fungyee0704的個人專頁

難得仲有中午堂食，今日同同事去左試新開左冇耐嘅日本餐廳🍱餐廳係以日式拉麵店吧枱設計，等出餐時可以看見廚師為你準備食物。特別一提肉類都係用炭火燒，別有一番風味😌🐷黑豚肉定食 $238黑豚肉用炭火燒到剛剛好熟，外皮焦脆， 肉夠嫰！不得不提佢定食唔係跟味增湯而係粟米湯， 非常濃郁好味！另外同事試食嘅幾款：🐟季節魚定食 $238🍱燒鰻魚丼飯 $218🐮牛肋肉丼飯 $248🍵抺茶厥餅最後仲有甜品作結！係最愛嘅抺茶厥餅呀！京都嘅味道呀！係鄉下（日本）嘅味道呀!😭到底幾時有得返鄉下😭P.s. 消費滿$120以上仲送咗一盒日本蜜柑🍊味道清甜唔酸🍊🍴ToriHachi (鰂魚涌)鰂魚涌英皇道728號K11 Atelier地下G03號舖…查看更多

依排天氣熱到好似去左泰國咁，搞到好掛住泰國美食， 小叉就揀左去頗有好評嘅新泰食晚飯～🥭芒果沙冰飲落有好香嘅芒果味， 冰嘅比例唔會太多硬到飲唔到，依排天氣咁熱一流🦀香芒軟殼蟹米紙卷一睇就見到入面都幾多料， 軟殼蟹，牛油果，芒果，配菜， 點埋泰式魚露，食落酸酸甜甜，好開胃～🍍泰式菠蘿炒飯都係泰菜必點之一，跟埋有腰果肉鬆， 飯入面有提子乾同蝦仁， 仲有新鮮菠蘿肉， 小叉唔小心食左好多🤭🦪鐵板蠔仔炒蛋本身以為係似潮州蠔餅咁， 原來係炒蛋形式， 冇溝面粉。都幾足料好多蠔仔同芽菜， 蠔仔新鮮又唔腥～🥬泰珍珠椰菜苗炒香菇平時好少食椰菜苗， 所以叫黎試下。椰菜有少少硬， 但花菇數量唔少，而且都夠入味…查看更多

最近天氣熱到爆🥵係街行左一陣就已經出晒汗🥲依d 又熱又攰嘅時候就緊要買杯凍飲先致爽🤩小叉普通珍奶都飲得多，既然要飲就揀依家好興嘅堅果奶！依間NUTTEA 係太古坊附近， 一早係OL 界出晒名， 日日都好多人排隊！小叉今日同朋友揀左招牌嘅伯爵朱古力堅果奶蓋茶同宇治抺茶堅果奶蓋茶～🍫伯爵朱古力堅果奶蓋茶 $47小叉大推！！奶蓋口感厚滑又有朱古力香！唔會太甜仲有好香榛子味，好似食緊金莎味嘅奶蓋咁🤤再飲一啖伯爵茶，一入口好香嘅伯爵茶味！中和左朱古力奶蓋嘅甜， 係perfect match! 小叉建議茶可以少甜/半甜， 更加可以試真d 茶味👍🏻🍵宇治抺茶堅果奶蓋茶 $39小叉都係抺茶控🤤緊要試埋抺茶味！首先奶蓋有好香既果仁香，仲有果仁粒粒係入面，飲茶既時候都會食到啲果仁碎，豐富左成杯茶既口感🤣另外佢個抹茶茶底都好濃，就咁單飲抹茶可能有啲苦澀，但撈埋奶蓋，就好似飲緊Matcha Latte咁，正呀🤤⭐️特別提提大家奶蓋係用堅果整成， 堅果敏感者要留意呀⭐️…查看更多

香港人365日都要打邊爐！小叉最近好想食麻辣嘢，所以今次約埋一班朋友嚟咗食點鍋！🍲呢間點鍋原來係社企嚟嘅，請咗聾啞人士做樓面，佢哋全部都好有禮貌而且態度好好，值得支持！💕講到食物方面，湯底選擇非常多。我哋選擇咗麻辣同蕃茄雙拼。麻辣湯底非常足料，見到有一大堆辣椒花椒係湯入面！味道係想念中嘅四川麻辣味！🌶🌶🌶火鍋配料非常多，小叉就介紹吓值得推薦嘅幾款啦！海鮮🦐入場會按人頭送海鮮拼盤，有蝦、帶子、斑片同蜆。海鮮算新鮮，不過份量唔算多。牛肉🥩打邊爐最緊要有牛肉！每台會送一客頂級牛肩脊肉。佢嘅牛肩片同肥牛片肥瘦比例適中，而且入口一D都唔鞋，仲好有牛味！手打芝士丸／自家製水餃🥟手打墨魚丸非常彈牙，中間仲包住芝士流心，淥完一咬開芝士就會爆出黎，非常推薦！要自家製水餃非常推薦黑松露蝦蟹餃。黑松露味好夠，鍾意黑松露嘅朋友記得叫黎試吓！金沙鹹蛋炸魚皮/即炸手工紫菜響鈴🫔依兩樣香口野又係打邊爐必要！鹹蛋炸魚皮非常野味，唔淥就咁食都好好味。另外佢地自家制響鈴中間包左紫菜，即叫即炸非常脆口，唔會有油益未！朋友們都不停encore ！ ！飲品/甜品🧃飲品係任飲嘅，都係一般市面嘅罐裝同紙包飲品。而甜品就係奉送迷你雪米糍，有三種口味，獨立包裝。今次嘅打邊爐湯底同食物都好有水準，而且服務態度幾好。但係用餐時間就有啲短，有啲食物食唔晒都要夠鐘走啦。小叉決定同朋友下次要再嚟幫襯！😋…查看更多

係鰂魚涌返工/返學嘅朋友對依間店都唔會陌生！係出名又好味又難買嘅麻糬泡芙！每日只有兩轉出爐時間（1315&17:15) 有時滿左單可能唔開添！去之前記得要上IG 睇通知～✨小店開係英皇道後面嘅住宅小巷中間，要小心d 先搵到入口～但每次行過都會聞到出爐嘅香味，就算見到長長人龍都會排埋一份😋佢嘅泡芙特色係每日即做， 加上大大塊麻糬，外脆內軟🤤本人暫時試過3種味道， 分別係髒髒比利時朱古力🍫，桂花烏龍茶🌼同抹茶櫻花🌸髒髒比利時朱古力🍫香濃嘅朱古力味，成塊麻糬都沾滿可可粉，比較甜但對於朱古力迷黎講係好滿足嘅～桂花烏龍茶🌼☕️微甜嘅桂花cream 加上濃濃嘅烏龍茶味， 兩者平衡得洽到好處， very nice~✨ 本人最愛依款💕抹茶櫻花🍵🌸抺茶cream 用上小山園嘅抺茶粉，櫻花cream 係香甜嘅櫻花味，唔係臭櫻花味， 上面仲有朵鹽漬櫻花點綴🌸又靚又好味…查看更多

你嘅理想lazy sunday 係點嘅？小叉嘅理想sunday 就係訓到自然醒， 然後吹住海風嘆咖啡😌☕️今日黎到將軍澳嘅JOMO,位置係一列海傍餐廳嘅盡頭， 仲設室外同室內嘅座位， 等你同狗狗可以坐係座外吹住海風嘆coffee☕️🍴伯爵茶戚風蛋糕$52此店嘅熱門甜品， 緊要一試🍰戚風蛋糕好夠鬆軟，食嘅時仲有濕潤嘅口感， 而且面頭仲淋上左cream, 帶出左伯爵茶嘅香味😌小叉推薦大家一試✨🍴Dirty $40因為搭配甜品， 所以點左dirty中和一下☕️ 有咖啡嘅香味，唔會太酸， 細細杯配蛋糕剛剛好。…查看更多

因為疫情關係，好耐都冇得去旅行啦😫小叉好掛住台灣夜市嘅美食，於是乎今次就嚟咗好有舊式台灣夜市街頭feel嘅台式餐廳。因為係放lunch時段，等位同等外賣嘅人龍都唔少。大概等咗15至20分鐘左右先入到去堂食。🍴塔香鹽酥雞香菇滷肉便當（ $62 ）便當非常之大份，配菜有椰菜、芋絲、豆腐卜、蘿蔔同滷蛋。每樣配菜都滷得非常之入味，豆腐卜仲炸得趣扑扑。但食到後期就覺得有少少咸。滷肉係用肉碎製成而唔係肥豬肉切粒，有少少失色。但味道都可以。主角當然係鹽酥雞啦！雞塊炸得夠趣又夠味道，可以解到台式夜市癮😝🍴蒜脆杏鮑菇（$28）比較少香港餐廳有得食炸杏鮑菇，因為即叫即炸所以要等一陣。但新鮮炸起果然唔同，加上有埋調味粉，台灣夜市嘅感覺出晒黎。另外跟餐仲會送一罐道地飲品，但味道非常之甜😅所以怕太甜嘅朋友可以skip啦。…查看更多

小叉今日去左大館朝聖， 睇完市集同展覽之後， 緊係唔少得去埋coffee shop 打下躉啦！依度嘅全木材裝修風格， 好日系，好文青，非常配合大館嘅藝術方向。一入到去就有種好令人放鬆嘅感覺。收銀枱附近仲有各式咖啡手沖用具， 咖啡愛好者記得睇下尋下寶！依度嘅outdoor 座位比較出名，所以好多人等， 排隊時都要特別request 先有。但小叉之後有約所以就揀左take away～🍴Iced mocha $50小叉中意飲 D mocha係用朱古力漿而唔係用粉沖嘅， 依杯mocha 有朱古力味得黎唔會搶左咖啡味🍫🍴黑朱古力味噌曲奇 $28見到個味道咁特別就一於試下。曲奇面有d 粗粒鹽，一開始食到多鹽嘅位就會好咸， 但掃走多餘嘅鹽再試， 曲奇外皮脆身，而且好濃黑朱古力味， 味噌味其實唔太覺， 但整體味道係似海鹽朱古力曲奇🍪而且非常大塊，推薦大家一試✨…查看更多

小叉一向都好愛食Sukiyaki, 可惜依家疫情冇得飛☹️ 不過識飲識食嘅好友就帶左我黎依間大獲好評嘅正宗日本壽喜燒餐廳！依間餐廳嘅booking 非常full, sukiyaki omakase 一早就book 到下個月🤦🏻‍♀️所以我地就揀左book lunch set~地點位於中環荷里活道，由地鐵站行上去都要d 時間， book 左位記得要預早d ～鋪面係一貫日式餐廳裝潢， 入內每張枱都有充足空間，夠舒適🍴前菜 田園沙律🥗其實同一般沙律一樣， 冇咩特別，不過雪得夠凍， 行完斜路上黎消暑一流🍴Mini Sukiyaki 牛肉 🍲$280主菜黎啦！一睇d 牛肉嘅雪花分佈得咁平均，就知道係和牛級數！ 🥩一入口即溶， 係久違嘅日式滋味🤤 配合埋日本生雞蛋🥚同白飯🍚， 成個感覺簡直係返左去日本咁！餐後仲有雪糕奉上🍨， 用甜品幫你依一餐畫上完美嘅句號。小叉真係要多謝朋友嘅好介紹！希望之後有機會book 到位試埋sukiyaki omakase🤤…查看更多

今日happy Friday, 放工同同事想食下好西， 就黎左太子附近搵食。 見依間bar 好似唔錯就入左去啦。餐廳主題同環境佈置用咗黑人同雷鬼做主題，場內播放流行曲，而且燈光篇暗，好適合同朋友放工嚟飲酒睇波🍻🍴墨西哥脆片伴酸忌廉（Nuts） $40一坐低就會主動送上，等你可以食住慢慢揀點咩菜。🍴魚子松露蟹肉拌意粉$98依個冷意粉伴有魚子醬和蟹肉，微微酸辣，好清新，幾有驚喜。（小叉推介✨）🍴經典英式炸魚薯條$98炸魚幾新鮮嫩滑，而且份量足，送啤酒一流。🍴炭燒美國頂級肉眼扒（ 14安士）$168牛扒揀左7成都唔會太韌，有肉汁，配上燒汁味道不錯，難怪成為本店熱門菜式。加$22配餐湯及冷熱飲品升級配菜：松露炒雜菌$28唔算特別， 而且菇有少許韌🍴龍蝦汁蝦肉意大利飯$128食到有好濃嘅龍蝦味，而且幾足料， 蝦仁唔會有雪藏味，意大利飯軟硬度亦適中。以酒吧黎講佢d 主菜都算幾好味😋唔飲酒都可以黎食dinner😂…查看更多

一早聽聞長沙灣新開左間打卡cafe, 味道同佈置都唔錯， 今日黎長沙灣就特登去試下😋平日嘅2點左右，剛過左lunch hour 但都似然有條人龍仔，大概等左20分鐘先入到座～今日一個人黎食tea，所以叫左唔多野🍴雞蛋布甸with House blend Espresso🍮$58個布甸真係有驚喜😳本身以為好似日式雞蛋布甸咁冧冧地嘅口感， 點知食落好唔同！而且唔會太甜， 仲有好香嘅蛋味添！加埋espresso 又有另一種感覺！唔嗜甜嘅朋友都會鐘意(小叉推介✨）🍴Flat white $38小叉飲咖啡，除左味道之外， 都好鐘意欣賞埋個拉花！依個拉花唔算高lv, 但都欣賞👍🏻 而且啡味同奶味平均， 係有水平嘅☕️其實cafe 嘅環境好chill, 而且店內有個大書架📚， 小叉都帶左本書歎啡嘅時候睇左陣， 但等位嘅人太多啦，所以都唔好意思久留😅…查看更多

是日放假一天，就到了聞名已久嘅梔子cafe 下午茶， 打算好好偷閒一下田園休閒風格嘅裝飾佈置開放式吧枱， 佈置同樣有點日式田園風格因為未食午餐，試左飯餐，日式慢煮牛肋肉， 肉夠冧，不過味道很淡一般餐飲叫左玫瑰latte ,有漂亮嘅拉花，有鮮艷的花瓣， 打卡一流， 味道亦令人滿意因為咸食一般令口慾不夠滿足，最後再叫了期待嘅甜品： 開心果榛子mousse 有明確嘅開心果味， 味道清甜，但mousse 入口有點油膩， 幸好有咖啡中和， 算是畫上了句號總結現時人流減少，不用排長龍， 可以去休閒一下。比較推薦甜品和咖啡，因為咸食一般，建議飯後再去。…查看更多

睇戲前有兩個鐘空檔食晚飯，但唔想食連鎖餐廳，於是就同朋友們揀左只此一家嘅Hoko farm 試試。我地4人叫左兩個$308嘅二人分享餐。跟餐餸嘅麵包，夠軟身而且仲暖暖粒粒，細細件唔會太飽。忌廉湯入面有粟米同洋蔥粒，仲有啲煮溶咗嘅薯蓉令個湯更濃稠。水牛城雞翼，少少辣，但味道偏酸，唔太正宗。半熟蛋卡邦尼意大利粉，有即磨芝士片，而且撈埋半熟蛋之後非常香水準之作。龍蝦意大利飯，本身以為個飯會有啲腥味，點知食落一啲都唔腥，而且係好香濃嘅蕃茄同Basil味。飯煮得夠熟唔會有啲半生米粒，好味。龍蝦都算多肉，但焗得有少少乾。燒春雞併粗薯條，即叫即燒要等30分鐘。雞都燒得幾香，切開有好多肉汁流出來，肉質非常滑嫩，唔會太咸。但中間有少少唔熟。跟餐贈送嘅蛋糕，應該係榛子金莎朱古力切餅。食到有層次，亦有金莎嘅脆脆同榛子味，非常好食！愛好甜品嘅本人覺得屬於高水準之作，而唔係Hea整嘅跟餐甜品。就算非常飽都食哂！黎到飲品，因為係特飲要另外補差價。叫咗Oreo沙冰，覺得冰有點多，而且份量偏少，唔太抵叫。牛油果沙冰，飲落完全冇牛油果味而係雲呢拿味非常之不解，唔建議叫。雜苺乳酪，算係叫咗嘅幾杯飲品之中比較好味嘅。飲到中間有一粒粒果肉，而且唔會太酸太甜。份量亦比較多，會抵過叫沙冰。總結：四個人食兩個二人餐份量都算多。食到最後都有啲飽。如果細食或者女仔建議可以叫少一人份，咁就唔會浪費食物啦！…查看更多

台式茶飲開到周圍都係， 咩款式種類都有。但對於好茶之人來說，依間comebuy tea 係必試。睇店舖嘅裝修就知店內著重茶底，所以要必定要叫冇奶冇其他味道嘅純茶先可以試得出龍與鳳。Order 左桂花烏龍寒天，半糖。 飲得出桂花嘅香同清新嘅烏龍，仲有微甜嘅桂花糖。成件事完全唔同平時飲珍珠奶茶果種愈飲愈膩嘅感覺， 而係會有種清幽解渴嘅感覺。終於試到一間唔係只顧搞花臣，而係真正著重‘茶’嘅茶飲店。P.s. 後來先知道comebuy tea 同comebuy 唔同， 好茶之人不要去錯。…查看更多

今日同阿媽嚟咗食晚飯。兩個人就叫咗兩個主食同一份甜品share。媽媽中意食海鮮，叫咗檳城炒貴刁，海鮮都幾多，有青口魷魚同蝦。但河粉味道偏咸。因為媽媽唔想食撈檬，所以我就叫左香茅豬扒菜飯。豬扒都幾冧，但係啲菜飯就有啲硬，整體都幾普通，不過不失。最後就叫咗我最期待嘅芒果糯米飯，嗰碟好得意，係拖鞋形，好似食緊拖鞋飯🤣啲糯米飯都仲熱嘅，芒果食得出係泰國芒果，不過唔太甜，敗筆係冇左炸綠豆脆脆，而變咗做花生碎，有啲奇怪。…查看更多