kingarthur88的個人專頁

話說朋友在葵涌附近辦事，晚飯要找點吃的，求其搵左間上海菜。小店風，沒有甚麼裝修可言，好聽的可說是民間風味小館，難聽點是平民食肆，操不到家的上海菜，但價錢優惠到不得了，因此不能太苛刻地評論。皆因共叫了豬扒擔擔麵，煎鍋貼，五香牛展菜飯，蒜泥白肉，都只是160元。價錢是不能挑剔了。上海菜，一向也是濃味，油重，偏甜。沒錯，表面上這店做到了以上上海菜的特色，但止於此而已。高級的滬菜能做到油而不膩，濃而不漏，鮮甜而非砂糖膚淺的甜。嚴格來說這裡虛有幾表，但便宜小店要求就不能那麼高了。160元4樣菜是不能騙人，我真的飽了。…查看更多

男人老狗愛吃肉和喝酒。平則任食韓燒牛肋骨送柚子味soju燒酒，貴則去高級西式扒房食精挑細選的韓牛飲opus one。頹至叉燒送玉冰燒，豪至yakiniku送十四代。天下間之男人，除女生外，何嘗不是被酒肉迷倒？此行來到灣仔qre新開餐廳heat，主打西班牙熱扒爐，因以爲名。見其他網站勁sell dry age 牛扒有堅果藍芝士味，重口味的challenge accepted。𨋢門一開，映入眼簾是儲存各式各樣牛扒的雪櫃，感覺專業，一目了然。餐廳裝修工業風，casual不拘謹又不失優雅，未嘗不是約會好地方。中庭設置cocktail bar，bar後有semi open kitchen，鼎鼎大明的西班牙josper grill亦可見到，氣派十足。見他們設備齊全，正中我這晚吃肉喝酒下懷。我和漂亮朋友點了重點推介的西班牙60天dry aged ribeye, 店員亦推介了蜆，小龍蝦和西班牙紅蝦。今晚相伴的是2011年的bordeaux。先上場的是白汁煮蜆，內含多種香料如薑，辣椒。蜆算大，汁算香，但只是後上美食的冰山一角。我在香港是沒有吃過這樣好吃的langoustine。小龍蝦肉嫩，多膏，新鮮程度已經不需點旁邊的醬。份量慷慨，價錢合理。緊隨著的西班牙紅蝦，坊間通常生吃因此而腥，畢竟西班牙唔算近。但這裡燒熟了反而味道鮮味到家，這三道海鮮已經把我的味蕾寵壞了。進餐不久，bartender盛意拳拳推介本店會因人客喜好而異的cocktail。我們便點了一款朱古力based和另一款whiskeybased的cocktail。酒意濃時氣氛漸入佳境，店員和兩位老闆的熱情招待下，這本身男人的浪漫已昇華至如火如荼的熱鬧派對。亦在這時，主角dry aged ribeye進場了，聞名不如見面，堅果和藍芝士味盡出，配上紅酒，這佳餚更上層樓。Heat,除了是扒爐和廚房煮食的熱，也是老闆和店員的熱情招待，更是吃得火熱的痛快。本身欲滿足一己酒肉的私心，最後跟店員都打成一片而賓至如歸。…查看更多

東南亞美食勝在香口，濃味，有鑊氣。適逢秋風送爽，香港十一月尾終於漸露秋意，驅使我走進老字號莎巴馬來餐廳，一嘗炒蘿蔔糕和沙爹等傳統馬拉招牌菜，暖暖胃，醫醫肚。名不虛傳，縱使環境已非新店裝潢，馬拉菜的老風味猶在，此行並沒有失望而回。我和朋友幸好在“落場位”前入座，其後一對情侶約下午5時來已經無緣進餐。炒蘿蔔糕不負所託，鑊氣盡出，上菜後10分鐘仍然炙熱。蘿蔔糕外脆內軟，咬下去先嘗豉油的甜，再送以雞蛋花，芽菜，菜甫，蝦肉的鹹和鮮，啖啖香口放不下筷子。儘管我相信有味精點綴，但地道東南亞菜本就不是健康之選，是正宗guilty pleasure comfort food。食馬來西亞菜非吃沙爹不可。花生沙爹醬到家，比坊間的甜，而醬身濃厚，口感非常，令我回想尖沙咀好時沙爹前身還叫做“沙爹hut or 屋”，當時朱太親手炮製的那個沙嗲醬。豬，牛串燒油份剛好，味道亦醃得不鹹也不酸，伴上甜甜的花生醬是絕配。不要談健康，熱氣，我知道是guilty pleasure。但在這灰灰的天，陰陰的街中，我的味覺在灣仔找到荒漠甘泉，縱然有半點內疚，亦在鑊氣中沉醉了一個抱腹而回的馬來黃昏。…查看更多

聽人講有間喺何文田嘅咖啡店好小品，值得一去。原來喺勝利道寵物店附近，而且店舖內外都有shibainu 柴犬的蹤影。但係店又冇講咩係black sugar，我又見唔倒柴犬，又冇寵物喺裡面，完全唔知個story咩玩法。是但啦，咁咪試下杯americano同懶健康叫左個salad。Weekday 都不乏街坊客幫襯，所以空間感有限，坐得唔會好舒服。美式咖啡幾好飲，但係沙律真係唔合格。收得$98比包雜草求其搭兩片parma ham，dry到一個點。仲要係$98,妙想天開。自己去超級市場買黎整都一定好味d。整體好像發了一個有關黑糖，柴犬和雜草的夢。在寵物的大氣候下，不清不楚，朦朦朧朧裏喝了杯熱咖啡。…查看更多

即係咁，$2,000 一個人可以食到：1）飲埋酒嘅廚師發辦嘅高級omakase壽司2）高級西餐tasting menu連酒水3）10餐千兩今次食雲海$2,000一個頭係因為book左private room，minimum charge $7,000。不過因為有客請所以都冇話揀第二度。不過想話$2,000per head 酒店高級日本菜，你話食氣氛服務，我接受。可惜今次d服務係跌眼鏡，食物質數亦唔係高水準。如果你話坐出面sushi bar或者teppanyaki bar，一路食一路睇都很可能接受這價錢。間房就算靚到一個點，但配合當晚果位專員嘅服務態度，簡直係不可理喻。昂貴價錢，一般食品，非酒店餐廳私人房服務，咁book privateroom嚟托咩。店員話白子同ankimo安康魚肝時令，結果白子好吃，安康魚肝入口鞋到不得了，千兩質數。不過重點係同店員講，佢話“唔會係咁架” ，第一次質疑客人口味。我叫佢試，佢話“我洗乜試呀，我要試廚房已經試左啦”。好的，多謝店員專業服務態度。之後上左個豆腐雜菜湯，味道似白灼，水味的湯，拿出來的昆布（紫菜）係零味道。同店員講d湯冇味，佢話“點會冇味呀，d味我聞都聞到啦！” ok，第二次dismiss客人意見。此外某款壽司漏單，飲品遲遲未上，但比起佢嘅態度已經係冰山一角。接下來的食物- 壽司刺身係正常，非高級omakase水準，煮食反而好吃，例如牛肉和油甘魚頭。不過真心，下次如果真係返黎雲海，就會做出面, 你咁貴我起碼食下出面個氣氛。反正你個店員咁嘅服務質素，點都俾唔倒2000蚊一個頭囉。…查看更多

出得中環食lunch，預左唔平得去邊。仲要食高級日本菜，盛惠$450大元。這間kitcho是在在威靈頓街sushi kuu樓上的，裝修算新，還有露天平台座位和日式後園，感覺雅致高尚。壽司吧冇位唯有坐台，叫左個deluxe sushi set，朋友叫了海膽帶子吞拿魚腩碎飯。午餐都跟餐前的蒸蛋，餐後的麵豉湯和烏冬。壽司set 魚生新鮮，但飯少。是好是壞，見仁見智。男仔食未必飽。朋友的魚生飯都係飯少，味道尚可。唔係話因為貴所以想食得飽，但係壽司少飯的程度係點豉油wasabi都好易成舊跌晒落去。同埋口感，味道都好唔平均，或者女仔想減肥low carb ok嘅，不過始終覺得太少飯件不太體面亦失去壽司中魚生和醋米相輔相成之效。不過經理和店員禮貌都好好，招呼親切，呢度又坐得舒服，整體感覺良好。…查看更多

都知道唔係深井食陳記預左唔會好掂。食得燒味d環境都唔舒服得去邊。不過琴晚去荃灣見到有間陳記，又想食燒鵝咪入去食下囉。叫左碟例牌上庄同白飯同個friend兩份分。d野未到去個廁所諗住洗洗手。問店員洗手間喺邊，佢就咁呼喝左話喺鋪頭後面。指一指門側話鎖匙要自己攞。好啦燒味舖都吾係會點好招呼。點知攞起條所謂鎖匙扣，係用紙做嘅，仲要濕嘅，果下難受到一個點。去廁所要經後巷廚房，環境惡劣到不得了。彷彿唔洗手仲好過洗。已經冇晒胃口。出到嚟食燒鵝，賣相正路。可惜皮完全唔脆，肉味一般滷水味囉。整體經歷因為廁所同濕笛笛嘅紙鎖匙扣印象深刻，燒鵝又唔係出眾。好似發左場唔係好開心嘅夢，但又未至於惡夢囉。…查看更多

話說不嬲都聽朋友講話九龍城有間食brunch嘅叫Chicken and Egg。openrice極都冇，google原來係 chicken “n“ egg。今日行開呢頭就同朋友食返個lunch，每人$88 ，佢哋個set叫做SMS，原來係沙律，主菜，半菜嘅英文acronym。其實自己不嬲都好鍾意食雞同埋蛋，譬如親子丼飯。之前朋友話食brunch咁一定聯想到有雞蛋啦，諗住有scrambled eggs 呀omlette呀，燒春雞等。今日滿心歡喜來試，最後帶着失望離開。餐廳地址喺打鼓嶺道，近九龍城寨公園嗰邊，唔係特別易搵。唔知係唔係已經開咗一段時間，裝修同現場環境都有點舊的感覺。而且可能今日天氣頗熱，好多烏蠅，店內服務員的態度亦不是很親切，整體感覺不良好。set lunch上之前先上自家製麵包，我欣賞佢哋自家製嘅誠意，但係出品確係麻麻哋。個包冇食哂，全因諗住轉頭食佢main course 的chicken，點知一上菜嘅時候發現隻雞都真係幾細隻隻雞，點知一上菜嘅時候發現隻雞都真係幾細份。跟餐的餐湯是蔬菜清雞湯，大概有一shot多少少的份量，未到良好，䁔胃。然後沙律普普通通，佢又要放喺個咁細嘅碗仔裏面，碗仔又要再迫埋喺已經有雞，薯蓉，清湯嘅碟上面，用餐時都幾難斯斯文文咁用刀叉去食。唔好計個自家製嘅餐包，成餐飯最難食嘅竟然係用來做鋪頭名嘅烤雞，亦即係呢度嘅signature item，完全唔係d咩正野可以做鎮店之寶，舊雞又細隻好乾，雞中翼因此像雞翼尖，但係燒得又唔香。gravy加薯蓉都好dd。叫咗杯凍咖啡，好飲過茶餐廳嘅，連鎖式咖啡店嘅質素。唔知係咪自己對鋪頭名改得好，同埋朋友話呢度食brunch okay，本身期望太高，絕對唔係食餐安樂brunch嘅地方。 不過講返句公道說話$88 ，環境正常，食個西餐嘅lunch算可以接受，亦都睇得出佢好多嘢都係有心思嘅，可惜執行得好一般。…查看更多

話說轉頭要去圓方睇戲，就喺the grand cinema隔離間附屬餐廳食晚飯。以為係美心d野，但係原來waiter話屬於戲院嘅。餐廳裝修闊落舒服，雖然是有假盆栽，但綠色點綴著餐廳環境感覺良好。menu可以用ipad喺檯面點，操作算順暢。可惜以食物價錢來説不抵食，可能商場租金貴，icc 班白領又食得起，附近豪宅居民都又俾倒呢個價。所以冇乜肉嘅肉醬意粉係$155。雞沙拉$135。慢煮豬手$288。雞沙律係正常，健康之選。但係慢煮嘅豬手除咗炸豬皮同薯條好食之外，舊肉係唔值這價錢，同埋沒有慢煮現有的林，一d都唔tender。客服都正常，仲好似老闆落左order，waiter點都走埋黎問我哋食唔食pancake。總括而言，普普通通，咁嘅質素算貴。…查看更多

口痕想食下午茶，近日天氣又轉涼，成日都想食碗熱湯麵。食得太多泰國船麵今次不如試下越南生牛肉河，於是入左嚟間裝修似靚靚仔仔嘅Saigon Pho。裝修正常，舒服，起碼唔up dup先。唔洗五十蚊有牛肉河有野飲，都抵嘅! 不過越南生熟牛肉河係沒有生的元素，只有非常熟，湯底唔濃勝在少味精，想飽肚係可以食下醫肚。朋友點嘅蝦蟹湯濛反而個湯底飲落幾舒服，有蝦和豬肉撈埋既肉丸，連埋d扎肉同蝦，全場最欣賞呢樣野。另外叫左嘅香茅豬扒包非常港式，裡面有番茄和青瓜，豬扒係醃得同炸得幾香嘅。下午茶算係幾抵食。…查看更多

又打牌。今次特登早d嚟順便食埋嘢。我決定左喺呢度食dinner，又有房，又好味，之後可以打牌，食生果，好過喺旺角下面逼。結果我嘅決定係冇錯嘅。叫左店員推介嘅時令羊腩煲同埋啫啫芥蘭煲。今日有返d涼意，食呢兩味又香口，又熱辣辣，最好不過。個羊腩煲腐乳味超香，裡面仲有枝竹冬菇，好足料。生菜側邊上，可以烚下味道清新返d，唔會好滯。個啫啫芥蘭煲先香，呢d本地港式地道煲仔小菜真係一流。結果不斷係度畢羊腩煲d汁送飯，碟腐乳都比我yaam得七七八八。啫啫芥蘭又係餸飯野 。結果飯氣攻心，唔係開枱嘅話我訓左lu。…查看更多

上次去灣仔食完Samsen碗船麵之後念念不忘一路都好想複卓，期待大碗熱辣辣濃湯泰國船麵。咁啱喺九龍唔想過海，於是睇下有邊度有，結果搵到九龍城呢間昌發泰國粉麵屋。一入門口見到係超級地道泰國菜，原來金寶，小曼谷d裝修係算靚。兩邊牆壁貼著嘢食相，點菜喺自己睇menu然後按編號寫紙仔。寫完都未必有人嚟收。於是點左個招牌遊船河, 湯夠濃但係又唔係特別香，裡面有豬肉丸，雞肉和豬潤。總算有類似既嘢落格。朋友叫左海南雞飯都係普通。 反而椰青清甜可口，解渴。 總算係食左個麵。…查看更多

都唔洗點介紹，老字號的金寶，好耐冇食，朋友想食海南雞飯，我想食清d。如是者我食金寶越南的蝦卷，佢食金寶泰國嘅海南雞。選擇多，味道正常，出品穩定，you know what you're going to get, 是屹立多年的原因吧！近期好多人食泰國船麵，又或者越南bun maam，bun bo hue等濃味d嘅大碗麵。香港地同行的泰式越南菜亦越來越“升呢”。這些新元素無疑並不是金寶向來走的路線。但我好好奇既然金寶咁有霸氣，一條街三間舖，會唔會向潮流發展，又或是謹守老店崗位。又或者係九龍城這區食客，能否真的與時並進，接受老一套以外的食風呢？…查看更多

這個年代什麼也講求精品。有很多人掛羊頭賣狗肉，濫用精品兩字。宋 米芾 《畫史·唐畫》：“所收皆精品。” 清 王士禛 《池北偶談·談藝四·外國墨》：“ 陸子履 奉使 契丹 ，得墨，銘曰‘ 陽巖鎮 造’者，其國精品。今天我終於見識了真真正正的精品。精品咖啡，精品酒店聽得多，但係兩者一起融會貫通，談何容易。今天有幸在page common見識到這名不虛傳- 精美的作品。page common 是精品酒店page148大堂的咖啡店。酒店概念為旅客的遊記，每間酒店為一頁，香港的沿用其地址街號是第148頁，倫敦的酒店則設為另一頁page8。概念新鮮貼題，國際化，令人不禁遐想遊歷大世界，足印遍佈各地，筆跡寫滿每頁遊記。酒店未開，但咖啡店已經做緊生意。一入去大堂環境優雅，裝修很有格調，coffee bar用 mod bar 咖啡機, 好型！賣pastry 和輕食，亦有單品手沖。典型時下精品咖啡店運作，但配以華麗裝修氣氛配襯，在尖咀佐敦突圍而出。最後叫左杯Iced Americano，咖啡味香，有層次，house blend 用巴西，埃塞俄比亞，印尼豆。再叫個Avocado Toast，正常。由於環境實在是太優雅，酒店成功令人賓至如歸，大堂竟然能做到慢活享受之情，非一般酒店能做到。總之，整間酒店和咖啡店都很有品味和格調，無可否認是幕後策劃人精美的作品。期待酒店開張，在較高樓層遠眺木球會和理工大學之景，咖啡客和住客應該更加樂而忘返。…查看更多

山長水遠入大埔，因為朋友話d腸粉好正，即管嚟朝聖。週末有隊排，不過只係稍後片刻。坐低發現夜晚先有煲仔飯，不過今日志不在此～叫左一個炸兩，一個豬潤併叉燒腸粉，同埋炸魚皮。呢間野係贏在腸粉皮。手工好，皮薄但係唔易爛又唔會黏住對筷子。本身我麻麻地腸粉都暗歎其手工和味道出眾。豬潤併叉燒係出奇地好味，有少少金錢雞果種味道。炸魚皮下次可以唔叫。不過呢度服務係，有特色的。真係就咁喺你面前講粗口，唔係鬧客，係日常吹水咁員工之間互吐真言，毫不修飾，有性格，夠地道嘅。3個字：食腸粉。…查看更多