rainrain0707的個人專頁

朋友去過長沙灣分店，覺得ok先黎呢間試試，但係唔掂。黑糖珍珠牛奶味道正常，但唔係值得期待既飲品，亦唔至於難飲既。黑醋豬軟骨飯：豬軟骨肉質“鞋”，有浸雪味，可能係用咗唔知咩特別既醋引起。飯內肉燥有苦味。如果入咗間店先睇到呢個po，建議叫呢個，算入得口…識撈雙餸飯(台灣腸+脆雞翼)：雖然飯裡面都有唔掂既肉燥，但呢兩款餸都ok既。台灣腸：正常，只要唔係煮燶，都好少台灣腸唔好食，因為都係批發咁訂。脆雞翼：油炸，油膩，但食落肉質滑既，算ok。生煎冬菜髀菇煎肉餅唔好叫！！只可以話奇怪，似中式肉餅，唔好食，亦唔夾。p.s:樂富仲有 茶木 做選擇。…查看更多

比六百幾蚊，食百幾蚊質素嘅嘢！康得思都係六百幾，但質素好好多。呢間食完真係覺得omg,生蠔唔新鮮，食物款式少，就連限定焗帶子粒都只係放題質素，而且取食物位置唔方便，如果唔係週圍full booking ，都唔會揀呢間，希望大家唔好中伏。…查看更多

洗咗成千蚊，食完嗰晚仲肚痛。😖😖貴價普通貨，質素一般，甚至係難食，性價比低。❌ 牡丹蝦：$60一隻，但同普通連鎖壽司店質素相若。❌ 阿波尾雞胸軟骨：個名特別，但食落係乾，柴。❌牛舌：乾，硬，不值。❌鰻魚飯：都係乾，硬。…查看更多

食物一般，偏濃味，味精重，食完要飲翻幾杯水。蜜瓜變哈蜜瓜，其實兩款係唔同既，但事前沒通知改咗。9：15截單，9：45趕你走，10：00收鋪。你想諗走前企起身影張相，店員會覺得你阻住他。…查看更多