Irene Lin Lin的個人專頁

老公生日，誤打誤撞，找到服務好價錢公道的海鮮檔及味道好服務周到的本地食店。一家人原本想到鴨脷洲熟食街市吃個早晚飯，可惜我們沒有訂位，兩間餐廳都已經沒有位。那一家人一心只是想到地下海鮮檔逛一逛，走到全記海鮮，看見海鮮生猛，最重要是全記老闆老闆娘非常細心，並介紹我們到張記小廚加工食物，還叫我們先打電話才揀選食物。我馬上打電話過去，因為時間還早，所以張記老闆娘額外安排枱給我們。訂過枱後我們在全記揀選食物，他們幫我們揀選優質的海鮮，例如看看膏蟹多不多膏，幫我們找大隻的南非鮑魚，介紹我們吃海方俐，實在感覺他們的服務比一般海鮮魚檔有所不同。完成揀選食物後，我們馬上去張記小廚。一到步，老闆娘因應我們買的海鮮而建議煮法，另外，很少本地餐廳會提供濕紙巾及不停更換碗碟，這個服務已令我們全家感到她們服務很細心。最後當然是他們加工的海鮮及我們另外叫的食物非常清口，吃完沒有口乾的感覺。我們自己買的有- 蒜蓉粉絲蒸蟶子- 果皮南非鮑魚- 清蒸鹽灑海方俐- 薑蔥焗膏蟹另外在他們店舖加了- 椒鹽九肚魚- 金銀蛋菜心- 豉油王炒麵每款餸菜都非常美味可口，火候恰到好，重點是我們都覺得以吃海鮮的價錢，全記海鮮及張記小廚都提供合理的價錢，優質的服務，家人已經想安排下一次聚餐的時間。…查看更多

實在太耐冇見朋友，實在太耐冇同屋企家人一起同枱吃飯，對於我鍾意熱鬧來講係一件好痛苦嘅事。難得好朋友突然之間有好消息要通報，所以搵齊晒所有藉口，好朋友生日，好朋友終於都有BB啦！揀選久違了的高質日本菜，仲要任食任飲😍，就算分枱都要去見見面，食少少好嘢，飲少少好酒。經理及服務員好有禮👍主廚夠親切👍魚生夠新鮮👍特別係我至愛嘅油甘魚😋串燒好好味👍好味到忘記了影相😅所以要等屋企人返去再食，希望疫情盡快好轉，不用兩人一枱💪🏼…查看更多

由去年到今年，香港嘅事件真係發生得太多，令到我同家人沒有太多時間外出吃飯。新冠肺炎幾個月，限聚令自父親節放寬之後，其實好想去食呢間出名嘅潮州菜，對我哋九龍人來講呢間就梗係遠一啲，但最後都係冇失望首先未入門口嘅時候就已經吸引咗我同爸爸，因為嫲嫲同爸爸細個嘅時候住黃大仙區，門口就有張好吸引我哋嘅舊相片係1983年同2013嘅對比，又比到機會爸爸細說當年。入到餐廳裏面，有量體溫，環境就當然係爸爸最鍾意嘅夠地踎，但係又係篇乾淨嘅，全場都坐滿人，又有間板，令人都覺得有安心感覺。另外我最鍾意佢哋將出名嘅菜式掛晒喺個牆度，令人一睇就知道乜嘢係出名要叫嚟試下，食完全屋人覺得好滿意，重要嘅一點係返到屋企唔口乾，一定會再返嚟食埋其他想試嘅食物。…查看更多

下星期老竇生日加上表哥從外國回港幾天，湊巧只有表哥今天可以吃晚飯，但我又要返工，唯有選擇我嘅至愛餐廳鷹巢，作為一箭雙鵰的晚飯，因為經常來餐廳，大部份的面孔已經很熟悉給跟我打招呼。做咗VIP嘅我梗係訂定枱最安全囉！仲要留定幾個我最愛的餸菜，費事到時沒有提供就大家都不高興。首先不能缺的就是大大嚿的叉燒，片皮鴨二食生菜伴炒鴨鬆，我嘅至愛花膠菜膽白肺湯（好彩訂定先，如果唔係豬瘟就冇啦），花蟹蒸陳村粉，蒸沙巴龍躉，鮑魚汁花膠絲撈麵，生日就梗係有壽包啦！一個10分愉快的晚上。因為要照顧小朋友沒有太多相片提供…查看更多

正所謂好工不如好老闆，我老闆真係唔話得，今日年三十晚，同我地幾個食團年午飯。老闆知道我上次試鷹巢很不錯，我哋位置又不遠，老闆決定同我哋去鷹巢食團年飯。到步後老闆二話不說，將點心紙貼填得滿滿的，老闆話辛苦大家，一定要食多啲。我就掛住食都唔記得影相，每樣點心都十分精緻，我最鍾意就係杏汁花膠菜膽白肺湯，我係一個湯怪，這個湯真的回味無窮。仲有鮑魚汁花膠撈麵，鮑汁香濃，完全食得出師傅努力嘅細膩，兩樣都將我的口腔粘得滿滿。老闆食完後，仲馬上叫我訂埋開年飯添，有期待…查看更多

一個流感，全家都病足一個星期，人生第一個平安夜及聖誕節在醫院渡過，每天都口淡淡！辛辛苦苦都係揾嚟至在食，所以一定要食就要食好啲。剛好星期日放假出去旺角睇醫生，打個電話去訂位飲個下午茶，豐富下我個五臟廟，早午餐一齊食。鷹巢係一直想來試嘅，因為有同事試過係好好comment. 今天有時間兩公婆可以慢慢嘆。點咗3個點心加咗一個福建炒飯。簡直係大滿足，口感豐富，味道濃郁。一定會再試其他食物及推介俾朋友。最後當然最重要，就係有車位啦！旺角地段，不用排隊。…查看更多

補祝老闆生日飯，因老闆之前出咗差，所以無時間吃生日飯。但中午時間食飯真難搵到好嘅地方，最後老闆有面子，可以到明閣午餐，環境舒服，座無虛席，不算太嘈吵。雖然還是老闆請，當然食得更開心。平時一向點開餐嘅我(因全家最為食係我)，當然梗係老闆話事啦。雖然我不知道菜牌的名稱是否一般茶樓一樣，明閣還是與眾不同名稱。坐底後侍應就介紹一款叫明閣茶，全部都是花茶，真的很特別。米之蓮食府，食物當然有質素，去到最後當然我哋自己加插甜品環節，雖然最後還是老闆請的，但老闆已份外開心。順帶一提，酒店午餐，訂枱是比較好一啲。…查看更多

第一次寫食評，因為真心覺得不錯昨晚睇到電視介紹，成家都話想食潮州菜，跟住就訂了一間港島區的。但最後又怕塞車，加上屋企人去咗元朗探朋友，最後就改了响元朗搵潮州菜。下午時決定，訂枱冇難度。一心都怕好多人，其實也比較鬆動。服務員不是太積極推銷菜式，但也有禮貌，及當我提問時也有菜式的知識，可能因為我家有小寶寶一起進餐，服務員不時還跟小寶寶有互動。最後，五大一小全家都好滿足只有一兩道菜比較普通，但味道也是可以的，其他當然是很出色的啦唯一只是商場地點下面，想搵泊車位比較難，可能我們不熟路，走了幾個圈，最後還是找不到…查看更多