位，而且上菜時間比較慢 🙈 店內裝修走台灣文青簡約風，木枱白牆，環境感覺幾 chill。酒香椒麻牛絲拌麵 ~ 牛絲係幾入味，食落唔會太乾，但就無乜牛味。有少少酒香但唔突出，椒麻唔算好辣，麻味都係比較輕。蔥香雞油雞腿拌麵 ~ 雞腿煎得香口，皮脆肉嫩，雞油香味幾突出，香氣十足。雞油拌麵就比較油香，麵條吸晒 d 油汁又幾滑口。不過食落有少少單調，食多幾啖會覺得膩。三寶牛肉麵 ~ 三寶滷得幾入味，湯底香料味唔重，偏清，唔似台灣果種濃厚牛肉湯，整體算穩陣但唔突出。椒鹽豬排魯肉飯 ~ 豬排炸得幾香脆，肉質唔算厚但唔鞋口，正常一般台式魯肉飯。今次試咗幾款麵飯，味道方面就中規中矩，無乜太大驚喜，價錢唔算平，等位時間又長，建議避開 lunch peak。…查看更多

呢間人氣餃子專門店真係有 d 驚喜，佢哋主打多款特色餃子，可以揀湯餃、水餃，或者煎餃。我就試咗湯 & 煎，兩款都各有千秋~ 湯餃隻隻都皮薄餡靚，湯底又清甜，唔會搶味，襯托返餃子嘅鮮味；煎餃就皮脆餡嫩，仲留有少少湯汁 😋😋😋 墨醉雞餃 ~ 呢款餃子可以話係招牌之一，嫩滑雞肉配上醉雞汁，入口有淡淡酒香，加上有墨魚嘅爽脆口感，味道層次好豐富！😋 韭菜蝦皮豬肉餃 ~ 呢款比較貼地但做得好出色，傳統韭菜豬肉餃加上已炒香嘅蝦皮，韭菜香味夠，蝦皮好有鮮味，簡單又好味！😋 火焰醉雞翼 ~ 呢個係打卡之選，上枱嘅時候會點火，儀式感滿滿！雞翼火燒完之後有微微焦香，肉質仲保持嫩滑，配埋柚子醬又幾清新。…查看更多

呢間有兩層嘅酒家位於灣仔，裝修保留住舊式酒樓格局，餐椅、地毯、所有佈置都好有懷舊味道。早排見佢出通告話十月尾結業，即刻約幾個朋友嚟幫襯，叫咗個四人套餐，順便回味下舊香港嘅味道。粟米魚肚羹 ~ 呢煲羹一上枱真係嚇一跳，好大煲，夠四個人飲兩轉都仲有剩。羹底稠度適中，唔會太杰亦唔會水汪汪，粟米味算香，但魚肚無乜口感，食落唔太突出。茄子班腩煲 ~ 個煲仔上枱仲好熱辣辣，茄子煮到好腍，吸晒啲汁，入口夠味，拌飯都算啱，但食多幾舊會覺得油膩。椒鹽焗排骨 ~ 排骨炸得乾身，咬落去都幾香口。鹽焗雞 ~ 味道偏淡，鹽焗味唔夠入，雞肉味道一般。另外再加碟鹹魚雞粒炒飯，份量啱啱好，炒得乾身，粒粒分明。最後每人送一碗糖水 ❤️「醉瓊樓」有情懷、有氣氛，今次嚟主要係為咗懷舊，感受下舊式酒家嘅風味~~…查看更多

喺葵芳新開嘅「肉肉大米」主打日式漢堡排，食材講究都係由日本直送，採用東北虹煌米，粒粒晶瑩剔透，煮出嚟香軟又有米香；日本新鮮雞蛋，蛋黃濃郁，拌飯一流；漢堡排就更加有心思，係用九州黑毛和牛混美國牛肉，咬落去有啖啖肉香，誠意十足！雖然排隊人多，但翻枱快，唔算等得太耐。店內裝修簡約日系風，設有 24 個吧台座位同開放式廚房，新鮮現製和牛漢堡排但唔大油煙。白飯、湯、西蘭花都係任添，唔怕唔夠飽，職員仲會主動問你要唔要加添，服務態度好親切。試咗佢哋最受歡迎嘅三件漢堡排套餐，每塊都厚身多汁，放喺鐵板上面加熱，入面肉質仲保持嫩滑。配料方面選擇多，枱面有燒肉汁、洋蔥醬、黃芥末醬、胡椒鹽等等，任你自由發揮。😋 原味 ~ 加埋壽喜燒汁同生蛋一齊食，蛋黃拌埋飯真係邪惡到不得了，再灑少少胡椒鹽，味道層次即刻提升。😋 芝士 ~ 店員即場喺你面前刨芝士絲，落得夠豪，芝士溶喺熱辣辣嘅漢堡排上面，香濃又拉絲，芝士控必試！😋「期間限定」南洋青咖喱 ~ 呢款就比較特別，漢堡排上面有菠蘿片同香草醬，微辣嘅青咖喱帶少少椰香，清新得嚟又不失風味，幾有驚喜。以呢個價錢食到咁高質嘅日式漢堡排，加埋任添配菜同貼心服務，真係抵食又滿足！…查看更多

喺銅鑼灣搵間靚嘅麵包店梗係去 Hashtag B，買多幾件俾同事做早餐送咖啡，正呀！呢間現場烘培真係好有創意，每一款賣相非常吸引之餘，味道都好出色，絕對係早餐 / 下午茶首選！今次揀咗愛爾蘭咖啡撻，咖啡味濃郁但唔苦，入口滑到不得了，底部係酥脆牛油撻皮，咬落去鬆脆有層次感，而且唔會太甜 😋 另外見到呢個白粟米酥外型咁特別就好想試，法式酥皮入面充滿又香又滑嘅蜜糖吉士，上面就鋪滿一粒粒焦香咗嘅白粟米，味道清甜唔會膩。Hashtag B 間唔中都會出新品，自家手工製作認真，每件食品都見盡心思 ❤️…查看更多

夏熱天時喺旺角搵雪糕食，唔少人都會諗起「Donut's BaBa」，呢間小店真係有種魔力，成日都見到門口排晒長龍，但大家都甘願等，因為 $10 食到兩球雪糕真係好抵！咁多年嚟都無加到價，而且口味選擇又多，夏天行旺角就會好想衝入去買返杯雪糕降溫 🤣🤣🍫 薄荷朱古力 ~ 係我每次都會揀嘅口味之一，雪糕入口有陣陣薄荷香，有一種舒服嘅涼意，好啱喺炎熱嘅天氣食，而且成球雪糕唔會太甜。🍫 金莎 ~ 食落去有 d 似食緊真金莎咁，口感好豐富。其實每隻味都各有特色，繽紛榛子樂、椰子粒粒、日式豆腐、特濃朱古力都好好味 😋😋 呢度嘅雪糕唔止係平，仲好有心思！…查看更多

喺荃灣搵間可以同毛孩一齊歎午餐 / 晚餐嘅地方就要去南豐紗廠，呢間寵物友善餐廳唔單止環境舒適，仲有專屬毛孩嘅 menu，有四款 pet food 可以選擇，啱晒帶埋佢哋出街歎世界，食飽仲可以去隔離 shopping！今日叫咗兩個 dinner set 都係跟餐湯同野飲~😋 黑松露餐湯配雞肉華多夫小法包 ~ 一上枱就聞到陣陣松露香，餐湯唔會太膩，入口滑溜，配埋個雞肉華多夫小法包，包身微脆，上面有雞肉粒同 nuts，食落有層次，唔會太 heavy。😋 拿玻里風味 pizza ~ 火腿鹹香中帶少少甘，味道平衡，唔會太鹹，幾有意大利街頭風味。😋 10oz 澳洲肉眼扒及匈牙利鵝肝 ~ 肉眼扒牛味濃郁，上面嘅鵝肝就煎到外脆內滑，油香四溢，提升咗整體層次。…查看更多

一大班人喺旺角搵食，去咗呢間有冷氣嘅大排檔，環境好熱鬧，啱晒同朋友吹水食飯。不過講到食物，就真係要平常心咁睇 🙈🙈孖寶A餐：客家黃酒雞煲 + 潮式凍馬友 ~ 一上枱就聞到陣陣酒香，雞件肉質算嫩，不過黃酒味偏淡，無預期咁濃郁。潮式凍馬友魚肉結實，有少少腥味。黃金鮮魷 ~ 炸得香脆，睇落金黃吸引，不過魷魚唔夠彈牙，食落有 d 失色。滷水拼盤 ~ 滷水都入味，正常發揮。炸蠔仔餅 ~ 蠔仔唔算多，無咩海鮮鮮味。小炒王 ~ 炒得夠鑊氣，香口惹味。石鍋炒飯 ~ 底部有少少飯焦，幾香脆，但整體味道普通，無乜驚喜。乳鴿 ~ 唔夠飽之下追加咗幾隻乳鴿，皮脆肉嫩，滋味十足！🍹特大mug得意熊仔冰檸檬茶，上面有隻大大粒熊仔冰好可愛，打卡一流！…查看更多

喺銅鑼灣登龍街搵到呢間 sake bar，主打清酒配搭創意日本菜，bar 枱形式坐得舒服又有氣氛，環境好有 feel，啱晒同朋友 chill 住食 chill 住飲。加上食物水準好高質，感受到大廚落足心機，真係一試難忘！專業唎酒師仲會根據你嘅喜好同菜式幫你揀清酒，飲得開心又唔會太 heavy，絕對係識飲識食之選 ❤️❤️😋 貓貓最中意餅沙律 ~「最中餅」做成招財貓造型好可愛，一上枱就好吸睛！入面係蟹肉沙律，底層仲有紫薯，餐前小食開胃一流！😋 唐揚河蝦仔 ~ 河蝦仔細細隻炸得好香脆，送酒 perfect！😋 煳麻唐揚炸雞 ~ 呢個真係驚喜！炸雞炸到金黃色，但保持肉質鮮嫩，配埋「兩姊妹涼皮」聯乘嘅煳麻醬，夠晒香口惹味，食完仲想 encore！😋 燒呑拿魚下顎 ~ 呑拿魚下顎脂肪豐富，燒到微焦，好重油香，食到最尾連魚骨都好香，呢個真心有驚喜！😋 炭燒頂級肉眼 ~ 肉眼燒到 rare 啱晒我，肉質鮮嫩，肉汁又鎖得好，牛味濃郁，另一個必食推介！😋 燒明太子飯團 ~ 外層燒到微脆，入面飯粒煙韌，明太子鹹香夠味。😋 雞白湯烏冬 ~ 湯底濃郁但唔滯，雞味突出，烏冬滑溜，吸晒湯汁，每啖都暖笠笠，好適合尾段收尾。記得 keep 好張收據，因爲 30 日內憑單再次消費有七折優惠，餐廳每個月都有 promotion，詳情可以留意返佢地 社交平台~…查看更多

呢度好適合鍾意食海鮮又想搵個有情調嘅地方 chill 下嘅朋友，店內環境好舒服，燈光柔和，牆上掛滿藝術畫，好有品味，啱晒拍拖同慶祝節日。加上員工好有禮貌，笑容滿面，介紹菜式時又細心，成個用餐體驗加分！最開心係平日有兩個鐘 free flow 🥂 都係 $98！！！😋 生蠔每隻都好新鮮呀 ❤️❤️~ Spain Pearl 蠔身細細粒但好鮮甜，帶少少海水味。~ Irish Rock 就比較厚肉，口感爽彈，味道濃郁。~ St Marin 海水味道比較柔和，口感順滑爽口，微甜有回甘。😋 沙律~ 帕爾馬火腿凱撒沙律有火腿鹹香，配埋爽脆嘅沙律菜同埋芝士，食落好開胃。~ 煙三文魚芝麻菜沙律非常清新，尤其鍾意火箭菜帶有微微辛辣嘅味道，配埋油香十足嘅煙三文魚，口感好豐富！😋 慢煮和牛薄片伴香醋汁 ~ 和牛薄片煮得啱啱好，肉質嫩滑，入口即溶。香醋汁酸酸甜甜，唔會搶味，反而令牛肉更加突出，整體味道平衡。😋 檸汁腌八爪魚 ~ 呢道菜好有地中海風情，八爪魚係慢煮過，口感好煙韌但唔會嚡口。檸檬汁加莎莎醬令成道菜好醒胃，parsley 亦帶出香草味，底層嘅牛油果就令成個配搭好 fresh。😋 炭燒海鮮拼盤 ~ 呢個真係好豐富，有鱸魚柳、八爪魚鬚、大虎蝦、翡翠螺同帶子，每款都滋味十足！😋 炭燒南非M6/7和牛肉眼扒 ~ 呢塊肉眼扒真係重磅之選，M6/7油花分佈靚，燒到啱啱好 rare，切開仲見到粉嫩嘅肉色，肉質柔軟有咬口，肉味濃郁，必食推介！🍰 兩款甜品都配雲尼拿雪糕~ 朱古力心太軟，一切開就流出濃濃嘅朱古力漿，濃郁得嚟唔會太甜，外層微脆，內裡香滑。~ Tiramisu 咖啡味濃，mascarpone 滑溜，甜而不膩，完美收尾。…查看更多

嚟銅鑼灣搵食又有新選擇~~ 最近試咗呢間餐廳，環境真係幾舒服，有 bar 枱同榻榻米座位，啱晒想靜靜地食餐好嘅朋友。成間店感覺好有心思，唔會太嘈，私隱度高，啱晒情侶或者三五知己聚餐。😋 炭燒雞肉「胖」飯 ~ 呢個望落平平無奇嘅新菜式，食落十分有驚喜！個飯加咗麻油醬汁、脆蒜粒、香蔥，再配上肉質嫩滑嘅炭燒雞胸片，將全部野撈埋一齊，香氣撲鼻，擺一啖入口，麻油香、蒜香、蔥香全部都散發喺口入面，令到我不知不覺一啖又一啖，強烈推介！😋 法式龍蝦汁溫泉蛋卡邦尼意粉 ~ 呢個係另一款新菜式，賣相已經好吸引，龍蝦汁好香濃，意粉咬落有口感，唔會過腍。溫泉蛋一撈開，蛋黃流晒出嚟，混埋成個醬汁變得好滑好 creamy，口感層次豐富，唔會太膩。🍰「汐仔」摩卡筒 ~ 喺 Tiramisu 上面加咗個雪糕筒，入口有咖啡香、酒香同雪糕筒嘅口感，幾有創意，打卡一流！🍰 伯爵茶慕絲蛋糕 ~ 微微嘅伯爵茶香，餅底少少鬆化唔會太硬，整體甜度適中，啱晒唔太嗜甜嘅朋友。逢星期一至四有 +$1 甜品放題，唔係得一兩款，而係有成張 menu 任你揀，絕對啱晒甜品控！下次想搵個地方慢慢嘆餐飯，呢度絕對值得一試。…查看更多

今日去屯門御滿屋食放題，款式多而且味道非常唔錯。座位幾舒適，清潔度都令人滿意。有分 A 同 B 兩個餐，揀咗 A 餐都已經好豐富，有鮑魚鵝肝，仲有多款刺身，大量燒物熟食，性價比極高！😋 海膽手卷 ~ 雖然係放題，但海膽質素一 d 都唔差，唔會有臭味，仲食到有海膽嘅鮮甜，忍唔住要再 encore 多幾份！😋 蒜蓉燒蠔 ~ 平時食蠔最怕唔新鮮有臭味，今次食完全無發生呢個問題，而且蠔肉非常飽滿，鮮味十足！😋 草莓醬鵝肝撻 ~ 雖然賣相平凡，但撻皮香脆，草莓醬配搭鵝肝可以解膩又的確係唔錯嘅組合！食物有太多款式，每款都咁出色！晚市自選時段星期六日都係 $318，可以食到咁多款仲要咁高質真係物超所值！…查看更多

最近同朋友去咗荃灣食韓式燒肉，成間餐廳裝修走韓式工業風，環境舒服，座位夠闊，最正係有專人幫手燒肉，唔使自己手忙腳亂，可以專心傾偈同食野，氣氛真係一流。😋 烤牛排骨 + 牛五花肉套餐 ~ 呢個套餐係主角，牛排骨切得厚薄適中，燒完之後外層微焦，入面仲保持嫩滑，啖啖肉汁，牛味濃郁。牛五花就係肥瘦相間，燒到微微焦邊，油脂滲出嚟，入口即溶，真係食唔停口。加上有專人燒得好好，唔會燶唔會生，食得好放心。😋 海鮮大醬湯 ~ 呢碗湯一上枱就聞到濃濃嘅大醬香味，湯底濃郁但唔會太鹹，入面有多款海鮮，啖啖都好足料。😋 泡菜煎餅 ~ 煎餅係薄身款，外皮煎到脆卜卜，口感偏乾，入面就有泡菜絲、蔥花、少少辣椒粒，食落去酸酸辣辣，幾開胃。😋 水冷麵 ~ 食完燒肉之後食返碗水冷麵就啱晒！麵條煙韌又冰凍，湯底係酸酸地嘅醋味，清新得嚟又解膩，係燒肉之後嘅完美收尾。…查看更多

好耐無食茶木，今次見佢轉咗新 menu，其實菜式都係差唔多，雖然設計上係靚咗，不過味道方面就未算出色，感覺係有心思但未夠火喉。紅燒牛肉麵 ~ 一上枱就聞到少少香料味，湯底係紅燒風味，偏甜，但無咩層次，飲落去有 d 似濃縮湯包煮出嚟咁。牛肉無乜牛味，咬落去有 d 柴。麵條係偏粗身，口感尚算彈牙。手撕雞拌麵 ~ 麵條係偏幼身，醬汁比較淡，味道唔夠香濃，而且手撕雞份量唔多。菜式睇落去幾清新，但整體味道偏淡。培茶米乳米麻糬 ~ 呢杯飲品睇落好似好有層次，入口係米乳底，帶少少米香，質地滑但唔算濃厚，培茶味唔算突出，有淡淡嘅培茶香，但唔夠搶。重點係入面嘅米麻糬粒，煙韌得嚟唔黐牙，口感幾特別，整體飲落去還可以的。…查看更多

「牧羊少年咖啡館」一貫裝修都係走文青風，呢度仲有戶外位，環境幾靚，天氣唔熱嘅時候坐出面真係幾 chill。今次試咗兩款 fusion 意粉，味道都唔錯！😋 避風塘炒蟹肉意大利粉 ~ 呢款意粉真係幾有創意，將港式避風塘風味同西式意粉結合。意粉係用橄欖油炒香，唔係 creamy 果種，口感乾身但唔會太硬。蟹肉份量唔算少，食落去有絲絲蟹肉，唔會太碎。重點係避風塘蒜香，炸蒜粒香脆，加埋少少辣椒碎，食落去香口又惹味，唔會太辣但夠醒胃。成碟意粉食落去有港式炒粉 feel，但又不失西餐格調。😋 拿破崙意式肉丸長通粉 ~ 呢款就偏向傳統意式風味，長通粉煮得啱啱好，唔會腍晒。醬汁係番茄底，酸甜平衡得好，唔會太膩。肉丸咬落去肉汁豐富，牛肉味濃郁，仲有少少香草味滲出嚟。…查看更多