但丁丁仔仔的個人專頁

第一次來訪，地點方便，店細但不迫。店員好貼心，給我們圍裙，唯沒有紙巾，要問。另外，店正有活動，寫食評，有飲品或指定小食。食物方面，主要是烏冬，湯底有三款選擇。我選了安格斯牛肉配老店傳統味噌湯烏冬。上枱是鍋上，熱熱的。湯較為濃厚，味噌味適中，烏冬都彈口，牛肉嫩滑，有一個生雞蛋，還有油豆腐干，吸了湯很入味。份量對不太大食的我是剛好。但因為較濃，食到尾有點咸。但整體還可。關東煮是寫食評的贈品，每樣食品一件，可惜蘿蔔不當做，不夠甜，整體一般。不過，烏冬加這個就真的好滿足，夠飽。整體還可，有機會可以試一下。…查看更多

第二次到醉江南午餐，好味，經濟，用心。四個人點了兩個午餐，一份葱油麵，一碗酸辣湯。漁香茄子客飯，不算油，有茄子味，惟我不太喜歡筍，整體可以。鎮江骨客飯，酸甜恰當和味，汁與飯一齊食開胃，夏天食好好，肉軟，整體好味，可再食。這個十分驚喜，葱夠多，油及汁料咸油適中，麵條軟身但不會過林，混合來食十分夾，麵條會吸收少量汁，好味，推薦。這個相對普通，沒有豬紅，豆辦醬味，不酸，不太糊，夠四人一人一碗，還可。客飯跟湯或豆漿，豆漿好夠豆味，湯亦每日不同，可以再試。整體，店不大，午飯時段一直都滿坐，大枱只有一張，屬小店，味道，價格相宜，值得再訪。…查看更多

行行下海港城發現新開了這間小店，價錢在這區算是差不多，不過新開所以試試。兩個人點了一份預設套餐，一份自選套餐及一籠桂花小籠包。預設套餐其實比較化算，點了糟溜魚片湯麵套餐，有兩個前菜，兩個堯頭，一碗麵，加10蚊有豆漿，仲可以免15蚊茶錢。餸及麵分開上枱，好好。麵質彈口細滑，湯底味道適中，好味。魚就普通，但味道好，汁料好好，有紹興酒香味，媽媽好喜歡，連汁都全食。前菜及另一份堯頭都是普通。份量都合理。另一份自選套餐，點了兩個堯頭蝦鱔糊及肴肉，再加一份特價飯，因為點兩個堯頭可以優惠價點部分的飯或麵食。鹹肉菜飯用個暖煱上，一邊食一邊保暖，很好呢，材料足，味道亦好好，份量夠兩個人食用。最後是個桂花小籠包，皮厚薄適中，肉質滑及多汁，不太油膩，不過食不到桂花味，但整體好味。整體環境好，地方整潔，食物味道不太濃，好味，惟飯只有一款。服務好。值得推介。會再食。…查看更多

第一次食這間店，在尖東，入夜人不多，店內的客人亦少，適合約朋友吹水聚餐，靜靜地。我地兩人食了刺身，飯套餐，每人一個可樂餅，最後個人一個新地，十分豐富。刺身五點，算新鮮，有魚味，帶子好味，但沒有驚喜。鰻魚蛋丼，鰻魚肥美，但量少，飯好軟滑一粒粒，加洋蔥滑蛋，好味。可樂餅，即係薯蓉，牛肉或蔬菜，外脆內軟，好味，但沒有影相，只能以文字介紹。紅豆宇治綠茶，終於到了甜品，好味綠茶雪糕，甜度剛好，仲好大件。整體好食。…查看更多

朋友們約食午餐，曾到這間餐廳認為好味，加上環境可以，又有電視，所以建議再到訪。我第一次到這餐廳，似是做酒吧生意，但午餐其實都不錯，三個人點了三份午餐，不用加一，加上openrice訂位有九折，一個ribs,$89，一個牛扒$100左右，不過咖啡冷飲要加$5。先分享豬肋骨，有薯蓉，蔬菜都多，豬肋骨好軟，而且肉是離骨，有少少肉汁，醬汁亦可，分量對女生足夠。如果再入味少少會更完美。朋友點了牛扒，一份五成，另一份三成，上枱時五成變八成，三成變五成，碟上，牛扒有進步空間，不過朋友話好味。分量還可，如果是飯會開心啲。整體滿意，會再食。…查看更多

生日朋友請食飯，好想食台式鴨血，咁岩又有野要係K11 Art Mall 整，所以試下這間餐廳。服務可以，環境可以，可能因為有訂枱所以有卡位坐，仲可以有兩條布扮門，但紫色我唔鐘意。想了很久點二人餐還是散叫，最後想試不同食物，所以散點。我們點了鴨血，蚵仔煎，牛肋面，蚵仔肉燥飯，爆汁魷魚，蘿蔔糕，檸檬愛玉冬瓜茶，手打檸檬愛玉茶。每件都令人失望。鴨血似係水烚加無麻辣味的湯而成，失望。牛肋麵，麵質一般，好粉味，牛肋肉算林，但味道一般，湯好普通，失望。蚵仔煎，嘩真係粉多，味道普通，蚵仔數量一般，個汁似茄汁但又少少咸，唔係我口味，失望。蚵仔肉燥飯，好古怪的配搭，個人唔太喜歡，肉燥味道一般，惟飯是好食，失望。蘿蔔糕，粉太多蘿蔔太少，蘿蔔味唔夠，似食舊粉，不喜歡。爆汁魷魚，沒有汁仲乾乾咁，中間夾青瓜新頴，但不太夾，炸了魷魚無了魷魚鮮味，失望。檸檬愛玉冬瓜茶，檸檬味唔夠，太甜，以為係糖水，好失望。手打檸檬愛玉茶，有檸檬味，沒有糖，不太酸但好淡味，好大杯，唔吸引。整體一般，唔係我想食的台灣菜，好在K11 member 做緊折扣，減100，但都仲五百幾埋單，有點貴。…查看更多

同朋友一齊食晚飯，第一次到這間樓上小店。有幾靚的裝修，壁畫可以影下相，不過店面較細。食飯點了一個飯及一個主菜，亦加錢配了湯、多士及飲品，再點了甜品，以下會介紹。蘑菇湯及多士，味道普通，不過不失。飲品，點了 matcha latte 及 sesame latte, 整體味道夠，不會太甜，茶味足，芝麻香，可以。飯，蠔意大利飯，有六隻，煮得幾香，有蠔味及汁，飯吸了汁，好味，份量女生可能岩岩好。整體可以。主菜，豬肋條，肉不算太乾，配合個醬汁就好好，特別係醬汁超得，令整體加分。配菜，薯蓉較喊，豆、小蕃茄及小粟米仔。好味。甜品，抹茶窩夫，好多紅豆，有棉花糖，仲有一球雪糕，我們還加十蚊加多一球，份量大，味道好，用料足，好推介！整體來講，沒有大驚喜，但甜品好得，值得試。…查看更多

今日同朋友食午餐朋友一早開門就到所以坐海景位點了八味點心包括甜品，擺盤用心，味道好牛肉球，平時食牛肉球會加很多喼汁，這個用湯浸，牛肉球一開四，連湯食都幾好食😋鮮蝦腸粉，加了梅菜，只在面有少少碎，不會太搶蝦腸味，但想食梅菜的朋友應該會覺得太少了。鮑魚糯米雞，一人份量，個樣就真係幾好，不過味道就普通，沒有太特別。紅菜頭餃，我鐘意食紅菜頭，所以點了這個平日比較少食到的點心，沒有紅菜頭味，饀料有點似粉果，但就沒有花生，岩花生敏感的朋友食，都好食。蝦餃，加左金邊的普通蝦餃。叉燒包，都是一籠普通的叉燒包高湯魚餃，個湯都好味，似牛牛球個湯底，魚餃就普通，係個擺盤及魚型最有心，仲有個個西蘭花仔幾得意，但整體味道一般。柚子凍糕，味道幾清新，少少柚子味，不會太硬，亦不算甜，但整體普通。…查看更多

香港公園是我最喜愛的公園自由，想到之地，另外品茶亦都係我喜愛之一，所以就有時間會到此午餐，與朋友品茶聊天。茶館以品茶為主，配全店以蔬菜、豆品所做的素食，所以今次想介紹幾個我認為幾好食的點心，麻醬海珊瑚、XO醬煎腸粉、靈芝菇時蔬、薑汁小籠包、燒賣、流心蔴蓉竹炭包。要先介紹最好味的流心蔴蓉竹炭包，因為太好味，一上枱就即食，忘了影相，軟綿綿的包皮，好香嘅黑芝麻，不會太甜，很好吃。麻醬海珊瑚，夏天食十分清新，有胡麻醬香咁，加上為冷盆，食落好舒服！XO醬煎腸粉，較油，但味道不太濃，有紅蘿蔔，青紅椒及芽菜等，份量一般，作為點心還可。靈芝菇時蔬，以湯煮，不油，很好，相對健康，不過，都係屬份量細。薑汁小蘢包，一般，皮不厚，只係比較淡口，因為素食，沒有肉的鮮味，但還可以。燒賣，得兩粒，但都好食，因為有落松露點綴，都香。茶就真係好多可以選，我個人比較鍾意烏龍類或鐵觀音類茶，所以今次點了玉山烏龍及東方美人茶。玉山烏龍較清香，而東方美人較為豐富味較厚，各具特色。都值得品嘗。整體，以品茶聊天為主，慢慢食慢慢飲，開心。…查看更多

三個人食晚飯，點了蠔仔粥，兩隻賴尿蝦，兩隻奄仔蟹，炸湯圓，醬油吊桶。好滿足，好好味！好想推介給大家！先介紹咗兩隻奄仔蟹，多肉，多膏，鮮味，好好食。仲要大細適中，連腳都有肉食！椒鹽賴尿蝦，勁大隻筷子咁長，外殼香脆，肉質鮮甜有汁，肉唔會痴殼，連個配料都超正，有豆豉及炸香脆的香葉，如果同啤酒一齊食，會超開心，超推介！蔥油吊桶，個蔥油醬汁好香濃，真係可以點一份，加碗白飯食，都好開心。個吊桶鮮味唔會比醬汁搶走，仲要有汁，彈牙的同時又好易咬，好好味😋。必試！蠔仔粥，相對較為普通，但食到尾凍了，都唔會有腥味，用料新鮮。甜品炸湯圓，一定要食，一粒外脆內軟嘅芝麻湯圓，唔會癡呀，唔會太甜，有芝麻香味，食完會再想食。而且湯圓的由來是一個充滿父愛嘅故事，想知就真係要去試吓啦！最後，一杯看似普通的茶，原來是有用心的調制出來，是用幾種不同的茶葉混合而成，飲落有香片的清香，但係又有青鐵觀音嘅味，所以都真係要飲，不要只用來清洗餐具！整體而言，好滿意，推介！…查看更多

突然間，好想食素食，就到這間店，預先訂位，地方易搵，都算方便，自助型式，買飛，自己拎食物及放回用完餐具，惟座位距離較近貼，整體可以。除了餐牌內食物，還有自助前菜和飯，可自由添食，種類都有六款左右。今次我們有六人，分兩枱，點了六款主食，如下：片皮鴨，雖然是素食，但似模似樣，薄餅好味，鴨配合甜醬，及蔬菜，感覺都有點像真的片皮鴨，而且不油膩，以蒸籠上碟，不錯。咖喱牛腩粉絲煲，配合薄餅，加上白飯，還有粉絲及不同甜蕉，其實味道很好，唯獨是醬汁太杰。鴛鴦飯，由於炒飯底，所以特別可口，茄汁部分不會太酸，白汁部分亦不會太濃，加上因為焗飯醬汁加埋飯，很好味，媽媽十分喜愛。這盆餃子，較為普通，配酸辣湯及秘製醬汁，酸辣湯一般，秘製醬汁太鹹，整體普通。鐵板牛柳，最好食這一碟，味道跟平常肉食中式牛柳好似，質感亦都好接近，加上有洋蔥，鐵板上菜，惹味可以再試。我們還食了黃金素球，但感覺一般，比較淡味，不過加入醬汁後，效果還可，但整體較為普通。今次第一次食這間店，感覺還可，可再試一次。…查看更多

第二次到這間店食午餐，雖然食物不是特別好味，價錢亦不是特別平，但是食物嘅形態好特別，去睇吓都好開心！以下會介紹當天食了的三款食物。這個燒賣，外型跟平常食的差不多，只是顏色由黃色轉了綠色，味道方面，肉較瘦，整體無驚喜，一般。炒飯，都炒得很好，味道還可，但有小部分較鹹，可能未炒均勻，亦較油，整體味道可以，份量都足夠。這個流沙奶皇包，最具特色，味道亦好味，流沙足夠，質感亦很好，加上外型可愛，都好吸引。整體最好味是這個流沙包。如果想小朋友食得開心，或者想有啲有趣嘅食物形狀，可以到這間餐廳，但如果追求味道，就要再考慮啦！…查看更多

中午食飯咁岩路過，見這店新開，加上係社企，所以入去一試。樓低高，簡樸裝修，空間感不錯。找到坐位後才出去點餐，有侍應送餐，都快手。午餐有三個選擇，有湯及水果跟，叫飲品半價，仲可以比$5加大杯飲品。我們二人分別點了兩個餐，煙三文魚意粉及燉牛肋條飯，另外加了一杯海鹽鮮奶咖啡，加大，及一杯普通鮮奶咖啡。先講吓個意粉，醬料美味，煙三文魚普通，但意粉有點硬，淋少少會更好，份量亦算大份，好味😋。配紅菜頭湯，材料夠，沒有紅菜頭的腥味。蔬菜湯加水果，好健康！另加配了一杯鮮奶咖啡，拉花係一隻獨角獸，好有心，味道恰好。第二個餐，係紅酒燉牛肋條10穀飯，牛肋條炆得好淋好入味，汁味香濃，飯軟硬適中，十分驚喜，份量對我來講有點多，但好好味，所以都全部食晒。點多一杯加大海鹽焦糖鮮奶咖啡，味道好好👍🏻，拉花很美。整體食物質素及環境都幾好，可以再嘗，亦值得一試！…查看更多

已經第二次來食午餐，初初第一次食時以為係金鐘所以有點貴，但食第二次就覺得物有所值！以下會介紹一下。其實漢堡餐有很多款，而且有很多不同的飲品可以選。我選了bitter lime lemon, 好好味，唔會太酸太甜，有青檸香同飲到檸檬味，正！主菜係漢堡包🍔，超好味，首先佢好厚，一個包有十幾厘米高，漢堡能保留肉汁，唔會乾，有肉味，有咬感，又唔會硬，好好味！加上有軟汁芝士流出來⋯⋯嘩！加埋生菜同蕃茄，十分新鮮，酸瓜亦唔會太酸，恰到好處，同肉十分夾。最開心係個包，好軟，有少少甜味似蛋面包，好好食😋。值得一提，薯條都好好味，因為我食量不大，食左個包已經好飽，我一般都係即食幾條就打包回家。用面包焗爐焗熱再食，都係咁好食！整體食物質素好好，物有所值！好推介！…查看更多

好想食牛扒，所以同朋友去了Sueno食午餐。都真的有不少選擇，但我都是食牛扒。這個是午餐，所以包湯、沙律、茶或咖啡。以下一一介紹：湯，應該係南瓜蒜茸湯，好滑，好香，南瓜的味都保留少少，都幾好味。沙律，都好好味，應該是墨魚沙律，蔬菜新鮮，墨魚味好，汁少少，好味！主菜到啦！以為有兩舊牛扒，原來一件係牛扒，另一件係千層什薯。左邊的牛扒真的又多汁，即使有醬汁亦能食到牛肉味，而且牛扒都有1-2cm厚，由於碟上，我食五成熟，牛肉鬆軟，好好味！右邊的千層什薯，由薯仔、紫薯、蕃薯，仲有芝士，以層層疊方法組成，特別！食落不油膩，亦能飽肚。加上有少許蔬菜，好好味！必需要推介！最後就是餐飲，我點了茶，朋友點了咖啡。沒什麼特別。整體，好味，想再食，亦會推介朋友。…查看更多