wingx2的個人專頁

之前舊舖喺行仔，週末lunch時間都係好多人。見搬咗新舖又去試下新舖大咗，靚咗，無咗室外位 （以前覺舊舖個位室外好熱好嘈） 新舖舒服好多不過人流仍然好多，好似仲多咗… 事關個位喺正馬路口好易見到！ 講返食物，當然係食招牌flat iron steak 🥩 Lunch set $148 ，一直唔係好明點解叫lunch set ，因為連汽水都無杯… 牛係澳洲黑毛安格斯，肉質好嫩滑，好豐富肉汁。火喉控制好，封實咗表面，唔係切開一撻血水… 本身唔會太好薯條，如果side dish 可以轉晒salad 就prefect 喇！ 逢星期一、二都有特價晚餐，有興趣可以嚟試下蘇豪嘅餐廳成日變，要站穩多年仲要搬大舖真係唔容易，一定係有返咁上下實力，同親民價錢先可以做落去！ …查看更多

見訂位有7折，基本要試嘅菜都有齊，係經典套餐，7折幾抵食！餐廳服務非常好，坐卡位，會主動行埋去拉開小小張枱方便入，非常貼心。 水算平，只係按位計，唔係按支計😂 落單時同佢講，唔食蠔可否轉其他，於是老公仔頭盤轉咗個蜜瓜火腿比佢，食得開心！個生蠔唔算大隻普通澳洲蠔，新鮮田螺出色！我以為一份2個人食，完來一人有一份！都幾多😅😅😅 好味，份量以外地多到最出名之大嘅龍蝦湯。有2位靚女廚師全晚不停一枱枱都煮湯，都幾攰😅 全場基本都係叫同一個餐龍蝦湯一如其他咁高水準，好香濃，而且喺面前煮過，熱辣辣上枱，冬天加分！ 湯底好creamy 滿滿龍蝦味，蝦肉唔多，有2粒，爽口都新鮮。主菜大家都係牛柳，火控制得幾好，5成同7成都剛好。而且好淋身。 面頭滿滿黑椒。問經理先知係佢哋有唔同嘅處理，故事勁多黑胡椒令佢香辣，煎好亦有少少脆卜卜感。 不過我就覺得太辣搶咗個牛味… 又或係用呢個方法蓋過牛肉嘅質素🤭 都係鍾意trolley 嘅燒牛肉配pudding 多啲甜品有個朱古力梳乎厘，好味！ 好香燶黑朱古力，外皮十分香脆，上枱已飄散住黑朱古力香味。雲尼拿汁唔放都無問題。 最後一份朱古力波呢個喺amigo 都食過不過呢度上枱一堆乾冰同特效，影相一流👍🏻另一點要讚係侍應，好耐心介紹餐酒同一款特價cocktails 。都唔貴，紅酒$188 都幾好飲，cocktail $88 亦唔貴。鍾意都可以喺請請吧叫過嚟。但侍應咁落力介紹就試咗佢推薦嘅紅酒🍷埋單7折，2人平咗$800+ ！ 值得一試🤙🏻…查看更多

行街行到攰入去坐坐，本來想試佢個痴_ 線朱古力… 但最後理智控制住我🫣 點咗個南乳豬扒all day breakfast … 聽到南乳，豬扒，但又all day breakfast 🍳 呢個又中又西嘅組合有啲好奇🤔嚟到見到豬扒大大件，一上枱已經聞到好香南乳味好吸引🤩 貓貓多士就普通咗啲，好細塊，食落都唔覺有特別香或好驚人… 其他配菜叫做正常發揮，不過份量好大份，都食唔晒… 另一樣想試就係乳酸，話跟自家製果醬，上嚟嚇親！個果醬原來係一口份量😥 叫咗無花果伯爵茶醬，有2半粒無花果，但唔係好食到伯爵茶味，甜度唔會好甜，食落都可以。 用嚟搽包同撈乳酪，覺得跟包會好食啲。 乳酪都非常之細杯，2啖就食完…. 同埋面頭唔係用granola有啲失望… 呢款係平時減肥食無烤過無蜜糖好難食😑 如果跟granola會開心啲飲品叫咗杯first kiss , 同dirty 分別在於無冷與熱之間，同面頭多一層燒咗嘅焦糖。睇落賣相唔錯，飲落都唔錯！ 咖啡都幾好，唔會好hea ！ 整體感覺都算好食，員工都好禮貌，見員女工對住英文同普通話客都可以對答同有禮介紹食物，都幾好服務。 不過座位就有啲迫同窄，尤其中間張長枱，人多時候都幾嘈吵。當日假期，好多人都係拎住一袋二袋或者有小朋友，感覺就會迫一啲喇… …查看更多

夜晚約咗朋友飲酒食燒肉，都諗住食好嘢預咗會貴啲。但食完感覺唔太值呢個價… 主要問題出在服務… 有張卡仔介紹唔同部位，但原來只供參考… 例如問有無牛冧肉，侍應哥哥唔知咩，要問… 之後話即係佢哋牛後腿肉… 吾，好似唔同… 但侍應對酒同食物熟悉程度令成個服務扣晒分… 先嚟小食飲啲酒，刺身沙律唔錯，好多刺身，都新鮮仲叫咗個雞肝加魚子配法包，都可以嘅，但唔好諗住係啲咩好靚嘅魚子… 普通… 叫做送酒唔錯食咗好多款肉，掛住食都無再影了… 但每款都有唔錯雪花，入口即溶，亦好香肉味。牛舌最好食🤤但啲牛好似無標注係咪日本同咩地方？如果普通和牛的話，個價錢就真係貴喇… 食就好食，和牛好難唔好食😅 飲咗幾支酒，幾得意嘅，可以自己帶酒，但叫一支佢嘅酒就免咗自己支開瓶費，都公平！仲有送咗啲送酒小食，有青豆同雞泡魚干。環境唔錯，好就腳，但係商場入面要上一層先有洗手間，老人家就唔係太方便… 點解話佢貴得唔值呢… 一般呢啲價錢嘅餐廳又有咁多酒，個經理都會好識做咁同客吹下水或者主動介紹有咩下酒菜好食。就算去啲無咁貴嘅日式餐廳，都會有個經理走去撩下啲大單嘅客social 下… 就嗰晚所見我哋應該係食咗最耐叫咗好幾次嘢食… 朋友又去過幾次，每次都叫貴肉，就當晚所見，就無員工同客人主動介紹食物，更別說會吹水… 侍應落單時望住你呆咗咁等你講… 吾，係咪可以主動介紹下有咩好食呢？或者叫酒時都介紹下… 呢個價錢附近都有唔少選擇，食完就覺得價錢同服務不成正比了！ 唔係差，但未夠好… …查看更多

行到熱入去坐低飲杯嘢，原來有二樓，都算濶落去到見到餐牌有pancake 就諗住叫啲飲飲食少少甜嘢飲品都多，有酒水同咖啡，仲有一個特別少少係茶加啡，叫blacktonic （咁上下名） 試咗個荔枝味，不過就似係加咗味啲咖啡。唔係好飲到有茶味，又唔似港式鴛鴦…. 有少少好似long black 咁。 杯係幾靚仲有杯mocha 都唔錯，不過細杯咗啲… 呢版睇到好混亂，問咗個職員係咪pancake ，佢話係，除咗最後嗰款… 叫咗份lemon earl grey pancake等咗好耐好耐好耐… 隔離枱都走咗，員工都食完飯都未嚟… 問咗一次話就有… 最後等咗半個鐘😳 等到想瞓💤嚟到大大件，不過個樣唔係好對路… 點解係件蛋糕？！！？（個心仲有少少未焗透咁） 個味係香嘅，有檸檬同聞到有earl grey 仲有個醬話係earl grey 醬… 不過我就唔係好明點解叫pancake? 點睇佢都似我用電飯煲焗嘅蛋糕！唔係唔好味嘅，不過我係想食pancake 唔係食電飯煲焗嘅蛋糕囉…. 仲要等半個鐘… 如果佢寫即焗蛋糕，都會有人叫，佢真係即焗… 但講明要等會好啲… 成件事好怪… 佢未至於唔好食，但失望… 希望佢改改個menu …查看更多

中環搵食真心困難… 大多數貴，唔貴嘅就人多排隊一係就無坐位… 朋友帶路去咗呢間極不起眼餐廳，喺中環咁耐都竟然唔知有間咁嘅餐廳！真失敗！餐廳入口好唔起眼，朋友話麥當當對面，都眼大睇過咗… 入到去人唔多，但慢慢到8，9 點先人多，閒日晚上都坐滿！ 先讚讚，價錢好親民！女士細食的話$100 都有找大食少少可以$150 以下都有一餐！ 我哋叫咗個a+b+ c 三款嘢食，紫菜飯白飯都免費。 仲有湯同沙律任食。 當然，免費就唔可以要求brunch 嗰啲，但都算新鮮點都好過韓燒任食嗰啲。 我哋要咗牛肩胛+豬扒+ 茄子西冷+牛仔粒+魷魚仔拎埋沙律已經成枱都係嘢仲有溫泉蛋任拎！撈埋飯加啲燒汁😍 好正好平！完全係大食仔恩物！ 仲有湯任飲，以為係水加味精，竟然係中式湯，唔係茶餐廳嗰啲水，係堅有豬骨同蔬菜！有誠意！👍🏻 埋單每人$128+10% 已經勁飽！ 價錢係好平！肉同食物都唔差，對得住價錢，好過好多茶記質素但酒店價錢嘅「扒房」… 但環境有啲污糟… 人多時個個都石燒，都幾勁油煙 ！ 個地勁油淋淋… 行出去拎嘢真係要好小心… 個地好跣好油… 潔癖者勿去😅 …查看更多

見喺酒店入面，估計應該唔會太差一坐低先上功夫茶同啲酸菜，酸菜好味攪到有少少想食粥！地方濶落，唔會好迫，侍應都好客氣有禮見有餐但散叫自由啲，都係散叫！滷水鵝件拼鵝肝拼大腸滷水夠香，但鵝肝就未夠入味，其他都唔錯。最受歡迎多數係攝底果幾件豆腐🤔潮州菜不能不吃！潮州餐館靈魂係滷水汁，而蠔餅應該係門面！只可惜呢間嘅門面就好一般，有少失望…. 個粉開得唔太好，無脆邊而且好厚，蛋也太少，食落無鴨蛋香味，可能只用雞蛋😔 同朋友討論台式vs 潮式，大家係50/50 ！有人鍾意台式煙韌口感，有人愛脆邊。之但係上枱時，呢塊就唔上唔落咁… 🤷🏻‍♀️ 又唔係脆又唔煙韌⋯⋯潮州炒飯，原來係楊洲炒飯😅 糖醋麵做得唔錯👍🏻個麵底有味唔係就咁一個麵不過只係煎咗一面脆… 唔肯定係咪傳統只煎一面？ 記憶中另一個名叫兩面黃，係咪應該兩邊都煎香脆？個菜就普通啲反沙芋上枱有啲雪種有煙咁，成件事影相打卡一流！ 芋頭好香好靚，一上枱就聞到好香芋味！應該係全晚焦點同最滿意！👏🏻送咗個薑汁千層糕亦唔錯，好香濃薑汁味唔會太甜👍🏻 估唔到甜品好食過主食😅 如果約朋友飯局，地點就腳舒服嘅👍🏻 但食物就普通，可能我哋唔識叫掛… …查看更多

好耐之前呢個品牌嘅舖都係大排長龍… 疫情後再開關以為又好似隔離乜嫂咁排長龍…結果仲有位可walk-in 可惜門口成日有啲工程車定垃圾車停泊，🫣否則坐戶外都幾舒服 以為係咪差咗好多攪到無晒人？？ 但食完又唔覺，價錢同食物都同之前差唔多，疫情時去過一次飲咖啡，亦無大分別… 可能熱度不再，人氣就小咗。 畢業附近都唔少專注咖啡嘅小店，消費者對咖啡要求高咗講返食一杯rose latte 一杯 tiramisu latte （其實似甜度高嘅mocha ) 要咗個焦糖香蕉煙肉pancake 味道都可以呢類集團式cafe 好多嘢都現盛，食物係普通，未至於好驚喜又唔會難食。如果搵個地方坐下傾計，係幾好。至少唔會排1、2個鐘用餐時間60 分鐘咁趕😵‍💫 當然，如果咖啡愛好者，可以去附近其他。（之但係十個有八個都係飲white , 其實都唔太飲出咖啡師嘅功力同咖啡豆好唔好…） …查看更多

嚟過幾次都係夜晚飲酒，佢哋啲cocktail 同酒都唔錯，但慢慢罐裝啤酒選擇少咗…🥲講返今次，第一次咁早嚟食Lunch 早到剛開門😅 好處係無人隨便坐慢慢傾慢慢食！ 員工一向都好nice 好快嚟！即使早上剛開工都唔會黑面或者發呆🤣Set lunch 有餐湯，今日係粟子湯，打蓉晒又幾香幾好味😋太早唔係好食到嘢，叫咗煙三文魚沙律味道還好，不過菜就少咗啲，煙三文魚都係來貨，未至於好香油脂，但大大塊有4-5 塊都唔係差。只係想食多啲菜，如果多少少菜就好喇😋朋友order 燒春雞，等咗好耐，以為佢攪乜… 但出嚟個樣一啲都唔求其，仲好香噴噴🤤 最初以為係鬼佬餐廳果啲，調好晒味急涷來貨翻焗… 但食落又唔似咁hea ，會有少少肉汁唔係柴皮雞！調味都唔錯，唔係勁多味精蓋過雪味嗰種！ 跟餐要咗2杯果茶，清清哋！因朋友想飲咖啡，就求其飲杯茶算。杯茶都唔錯，唔係冰底！玫瑰雜果茶，有少少果香味👍🏻 第一次試午餐，感覺唔算貴（晚餐就有少貴） 以呢個（set lunch ) 價嚟講算好食，如果酒吧計，佢食物叫好出色！比起附近更貴嘅餐廳佢已好食好多！ 繼續支持，尤其晚上cocktail 🍷…查看更多

見到有二人餐仲有free flow 就嚟試有個二人海鮮，包括2件三文魚，2隻芝士扇貝，4隻燒蠔味道嚟講就真係無乜要求就無乜失望⋯⋯唔至於難食，但嚟到都涷，又無熱住（用個爐上但下面又無加火🙄） 如果你唔介意食燒完涷晒嘅嘢都可以嘅… 之後散叫加左個薯條同泡菜多士，味道係正常（唔至於好食） 但嚟得都係志在飲酒，無所謂啦！任飲如果酒量好，都真係好抵，每人除開$300 左右，飲4杯都回本而且選擇都唔少，有紅白酒，sparkling wine, rosé, gin tonic ，仲有啤酒同果汁！但90 分鐘原來都幾趕，除非酒量好，否則咁急飲就好易醉… 或者可以叫停幾杯紅酒慢慢飲… Sparkling wine 同白酒都係dry ，易入口但唔係啲咩靚酒，普通超市質素… House gin 有驚喜，幾好飲Rosé 都係dry 但就好淡飲水咁佢係手機點餐，一夠鐘就自動停！所以掛住傾計好快就會過90 分鐘😝如果志在傾計飲酒係好平呀！而且人唔多，天氣涼的話都坐得幾舒服。唔洗得上面13樓幾間咁悶。當然真係一分錢一分貨，對酒🍷🥂或食物有要求就最好行上去西餐廳單點會好啲。…查看更多

以為cafe 一定好爆滿，但原來一到晚市又另一回事… 入夜周圍五金舖都收晒，突然店面好光好白，好吸引食物選擇唔算多，都係all day breakfast ，幾款意粉🍝同小食咁。相反咖啡同飲品比較多☕️cocktail 都有🧉叫咗一個卡邦尼，一個all day，但諗住去食糖水就無叫嘢飲夜晚食個breakfast 都幾攪笑！隻碟好細係好事，咁睇落份食物好豐富！啲肉唔係hea, 有厚切好似肥叉咁邪惡😈😋 個局芝士大菇都好正好香，下面個 sourdough 如果有多片就好了… 最正係個焦糖香蕉，好甜好香脆！食完都幾飽下… 朋友叫左個意粉，好creamy 好正，個蛋都做到溫泉蛋效果，仲好多煙肉無渣流灘！今次夜晚唔飲咖啡，睇睇下次有冇機會日間嚟… 試埋飲品！不過可能日頭就人多好多了… 整體食物質素以cafe 嚟講算煮得唔錯，幾有誠意，唔係就咁掉啲現盛嘢翻熱就算，都對得住佢價錢😋 …查看更多

成日太夜去都無晒咖哩！今次終於買到每次去都必食牛飯，或者佢個麻醬烏冬。 牛肉無得輸，烏冬亦好彈牙。 但今次目標係咖哩，事關每次都話咖哩吉烈豬係賣晒！！！ 一直開咗咁耐都未成功買過😳 雖有啲誇張，又可能我黑仔… 終於可以試到又真係幾好食！ 個吉烈豬炸漿唔會好厚好粉，炸得好脆，而且肉汁仲保留住，唔係乾柴亦唔係整定翻炸果啲！ 難怪成日都好早賣完.. 黑咖哩食落就同普通日式咖哩差唔多。相比其他舖，佢算多配菜。喺咖哩汁入面有蘿蔔之餘仲有少少脆肉瓜同薯仔，洋蔥等。 但我就覺味道略為偏甜，唔辣。 如果唔好咁甜就好喇… 唯一要彈就係吉烈豬太多油，如果可以回鑊𤇢多嘢迫返啲油出嚟，乾身啲就完美！ 之但係50幾蚊有咁鬆化嘅吉烈豬，仲想點？好滿意喇！ 出面比2百蚊果啲都係好啲啲，唔係差咁遠… 另外必食佢大阪燒，好大件，永遠都眼濶肚窄食唔完… 啲木魚好似唔洗錢咁！ 三款醬汁都好好食，尤其個少少辣芥末醬👍🏻 題外話… 鍾意食呢間店除咗味道仲有人情味。呢間舖已開咗一陣子，幾年前老細兩姐弟為咗幫一班後生仔而被判入獄一個月… 事隔幾年，人流少咗好多… 希望大家掛住佢味道之餘都唔好忘記佢哋嘅負出👍🏻 …查看更多

同家人食飯有老人家，訂位時有問有無老人家，話有可以安排房等坐得鬆動啲，都幾好坐下面果層，但地下好滑好跣… 本來見個房咁遠怕無人理，還好都有侍應不停加水加茶，換碟收碟咁，服務都算唔錯叫咗六人餐，份量好充足，法式越南餐係咪都係西餐咁？所有嘢都砌好六件唔洗分。先上南瓜海皇羹，好多料，啖啖都有蝦肉，有少少蟹肉，好creamy 味道都好香濃再上有拼盤，扎肉越南菜必備。 但整體個拼盤無乜特別，果料圓形以為蝦丸但原來只係魚蛋（我諗多咗…） 一上個燒鱔大家呆咗… 好大件一件！條鱔到底有幾大？！😳 味道好食嘅，燒汁但又有少少蜜汁甜甜地，而且好夠火喉，咁厚肉都燒得皮有少少香脆👍🏻 好喜歡呢味！ 有酒就正喇🤭食完個湯加個鱔其實都飽左一半… 都幾漏… 仲有個一字骨，都係肉… 侍應話下面啲檸粉嚟，可以加魚露撈咗食埋… 試下，但佢吸晒上面條骨啲油同汁…. 吾，如果你唔介意食油膩，都好食嘅… 我就覺得太油膩… 個一字肉無汁，但食落好有肉汁同偏肥，所以就算無嘢點都唔會好乾身，剛上碟仲有少少燒香味，唔錯👍🏻 上咗個燒大蝦（原來法式越南菜係主打燒烤？？？） 上枱果時6隻蝦，都幾大堆頭… 蝦好大，隻隻都有膏，但食落我果隻有啲「梅」 唔新鮮… 大打折扣.. 話晒都唔平… 仲有個咖哩牛腩煲同蒜蓉包，忘記影😅牛腩煲好多牛筋，大半都係牛筋得一兩件腩… 係咪應該叫牛筋煲… 味道都好食，幾正宗，唔會辣係香椰汁最後跟餐有一件班蘭糕，另外再叫左四碗當晚甜品，椰青糕（好似咁名） 係一碗白雪雪，好似燉奶咁，食落勁香椰青味，好滑口又唔會太甜，中間有少量椰青肉，勁好食！太好食一嚟就食咗相都無張😅一家人嚟食都唔錯，環境服務都好，以為佢舊派嘢會係啲傳統少少西餐嘅管理，但又唔係… 味道好食，位置都好方便，有代客泊車又近k11 但價錢就真係好貴…$3680/6人餐加一…每人都6xx 雖然好夠飽，但主要係肉，如果加少少茶就好喇… 除左隻蝦，其他用料都新鮮同足料，值得一試👍🏻 …查看更多

之前食龍景軒試過tea pairing 覺得唔錯，可以用茶配合唔同食物嘅味道。就好似食西餐配酒咁… 前幾日去Gallery 先知原來gallery 都有茶藝師！ 之前龍景軒位茶藝師落咗去。 講起先知原來Gallery 散叫同下午茶都可以另外叫茶，價錢都唔算貴同酒一樣，會定期轉茶品，今次有3款茶，分別係紅茶普利，白茶銀針，同另一款金牡丹茶。💰價錢嚟講就唔覺貴，$128-158 🫖 濃茶大約沖到6-8次，同朋友坐喺度吹水就啱晒！ 本來想試金牡丹，但因為唔飲得咖啡因，就揀咗款發酵比較輕嘅白茶試。 茶藝師好詳細地介紹每款茶有咩唔同有咩香味，回甘，厚身簿身等.. 好專業👍🏻 喺bar 枱位置可惜無櫈，就好似睇咖啡師沖泡咁，應該比人坐喺度欣賞就好了！ 茶藝師好有禮咁慢慢沖泡，一邊做一邊講解泡茶過程，同唔同茶要沖幾多次先出味等等到茶沖好，仲有咖啡咁一張卡仔寫返茶嘅特性！ 茶具採用西式，同另一間茶館走完全唔同風格！（大館果間係走被式傳統路線，茶壺沖泡手法亦有唔同） 今次呢款白茶好清淡，會有淡淡茶香。如果鍾意淡口味可以一試。 我個人就覺得呢款茶飲落好滑身好香，但就略為淡口，比較鍾意啲茶有回甘味同茶香味多啲。 四季嘅茶有少少半中半西… gallery 同龍景軒就已好唔同。 反而覺得將呢套茶藝搬咗入西式為主嘅gallery 有少少高不成低不就… 唔中得晒，但配西點又會被蓋過風頭…有啲可惜. 如果gallery 係想做埋茶做到咖啡咁，不如加多啲茶款或者加啲同西點會配搭嘅花茶會更好！ 整體茶體驗唔錯，茶藝師好健談好詳細介紹，只係酒店將茶嘅定位變得有啲奇怪… 希望好好加強為賣點就好了！ …查看更多

一向唔係自助餐fans , 但見Argo 咁出名，又成日見好爆滿，抱住好奇心一試係咪咁好！ 之前睇咗唔小食評同介紹片，好壞參半… 入去行一圈，感覺四季就係咁，貴精不貴多… 有啲「短少精幹」 只係比啲佢最有信心嘅食物比你咁… 睇佢擺位就見，熱食唔算多，放咗喺一邊，廚師個位直頭角落生物咁.. 最當眼位係甜品同點心而其他海鮮，冷盤，沙律亦喺中間一樣樣講沙律係個人喜好，人棄我取沙律菜好新鮮，配料仲有鮪魚，牛油果，醬汁唔算多。 睇落明白唔太多人拎，就無謂浪費，碟碟都好細碟，都好嘅新鮮嘛！涷海鮮閒日無生蠔，睇柱都幾新鮮幾唔錯，見員工不時會添，唔好搶，千萬唔好太緊張！！食到尾都仲有！大家唔好見到涷海鮮就太興奮😅 點心同中式熱食就放近入口位 （無影，太多人） 當然，幾百蚊任食嘅就唔好發夢係可以食到龍景軒點心😅 當日有燒賣，麻辣蝦餃，粟米餃，素菜餃… 4款有三款都一樣，想點？？ 換個小籠包或者其他點心都好吖😓 最好食係燒賣同麻辣蝦餃！ 但未到好驚為天人，正常水平… 蝦餃唔整麻辣會好啲，佢係好香同好麻辣，但會因為太辣好多人食唔到… 乳豬見清盤咗幾次，食到中間一點左右見無人再攻先食到… 原來真係好好食！唔怪得湊盤3次🤭 乳豬皮好脆卜卜，豬肉都好嫩滑，就算唔點醬都好夠味，做得好好！叉燒都淋同夠肥，唔會太瘦食到好多渣… 仲有個蓮藕素肉餅，好爽口好食，但味道普通叫左份煎鴨肝，好滑好香，估唔到配個薯仔pancake 又唔錯，唔會好濟，都幾好食燒牛肉同燒豬肉都可以，豬好食過牛，好多汁好滑！ 西式熱食試咗青咖哩雞，菜（唔太新鮮） 煎魚（好乾無乜味好淡） 最後到甜品一次試晒！ 日式菠蘿唔知咩mouse 好好食！encore 左！中間舊mouse 唔會好甜，幾清新，加埋下面啲煮過啲菠蘿甜甜地好啱夏天！ 焦糖香橙mouse 都唔錯好滑唔會太甜無花果批👍🏻 好食！ 有少似蘋果批咁，但無花果好香唔太甜朱古力泡芙，普通… 最出名嘅紅絲絨蛋糕，好吃！ 一如以往，蛋糕鬆軟，甜度唔會好搶，話明招牌，無嘢好挑剔… 朱古力榛子撻，好好食！ 黑朱古力，唔會甜仲有甘香苦澀味，榛子好香！ 馬卡龍，甜到癲… 但脆嘅整體嚟講食物質素滿意，唔到驚為天人一定奋試，但對得住$490 呢個價錢同四季… 有幾樣要彈就係水果同蔬菜… 完全係放棄態度… 食咗件蜜瓜，哈密瓜… 都係唔新鮮，中間係壞咗果種淋… 士多啤梨亦普通貨色… （百佳20蚊盒） 蔬菜有如大快活伴碟果啲… 又淡又唔新鮮，個椰菜花仲有少少黑… 大快活出現好正常，但四季出現就講不過去😓 同埋無乜邊樣食物係回本位可以主攻，我覺得cold cut 甜品可以嘅，話晒質素都唔錯 款色真心唔係多，如果貪心想乜都試就可以去其他更好… 但如果志在同朋友食飯，有個舒服環境，呢度係唔錯… $490 加一，算正常，唔會好抵但亦唔貴…查看更多