kny_fiona的個人專頁

為左同表姐妹們傾偈仔， 就係屋企附近Airside搵食，OpenRice 睇過比較旺場既幾間西餐都已Fully Booked, 就算有少少walking台嘅餐廳， 都話要限時交台， 唔想咁趕，唯有去到先㨂一間有位又靜靜地嘅餐廳， 因為目的係傾偈， 食係次要。C出口一入到商場右邊就見到呢間， 晚上0645都只得一兩台客， 望入去環境都幾靜幾舒服， 就決定唔再睇其他餐廳了，直接入坐。今日叫左個其間限定既 金湯海鮮泡飯，泡飯中有三隻蝦兩粒帶子及一啲魷魚， 淡而無味🙅🏻‍♀️另外就叫左個雙重滋味小食套餐，套餐可以㨂兩款小食，我地加$20㨂左沙嗲串燒拼盤及香脆腐皮卷，小食都okay 不過不失。飲品方面有椰青及斑斕咖啡，椰青唔會有咩問題， 而斑斕咖啡就略為淡口味。服務小插曲：小姐上湯飯冇俾湯匙， 於是就問佢攞， 面容有點不耐煩，攞到嚟既時候，我地傾緊偈， 佢就hold 住要等到我親手接而不是直接擺台面， 雖然不是大問題， 但又有點兒那個⋯⋯⋯⋯最後結論： 雖然可以靜靜地傾下偈， 不過下次不會再㨂呢間。…查看更多

今日又是抽血日，為了獎勵自己抽血前努力介口，食返個靚早餐先😋又嚟返PAUST IT, 又係食三文魚班尼廸加美式咖啡，滿足了我的味蕾及空虛的胃， 本想坐下chill 下先返工， 但係⋯⋯⋯⋯⋯大熱天時，十點後先有商場嘅中央冷氣，店內實在太悶熱，冇得chill, 好在我有自備手提風扇頂住先。 不過以後夏天十點前都唔會再嚟🙂‍↕️…查看更多

今晚一行八人揀咗呢間食生日飯，因為睇到食評唔錯，而且有Oppa燒埋肉俾客人食。Order左牛套餐，豬套餐，醬蟹，蛋，冷麵，豆腐湯， 拌飯， 全部都只係正常， 沒有驚喜。服務態度就唔係咁好， 個個服務員都黑口黑面， 燒好嘅肉上台時會點火再燒一燒， 呢個環節應該是想吸引客量， 但他完全無預警， 而且成件事好快就完成， 我地跟本都未來得及關注， 所以呢個動作變得多餘了。 不會主動Refill小碟， 就連水及水杯都係差不多食到一半， 問服務員先俾兩樽水我地。網上見人話會唱生日歌， 但沒有⋯⋯網上話全部都係oppa, 留面見有一個咁多， 其餘既係中國人，印度人及女仔兩個。網上話post 相去Google俾5星， 埋單時個蛋就會免費， 但係而家以經冇左呢個優惠。今次晚餐$3200， 因為不似預期， 沒有好氣氛， 沒有好心情， 所以沒有慶祝生日的感覺。相只影左蟹及蛋…查看更多

朋友好想一試他們的牛肉， 拉我一齊去食， 知店內坐位不多，都預計要排隊等位， 營業時間是12:15開始， 我們在12:20到達， 前面已有起碼二三十人在排隊， 幸好我們前面有幾台客等得太耐放棄了，最終我們在14:20入坐。 由於已沒有了餐牌上的牛肉， 今日就叫這個好似係叫做A5 牛腹肉既飯，肉質好鮮嫩， 另外還附送海帶湯。不過食一次就夠， 實在等太耐了。…查看更多

搬左屋後多年冇嚟食，今日去開銅鑼灣又去食啦！ 不過感覺不太好，店員全部都嚴重西面，連收錢阿婆都係。 其實咁好生意應該開心至係，真係唔明佢地經歷過啲乜嘢，覺得自己好似佢地仇人一樣🙂‍↕️， 雖不至於要你們吓吓笑面迎人，但求正正常常就夠。除左態度，食物方面都好食嘅，但我個麵有一大舊係實嘅， 需要改善一下啦。…查看更多

自從Grove 係啟德區開左分店，已經好少出太子店，今日一早起身想食個全日早餐，即刻上OpenRice睇佢開門未，卻發現有啲關於服務的負評，回想幫襯過好幾次服務都正正常常，只是開業初期有些未係好順暢。今天我都係食返ADB+black coffee 加大，食物質素一向高CP, 不過今日嘅black coffee 比平時淡左啲， 唔知係咪因為太早嘅緣故。而今日寫食評嘅重點係想講有位服務員， 一人負責成個場的事務，包括送餐、執枱、服務客人等等，以上工作她都處理得恰如其分，也十分之有禮貌，另外她仍一眼關七， 見到客人細微的動作都會睇下客人有何需要，例如我在收銀處等落單時， 收銀員在忙出餐， 她走過嚟同我講：「唔好意思，佢地忙緊， 請你等一等！」，今時今日有咁嘅服務態度， 真係直得嘉許👍🏻之前對於服務嘅負評，可能只是某一兩個員工， 希望Grove珍惜好員工， 繼續做好每份餐， 長期係啟德做落去。…查看更多

今日朋友提早請我食生日飯， 帶左我嚟張公子。我㨂左以下菜式：👎🏻膏蟹蒸肉餅：點解隻蟹咁細隻嘅， 而且啲膏好實， 肉餅跟本冇混合到蟹味。👍🏻艷影蝦球：皮脆， 蝦新鮮，醬汁酸酸甜甜，好好味。👍🏻張公子叉燒：厚切叉燒有燶邊又唔韌， 仲有個蠟燭係碟下面，暖住嚟食好有誠意。👌🏻米皇淮山浸菜苗：冇乜特別服務兩極化：一位負責開茶執枱嘅服務員，服務態度非常好，見我食蟹即刻攞一堆濕紙巾俾我，會主動睇吓茶壺使唔使加水。 後來因為冷氣太凍，問佢可唔可以校細啲，佢嘅回應係「可能唔得，因為係中央冷氣，不過我都同你去問吓」，終於係有另一位經理級去較細咗個冷氣。👍🏻而另一位負責寫單收錢嘅服務員，應該係高級少少，服務態度就強差人意啦，寫單嘅時候面黑黑，問佢冷氣可唔可以校細啲，佢只係答一句「冇得較」，最後收錢嘅時候，都係面黑黑就咁俾張單我哋，多謝都冇講聲👎🏻我覺得呢兩位服務員嘅級數應該對調😂…查看更多

又到左一年一度姊妹一齊慶祝生日， 今年㨂左呢間西班牙菜， 見評價幾高， 所以都有點期望。 叫左以下食品：👎🏻香煎鵝肝多士 :鵝肝不是外脆內軟， 比較乾身， 冇乜鵝肝味，多士都唔脆。👌🏻香脆甜椒煎蟹膏蟹餅:夠香脆有蟹肉味👍🏻西班牙炸乳豬:皮好脆，不過要趁熱食，凍咗就有啲漏👌🏻西班牙薯仔蛋餅:食落反而個蛋味濃過薯仔味👍🏻西班牙海鮮飯:最好食係啲蝦同埋啲飯餐廳都幾多客， 不太凍就最好坐戶外， 因為內廳有啲迫同侷促。 食物一般， 未必會再嚟。…查看更多

有一日行過見好多人等位，今日囡囡返嚟就一齊去試。1. 法式牛肝菌雞胸意大利飯 $88 跟羅宋湯及凍香茅生薑蜜+$48 伯爵茶麻糬提拉米蘇2. 紐西蘭頂級肉眼扒飯@$148跟羅宋湯及凍美式咖啡+38 芝士蛋糕全部都有水準， 必會再嚟， 但希望唔使等好耐😅…查看更多

今日叫阿囡補完習去買外賣，買咗兩款紫菜包飯，分別係；1. 烤牛肉紫菜包飯2. 雙重芝士紫菜包飯橫睇掂睇都唔覺有烤牛肉，另一款亦唔覺有雙重芝士， 於是每款挾幾件出嚟拍埋睇吓有咩分別， 發現原來係冇分別之餘， 佢地係俾咗平十蚊嘅原味紫菜包飯我囡😡大商場嘅食店都可以咁唔老實， 關門大吉吧！…查看更多

話說個幾星期前係其他分店食過澳洲牛腰肉好正，今日去開德福商場， 又有分店，又再食過， 點知⋯⋯食牛柳只提供膠刀， 又冇义用， 終於連刀都斷埋，都係切唔開，而且今次的牛柳跟本咬唔開， 吞到嘅免強吞落去， 吞唔到就只好吐出嚟， 到底我食緊啲乜☹️…查看更多

都唔知幾多年冇幫襯過啦， 今日本想去另一間樓上cafe，但實在太多人等位， 所以就在附近搵食。 見到pepper lunch 醒起都好耐冇幫襯過啦，又太肚餓，既然有位，就係度食算啦。我叫咗澳洲牛腰肉, 肉質好淋， 有牛肉味， 好新鮮， 唔知係咪期間限定嘅呢，得閒再嚟都會叫返呢個牛腰肉。…查看更多

朋友生日， 俾咗幾間我心水想試嘅飯店佢㨂， 佢即時㨂咗紅伶， 原來紅伶都係佢想試名單內。明知紅伶都好紅，飯市要等位， 當日打電話去訂頭圍台。 我哋6:00去到即入，已見地下有幾圍客食緊嘢啦😅。我哋叫咗以下菜式：潮州靚鵝片： 正正常常咁啦，不過哥哥仔教我地將辣椒油溝醋嚟點鵝片， 又真係更加提味👍🏻滷水鵝腸 ： 正正常常咁啦，鵝腸爽嘅韮菜豬紅 ： 個汁好好味，豬紅都好入味，同其他店係有分別，但韮菜份量少咗啲馳名煎蠔餅 ： 非常好食，脆口又唔會成口油，蠔仔都唔會好細粒椒鹽田雞 ： 都係脆口又唔會成口油，田雞都夠肉地，加上有啲避風塘煮法， 餸啤酒一流…查看更多

今日著唔夠衫，又大風，好想食啲湯/粥類熱熱哋嘅嘢， 想起之前經過呢間餐廳有蠔仔粥食， 一於嚟試下。我是下午大概五點幾入坐，全店連埋我得兩台客， 大叔好好禮貌，縱使我一個人係唔會叫餸食飯，都俾哂所有餐牌我睇，仲有略略介紹一下。 我見有任選食材嘅泡飯，非常符合我當時胃口，就叫了個蠔仔肉碎泡飯， 煮嘅過程都有一段時間，相信係即煮，而不是一早整定嘅👍🏻，蠔仔隻隻飽滿鮮甜，份量亦不少， 湯底好夠未，但食完又唔覺好口渴嘅。不過呢個時段，我一路食都一路有客入嚟食， 應該都有啲熟客。等食之時有段小插曲， 另有一位女士埋單後，就在我台旁邊同店員講：「我想同你講⋯⋯⋯⋯你哋啲魚蛋魚片比起XX好食一百倍！」， 我聽到開頭第一句仲以為有乜投訴添😅好啦，既然係咁，我下次再嚟試下魚蛋魚片先😊…查看更多

我中學開始已經住係九龍東，但一值都未係呢條街搵過嘢食， 今日中午出街好大風，咁啱行經呢度，成條街都係食市，但好想食啲暖粒粒嘅嘢，忽然見到蛇檔，而我係極之喜歡食蛇羹的，所以心心眼即刻出場，雖然門面比較簡陋，但幾張台都有客食緊，應該都可以掛， 於是就決定入去試吓。我叫咗個$83蚊餐；有蛇羹、糯米飯、蛇湯蛇羹：比起灣仔嗰間大碗啲，湯與料比例剛剛好。比起深水埗嗰間，多啲蛇肉。三間嚟講我覺得呢度最好食，而且食完真係會成身㷫烚烚。糯米飯：唔會太油，飯就軟身啲，唔洗咬到牙較軟。蛇湯 ：呢個我唔係好識評價，因為平時好少飲。服務 ：他們是家族生意，好欣賞佢哋嘅細心，就係會等你差不多食完一樣，先會拎第二樣嘢嚟，次序係蛇羹➡️糯米飯➡️蛇湯，咁就唔會等到凍晒，亦唔會食得好趕。失分點係 ： 啲香草好乾，薄脆由店主限量提供，唔係成盒擺係度，不過我估如果我想要多啲應該都可以嘅😅點解我個標題寫「太遲啦」，因為聽到店主同街坊熟客講，就嚟唔續租，要退休了，當時幾台客都叫佢搵第二個鋪繼續做，幫襯咗幾十年，好唔捨得😔。所以近期我應該會去多幾次😋…查看更多