carley的個人專頁

黎開呢頭做嘢，呢區餐廳唔算太多，比我發現咗呢間超高質的平民賣壽司🍣 店，試過幾次都好好味！最愛叫不同款的壽司，全部都好新鮮同厚切！吞拿魚蓉、北寄貝、希靈魚、帶子、芥辣墨魚等等全部都好好味😋另外佢哋都有丼飯，最近試過海胆三文魚蓉飯，海胆唔腥亦好有鮮味！價錢方面亦十分親民，我買過幾次全部都唔駛 100蚊，超值呢！…查看更多

黎開呢頭做嘢，梗係試下呢區出名嘅海南雞飯。店子小小淨係做外賣，好多選擇，最後決定揀最平嗰個果子海南雞飯，等咗三分鐘就有，雖然只係 $35但份量好足，雞肉嫩滑有雞味，油飯入味但又不會太油，三隻醬都好好味，青瓜夠爽脆，呢個價錢真係冇得輸！下次再試埋其他嘢先…查看更多

好耐冇寫過食評，呢間嘢食真係幾特別幾好食，所以再次執筆寫寫。呢間前身係一間日式料理，見佢改咗做蝦湯麵🍜好似幾特別就即管黎試下。叫咗個蠔加蜆蝦湯拉麵仲追加咗溏心蛋，上菜後先試下D湯，幾濃蝦味幾好飲，我最後差唔多飲晒！兩隻蠔都好鮮味唔腥，如果可以多一兩隻就更加好啦！D蜆就稍為細咗少少，麵就正正常常，仲有前菜送係兩片蔬菜天婦羅，食完成個餐後都好飽好滿足，埋單連嘢飯就差不多一百💯蚊，唔算好抵但個人覺得物有所值！…查看更多

黎開呢頭做嘢，專登上網查下呢區有咩好食😋，結果揀咗呢間呢間壽司店黎過幾次，係一條巷仔入面，完全不起眼，佢哋主要做外賣，堂食就只有兩個座位。佢哋有丼飯亦都有壽司，令次叫了共12件壽司🍣，包括火灸三文魚、帶子、醋鯖魚、油甘魚、劍魚腩、墨魚、赤貝、櫻花魷魚🦑魚魚，款款都好好味好新鮮，尤其帶子，好鮮甜！壽司飲軟硬亦適中，但要留意呢度啲壽司體積較細，所以要嗌多幾年先夠飽 質素比起一般大型迴轉壽司店好，埋單大約百三蚊不算便宜但我覺得物有所值呀！…查看更多

放假一個人來吃午市放題😆12正來到未有任何客人用QR code手機📱下單方便又快捷我點了牛舌和牛封門柳仲可以揀不同口味的醬汁兩樣都好淋好入味還叫了雞肝呢個食落去有點似鵝肝好好味另外仲點了幾款海鮮包括帆立貝、蠔🦪、醋鯖魚同埋蝦一個錫紙兜上不用怕燒焦帆立貝好多膏蠔燒完會細隻咗但都好鮮味蔬菜就叫咗蘆筍同秋葵還有不用燒的玉子葱花飯半生熟雞蛋🥚撈飯味道好甜品我叫了日式麻糬煙靭又不會太甜最後還有movenpick 雪糕送大滿足😋😋😋…查看更多

鍾意食刺身的對於呢間一定不會陌生開業多年都是長期爆滿就知質素有保證我都其實黎過幾次但今次才想起要寫食評打開餐牌選擇好多大部份都係拖羅當然除咗吞拿魚都會有其他魚同其他選擇熟食都有但選擇就不太多今次叫咗藍鰭吞拿魚扒丼其實即係火炙吞拿魚丼吞拿魚扒不算大塊但大約有八塊外面少少熟入面非常鮮味好鍾意吞拿魚嗰種獨有的魚香味飯可以揀白飯或者壽司飯我就覺得壽司飯比較對味定食仲包埋蒸蛋、面豉湯、豆、黃蘿蔔仲有兩片橙個豆雖然唔知係咩豆但都幾好味連埋蒸蛋送飯真係一流食完真係令人十分之滿足啊…查看更多

呢間一直都好想試，今日終於有機會試倒！12時正一開門就入黎，一個人都冇可以自己慢慢歎！呢度係剔紙仔自選配料丼飯，可以揀四款或五款食物，再加每一項食物就大約加$16選擇好多，心多的我真係好難揀😅結果我揀咗蟹羔、藍鯺吞拿魚、醋鯖魚、赤蝦同埋帆立貝全部都好新鮮好好味😋，不過咁嘅價錢就唔好期望啲刺身會好大塊，尤其吞拿魚係幾細塊下我就特別鍾意個蟹羔，好濃味好鮮味，撈飯一流！另外帆立貝都自厚身同鮮味要留意返佢啲飯係比較似普通珍珠米白飯，如果想轉醋飯係要加$6五樣食物的丼飯只係$72唔駛加一，仲送面豉湯，性價比超高！不過由於佢每樣食物的份量不算多，如果想食完有一種超滿足感就建議額外再剔多一至兩項食物啦！…查看更多

同呀仔兩個去打邊爐，揀咗呢間位於灣仔的一人一鍋😀六點半去到冇乜人，但之後就愈來愈多人，仲滿晒座地方唔算大但環境好舒適企理，食完都冇成身油煙味我哋叫咗最平嗰個餐，包括前菜、海鮮拼盤同埋雞煲或者炸雞😋 當然仲包括任點任食同出去攞嘢食前菜有粒粒蕃薯🍠、雞串燒、蛋黃炸魚皮、枝豆，樣樣都好好味，呀仔尤其鍾意個蕃薯，甜甜地好好味！粒粒炸雞🍗正常味道，加埋啲辣醬好滋味海鮮拼盤有鮑魚、蝦、魚、蜆同扇貝，唔算好大隻但都新鮮！湯底我哋揀咗牛乳鍋同花膠鍋，牛乳應該真係牛奶🥛，好味！服務員送上肥牛及䐁肉，好快熟好好味！另外我出去攞咗餐肉、腸仔、粟米🌽、南瓜、菜同丸類，全部都好正常食完呢啲我哋已紅飽晒，完全冇點任點任食嗰啲野，張紙其實仲有好多食物我想試，包括滷大腸、牛柏葉、鴨血等等，但真係好飽啦😅任攞嘢飲包括韓式野飲如蕃石榴汁、芒果汁、水蜜桃🍑汁、檸檬汁等，選擇好多，最後仲食埋melona蜜瓜味雪條，真係超滿足😝今餐呀仔同我都食得好開心🥳，有下次！…查看更多

之前以為荷理活道冇乜野食，無意中上網見倒呢間好似幾特別，所以決定試下餐廳唔太易搵，入口比較唔起眼，入到去仲會以為自己去錯地方，因為佢真係唔似一間韓式餐廳餐牌都係得英文冇中文，店員都是外籍人士，所以會以為自己去咗西餐廳一點幾去到坐喺度食嘅一個人都冇，全部都係買外賣，我就叫咗 Pulled Pork Rice Bowl食物黎到見佢有少少似韓國拌飯但係又有少少唔似，我估佢呢間應該係西式同韓式 fusion菜豬肉食落去酸酸甜甜咁，同埋係手撕嗰種質地，食落幾得意，仲有啲滑蛋、泡菜同埋紫菜，咁嘅配搭又幾好食，好好送飯，我平時出街一個人的份量係食唔晒今次就例外最重要係價錢都唔貴，$58一碗，其他選擇我見仲有三文治、其他飯類等等，下次都要試下！…查看更多

黎開呢頭做野，鍾情日本🇯🇵野嘅我揀咗呢間。一點鬆午飯時間入到去都只得一個客人，心諗會中伏，點知係有驚喜！午餐🥣起多選擇，我揀咗吉列豬扒滑旦飯，上菜有啲慢，等咗大約十分鐘先到，一黎到發覺個份量超大，最後我只係食咗一半，唔係唔好食，而係真係食唔晒🙈講返嘢食，個豬扒係炸得好味，鬆脆又唔會乾身，但我就覺得滑蛋煮得過熟，冇咗滑蛋嗰種效果😅 不過整體味道都係中上！店員超好人又會同食客傾下計，下次會再試吓其他嘢👌🏽…查看更多

黎呢區做嘢，一定要食呢間😀環境比較暗但好舒服好有日式風味一點度黎到人不多，午餐定食有五六款選擇我叫咗刺身定食，店員好快就送上前菜同湯刺身有五六款，每款都有兩片擺得好精緻好靚，令人食指大動隻碟都好靚好特別架有三文魚、帆立貝、蝦、𩶘魚，仲有一款唔知係咩魚😅同埋一大碗飯全部食落好新鮮好好味😋特別鍾意帆立貝，好厚身鮮味十足個蝦就比較細不過都好好味埋單一百蚊鬆啲，真係算好抵下次要再黎試埋其他👏🏼…查看更多

呢間一直是在想去之列，黎開呢頭做野終於試倒！之前有去過銅鑼灣店，中環店就第一次黎😀11:30去到冇乜人，中環店喺蘭桂芳附近，地方不大，坐下來決定點有多款刺身的北海丼😀 刺身包括三文魚、油甘魚、海胆、拖羅、蟹籽、赤蝦同赤貝😋 一次過可以食晒咁多種真係超開心起滿足！全部刺身起新鮮，特別鍾意赤蝦同拖羅超好味！另外海胆都好有鮮味！埋單二百鬆，喺中環區黎講價錢絕對合理👏🏼 午餐定食包括沙律及湯，夠晒飽！…查看更多

呢間其實黎過好多次，而家先諗起要寫食評😅我最常叫的係呢度嘅極上粒粒魚生丼，其實我向來都不太鍾意食角切魚生飯，但呢度嘅就好唔同，因為佢啲魚生雖然係角切但就切得比較大粒所以都好有口感，有吞拿魚蓉、海胆、蟹籽同角切三文魚，每樣都好新鮮之餘份量亦都好多，食完真係會超滿足😋 價錢亦唔貴只係一百蚊鬆啲，真係超推介！我仲食過呢度的七色魚生飯同火炙魚生飯，都好好味！呢度服務都好好，如果成日黎店員都會記得你鍾意叫咩，上菜亦都好快！午餐跟沙律同埋麵豉湯，份量都大，女仔如果細食的話可以叫少飯😀…查看更多

日本野食尤其刺身始終係我的最愛😍黎開呢頭，見未試過呢間同咁多好評就入去試吓😀未夠十二點去到都已經有幾個人，店員安排咗我坐樓上位，坐喺bar枱前可以望到師傅預備食物👏🏼有選擇困難症的我望到餐牌樣樣都想食，最後叫咗拖羅丼每種拖羅同吞拿魚蓉色澤光鮮，魚蓉冇渣，食落亦非常新鮮，飯軟硬度及醋味適中，食完真係好滿足😋埋單連加一二百幾，中環區黎講價錢合理！食食下愈黎愈多返工人士黎啦下次要再試下其他丼飯😝…查看更多

上星期我們到了這間親子餐廳一坐下來職員就會遞上玩具和顏色筆🖍等最喜歡兒童餐中的DIY PIZZA🍕可以自選配料放上去職員就會拿去焗還有DIY cupcake可以放綿花糖藍莓🫐等玩樂區包括韆鞦、滑梯、大積木、小木馬等地方細細的但對於小朋友來說有得吃有得玩就是大滿足🤩玩樂區較適🈴️五歲以下的幼兒餐廳的其他配套如換片室等也十分完善食物質素不錯尤其蛋糕🍰好吃價錢也合理每位入場的成人及小朋友都要叫一個餐一大一細大約是三百元（視乎食物而定）…查看更多