barbaours的個人專頁

先排搭巴士返屋企經過灣仔，發現有間裝修充滿泰國特色嘅小店，門口大排長龍今個星期就返屋企前就去試一試，睇下喺唔喺咁好食小店由泰國廚師主理，夠晒地道，夠晒正宗店內雖然不大，但設有大量座位及吧枱位置，感覺好似返到泰國用餐一樣食物方面: BB魷魚配青醬 : 用上原隻魷魚，口感煙韌入味，蘸上泰式青醬，夠曬惹味燒美國肩胛肉 : 牛肩胛肉肉質嫩滑，內裡保持粉嫩，再蘸上泰式辣醬，充滿泰式風味冬陰公湯蒸蛋 : 底層係滑溜嘅蒸蛋，加上冬陰公湯及大蝦，酸酸辣辣，非常有創意嘅菜式涼拌牛肉沙律 : 牛肉鮮嫩份量多，配上多款新鮮蔬菜及酸辣醬汁，開胃爽口Mum Mum 雞炒闊河 : 濕炒河炒得夠哂鑊氣，闊河粉口感煙韌，雞肉嫩滑入味，配埋多款配料及辣粉一齊食，充滿泰國風味咸蛋果仁豆腐雪糕 : 雪糕有香濃嘅豆腐味道，配上果仁粒及大量咸蛋碎，食落口感豐富，好有驚喜嘅配搭飲品 : 選擇咗泰式奶茶及青檸梳打，充滿泰國特色飲品…查看更多

好耐無去韓國旅行，之前去襯韓國都一定要食醬油蟹又到咗食醬油蟹嘅季節，咁鐘意食醬油蟹嘅我，又點可以唔去試下醬油蟹無限任食放題食過夠本今次就放假約埋朋友去到一間由韓國人主理，老闆同老闆娘都係韓國人，食得夠曬正宗嘅韓國料理無限任食醬油蟹老闆從事餐飲行業23年，每朝六點鐘就返店舖開始整理食材，醃制醬油蟹，醃足兩日，夠曬入味店內充滿韓國小店特色，設有大量卡位及廂房，啱曬約埋朋友一齊嚟大擦一番食物方面:醬油蟹無限任食套餐 A 醬油蟹 : 醬油蟹選用韓國直送藍蟹，第一輪就有四隻連蟹殼嘅雌蟹，隻隻都都爆曬膏，肉質嫩滑鮮甜，醬油夠入味，再將蟹膏與蟹肉拌入紫菜飯中，真係最強白飯小偷，醬油蟹之後仲可以無限添加，上菜速度快，真係可以醬油蟹吃到飽無限添加小食 : 食韓國菜就一定要食小食，有齊泡菜餅、炒年糕、炒粉絲、辣泡菜、土豆絲、醃海帶及辣醬蟹，全部都係無限添加，夠曬滋味小花蟹湯 : 花蟹湯加入白蘿蔔、豆腐、金菇、洋蔥等配料，再加埋花蟹一齊煲，清澈鮮甜，有啖啖蟹嘅鮮味，夠曬暖胃紫菜飯 : 紫菜飯上便鋪上海量紫菜絲及芝麻，用嚟做蟹膏蟹肉撈飯嘅 Perfect MatchOurs Tips : 用餐時間由入座時計 90 分鐘，第一輪後可以無限添加蟹，醬油蟹會以公乸隨意混合，套餐只限晚市提供…查看更多

作為一個海鮮控，真係任何新鮮生猛海鮮都想食原來係坪洲好出名嘅大排檔，係銅鑼灣開咗分店每日都由坪洲直送新鮮海鮮，海鮮控又點可以唔約埋朋友去 Happy Friday餐廳營造出濃厚的懷舊氛圍，由店內紅紅綠綠的木製桌椅至正門搶眼嘅霓虹燈招牌讓大家彷如穿越時空，回到昔日的街頭大排檔感覺，品嚐坪洲嘅大排檔風味店內設有大量座位，仲設有獨立廳房，約會小聚、一家大細聚餐的好選擇食物方面:口水花甲王 : 花甲鮮甜入味，肥美多汁，浸泡喺秘製麻辣汁中，辣中帶鮮，鮮中帶甜，惹味十足赤裸裸瀨尿蝦 : 瀨尿蝦食得多，赤裸裸咁上就真係未試過，上枱前已經剝埋殼，再用避風塘嘅做法，更加入味，更加惹味，啱曬唔鐘意剝殼，又鐘意食瀨尿蝦嘅朋友仔脆皮芝麻雞 : 芝麻雞超級多芝麻，香氣撲鼻，雞皮充滿芝麻香，雞肉炸到外脆內嫩，保持鮮嫩多汁，再蘸埋芝麻醬就更加惹味瑤柱肉碎蒸水蛋 : 蒸水蛋非常嫩滑，蛋味香濃，再加入肉碎、瑤柱絲，口感就更加豐富，真係白飯都食多幾碗…查看更多

放假入咗去小西灣室內運動場打咗兩個鐘羽毛球，跟住就係附近搵間餐廳醫下肚原來係隔黎街開咗間人氣海南雞飯專門店，一定要食得痛快店內燈火通明，環境乾淨企理，仲有小西灣站打卡位，相當有特色餐廳除咗必食去骨海南雞，仲有喇沙、肉骨茶、喇沙及其他新加坡經典美食價錢親民，性價比高，食物質素仲相當有水準，怪唔知到晚餐時間座無虛席食物方面:招牌海南雞 (半隻) : 雞肉皮滑肉嫩，鮮嫩多汁，煮得剛剛好，再蘸埋薑葱蓉、酸辣汁及黑醬油，必點招牌海南雞炭燒豬頸肉 : 豬頸肉燒到外脆內軟，份量仲幾多，蘸少少醬汁食，梗加惹味星洲炸蝦餅 : 蝦餅炸至金黃，外酥內嫩，口感彈牙，蘸上甜酸醬，充滿星洲風味獅城粉絲春卷 : 春卷炸得金黃酥脆，餡料豐富，咬落卜卜脆，蘸上甜酸醬，口感更佳沙爹串燒 :  一共有六串，選擇雞肉、牛肉、豬肉各兩串，沙嗲汁味道濃郁，肉類烤得外脆內嫩，肉汁豐富鮮魚湯浸時菜 : 娃娃菜吸滿魚湯的鮮甜味，啱曬食得健康嘅朋友大哥無味精住家湯 : 蟲草花紅蘿蔔豬肉雞腳湯，滋補養生，又無加味精，真係好似返咗屋企飲住家湯一樣油飯 : 油飯香氣撲鼻，粒粒分明，加入蒜片，份量充足，夠曬味道芒果椰汁冰 : 加入芒果味椰果，椰汁味重，飲落又有口感，夠曬冰涼椰青 : 套餐加錢仲可以叫椰青，冰凍清爽，口感清甜解渴Ours Tips : 限時優惠叫 B2 或 C4二人套餐，加碼送雞翼三隻，送完即止…查看更多

朋友出名係意粉控，放假同佢去咗堅尼地城影相，之後夜晚就去咗一間人氣手工意粉食晚餐店內設計貫徹意式生活格調，木調傢俱配合傳統意大利古典裝飾，散發著傳統意大利魅力仲有最適合打卡嘅窗邊開放式座位，可以帶同寵物或家人朋友放鬆身心，輕鬆用餐餐廳每月都有唔同嘅 Monthly Specials 主題，可以品嘗多種口味二人晚市套餐仲非常超值，真係好快又想去食多次食物方面 :二人晚市套餐包括兩份前菜、兩份主菜及兩份甜品吞拿魚牛油果他他 : 用肥美嘅吞拿魚肉，再配上口感順滑嘅牛油果，配埋清新開胃嘅醬汁，非常美味嘅前菜秘製肉丸 : 肉丸夠曬大粒，口感鬆軟肉味濃郁，再配埋巴馬臣芝士及蕃茄醬，酸酸甜甜又開胃鮮刨黑松露細扁麵 : 上枱松露香氣十足，面頭鋪滿鮮刨嘅黑松露，細扁麵彈牙有口感，每條麵都掛滿白松露醬夠曬 creamy ，招牌滋味必選主菜慢煮牛臉頰手工寬帶麵 :  寬帶麵口感煙韌，充滿蛋味，加上牛肉味道濃郁慢煮八小時嘅牛面頰肉，非常美味嘅手工意粉提拉米蘇 : 提拉米蘇奶味濃郁，口感輕綿，中間仲有鬆脆手指餅，食落層次更加豐富意式紅莓醬奶凍 : 奶凍口感非常軟滑，配埋酸甜嘅紅莓醬一齊食，開胃甜品Italian Passion : 加入百香果、羅勒、檸檬、梳打水，口感鮮甜，冰涼解渴Kiwi Pomenade : 奇異果汁配上檸檬汁及意大利聖沛黎洛西柚梳打水，味道清新…查看更多

放假去到中環打卡影下相，原來係好出名嘅嘉咸街塗鴉壁畫上便有一間主打高知縣特色料理嘅居酒屋最近仲有清酒放題，啱曬同朋友一齊食住日本野，飲住酒傾下計，開心一晚店內佈置以日系風格裝潢，充滿濃濃的日本風味，好似瞬間去到日本嘅居酒屋一樣居酒屋主打高知縣特色料理，款式選擇眾多清酒任飲優惠，只要一個價錢就可以任飲多款清酒兩小時，鐘意飲清酒嘅朋友一定要試下另外店鋪非常細心，準備小型燒烤爐幫串燒保溫，就算傾下計、慢慢食都唔會放到凍曬食物方面:煙燻刺身四點 : 刺身夠曬厚身，有齊深海池魚、黑松露鯛魚、三文魚腩及鰹魚半烤燒，味道鮮甜，非常豐富，當中嘅鰹魚用上煙燻嘅處理方法，明火燒烤，特別惹味高知卷 : 用上吞拿魚腩配上海膽及爆多嘅三文魚籽，再加上芝麻、蔥粒等配料，味道鮮甜極至，超美味招牌嘅卷物燒白鱔 : 外皮燒到香脆帶焦，肉質厚實爽彈，火喉剛剛好和牛舌心串 : 用上最滑最美味部位，厚切牛舌心夠曬軟嫩爽口，充滿油脂 黑豚腩肉大蔥串 : 腩肉肥瘦相間夠 juicy ，中間夾著大蔥一齊食，無咁油膩雞胸軟骨串 / 雞膝軟骨串 : 兩款軟骨串都非常爽脆，加上少許椒鹽已經好惹味黒松露玉子燒 : 玉子燒蛋味香濃，口感綿密鬆軟嫰滑，配上黒松露醬，食落有啖啖松露香氣秋葵 : 燒得口感脆嫩，加上木魚碎一齊食，送清酒一流青椒仔 : 青椒仔外皮薄，吃起來微甜，後味微苦，加上木魚碎一齊食，送清酒一流芝士年糕 : 年糕烤得外層香脆軟糯，入便係滿滿嘅芝士，非常邪惡阿波美燒全翼 : 外皮燒得金黃香脆，肉質保持鮮嫩，味道濃郁自家製免治雞肉蓋 : 免治雞肉口感細嫩，味道濃郁，再撈埋蘭王蛋一齊食夠惹味明太子雞肉小丸子 : 雞肉小丸子口感彈牙，再加上明太子醬，美味嘅居酒屋小食海膽蟹肉脆脆 : 底層嘅紫菜脆脆，配上甘甜嘅海膽，鮮甜嘅蟹肉，口感非常豐富焦糖燒菠蘿 : 菠蘿夠曬甜，再加上焦糖，為一餐美味嘅日本餐作總結清酒放題 : 男士只要 $168，女士只要 $98 就可以有 2 小時清酒放題，享用多款清酒，同朋友飲到飽…查看更多

放假想休閒慢活一下，就去到蘇豪東吹下海風慢步下海濱欣賞完日落黃昏景色，就搵咗間越泰菜 Chill 返下店內空間十分寬闊，裝修充滿東南亞風情，而且就到萬聖節，店內裝飾充滿氣氛餐廳主打泰國菜及越南菜，提供各式東南亞風情的肉類及海鮮食物方面: 小食拼盤 : 拼盤份量十足夠曬豐富，有齊柚子沙律、豬頸肉、蝦餅、豬肉春卷及餃子蒜蓉包 : 法包焗到香脆鬆軟充滿蒜蓉味，配埋咖喱汁一齊食，最好嘅配搭紅咖喱燜羊膝 : 慢炖至酥嫩嘅羊小腿，融合香濃馬薩曼咖喱，每一口都是泰式香料與濃郁風味，再配埋蒜蓉包一齊食，可以吸收曬咖喱嘅味道，非常惹味海鮮冬蔭公湯 : 冬蔭公湯底濃郁，帶有濃烈嘅香茅、南薑和青檸葉的風味，入便仲有大蝦、帶子、青口、魷魚、蟶子，配料非常豐富泰式蝦河粉 : 食泰國菜好鐘意食 Pad Thai，金邊粉味道帶甜，拌入花生碎、辣椒粉及泰式辣粉，再配上多隻爽口彈牙的大蝦，酸辣開胃惹味椰絲斑蘭丸子布丁 : 甜品微暖，外層係香脆口感椰絲，底層係斑蘭味西米糕及綠豆蓉，充滿東南亞風味嘅甜品Fruit Float : 由芒果汁、橙汁，鳳梨汁、石榴糖漿及椰奶混而成，味道酸酸甜甜，口感清新，充滿夏日風情…查看更多

朋友係沙爹牛麵控，又係火鍋控，今日就同佢去食間私房火鍋店，滿足曬佢兩個願望店內環境舒適，裝修華麗，座位寬敞，私隱度高原來仲有兩層，適合三五知己或家庭聚餐嘅好選擇食物方面 :意大利醋漬豬手 : 豬手酸酸甜甜，咬落彈牙爽脆，煙韌富嚼勁，有陣陣嘅甜醋味，醒胃惹味阿根庭紅蝦 :  紅蝦夠曬大隻，加上蟹子做配料，肉質彈牙鮮甜，打邊爐做頭盤無得頂祖傳老香港沙爹鍋 : 鍋底先用老雞、雞腳煲8小時以上，然後加入其他材料做沙嗲膽，沙爹鍋濃郁香醇，滿滿老香港味道，入便嘅雞腿菇超入味，一定要試優質手切牛肉半份 : 牛肉賣相一流，肉質鮮嫩，脂肪少，食落有口感，夠曬優質黑豚肉 : 選用西班牙黑豚肉，肉質鮮嫩、脂肪分佈均勻而不油膩，肉汁豐富肥美鮮鵝腸 : 鵝腸夠曬大條，放落湯底滾一滾，巳經夠曬爽口肥美 自家餃子拼 : 餃子拼盤賣機非常精緻，放係樹上一個鳥巢咁，有齊雲吞、水餃、韭菜餃及魚皮餃，全部都餡料十足，皮薄餡靚魚皮椒鹽拼響鈴 : 魚皮炸得夠曬香脆，響鈴夠曬鬆化，蘸少少沙爹湯底已經好好味淮山麵 : 淮山麵口感滑順，帶有自然甘甜，配搭濃郁嘅沙爹湯底，加埋手切牛肉一齊食，味道無得頂五彩鮮菜籃 : 有齊番茄、生菜、菜心、金菇及木耳，色彩繽紛，夠曬精緻手工啤酒 : 有熱情果味及荔枝味，啤酒散發著濃郁的熱帶果香，不會過於甜膩，獨特嘅創意啤酒絕對係夏日暢飲嘅首選桂花糕 : 桂花糕入便材料十足，係滿滿鼯嘅杞子、桂花及雪耳，清甜爽滑，養顏明目…查看更多

係油尖旺打邊爐就打得多，原來樓下火鍋飯店係尖沙咀開咗分店打邊爐食來食去都係果幾款配料，想食得刁鑽啲就要去試下店內環境以港式懷舊裝潢為主，設有大量座位，座位寬敞舒適仲設有獨立廳房，約會小聚、一家大細聚餐的好選擇除咗多款日常打邊爐牛肉、海鮮等配料，仲有生醃廣島蠔，罕見稀少嘅豬腳根及大跣雞石橄欖椰子湯都一定要試食物方面 :石橄欖椰子湯（配去骨大跣雞）: 湯底清熱下火潤肺，特別適合近排濕熱天氣飲用，配搭250日去骨大跣雞，雞肉充滿鮮味，皮爽肉彈，再蘸上靈魂醬汁，真係好味到你唔信生醃廣島蠔 : 生醃海鮮食得多，生醃廣島蠔就第一次試，生醃後保留廣島蠔的鮮味和滑嫩口感，同時又增添鹹香和酒香的味道豬腳根 : 第一次食豬腳根，坊間罕見稀少，要碌夠 40 分鐘先食，口感爽脆彈牙，肉質軟淋入味，真係食過番尋味手切肥牛 : 本地手切肥牛口感較有嚼勁爽口，油香滿溢，牛肉味較重招牌五寶丸 : 有牛筋丸，墨魚丸、梅葉豬肉、蝦丸及鯪魚丸，手打丸夠曬彈牙鮮味三拼餃 : 招牌黑松露蟹肉餃、雙籽鮮蝦雲吞及韭菜餃，餡料十足，隻隻都脤卜卜，當中黑松露蟹肉餃入便係一絲絲蟹肉，超足料手打檸檬茶 : 用上鴨屎香檸檬，酸爽解膩，茶底香濃，夠曬冰凍，打邊爐最啱飲…查看更多

岩岩去完成都旅行，返到香港好快掛就住成都嘅味道之前睇 <黑白大廚> 知道中餐女神朴恩影來到香港一間高級四川菜做副總廚今次就可以試下黑白大廚嘅味道餐廳主打帶有粵菜風味的川菜，菜式結合了傳統和時尚，每道菜都非常精緻店內裝潢奢華瑰麗，廳堂盡顯韻味，意在向 60年代盛極一時的北角麗宮酒樓夜總會致敬紅色絲絨座椅配搭雲石地板，有昔日繁華盛世時期的大膽浮誇讓大家係華麗格局下品嚐層次豐富、細膩無比的川菜盛宴食物方面 :MAJESTIC LUNCH 瑰麗川味午餐午餐包括兩款涼拌小菜及開胃熱食、一款海鮮、一款肉類、一款時菜及豆腐及一款飯麵棒棒雞 : 雞肉非常嫩滑，每條都係滿滿嘅辣麻醬，夠曬惹味紅油抄手 : 抄手做到皮薄餡靚，滿滿嘅豬肉餡料，配上甜豉油及紅油，帶點微辣，非常喜愛的川式小食酸菜魚 : 傳統川式酸菜魚加入大量花椒及木耳，麻味十足，用上上等石斑肉，肉質鮮嫩，口感滑溜陳皮牛肉 : 用上安格斯牛肉，夠曬厚身又大片，加入十年陳皮絲一齊炒，牛肉肉質嫩滑又帶點陳皮的回甘味麻婆豆腐 : 豆腐有口感，肉粒用上手切安格斯牛肉粒，加入豆瓣醬和花椒，麻味十足，食得過癮四川臘肉炒飯 : 炒飯炒得乾身夠鑊氣，粒粒分明，加入雞蛋、香菇及臘肉，再撈埋麻婆豆腐食更惹味甜品 : 有冰凍嘅生果桂花冰粉及鮮甜生果，食完麻辣野解辣就最啱生日甜品 : 係薑味蛋糕，加上焦糖醬及脆脆粒，口感豐富Ours Tips : 經 Openrice 午餐訂座送生日甜品…查看更多

佐敦渡船街做到街知巷聞，吸引不少名人嘅串燒店，原來係銅鑼灣開咗分店啱曬我班唔鐘意過海嘅朋友仔，可以一齊飲住酒，食住串燒，一齊飲飽食醉都無問題店內放滿日式燈籠、清酒樽及日式擺設，柔和嘅燈光，營造日本居酒屋嘅感覺餐廳為慶祝16週年，仲推出多款自家製手工串燒系列、生啤啤酒優惠鐘意同三五知己晚上或宵夜聚餐，又多個新落腳點食物方面:高壓鍋蒸乳山蠔 : 乳山蠔真係超大隻，足足成隻手掌咁大，用高壓鍋蒸熟保持原汁原味，肉質鮮甜肥美，再配上店家獨門調製蒜蓉醬汁，帶出生蠔嘅鮮味鹽燒烏頭 : 烏頭夠曬大條，原條用鹽燒到焦香，內裡放入香料帶出香料的清香，魚肉保持鮮甜嫩滑，再配搭泰式酸辣汁，增添開胃的風味脆炸芝士蝦多士 : 多士炸至金黃酥脆，內層係融化嘅芝士及彈牙嘅蝦膠，口感豐富，夠曬惹味椒鹽脆香粟米條 : 粟米切條後炸到外脆內嫩的口感，再灑上椒鹽，飲住酒食就最過癮炸蝦餅 : 炸到金黃酥脆，爽彈鮮甜，蘸少少泰式醬就夠曬味道桂花蜂蜜小蕃茄 : 小蕃茄鮮甜多汁，配上桂花蜂蜜嘅清香，超好味嘅小食京燒醬烤煙鴨胸肉 : 煙鴨胸肉口感嫩滑，配上京燒醬、青瓜絲、蔥絲一齊食，好有食梗片皮鴨嘅感覺燒雞軟骨 : 雞軟骨燒到金黃香脆，灑上七味海苔粉，已經夠惹味燒鰻魚串 : 鰻魚口感細嫩，配上鰻魚醬汁調味，風味濃郁燒泡菜黑豚五花腩 : 五花腩層次豐富，肉質細緻油花豐富，搭配泡菜一食食，充滿韓式味道豚肉泡菜生菜卷 : 用半肥瘦豚肉卷爽脆生菜，口感豐富，又可以中和油膩感麻辣紅油炒手 : 炒手一啖一隻，皮滑肉嫩，微微辣，易入口麻辣酒煮鴨血韭菜 : 鴨血滑溜，韭菜嫩口，麻辣味十足酸菜辣肉炒魔芋粉絲 : 將魔芋絲、酸菜及肉絲一起炒製，口味酸辣惹味柚子特飲系列 : 餐廳新出嘅柚子特飲，味道清爽帶有果香，仲有得揀 Highball、生啤或燒酎，適合唔同酒量嘅朋友Ours Tips : $10/$15串燒逢星期日晚上 1800-2300 及星期六 1800-2400 供應，最少 2 串起…查看更多

牛魔王嘅我就係鐘意周圍去食牛扒原來係西環都開咗間以集結頂級精肉店、優質食材嘅牛扒專門店餐廳最大嘅特色就係可以係牛扒玻璃櫃前揀選自己嘅心頭好有多款部位同種類選擇，鐘意食邊塊就邊塊，鐘意食幾大塊就幾大塊，啱曬無牛不歡嘅朋友首先搵屠夫選擇牛扒、熟成度、配菜及醬汁，跟住就可以返到坐位選擇其他美食，用餐感覺特別店內環境休閒輕鬆，全店都用上落地大玻璃，可以望到街外景色最後用餐完畢仲可以到店內零售店購買各種優質材料，為早、午、晚餐添加美味食品食物方面:澳洲榖飼肉眼扒 : 選擇五成熟，油花豐富，口感軟嫩，帶有更濃郁的味道，再配埋辣肉醬牛油一齊食，更加惹味白酒煮青口 (500g) : 500g 青口份量都十分多，青口肉質飽滿，蘸上由白酒、辣椒、大蒜醬汁，口感 juicy，再放埋上烤酸種麵包一齊食，口感更加豐富肉醬粗管長通粉 : 粗管長通粉表面灑上大量巴馬臣芝士，口感煙韌，入便係滿滿嘅澳洲免治牛肉及蕃茄醬汁，酸酸甜甜，夠曬開胃惹味炸大啡菇條 : 大啡菇切成條狀，再用芝士麵包住屑炸，配上香濃嘅松露蛋黃醬，味道有驚喜…查看更多

放假同朋友去咗堅尼地城影相，係最出名嘅打卡位就見到大大個意大利餐廳招牌咁就近近地去食餐意大利菜餐廳在堅尼地城站附近，位置非常方便店內充滿歐陸風情，裝修典雅，復古裝修風格配上經典紅白格仔枱布，真係好似瞬間去咗意大利嘅小餐館室內座位寬敞舒適，仲有落地大玻璃，可以感受到西環嘅獨特氛圍餐廳主打手工意式薄餅，薄餅即叫即製，非常新鮮，另外亦供應意粉及甜品等菜式食物方面:Set Menu for Two套餐包括小食拼盤、兩個主食、甜品及無限暢飲濃縮咖啡- 小食 -MIX ANTIPASTI : 小食拼盤非常豐富，有炸新鮮魷魚、自製雞肉炸丸子、烤麵包配自製番茄莎莎醬及煙三文魚配酸豆、檸檬和特級橄欖油，充滿意式風情- 主食 -Italia : 手工薄餅批邊位夠曬香脆，用上香濃蕃茄醬底，配上白菌、香腸、意大利辣腸及意大利青椒，夠曬惹味Linguine with Mix Seafood in White Wine : 意粉口感煙韌，配上大蜆、大蝦、魷魚、三文魚肉多款海鮮，美味嘅意粉主食- 甜品 -Tiramisu "Pick me up": 提拉米賣相精緻，士多啤梨切成花形，夠曬心思，忌廉味較重，份量十足，啱曬兩個人Happy ShareEspresso "Free Flow" : 濃縮咖啡味道比較厚實甘味，豐富的層次感和持久的餘韻，仲可以無限暢飲，非常超值…查看更多

岩岩去完成都旅行，返到香港好快掛就住成都嘅味道週末就約埋朋友去銅鑼灣行街食飯，搵返間高質美味嘅川菜回味一下店內環境開揚，落地大玻璃仲可以眺望銅鑼灣景色座位寬敞舒適，仲設有獨文廳房，約會小聚、一家大細聚餐都非常適合餐廳主打帶粵菜及四川菜，菜式非常精緻美味當中嘅極品龍蝦麻婆豆腐真係一試難忘食物方面:蜂蜜番茄 : 蕃茄去皮味道清甜，加上桂花及蜂蜜一齊食，口感清新蒜泥肉片 : 蒜泥強烈的辛香味，味道濃郁，肉片切得極薄，入口時滑嫩不膩，還夾著一片小黃瓜，搭配吃起來爽脆不油膩杏汁白肺湯 : 湯頭細膩順口，呈現絲滑乳白色澤，白肺燉至嫩滑，再配上雞腳、掛骨及白果，溫潤滋補，潤喉又暖胃 極品龍蝦麻婆豆腐 : 龍蝦伊麵就食得多，龍蝦麻婆豆腐真係第一次試，賣相非常吸晴，龍蝦肉質爽嫩彈牙，麻婆豆腐口感嫩滑，配埋碗白飯就無得彈，真係食過最好味嘅麻婆豆腐青椒清香魚 : 魚片鮮嫩，份量十足，湯頭清香微酸，湯入便仲有烏冬麵，非常有驚喜香菇萵荀絲 : 口感爽脆嘅萵筍絲搭配香菇片，味道清淡帶少許菇菌味，適宜解辣杞子桂花糕 :   以杞子、桂花及桂圓肉搭配製成，入口清甜不膩香滑蛋白杏仁茶 : 杏仁茶香甜濃郁，甜度適中，再加入嫩滑蛋白塊，飲落暖胃，解決川菜的油膩感…查看更多

北角真係有好多餐廳，但想搵到間可以食到高級感嘅餐廳就比較少原來係地鐵站附近嘅樓梯美食街，新開咗一間以法日Fusion風格，充滿創意與傳統交織的日本料理店內環境舒適, 設有吧枱和梳化卡位裝修展現出以巴黎浪漫為韻腳，京都侘寂為節拍嘅設計風格，感覺時尚特別餐廳剛剛新張開業，由前米芝蓮三星法國菜餐廳主廚推出一款十道菜嘅餐單為主，令大家享受充滿視覺與味覺嘅一餐食物方面:10 Course Tasting MenuFish Bone Tuile with Chu Toro Tartare : 用鯖魚肉做成魚骨造型，焗到香脆，賣相非常精緻，中間夾住法式青豆、黃瓜及吞拿魚他他，前菜就已經曬特別Burrata Cheese with 3-Year Aged Japanese Red Vinegar : 水牛芝士配上3年熟成赤醋，配埋廚師現刨的鰹魚片、櫻花蝦、車厘茄及沙律菜，酸酸甜甜夠曬開胃Sea Urchin Chilled Chawanmushi with Cauliflower Puree : 用上北海道紫海膽做茶碗蒸，表面放上紫海膽刺身，味道清淡，帶有甘甜及鮮味，下層椰菜花慕絲，口感順滑Pan Seared Scallop, Ponzu Beurre Blanc, Scallop Sauce : 北海道帶子夠曬厚身，肉質鮮甜爽滑，配上柚子皮、牛油果蓉、三文魚籽及淋上貝柱蓉汁，充滿鮮味，味道豐富Charcoal Grilled Sanma : 時令嘅秋刀魚，用上備長炭炙燒非常肥美，油脂滿滿，中間包住秋刀魚肝醬，味道帶甘香，再蘸上用煙燻紅椒粉及杏仁嘅醬汁，帶出魚肉嘅鮮味Pigeon Gyoza with Chicken Liver Pâté and Mushroom : 外層係香脆嘅餃子皮，內裡係嫩滑嘅鵪鶉腿、味道甘香雞肝醬及白菌粒，再蘸上法式高湯雞汁，充滿法國風味嘅料理Abalone with Hanamade Cavatelli Pasta : 大大個鮑魚殼上枱非常特別，北海道蝦夷鮑魚配上鮑魚肝醬，口感柔嫩，再加入鮑魚肝醬提升鮑魚的鮮味，扭指粉由廚師逐粒手工壓出來，口感煙韌，掛汁力強Fatty Tuna Futomaki : 用上新鮮青瓜配上醃製蘿蔔及中拖羅做太卷，味道豐富Matsutake Chicken Soup : 現切新鮮松茸，再用炭爐烘烤到松茸香氣出味，再加到日本地雞熬成嘅雞湯，最後上再焗一焗出味，味道清甜又帶有陣陣嘅松茸味道Seasonal Dessert : 廚師即場現打迷迭香味道雪糕，配上焦糖榛子、蜜柑醬及蜜柑，口感非常幼滑，為完美嘅一餐作總結…查看更多