CactusEatAllDay的個人專頁

今日嚟到荃灣廣場發現有一間新開嘅泰式餐廳 環境寬敞 坐落舒服 啱晒一家人嚟食 🧑‍🧑‍🧒‍🧒佢嘅下午茶餐都好抵食 可以另外再加單點 menu勁多款式 泰式明爐烏頭🐟酸辣湯底熱辣辣浸住烏頭，魚肉嫩滑無腥味，吸盡湯汁精華！超開胃。淡淡蟹肉咖喱🥘咖喱汁濃滑，蟹肉份量足又鮮甜，撈飯食一流，都可以叫埋蒜蓉包或者薄餅，吸盡咖喱汁先夠滿足！鐵板泰式青胡椒炒豬頸肉🐖呢一道冇咁common 唔係平時既普通燒豬頸肉 青胡椒粒辛香突出但唔嗆喉，夾埋洋蔥、同醬汁爆炒，鹹香中帶微微辣勁，送飯都無得輸～👍米泰 (荃灣)荃灣大壩街4-30號荃灣廣場3樓350-352號舖…查看更多

大家都聽過要入深井食燒鵝 但係食邊間好呢？ 今次就去試米芝蓮推介咗好多年嘅裕記🏆炭燒燒鵝🪿鵝皮燒到脆卜卜，咬落「咔嚓」聲，皮下脂肪化口甘香，鵝肉嫩滑多汁！炭燒🔥香滲透每一啖肉，配埋懶粉平衡油膩，邪惡到令人停唔到口～！粟米斑塊平時頹嘅粟米斑塊就食得多 呢一個相當有驚喜 外層金黃酥脆 薄粉鬆化，內裡魚肉唔係普通嘅魚柳🐟魚肉保持嫩滑！粟米汁都香甜濃滑🌽 最緊要重要佢泊車方便 🅿️食兩個鐘都係$30嘅泊車費 啱晒大家遊車河，或者要山長水遠入深井食燒鵝👍裕記大飯店 (深井)深井深康路9號地舖…查看更多

之前就喺牛頭角食過金飯碗 一直對佢嘅炒飯念念不忘 又平又有鑊氣又大大份 🫃估唔到而家開到第三間分店 蝦頭油炒飯🦐鑊氣十足！每粒飯都金黃香噴噴，蝦油嘅鮮味完全滲入飯粒，仲有彈牙蝦仁，大大粒蠔 ，上面仲有櫻花蝦，食落濃郁得嚟唔油膩。黑松露墨魚餅飯🖤墨魚餅煎到外脆內彈，墨魚肉餅好有咬口，黑松露醬落得豪氣，一上枱就聞到濃烈香氣，撈埋熱飯同焦香嘅蘭王蛋 實在太邪惡但好滿足😳佢嘅份量實在係10分驚人，絕對啱晒大胃王黎食 草豆quota下次就過嚟試佢嘅乾炒牛河😋金飯館叄·零 咖哩·干炒牛河專門店 (灣仔)灣仔天樂里6-18號恆安大廈地下D&E號舖…查看更多

今日嚟到大館附近嘅一間精緻西餐廳 晏晝lunch set比夜晚更高性價比 嗌咗好多Combination黎 每碟都相當有驚喜 😳烤西班牙八爪魚🐙呢個前菜係必叫 抵食過沙律 八爪魚內裡軟嫩彈牙，完全唔韌！掂埋側邊嘅紅椒醬，鮮味更加突出～🦀 燒阿拉斯加皇帝蟹柳蟹肉鮮甜多汁，輕輕一撕就離殼，側邊嘅蛋黃醬都提升左蟹鮮🍝 西班牙紅蝦意粉呢個係佢嘅招牌菜 龍蝦汁掛滿每條意粉，蝦肉冇煮全熟 🦐爽甜彈牙，一定要食埋佢嘅紅蝦頭 蝦膏濃郁 🐔 香煎本地三黃雞雞皮煎到金黃脆口，肉質嫩滑多汁，充滿雞油香～ 再配上蘑菇汁 🍄‍🟫完全係Comfort food嘅首選呢間餐廳環境清幽 每碟嘅菜式都好有心思同埋有擺盤 可以話係抵食嘅高質西餐廳 唔怪得咁多人推介🤩Senti (中環)中環雲咸街63號巴力大廈3樓…查看更多

見到上網有好多人推介呢一間係中環新開嘅米芝蓮泰式餐廳 一度放返時間就衝咗出去 晏少少都要排晒長龍啊 蟹肉炒飯 🦀飯炒到乾身分明，蟹肉落得足，鮮甜唔腥，仲有雞蛋、蔥花，味道清淡得嚟突出蟹肉原味，鍾意海鮮天然甜味嘅人必嗌！建議加少少魚露，味道即刻提升～😋虎蝦醉貓炒河 🐱人人都介紹呢個醉貓炒河 作為河河控既我食過好多嘅泰式炒河 呢個絕對冇令我失望 「醉貓」最鍾意食又肥又煙靭嘅河粉 河粉吸晒醬油 極有味 虎蝦大大隻爽口彈牙，鑊氣爆炸，鍾意食重口味人士會愛上！呢間泰式餐廳唔算平，但係佢嘅質素都對得住佢嘅價錢，畢竟係米芝蓮餐廳下次會上嚟試吓佢嘅晚市見到人哋叫個炸蠔餅都好吸引！😆泰排檔 (中環)中環士丹頓街6-8號地舖…查看更多

呢間餐廳已經榮升咗我嘅旺角飯堂 每次去旺角都會去食 因為真係好抵 佢嘅lunch set只係70幾蚊包埋龍眼冰 🤑如果唔夠食，仲可以+10幾廿蚊配小食 呢個價錢，但係食物嘅質素絕對可以媲美其他貴價嘅泰式餐廳🇹🇭大蝦炒金邊粉金邊粉炒得乾身又夠彈牙，酸甜醬汁均勻掛滿每條粉，大蝦爽口鮮甜，份量都唔少！懷舊火車炒飯🚂每次嚟到都會食呢個炒飯 睇相都見到粒粒分明 最緊要鑊氣十足 配埋側邊嘅醬撈勻 酸辣程度即刻升級 啲小食都好有驚喜 😲黑椒粟米餅外層炸到金黃酥脆 入面係香甜粟米粒混合黑椒 係會令人上癮嘅小食 個雞翼炸到外皮香脆，內裡仲保留到肉汁🍖上網見到好多人都過嚟食晚市出面仲要排晒長龍 佢嘅燒豬頸肉燒牛同燒魷魚都睇落好吸引 有機會一定會嚟試吓🥳Ann MaMa Thai Restaurant (旺角)旺角通菜街1號威達商業大廈地下N號舖…查看更多

呢間係朋友家人聚餐嘅首選選 除咗有多間分店 荃灣，旺角，尖沙咀，銅鑼灣，中環 串燒嘅款式都係有各種風味 日，川，泰，韓等等🌍 每道菜式都好有水準 而下面嘅幾款係我嘅必點 雞皮墨魚滑🐔雞皮串食過墨魚滑食過 但係雞皮墨魚滑呢個配搭真係好正 外面酥脆 裡面保持著鮮嫩口感 口感豐富 好有創意😋鰻魚炒飯🍚飯粒分明 鰻魚肉質好嫩又出味 份量唔大 啱晒一人一啖過吓口癮焦糖青蘋果鵝肝多士 (必食！)大大件可以2個人一齊食 但我每次都一個人食一件 鵝肝非常肥美 入口即溶 再配上焦糖青蘋果 🍏簡直係甜鹹對比的完美 鬆脆既多士底 每一啖都令人滿足🥹實在太多美食 不能逐件介紹 生B啤買一送一 呢間串燒店嘅性價比絕對比出面嘅高 唔怪得佢咁出名又開咁多分店😛燒烤堂 (荃灣)荃灣川龍街118號百悅坊12樓電話訂座📞98868397…查看更多

銅鑼灣之前開咗一間食關西壽喜燒 今次行過希雲街又見到一間新開嘅 而且仲有得食涮涮鍋 🫕北海道黑毛和牛 🇯🇵- 霜降，赤身因為自己本身怕和牛太肥 所以只係叫咗霜降同赤身 冇叫西冷 霜降油花唔算均勻 但肉質都柔嫩 赤身則更有嚼勁 肉味較濃烈 牛乳湯涮涮鍋🐮牛乳湯涮涮鍋湯底好特別 平時好少見到 淡淡的奶香 超級搭配和牛 保持了肉的鮮嫩 再搭配新鮮既蔬菜盆同豆腐 🥗可以平衡一下較重口味既壽喜燒壽喜燒🍳首先用牛脂抹勻鍋底 再將和牛煎至微焦 可以按個人喜好加入壽喜燒汁 壽喜燒汁甜甜即醬油基底 同和牛的油脂融合得剛剛好 再加上生雞蛋 味道更加圓潤😯人均二百幾 可以食到和牛壽喜燒同唰唰鍋 性價比高🤑再加上多款湯底選擇 和牛都可以按個人喜好選擇肥瘦 係一個唔錯嘅晚餐選擇狸小路北海道涮涮鍋、壽喜燒、和牛專門店 (銅鑼灣)銅鑼灣禮頓道128-138號希雲大廈地下4號舖🚶Walk-in…查看更多

今日嚟到屯門三聖邨度食海鮮 可以自己喺海鮮街度揀咗海鮮 然後再嚟到酒樓度加工 體驗感100分！💯米粉底豉椒炒蟶子🌟豉椒汁爆炒夠鑊氣！最正係個米粉底，吸晒蟶子精華同醬汁，乾身又入味清蒸東星斑🐟魚肉蒸得啱啱好，一夾就離骨，肉質嫩滑！豉油汁輕甜完全帶出東星斑嘅鮮甜原味椒鹽瀨尿蝦🦐炸到外殼酥脆到可以連殼食！椒鹽鹹香惹味，蝦肉飽滿彈牙，食到舔手指！象拔蚌刺身🌟象拔蚌一條細細隻都要三百幾 原本驚太細隻 切出嚟個份量又OK喎，切片薄透，口感爽脆鮮甜，點少少芥末醬油就好滿足燒鵝食咗咁多道海鮮 梗係嗌返一碟肉嚟送 燒鵝都係呢度嘅招牌菜 脆肉嫩係基本！鵝肉多汁唔柴 脂肪香而不膩～🪿四個人食 海鮮買咗差唔多$1000 加工連埋菜同肉都差唔多$1000 雖然唔平，但係呢個價錢都抵過出去酒樓食 可以食到象拔蚌刺身😋興記 (屯門)屯門三聖村熟食亭地下2號舖…查看更多

見到唔同嘅post話Watermark重開 之前未試過 今次係第一次食🤣 lunch Menu都係二百幾蚊起覺得接受到 所以就去試吓 一入到餐廳佢嘅海景實在令我十分讚嘆 😱完全唔似係呢個價位嘅餐廳 270度嘅維港海景 落地玻璃，再加上樓底高 喺呢度用餐絕對係一個享受 而啲食物都冇令我失望😋前菜叫咗耶路撒冷雅枝竹同Burrata 同平時嘅前菜唔同 裏面有好多配料同果仁 整體味道複雜卻和諧 係一個好滿足嘅Opening🥜澳洲豬鞍🇦🇺豬鞍煎到外皮焦香，內裡粉嫩多汁 再搭配烤椰菜花同羽衣甘藍，口感層次豐富，醬汁既微酸果甜完美平衡豬肉油脂，高級感滿滿！龍蝦扁義麵🦞waaaa幾大隻龍蝦 龍蝦肉彈牙鮮甜，扁意麵掛汁力強 味道濃郁到不得了！上面再加上一層嘅三文魚子 帶來清爽感 每一啖都係海洋精華～慶祝生日有個靚靚Happy birthday 牌 再加上呢個環境打卡完全係100分🥹💯WATERMARK (中環)中環7號碼頭L號舖…查看更多

又係一個中環lunch嘅推介 呢一間經常要排隊 不過turnover都幾快 絕對係簡單午餐之選😇如果你未食過 我一定推介佢嘅燒牛腩 🐮咬落去軟嫩得嚟有微微炭燒香 越南春卷都炸到金黃脆口 成個撈檬都份量唔少 酸甜開胃又清爽 啱晒而家呢啲咁熱嘅天氣 真係透心涼🌿平時都有食過佢嘅pho 或者烤雞飯 一樣都咁好食 keep住過嚟輪住食都唔會厭😋Prime Pho (中環)中環嘉咸街23號My Central 1樓10號舖…查看更多

好耐冇食到一間好食嘅fusion菜 呢間銅鑼灣樓上店絕對有驚喜 餐廳裝修好有格調 😎Crispy Short Rib牛小排燉到超淋 hawthorn 醬酸酸地好解膩，仲有蒜蓉檸檬碎清新平衡油膩 最正係旁邊個butter mash 滑到似cream咁 係邪惡但令人停唔到口嘅組合～🥹Drunken Crab Pasta紹興酒煮嘅pasta🍶你又食過未 酒香好突出但唔會苦，反而帶出蟹嘅鮮甜！雪蟹肉份量唔吝嗇，意粉煮到al dente有咬口，食完成個口充滿酒香同海鮮味🦀Ikura Arancini 外層炸到金黃脆卜卜，一咬開入面係熱辣辣嘅拉絲Mozarella芝士同龍蝦肉絲爆出嚟～頂層鋪滿爆汁嘅三文魚籽 冷熱交織同脆軟口感雙重暴擊！一粒真係唔夠喉 🍘🔥呢度嘅環境都好啱同朋友過嚟gather 佢有好多款Cocktail 我未試過 不過後來都聽朋友講佢啲Cocktail唔錯🍷Ciclo (銅鑼灣)銅鑼灣霎東街15-21號Oliv 4樓…查看更多

而家晚市出去食Omakase閑閑哋都要過千蚊 竟然喺銅鑼灣搵到一間398 有18品嘅Omakase 呢個價錢係做全日啊！🤑喺壽司方面 🍣食材好新鮮 不過壽司嘅size偏細 覺得最吸引嘅係金目鯛同甜蝦赤蝦壽司 赤蝦大大隻 肉質黏糯鮮甜 金木鯛就魚肉爽口帶透明感 入口清新最估唔到係佢啲熱食咁有心思 尤其是係甘鯛立鱗燒 鱗片炸到好似花瓣咁豎起，入口咔嚓脆，入面魚肉保持超嫩滑 係視覺同味覺雙重享受👀仲有磯煮鮑魚伴肝醬 鮑魚煮到淋得嚟帶咬口 個肝醬煮好濃郁 將鮑魚嘅鮮味推到極致🫃吉列帶子伴他他醬 外層炸衣薄脆 帶子大大粒鮮甜彈牙 他他醬酸酸地好開胃😍呢個價錢Omakase同埋有咁嘅質素絕對係抵食到爛！唔怪得晚晚都咁full Booking 想食嘅記得早啲去book啦😙鮨政x大湖 (銅鑼灣)銅鑼灣京士頓街9號Fashion Walk地下H2B號舖…查看更多

黎到大角咀 每次都會食呢間泰國菜 餐廳佈置色彩繽紛 🌈啱晒打卡 食物又多款式又抵食 唔怪得成日都有人排隊 泰式經典明爐烏頭🐟魚肉嫩滑冇腥味，吸晒湯汁精華，酸酸辣辣超開胃冬陰功海鮮湯湯料多到滿瀉！大頭蝦、青口、雜菇，湯底夠濃郁，一樣開胃🫃招牌蟹肉炒飯呢度係我覺得最有驚喜嘅 有鑊氣飯都炒到粒粒分明，蟹肉又多 仲有佢嘅秘製醬 瞬間提升個鮮味，唔使餸都可以清晒成碟！🦀炭燒豬頸肉外層燒到微焦脆口，咬落去爽彈唔油膩，下面有個爐keep住熱得黎 打卡又靚左🐖你到呢度一定係要嗌佢啲set 價錢好抵食，裏面又有好多款式揀 跟餐嘢飲仲有得半價添 🤑泰嘟嘟 (大角咀)大角咀利得街14號地舖…查看更多

今日返工壓力好大 lunch想食得fine啲 (excuse😆) 嚟咗呢間好出名嘅美式牛扒館 一入到去嘅裝修就feel到好有格調 好有美式古典風格 🇺🇸呢個executive lunch $480簡簡單單 有沙律有sides有甜品有餐飲 我哋嗌咗最簡單嘅西冷牛扒就唔需要另外再加錢 雖然佢啲擺盤冇乜特別 但係食落去都係真材實料👍呢塊西冷牛排表面煎到微微焦脆 切開見到粉嫩嘅medium rare肉心咬落去軟嫩得嚟帶少少嚼勁 最特出既一定係濃郁嘅牛味 唔怪得係USDA Prime等級 簡單既煮法已經足夠帶出肉香！🥩間嘢最出名嘅係佢嘅Poterhouse Steak lunch食得太急 下次有機會dinner可以一嘗！😋Wolfgang's Steakhouse Hong Kong (中環)中環都爹利街6號印刷行1樓…查看更多