joycekwan的個人專頁

Happy Friday同朋友一行三人預早訂左呢間餐廳，食物質素都可以啦，個牛油雞翼同四重芝士pizza係OK既，但明太子意粉唔夠熱，同埋烤春雞好乾同過咸。食物都係其次，佢既服務質素真係不感恭維，我地知道只有90分鐘用餐時間，6:55入座，7:45同我地講last order，我地加左個甜品，而且同佢講後加既烤春雞未到喎。8:00有個女侍應望住我地，咁我哋就追問佢甜品未到，佢見到我地仲未開始食雞，就反問我地隻雞係咪等埋甜品先食🤯 我地問佢想要多把刀黎切雞， 疫情下其實大家都習慣用公筷，呢間所謂黃店竟然望住我地各人枱面上既刀同另一個男侍應講左句「又要公筷喎」⋯⋯🤬 呢90分鐘完全係睇人面色，服務態度極差，淨係想趕客翻枱，大大影響用餐體驗！疫情下餐廳提供拎公筷係基本，唔會再有下次😠😡😠😡…查看更多

見雜誌介紹幾吸引心思思去左試，叫左三餸新竹米粉 美人湯加麻辣醬新竹米粉：正常台式麻辣鴨血：無麻辣味台式滷水金錢肚：味道可以，但過淋千層冰豆腐：應該擺耐左，味道怪怪湯底：ok 朋友叫左麻辣湯，但俾左美人湯，問左職員後，佢求其俾返個麻辣醬就算，幾個樓面廚師圍埋一齊傾計 無服務，食物有待改善，無下次了…查看更多

家住東區，太安樓開越南野當然第一時間黎試下啦！一入到去覺得裝修幾時尚，牆上既單車、頭頂既燈飾都明顯花過心思，感覺唔錯👍🏻。因為新開既關係，坐位都坐滿了，好彩好快就有位。分別點左越北生牛肉湯河同順化香茅雞翼湯河，另外叫左椰汁冰。湯麵上桌熱騰騰，生牛肉湯河唔會好油，牛肉片薄薄地，整體幾好味。雞翼半煎炸，入口鬆脆，好好味。最後試椰汁冰，椰子味好濃郁，d冰又攪碎哂，真係好好飲，杯野飲竟然咁有驚喜。Overall, 環境裝修靚，食物有水準，一定會再來。見好多人叫香茅豬扒湯河，下次要試😋！…查看更多