為食鴨鴨的個人專頁

🌺花晨月夕 @kuno_hk 好耐冇去日本，好想食Omakase😣一於留港消費食好西，香港都有高質素嘅Omakase架嘛！今日係花晨月夕，享受咗一餐華麗豐盛又新鮮嘅廚師發辦。餐廳分為吧枱及日式趟門嘅房間，揀咗坐喺吧枱欣賞師傅嘅手藝。我哋點咗2款唔同嘅omakase。🌞Omakase Sun $1380先付、刺身三款、御料理、壽司九貫、吸い物、甜品🌝Omakase Moon $1580先付、刺身五款、御料理、壽司十貫、吸い物、甜品🩵先付海之幸胡麻醋啫喱酸酸甜甜，撈上爽彈八爪魚、新鮮沙白、鮮甜松葉蟹，仲有爽口日本海蜇，一齊食好開胃，用上綠葉作伴碟，好有意境🌿🩵刺身🔸真雕薄切配毛蟹及魚子醬🔸兵庫縣室津生蠔🌝🔸海膽桃太郎蕃茄🔸三文魚籽海膽杯🔸燒鰹魚🌝刺身五款都好正，當中有幾款特別吸引，師傅即席用氮氣整成一個亮麗泡泡，仙氣飄逸，打卡度100分！裏面嘅真雕包住鮮甜嘅毛蟹，以魚子醬提升，魚香飽滿豐富。生蠔入口奶滑濃郁，入口爽口，帶有海水味，以檸檬汁提鮮，正！海膽杯勁吸引，三文魚籽甜身爆汁，海膽濃郁，夾埋一齊超鮮味。 🩵御料理A4黑毛和牛配海膽，包住瑤柱及道明寺糯米，和牛勁香，入口即溶，糯米軟熟香口，吸賮牛油同肉汁。🩵 寿司🔸間八🔸北海道白象拔蚌🔸北海道大帆立貝🌝🔸伊佐木🔸靜岡縣白三文魚🔸銀鱈魚🔸鯖魚🔸金木雕🔸大拖羅🔸醬油漬赤身🔸霧多布馬糞海膽每一款壽司都超新鮮好食，有幾款我特別鍾意！大帆立貝，肉質厚身，入口爽口，超鮮甜。白三文魚係第一次食，顏色帶粉紅，入口輕盈，油膩感冇平時三文魚嗰種咁重，入口嫩滑柔順。赤身醬油漬鹹香，富有彈性，入口厚實，比較有質感，有甘香的餘韻。金木雕經過火炙，魚皮燒到焦香，魚油晒出嚟，入口充滿油香同鮮甜味！最後最吸睛梗係馬糞海膽啦，師傅將大大份量嘅海膽放喺我手上嘅紫菜上，灑上淡雪鹽同噴金粉，超夢幻，打卡是必須的！🩵 吸い物🔸蜆肉味噌湯蜆肉份量唔少，脹卜卜，湯汁唔會太鹹。🩵甜品🔸赤肉哈密瓜配黑糖波子提子提子超爽甜，哈密瓜香甜多汁…

觀塘工廈有一間高人氣嘅壽喜燒餐廳，久仰大名咗好耐，難得今日放假，即刻同爸爸去食晚餐🤘🏻我哋點咗壽喜燒套餐，包含前菜、茶碗蒸、宮崎縣A5和牛、蔬菜、湯及甜品等。壽喜燒以正宗關西風煮法，有專人幫忙煮食，熟度剛好，上碟仲擺得好靚添。😗🐄壽喜燒晚市套餐 $499 （每人）💚前菜🔸風乾和牛配哈密瓜🔸時令荔枝配甜蝦🔸青瓜柚子沙律🔸和牛漬物卷 風乾和牛質感扎實，牛味濃郁，配上清甜哈密瓜，好滋味。荔枝爆汁爽甜，配上新鮮甜蝦，估唔到呢個組合幾夾！和牛漬物卷外層系天婦羅，入口脆卜卜，又唔會掩蓋咗和牛嘅味道，仲有爆汁三文魚籽，幾得意😆💚茶碗蒸揭開碗蓋，深橙色嘅櫻花蝦同醬汁鋪滿表面，大大粒赤蝦刺身喺最頂，好爽甜！櫻花蝦咸鮮，撈埋蒸蛋一齊食，平衡整個味道。蒸蛋滑溜，每啖都食到先甜嘅蟹肉絲。💚日本和牛壽喜燒，附日本蛋、野菜拼盤及珍珠飯🔸A5和牛-西冷🔸A5和牛-肉眼🔸A5 和牛-沙巴當宮崎A5 霜降和牛，名不虛傳，雪花紋理分布得好靚！肉眼頂呱呱，超級油香，入口即化，肉質好嫩滑，沾上蛋汁食，滑溜到不得了！將黃牛嘅油脂，撈埋飯一齊食，非常滿足！西冷肌肉扎實，肉同油脂比例剛好，分布平均！沙巴當相對上肉質最豐富，油脂較少，牛肉味最濃郁！野菜吸曬精華牛肉平同壽喜醬汁嘅味道，每一啖皇帝菜同埋豆腐都充滿肉汁嘅香甜味，蓮藕爽口香甜，正！💚舞茸海鮮清湯食完主菜，飲一碗熱辣辣嘅湯真系好舒服！湯底好清香，一陣陣舞茸嘅草本味道，飲到干貝同埋蜆肉嘅鮮甜。💚甜點🔸海鹽焦糖布甸🍮布甸外型好靚，頂層鋪滿焦糖、海鹽同埋忌廉。布甸奶滑香濃，每一啖食到微微嘅焦糖烘烤嘅味道同咸香。🔸豆腐雪糕豆味香濃，又唔會太甜，頂層微微烤焦，入口焦香。…

今晚同朋友去咗中環食好omakase環境寬敞，三邊吧枱圍繞着師傅，可以清楚睇到整個煮食過程，一覽無遺。落地大玻璃睇到出面嘅景色，非常靚。我哋揀咗「omakase梅set」，有前菜、生蠔、刺身、壽司、熟食、湯同水果，食材新鮮好食，相當豐富，有幾款特別印象深刻！🌟岩手縣生蠔肉質肥大肉，入口爽口鮮甜，帶有濃郁海水味。北海道帆立貝海膽杯奢華亮麗，刺身一層疊一層。除咗帆立貝同海膽之外，入邊仲有三文魚子同拖羅蓉，連埋飯送入口，鮮香兼爆汁，好好食！🤩北海道海膽手卷，份量超多，顏色橙色，入口甜度超高，好似雪糕咁滑溜，鮮甜濃郁，非常豪華。最後好鍾意個土瓶湯，入邊有蝦肉，魷魚，魚片，香葉等材料，入口暖和，加少少檸檬汁入去，清新舒服。🌸梅 $1380💙先付（前菜三款）蒜油漬、龍蝦沙律 、螢光魷魚💙御造 （季節生蠔）岩手縣生蠔💙旬 （刺身四款）深海池魚、鰤魚、金木雕、大拖羅💙和の物北海道帆立貝海膽杯💙鮨 （壽司五款）赤蝦、北寄貝、赤貝、左口魚裙邊、北海道海膽手卷💙一品料理味噌鯖魚💙吸物土瓶海鮮湯💙甘味北海道蜜瓜…

今日放假，同媽咪行街同食Lunch午餐，路過見到呢間落地玻璃窗嘅餐廳幾靚，一於試吓！餐廳走摩洛哥黑白風格，分室內室外兩區，坐位寬敞舒適。最特別係用霓虹招牌、植物同水晶洞做裝飾，好有格調。🧡意式香蒜虎蝦墨魚麵 $78虎蝦大隻厚肉，爽彈鮮甜，煎得剛剛好，充滿蝦香！蒜蓉同橄欖油嘅香氣滲入蝦肉，好惹味～墨魚汁麵條煮得 al dente，彈牙唔會軟淋，每條都沾滿蒜香同墨魚汁嘅鮮味。🧡全日早餐 $148擺盤好靚，食材都幾豐富！有巴馬火腿、辣雞件、雞鎚、薯餅、炒蛋同沙律菜。每一款都有兩件，超飽肚！牛角包金黃酥脆，炒蛋嫩滑，巴馬火腿透薄油潤，將佢夾咗入牛角包一齊食，好滿足！炸雞件，炸皮薄脆，雞肉Juicy，沾上沙律醬，正到痹！雞鎚香口惹味。薯餅外脆內軟，薯香十足，配上茄醬，甜甜酸酸，好解膩。🧡柑橘檸檬百香果茶 $68入邊有百香果籽，新鮮檸檬片等生果浸泡喺熱茶入面，入口有百香果熱帶嘅甜香同埋檸檬香味，茶味適中，唔會太濃，入口暖和舒服。🧡鮮香芒果奶昔 $60打卡度100分！好靚，好精緻🤩入口香濃椰香芒果味，香甜帶微酸，沙冰奶昔打得奶滑同幼細，成個感覺充滿熱帶風情。…

呢間喺長沙灣嘅餐廳，以田園風裝飾，影相非常打卡able。餐廳周圍擺滿乾花、乾草同梳化，無論室內定室外，都有餐桌同打卡位置，幾舒服。我哋食咗兩個lunch set，食物同飲品都唔錯。午餐配有是日餐湯：蘑菇忌廉湯同自家製酸種包，餐飲可以揀是日水果茶或其他特飲，所有飲品半價。💚香辣蒜片辣肉腸墨魚仔意大利麵 $88辣肉腸鹹香~墨魚仔鮮甜, size都唔細，爽口！意粉質感有咬口，撈勻蒜片、辣椒和橄欖油調製醬汁，濃香微辣融入意粉，每啖都香口惹味。💚越式烤美國特級豬梅扒 $128外層焦香，切開入面顏色粉嫩，肉汁飽滿，肉質感都唔錯，越式醃料都好入味，醬汁有蒜香同香茅清新味道，酸甜開胃，伴碟有薯蓉。💚Shizuka Hotjicha Latte焙茶茶香濃郁，牛奶比例適中，飲落去舒服，唔會覺得厚重。💚Passion Fruit Lime Mint Soda酸酸甜甜，薄荷葉加埋梳打水，飲落去超清爽，食完辣嘢飲一啖，立即解辣解膩，好爽！…

豐窩嘅雞煲好出名，想食好耐喇～除咗招牌嘅麻辣雞煲外，佢哋仲有滋補螺片花膠雞煲、花雕藥膳雞煲同埋滋潤椰子雞煲。今日約咗朋友，一於去試吓！🤤🩵滋潤椰子雞煲(半隻) $198一打開煲蓋，就聞到濃濃嘅椰子清香，湯底奶白色，睇落好滋潤！湯底真材實料，有新鮮嘅椰子肉，椰青水，紅棗，杞子同竹笙。煲入面有嫩滑雞件、椰子肉同紅棗，成個配搭好養生！襯未放雞件入去，忍唔住飲咗幾啖湯，好清甜！椰子水＋椰肉嘅天然甜味好出！雞肉肉質嫩滑，點上薑蓉柑桔醬汁，酸酸甜甜好特別。竹笙吸晒椰子湯精華同雞油嘅味道，好正！😋🩵手工四寶丸 $89四寶包括有蝦丸、墨魚丸、黑墨丸及鯪魚丸，每粒都圓碌碌、脹卜卜。手工蝦丸鮮甜，咬落去超彈牙，食到一粒粒蝦
肉碎，真材實料。墨魚丸香口濃郁，口感爽脆彈牙，中間仲有少少墨魚粒增加層次。黑墨丸用咗墨魚汁整，味道比普通墨魚丸更濃厚，帶微微海水鹹香。鯪魚丸都唔錯，有陳皮同胡椒粉嘅味道，食落唔腥。🩵極品本地手切牛頸脊 $238牛肉紋理好靚，脂肪同肉嘅分佈平均，色澤鮮紅帶少少油花。輕輕淥8-10秒，粉紅色就食得，鮮嫩到不得了！嫩中帶爽，入口牛油油香，肉味濃郁到爆燈！👍🏻👍🏻👍🏻🩵貴花蚌 $125蚌肉橙紅色，色澤光亮，睇得出好新鮮。入口爽脆 ，超鮮甜～完全冇腥味！🩵手工即炸魚皮 $54從來未見過咁大塊炸魚皮，有啲驚喜！魚皮金黃酥脆，超香口！輕輕點湯，外層索唒椰子湯，內裡仲脆，雙重口感～浸得多湯汁，都唔會淋唒！咬落去好似薯片咁脆口！🩵龍鳳檸樂 $34🩵藍妹啤酒（大罐） $30🩵醬油費 每位$8…

估唔到坑口條村入邊有一間cafe，幾高質！餐廳雖小，五臟俱全，環境舒適，店員又好親切。食物款式好多，睇落都唔錯。💛義式生牛肉他他配鵪鶉蛋多士 $138生牛肉他他質感柔軟嫩滑，融入鵪鶉蛋同洋蔥粒等配料，鵪鶉蛋汁比普通雞蛋更濃郁，鎖入生牛肉肉粒，每一口都充滿蛋香，洋蔥粒嘅味道，口感鬆軟又有洋蔥粒嘅爽脆，加埋醬汁同埋多士一齊食，非常豐富。💛新鮮紐西蘭活青口白酒汁煮忌廉汁500g $268青口隻隻都大隻飽滿！忌廉汁嘅顏色奶白帶少少金黃，睇落好creamy，仲有啲香草碎同蒜片喺面頭，賣相好吸引。青口鮮甜，肉質爽彈唔會韌，一啲沙都冇！白酒忌廉汁好濃郁，白酒嘅香氣好出，但唔會苦澀，忌廉嘅奶香同蒜蓉、洋蔥好夾，唔會太膩。最正係用包點汁食，吸晒啲精華。💛XO醬香蒜大蝦蝦干扁意粉 $178一上枱就聞到超香嘅蒜片同XO醬味，意粉金黃色，乾身唔會油淋淋，每條都掛滿咗XO醬同蒜香，微辣惹味！仲有幾隻爽口彈牙嘅大蝦鋪喺面！入口少少辣，唔會太刺激，但係好開胃，食到停唔到口！
…

最近見到推出咗Crêpe Delicious新推出咗All You Can Eat 2.0套餐，六款頭盤都可以任食，而主菜加入咗新嘅菜式，意粉、肉類、可麗餅都有得揀。飲品同甜品都係任飲，幾抵！😌🔷六款任食頭盤蒜蓉焗青口、吉列炸蝦、凱撒沙律配煙三文魚香脆魷魚圈、脆炸洋蔥圈、蜜糖雞翼每款頭盤都唔錯，當中最鍾意食凱撒沙律配煙三文魚、蜜糖雞翼同埋香脆魷魚圈。沙律菜新鮮爽甜，醬汁適中，配搭麵包糠、煙肉及芝士碎，幾開胃。蜜糖雞翼，入口有甜甜地，有肉汁，唔會燒到好乾。魷魚圈入口香脆，咬落柔軟彈牙。🔷主菜♦️辣味烤焗雞肉可麗餅呢個唔係普通甜嘅可麗餅，係走濃味路線嘅！辣辣哋嘅雞肉＋超濃芝士＋軟韌餅皮，成個配搭好夾！鍾意芝士拉絲同香辣口味嘅，一定要試下，夠晒過癮！😲♦️香烤西冷牛扒（80Z）配薯條牛扒叫咗五成熟，燒得好靚仔，入口焦香，顏色粉嫩，一切開已經有肉汁，食落香濃牛肉味。薯條啱啱炸到金黃色，點上肉汁蕃茄汁一齊食🫶🏻🔷飲品水果冰茶洋甘菊熱茶🔷意式雪糕士多啤梨: 酸酸甜甜，幾解膩綠茶: 唔係好甜，濃郁嘅茶味，帶微甘苦…

超正分享！🤩🤩🤩今日好姊妹帶我去食「鮨央泰」嘅 omakase，係江戶前風格，我期待咗好耐㗎喇！果然係東京米芝蓮一星嘅餐廳，真係名不虛傳！每道菜都好驚喜👍🏻食材超新鮮，擺盤精緻，煮法又特別！好多款式我以前從來未食過，大開眼界！最令我印象深刻就係「北海道八爪魚」，八爪魚鬚勁大條！一上枱真係「嘩！」一聲😲！醬汁超入味，食落鹹鹹甜甜，肉質彈牙~爽滑到不得了~另一道「酒盜鰹魚腸」，呢個真係好有驚喜！😌一入口，啲油脂甘香湧出嚟，魚肉嫩滑，跟住慢慢滲出魚腸嗰種超濃郁嘅香味。師傅用炭燒過，辟咗啲腥味，嗰陣甘香喺個口度停留咗勁耐，好正！整體所有食材質素高，新鮮度滿分！餐廳環境坐得好舒服，師傅好細心，每道菜都會介紹，成個體驗真係好完美🫶🏻👑皇SUMERAGI Omakase $1780⭐️先付 三點🔹沖繩水雲醋、甘露煮里芋、蟹肉忌廉蛋捲🔹北海道軟煮水八爪魚配芥末及柚子胡椒🔹稻草煙燻BB吞拿魚⭐️刺身兩點🔹深海池魚🔹北海道帆立貝⭐️燒物🔹酒盜鰹魚腸⭐️壽司八貫🔹鹿兒島 白魷魚🔹大分縣佐賀關池魚🔹北海道黑北寄貝🔹熊本縣車海老🔹14日熟成大拖羅🔹10日熟成赤身醬油漬🔹汁煮海鰻🔹北海道馬糞海膽⭐️玉子燒⭐️赤麵豉湯⭐️靜岡蜜瓜…

「人生有限杯」串燒店進駐尖沙咀，主打$10起親民價串燒，即叫即燒保持水準，CP值極高！新店設餐桌及吧枱座位，推薦坐吧枱近距離欣賞師傅手藝。🩶鹽燒西班牙五花腩 $10肥瘦均勻嘅厚切五花腩，外層焦香，入口肉汁豐富 ，油脂甘香！🩶黑松露燒雞肝 $15外表微焦，咬落流心，軟滑爆漿。以黑松露調味，減低內臟嘅羶味。🩶味噌松板豬 $15以味噌醬醃製，肉邊燒至焦脆，咬落彈牙帶嚼勁，醬汁惹味，好想encore！🩶椒鹽雞軟骨 $15燒到金黃色，入口鹹香，入口香脆有咬口🩶鹽燒鮮雞腎 $20燒到啱啱好，唔乾身，爽口唔會好韌。🩶免治雞肉棒配日本蛋 $28每一啖食落都有軟骨碎，口感脆卜卜，沾滿濃郁醬油同日本蛋黃，好濃郁同滋味🩶鹽燒牛舌芯 $28厚切牛舌芯燒至微焦，外脆，入面就爽口彈牙，以鹽吊出牛舌獨有嘅奶脂油香。🩶鹽燒鮮雞頸肉 $28皮嫩肉厚，啖啖肉，嫩滑又Juicy🩶鹽燒和牛牛小排 $48鹽燒帶出牛脂甘香，外層焦香，內裡肉質有彈性，入口牛肉味香濃。🩶蒜蓉燒蠔（兩隻） $48蠔肉飽滿脹卜卜，一咬爆出海水鮮味，用上蔥同蒜香調味，特別惹味～🩶蒜蓉菜脯燒元貝（兩隻）$48兩隻元貝都厚內，面層鋪滿黃金蒜蓉及鹹香菜脯碎，底層粉絲吸唒貝汁精華！入口有蒜香，咬到脆口菜脯。元貝肉鮮甜彈牙無腥味，一次過放晒入口，鹹中帶微辣，越食越開胃！🩶山椒鰻魚汁燒白鱔 $48白鱔肉質嫩滑爆油，有膠質好滑溜。山椒鰻魚汁香甜提鮮，中和油膩感 。🩶白酒忌廉煮蜆 $68份量好足，蜆都大粒同埋新鮮，蜆肉肉厚多汁。醬汁用白酒同忌廉加埋洋蔥煮成，奶香濃郁，每一啖都有酒香同蜆嘅鮮味，醬汁濃郁到想舔碟！🩶港式蜜糖多士夾雪糕 $48超邪惡！必點嘅甜品！多士烘到金黃焦脆，表面蜜糖脆殼甜蜜香脆，夾住冰凍雲呢拿雪糕，又脆又軟，香甜奶滑，好好味。🩶手打檸檬茶 $28🩶百香果檸檬茶 $28酸爽透心，甜度精準，食住串燒配檸檬茶，減低油膩感。…

最近發現佐敦有一間好正嘅餐廳「樂 鐵板燒」，上個禮拜同朋友試咗，真係充滿驚喜。一推開大門，即刻好似時光倒流，全場掛滿張國榮經典海報！連牆身都貼住佢嘅黑膠唱片封面，仲有玻璃櫃展示收藏品！樂師傅一邊煮食，餐廳一邊播放住張國榮嘅經典金曲，非常有氣氛。🌸十八層海膽杯 A5和牛廚師發辦 $1680🌸火焰海膽甲羅燒原隻鴛鴦海膽活龍蝦廚師發辦 $1680⭐️季節前菜前菜組合一份四款，夠曬心思。磯煮鮑魚軟嫩入味，醬油甜香滲透，咬落彈牙得嚟唔會韌。北海道白粟米爆汁清甜，咬落脆嫩無渣～大根柚子漬，醃得爽脆醒胃，柚子清香，微酸好開胃。薯仔沙律綿密 creamy，口感豐富，有日式家常風味。⭐️季節沙律：青森縣王林蘋果蟹籽沙律師傅將蘋果挖空，造成一個蘋果盒。將蘋果果肉，撈入沙律醬同蟹籽，然後放返入蘋果盒入邊，非常有創意。蘋果爽脆香甜又多汁，配上爆汁蟹籽鹹鮮同酸甜嘅沙律醬，帶來一種小清新感覺。⭐️十八層海膽杯 呢杯嘢真係必試👍🏻必打卡✅一啖食勻北海道紫海膽、松葉蟹肉、拖羅蓉、三文魚子同花膠，一層疊一層，超奢華，超級靚！頂層嘅白飯魚脆片焦香脆口，點埋creamy又鮮甜嘅海膽，一啖就已經鮮到彈起！之後嘅步驟一定要撈勻！用匙羹由頂挖到底，撈勻曬18層食材，啖啖都食到海膽同魚生鮮甜，仲有蟹肉嘅絲絲口感同魚子嘅爆珠感，好豐富，好滿足！⭐️ 活龍蝦兩食（海膽醬芝士焗、海膽牛油蝦膏煮）龍蝦大隻到不得了，師傅用咗兩種煮法，都一樣咁高質，超邪惡！🔸海膽醬芝士焗龍蝦芝士加海膽醬嘅組合真係無得輸，濃郁到爆🫨一啖咬落去，龍蝦肉超彈牙，啖啖肉，好惹味！🔸 海膽牛油蝦膏煮龍蝦龍蝦肉煮得啱啱好，唔會過老，保持鮮甜，配埋個汁真係無敵！最驚喜係個竹炭烏冬！吸曬海膽牛油汁，每條烏冬都掛滿濃郁蝦膏香，仲有微微海膽甜味，好好食！⭐️ 北海道帆立貝原始燒師傅用火槍即場燒到成個貝殼噴火，我哋即刻拎手機影低，視覺味覺雙重享受🔥 燒嘅過程，牛油香氣即時爆發，清酒蒸發剩低甜味，同牛油完美融合，帆立貝表面焦香，咬開鮮嫩柔軟，帶有淡淡酒香，仲有蟹肉同三文魚子做內餡，每啖都有驚喜。 最後用匙羹連汁潷埋嚟飲，超鮮甜！每一啖湯汁都係精華所在！⭐️北海道赤海膽刺身呢款「浜中小川赤海膽」好食到震🫨🫨🫨師傅請我哋握緊拳頭，將份量超多嘅海膽放喺我手背上面，然後一啖啪左佢！人生第一次咁樣食法！一放入口，雪糕咁嘅質地，即刻化開，甜度爆燈，仲帶微微海水鹹香，完全冇苦澀味，係入口即溶嘅海膽天花板！幸福感100☺️💕💕💕⭐️火焰海膽甲羅燒呢個唔係普通甲羅燒，係一道會著火嘅奢華藝術品！師傅即場點燃閃火紙，成個蟹殼被火焰包圍，滿滿儀式感❤️‍🔥海膽融化係蟹膏入面 ，濃郁幼滑。松葉蟹肉入口鮮甜，黑魚籽鹹香，口感好豐富。將所有一齊撈埋，放上黑松露薯片，香脆又香濃，非常惹味。^_^⭐️ 五式燒野菜車釐茄表面微焦，一咬開酸甜汁液爆發。蘆筍係嫩芯部位，爽脆無渣，帶炭燒味。茄子配上焦糖醬汁，香甜綿密又細緻。南瓜厚片慢烤，入口鬆軟。甜薯棉花糖，好鍾意呢個整法，棉花糖烤到拉絲，黏住蜜糖甜薯，冷熱交融甜蜜蜜。⭐️ 荔枝豚肉卷師傅將厚切豚肉捲住原粒荔枝燒，表面再鋪滿蜜糖味爆珠，一啖咬落去就爆汁＋爆珠，交織甜鹹雙重口感。焦香豚肉，帶微微焦脆邊。荔枝清甜及蜜糖爆珠完美中和油膩 。⭐️香煎鵝肝配山芋餅鵝肝煎到脆皮，油脂香超濃郁，咬開入面似雪糕咁滑，山芋餅煙煙韌韌 ，配埋藍莓珠夾埋一齊食，成個口感酸酸甜甜，好清新又解膩。⭐️黯然銷魂飯 A5和牛叉燒，配上流心蘭王蛋同椰菜花飯，超級好味！呢個絕對唔係普通叉燒飯，師傅用上A5和牛整成叉燒，外表焦香，肉質柔嫩，充滿油香。蘭王流心蛋同椰菜花炒飯，一啖食落去，蛋漿撈埋「飯」，和牛油脂香爆出嚟，真係邪惡到極點！⭐️特色紙包花膠蜆湯呢個紙包湯真係不得了！有花膠、蜆、冬菇，鮮甜到癲，原汁原味，冇加味精！花膠厚身又滑，蜆肉飽滿冇沙，冬菇爽口大大隻，飽到上心口都堅持要飲！飲完成個人暖笠笠～⭐️自家製甜品：海膽雪糕第一次食海膽雪糕，估唔到係咁夾，超有創意！海膽直接放喺雪糕上面，仲要加埋爆炸糖，食落去首先係海膽嘅鮮甜，鹹甜交織嘅感覺好新奇，加埋爆炸糖噼啪響嘅口感，玩味十足！…

最近發現灣仔有一間有浪漫情調嘅扒房，餐廳主題歐洲古典風，以深色木製家具、型格吊燈及紅酒櫃做擺設，極具歐陸特色。環境浪漫又有氣氛，好適合慢慢嚐酒，享受美食嘅客人。晚市套餐$388，包含沙律，麵包，餐湯，主食及餐飲，性價比非常高！💛是日餐湯：南瓜湯入口順滑，每一啖都飲到好濃郁嘅南瓜香甜味道，湯汁濃稠適中，唔會太杰。沾上麵包一齊享用，一流！💛自家製百里香蒜蓉牛油餐包麵包熱辣辣好新鮮，外皮焦香，入邊軟熟，帶有牛油香味，仲有好濃郁嘅自家製百里香蒜蓉醬，非常惹味，好開胃啊！💛凱撒沙律蔬菜新鮮，入口清甜脆口。撈勻芝士，煙肉碎同麵包粒，再加入蛋黃同檸檬汁，甜甜酸酸，帶有鹹香，口感豐富！💛230g 美國平鐵牛扒阿根廷青醬牛扒點咗medium，一切開已經見到肉質超粉嫩，肉汁流晒出嚟，入口juicy肉質軟滑，帶有香濃牛肉味，口感柔軟，一啲都唔韌！阿根廷青醬，入口清新香草味道，帶有微辣，平衡牛扒油膩感。💛挪威三文魚腩配奶油大蒜醬驚喜之作！魚皮香脆，但保持到魚肉肉質軟滑，沒有過熟嘅鞋口感覺！輕輕切開，魚肉肉汁已經流出嚟 ，每一啖都充滿魚油嘅香味，好有滿足感！配菜嘅奶油蒜蓉都好好食，入口香滑柔軟，好濃郁！一口接一口！食到停唔到！💛餐飲揀咗茉莉花茶同檸檬茶我哋都係揀咗熱飲，食得咁豐富，最後飲番一啖熱茶，中和返成個感覺，非常舒服。…

好耐冇去Black Coffee了，今日經過裕民坊，專登過去食午餐。餐廳裝修以型格黑白灰顏色為主，採用開放式廚房，環境寧靜，啱哂傾偈。🖤自家製手打雞肉蝦餅 $78蝦餅厚身，好大件，口感香脆，咬落有肉汁！沾埋茄醬一齊食，好滋味！🖤自家製蕃茄醬炒意粉配肉丸 $98肉丸香口彈牙，意粉爽口，唔會太軟身。蕃茄醬汁酸甜可口，帶有香草味道，醬汁掛上每一條意粉，非常開胃。🖤日式炸豬排漢堡包配雜菜沙律 $92炸豬扒超吸引，豬扒厚身有肉汁一咬落去香脆又鬆軟，好Juicy夾埋新鮮嘅蕃茄，酸酸甜甜，解開油膩感配上胡麻醬嘅雜菜沙律，清新開胃！🖤三重朱古力窩夫（全份）配朱古力雪糕 $98窩夫熱辣辣上枱，賣相邪惡，超大碟！窩夫充滿蛋香，咬落香脆，中間軟腍好煙靭。朱古力醬香濃濃郁，唔會太甜。配搭埋朱古力雪糕，帶有果仁口感，好滿足！🖤榛子鮮奶咖啡 $44咖啡香氣濃郁，奶泡入口順滑，嗌咗微甜，唔會太甜，味道回甘，榛子香甜，帶有堅果香味。🖤冰釀咖啡 $64冷萃咗嘅咖啡，咖啡酸到好低，又唔會好苦，我留到咖啡豆嘅天然風味，帶有堅果香氣。好大粒嘅冰塊，慢慢溶解，口感舒服，清新提神。🖤白桃手搖冰茶 $48白桃果味香甜，入口充滿果香，茶味濃郁，兩者非常夾，又唔會太苦，加入埋冰塊，成個感覺好清爽同舒服！非常適合夏天飲！…

今日嚟到中環嘅中菜餐廳「星·southbeauty」 ，主打以魯菜為主，亦有創新嘅川菜。餐廳環境非常大，裝潢華麗雅緻，以傳統戲曲為主題，並設有多間以不同傳統戲曲為主題設計嘅房間，用上戲曲頭飾及服飾作裝飾佈置，非常有特色。💜堂切垛子牛肉一片片嘅水晶牛肉，顏色鮮紅透亮，用上唔同部位嘅牛肉製成，牛肉香味濃郁，口感似啫喱，沾上黑醋，提升到牛肉嘅鮮味。💜熗拌濰坊鮮蘿蔔皮口感爽脆，清甜帶微辣，食落滲出芝麻香味，非常開胃嘅前菜。💜松茸清湯雞豆花賣出好靚好優雅嘅湯，一打開蓋，見到貌似一大片雪朵及原來係以雞胸肉同蛋白打成，質感輕盈柔軟，帶有淡淡雞肉味道。湯汁味道有香濃松茸香味及清雅嘅雞肉精華。💜魚籽醬烤鴨配煎餅大廚席前切片皮鴨，底層放了山東煎餅，鴨肉上層鋪上魚籽醬。捲埋一齊咬落去，鴨肉肉汁流唒出嚟，肉質富有彈性，鴨肉香味撲鼻，脂肪入口即溶。💜成都青花椒毛血旺熱騰騰嘅大滾鍋上枱，材料超級豐富，好足料。有黃鱔、午餐肉、肥牛、豬紅、毛肚、豬大腸、筍及寬粉。湯底香辣惹味，愈食愈起勁。💜海捕大蝦燒膠洲白菜大蝦切件，將蝦頭蝦膏同大白菜一齊煮，大白菜新鮮幼嫩，入口清甜。蝦膏蝦汁嘅精華滲入大白菜，好濃郁，非常好食！💜慕斯大油條（腐乳慕斯/鳳梨慕斯）超級大條嘅油炸鬼！長過手臂，外型超強🤣金黃顏色，炸得剛好！入口酥脆，內裡柔軟不油膩！配上一咸一甜嘅慕斯，好創新！咸嘅腐乳咸香帶有濃濃嘅酒香，好醉人。鳳梨慕斯酸酸甜甜，口咸好清新。💜拇指生煎包迷你生煎包，一口可以食唒成粒！底層微焦脆口，一咬開肉餡爆汁，鮮甜香濃！好快又想食多粒。💜阿膠絲滑酸奶酸奶微酸，奶滑香濃，加入甜甜阿膠，可按自己喜好，加入阿膠平衡酸奶味道，每一羹都好有滿足感，非常完美。…

The Pearl🐚 最近有朋友嚟咗香港，住喺瑞生酒店，原來呢間酒店有幾間餐廳，我哋約咗係4樓嘅The Pearl食飯傾吓偈。餐廳分為酒吧區，室內同室外。餐廳走黑色格調，燈光暗暗都幾浪漫同有情調。💜秘魯吞拿魚拌蕃茄莎莎配香烤鱈魚脆片及黑醋汁 $68鱈魚脆片烤到脆卜卜，托住吞拿魚同莎莎，食法好似Taco咁。莎莎餡料有蕃茄、紫洋蔥，香菜同檸檬汁混合一齊，酸甜適中，口感好清爽。吞拿魚肉質嫩滑新鮮，沾埋酸甜嘅黑醋汁，好滋味。💜蒜片橄欖油封大蝦配佛卡夏多士 $88蒜香味超濃超香，聞到已經流口水蝦肉爽口，面層鋪上香脆可口嘅蒜片，拌有蒜香同橄欖油味道，帶有少少微辣。將多士包住蝦肉同蒜片，沾上蒜香橄欖油，一啖食落去，超滿足💜慢煮西班牙黑毛豬鞍架 $188豬鞍好厚身厚肉，經過慢煮，保持到入邊肉質粉色嫩滑，表面煎到微微金黃色，入邊唔可以保持到鮮嫩多汁。面層有黑椒粒，帶有微辣 。伴碟有烤薯仔，大葱同抱子甘藍都好新鮮且解油膩。💜和風原隻璣煮鮑魚配野菌意大利飯 $288鮑魚好大隻，一上枱已經好吸吸晴！鮑魚嘅肉質保持鮮嫩，咬落去好有彈性！鮑魚吸收醬油味醂嘅味道，好入味，醬汁嘅鹹同甜味恰到好處，令到鮑魚更加鮮味！紫蘇葉托喺底，令到口感更清新。意大利飯有咬口，但又唔會太硬，粒粒分明！野菌醬汁濃郁香口，每一啖都好滿足。💜First Crush $100呢一杯係青瓜配菠蘿汁梳打，入口清新清爽，唔會太甜，口感舒服。💜Passionate Night $100熱情果配提子汁，果香味濃，入口酸酸甜甜，充滿少女感。…