kuis的個人專頁

知道寶石餐廳裝修左又見到咁多好評 又想鋸下扒 一於就去試一試/一入餐廳見到個裝修企理左唔少同時個格調都高級左咁不過略嫌燈光太光 暗番些少氣氛會好啲/見到仲係試業中 安排執位同落單仲有少少生疏/叫左一份肉眼扒$198 要加$48先升級套餐即係$246/餐湯不過不失餐飽反而有驚喜/主菜肉眼扒嚟到第一感覺係塊扒好薄切開食一啖肉質好鮮嫩但係調味實在太多，掩蓋晒肉味都仲未沾佢個醬汁已經食唔到肉味沾埋個汁後，感覺浪費左舊肉/其他配菜就不過不失/甜品係一個雜莓味嘅奶凍，正正常常/餐飲 凍飲竟然加$8即係埋單係$254 未計加一/加埋10%服務費即係差唔多要$300（不過試業期間係豁免左加一）/但係呢個價錢 對比呢個質素我未必會再選擇囉….…查看更多

雖然知道係小店 但環境實在污糟抹枱抹唔乾淨 地下又有用完紙巾 牙籤 各樣垃圾店員冇野做時唔做清潔 反而喺度打牙鉸食物方面 叫左一個常餐 潤牛米粉同埋一個下午茶 豬扒包 配西多士1）先講潤牛米，湯底係夠味，米線唔係普通茶記質數。但係，最重要嘅豬潤同牛肉極度失敗。牛肉靭度好似食香口膠咁、豬潤鞋到車軚咁，仲要苦嘅添！炒蛋多士就正常水平。2）豬扒包，包皮極硬，豬扒勁鞋，難食。西多士，唔知點解個西多士可以係空心。叫左兩個餐，兩個都極度失望。…查看更多

一直知道荃灣有間好出名嘅餃子店終於決定試一試點知可以冇下次/講重點先1. 服務態度差2. 座位安排差3. 餃子質素名過於實/先講服務，明白多人等嘅但派飛呀姐一副唔憂做 等得就等嘅感覺算我犯賤 難得嚟到 點都試一試嘅/終於入座 落左單都20分鐘見到後過自己嘅 遲來先上岸唯有舉手問問都未開聲 已經有一位呀姐唔耐煩「知架喇 有單架喇 做緊」心諗你睇都未睇就肯定做緊？又等左5-10分鐘 再問另一位 又係唔耐煩咁話 「做緊呀 等下啦！」/最後終於等到/開餐叫左六隻 菠菜豬肉湯餃一咬發現個皮好厚係就係大大隻 但啲肉醃到毫無鮮味 肉味另外叫左碗特別啲 咖喱薯仔餃一咬又係得啲爛肉個咖喱味係cheap cheap咖喱粉味仲衰過快餐店啲咖喱/最後留意有其他食客叫左煎餃（懷疑係炸餃）啲油勁誇張 身旁食客仲要用紙巾吸走啲油先食/可能荃灣區冇乜同類餃子店所以可以咁嘅質素 咁嘅服務都客似雲來…查看更多

好幾次經過大圍都有留意呢一間店舖因為由外面望落 好有台灣文青小店感覺今次終於決定試一試佢/入到店內，地下係點餐處 環境不大 但好光猛叫左麻婆豆腐山葵烏龍麵 （$69）味增豚肉烏龍麵（$69）草莓鬆餅（$60）西柚茶（$36）/食物價錢都叫正常但其實佢冇套餐，如果叫野食加杯野飲人均消費都差唔多$100/店員服務態度奇差同呢間文青feel嘅小店格格不入唔會問你要咩當你講點完餐後「234蚊」冇尾音冇唔該都算！俾錢！但佢找錢竟然係將散銀掉喺枱面要我執！？/上去搵位，發現雖然有三層，但其實地方不算大而家啲枱係冇人執/其實呢間野已經全用即棄餐具及碗碟，連執枱都懶，因為叫餐前我見樓下職員都係玩緊手機/講番野食兩個烏龍麵，麵質幾好食，幾Q彈但係兩碗個湯都有好厚嘅油喺面，好油膩同埋麻婆豆腐果個wasabi真係太over烏龍麵嘅熱蒸氣伴隨住wasabi，係直接攻到人流眼淚…./鬆餅個蛋漿幾好食，如果有埋雪糕更正/西柚茶幾好飲，唔會太甜唔會好重西柚嘅酸味/總結食物及飲品質素不錯 對得住個價錢但環境就好一般#衛生情況要要改善，雖然多數靠客人自己食完自己放到收集處，但我用餐期間一個鐘，都係我食完時先有人執野#服務態度就真係十分差（可能個別員工，但我唔會再光顧，皆因唔想再見到果位仁兄）…查看更多

放假想chill下元朗最近都開左唔少Cafe早幾日放假就揀左呢間海圖員工示意後入座睇一睇Menu後就自己行去收銀處落order/Order時叫了一份西西里海鮮虎蝦意粉一份慢煮雞早餐一杯Matcha Latte （假日要正價散叫）職員問一問廚房有冇雞肉 確認有之後 就幫我落單等左大約35分鐘 連野飲都未有/唯有詢問職員 可唔可以整杯野飲嚟先？職員冇回應 只係自己去沖 沖完就咁擺低/又等左5分鐘左右職員走嚟話唔夠雞肉 介唔介意俾腸仔？（我order時你明明確認夠貨先幫我落單）友人決定轉另外一份 班尼迪蛋早餐/又等左10分鐘 海鮮虎蝦意粉終於到但坐左咁耐 一直都冇俾餐具以為俾食物時會補番 點知都係冇/唔緊要 食野見好多人讚個意粉好味點知一食落去 隻虎蝦冇彈性 煮得過老個西西里汁感覺好普通 酸酸地夠開胃咁至於海鮮…..我搵左好耐終於搵到所謂嘅海鮮係墨魚仔嘅碎…..然後就沒有然後…價值$98/坦白講 佢食物味道冇乜問題但唔值呢個價錢所謂海鮮 得少少墨魚仔碎 會唔會搵笨左啲？/老實講 元朗最近好多同類cafe呢間我唔會再幫襯 價錢同尖沙咀一樣等候時間又耐0招待最重要係 職員由頭到尾都冇講過一句 「唔好意思」之類嘅說話好似老奉咁嘅態度/可能我呢次係個別例子啦 但職員咁唔旨在嘅態度 我都冇打算再幫襯 可能少我一個客唔少…查看更多

有人話過「愈普通簡單嘅野愈難整得好味」前幾日幫襯完祥仔後 就感受到呢句說話嘅真理/睇晒成個餐牌發現大部分都係一啲港色茶記嘅「普通野」只係換個靚名咁大把/但當菜式上場後 你就發現唔係換個名咁簡單瑞士雞翼 擺盤好靚雞翼色澤均勻亮麗 一望就知入味食落去發現好腍 但又唔係煮過頭 因為入面嘅肉仲係好嫩滑 同埋發現佢同外面嘅瑞士汁唔同 冇咁甜之餘仲多左幾分薑同花椒八角味唯獨5隻黎講 2-3人食的話唔係好分得勻黑豚肉粒飯$118咪即係粟米肉粒飯 有咩咁特別呀 賣成$118？但食落發現佢個汁 唔係一般茶記嘅死甜 甜得黎有浸新鮮味道黑豚肉好大舊 同肉粒嘅大細差好遠 我諗切咁大舊係為左保持黑豚嫩滑軟熟嘅口感 食落去都幾滿足但$118我都係略嫌貴左少少沙丹豬扒$168極大份 女士們一定食唔晒切落去有啲難度 但食落都係好嫩滑 同埋仲好Juice其他配菜都好出色 隻蛋我係直接成隻放入口食 個蛋汁好甜西蘭花 椰菜花 唔會有果種白烚水味粟米好甜咁大塊扒同咁多出色嘅配菜 真係得住呢個價錢呀%總結：其實呢間餐廳食呢類菜式黎講 價錢係貴嘅賣啲野好普通好常見甚至係一啲難登大雅之堂嘅菜式/但佢又將一啲外面好普通嘅野 整到唔普通我諗個價錢或多或少係放左喺心思，選料，烹調技巧上面…查看更多

星期六下午發現店外已排了約莫十多人等了大約二十分鐘後入座店內環境雖小 但亦未有逼夾到不舒服的程度點了一個白豚（$72）因為太肚餓於是點了個替玉（加麵底）*後來發現原本麵的份量已很足夠 吃完替玉後更是飽到肚都幾乎凸出黎原本還想加多一份豚肉 但可能假日關係材料有限 當天只能加麵底 其他配料一律不能添配主角上場先嚐一下湯底 濃郁的豬骨及麵豉味 香而不膩再試一下麵條 爽彈有勁度 不會太腍亦不會太硬麵條掛湯能力亦剛好 湯與麵配合度很高豚肉 是豬肩胛 沒有多餘肥膏 十分嫩滑筍 鮮甜蛋 生熟及滷味程度恰到好處唯獨湯的份量我認為可以再增加多一點因為麵吃到一半時 湯只剩三分之一更勿論我的替玉還未上但總括來說 這碗拉麵 色香味俱全 很貼近日本地道拉麵的感覺$72 我認為性格比十分高…查看更多

冇睇過任何評論 誤打誤撞幫襯兩個人食叫左一份 大醬湯配飯一份牛肉濃湯配飯一份泡菜煎餅餐前小食有魚餅 同兩款泡菜 老闆娘有主動Refill（其實好多地方都唔會refill）食物好快就送到 大醬湯 - 好夠麵豉味，豆腐嫩滑，唯獨湯入面嘅蜆冇乜味（好在冇沙），食得好滿足 直頭想添飯（但係白飯要$20蚊碗 唔敢叫）牛肉濃湯 - 老闆娘有另外放低一包鹽俾我地備用，雖然叫濃湯 但其實又唔太濃，湯入面有牛肉片同粉絲，簡單但好味，飲晒成碗都唔口渴泡菜煎餅 - 好！大！塊！ 好多泡菜喺入面，搞到好易夾散，但味道係好味嘅，入面嘅泡菜偏酸，但本人鍾意酸野 所以覺得冇問題店入面地方闊落同光猛，Menu簡潔難得雞地有韓國菜 雖然會再翻啅但價錢以雞地黎講 算係幾貴下（佢價錢可以同尖沙咀韓國街一帶嘅韓國餐館睇齊）…查看更多

一個人晚飯想搵著落旺角雖然好多餐廳 但真係好食又價錢合理嘅少之又少一個人最適合食拉麵於是打開Operrice睇睇有冇好推介本身想食別天神 但見滿座 所以就再搵見到呢間餐廳評價好似唔錯 於是黎試一試門外有幾個人等位 好在我一個人可以入先一入門員工已經好熱鬧咁歡迎光臨睇睇menu後叫左個 最穩陣嘅豚骨拉麵同一份餃子拉麵送到時 店員又講左一堆日文（應該係碗拉麵個名 叫我慢用之類）先試一試個湯 係有啲「杰身」帶啲膠膠地嘅質地同去日本博多食嘅拉麵差唔多 即係覺得有驚喜再食麵 麵身較幼 但掛湯能力好高 同堆好爽口食完成碗都唔覺油膩餃子方面就不過不失 下次可以試其他小食埋單一百有找外面好多拉麵店都差唔多同樣價錢甚至更貴但呢度一定係水準之上 性價比高嘅拉麵店最後離開亦好多員工講bye bye佢地有幾位員工喺我用餐時仲會講其他唔同日本有一兩刻真係覺得好有日本feel一定會番食！…查看更多

前言唔多講早幾晚睇完戲見到呢間野（因之前經過見好多人排隊）諗住入去試試一入門口 除左收銀員外幾個員工企埋一邊喺度吹水 冇招呼 冇帶位我再行入少少示意自己入左黎 先有一位員工hea嗌一聲歡迎光臨 然後幫我安排位置坐低發現水壺冇水但冇人Fill放筷子個盒得番一「支」筷子 又係要提先Fill叫野食魚介豚骨沾麵 湯底唔算好油 但味道亦唔濃身 都算OK最大問題係個麵嘅掛湯能力非常差好似湯還湯 麵還麵咁食 兩者完全混合唔到當晚大約夜晚十點 冇乜客人（大約三四台）但樓面員工有三至四個卻只顧吹水放低野食同水壺都唔知點解好大力放低野食時又唔講邊碗打邊碗 要自己分辨三個字：冇下次…查看更多