ChingYauChan的個人專頁

尋晚心血來潮，突然好想食巴斯克蛋糕！於是我係上網求其搵，無意中發現屯門有間小店叫「芝士烘」，仲要好近西鐵站！我就即刻wtsapp店主問聽日有咩口味同預留兩件。我買左我最愛既焙茶同開心果（其實我都心心念念芝麻味🤤），岩先試左焙茶之後，真係驚為天人！！！芝士蛋糕好滑溜，甜度好岩「鐘意甜品唔甜」既香港人，食完滿口都係焙茶香，蛋糕外層好焦香，平時唔寫食評既我都真係忍唔住要分享比大家。芝士烘既巴斯克一定係我食過最好食既，到底點解我依家先知有依間小店🥺 希望芝士烘可以長做長有，我就繼續有口福啦💗💗 最後想講店員態度十分之nice同有禮貌，而且天氣熱都有放冰種，好貼心✨…查看更多

今日同屋企人慶祝媽咪生日飯，試下Gordon Ramsay旗下既Maze Grill，叫左一個classic Caesar salad 但無影到 作為前菜，味道好清新！三個人叫左兩個main，一個係slow cooked pork rib，一個係Aged beef cheese burger 嗌左medium well。因為人太少所以就無嗌到Wellington， 個豬肋骨煮到好淋，啲肉唔會痴住啲骨，仲有啲脂肪，令佢更加juicy，個牛漢堡就不過不失，牛肉真係7成熟，略咸。最後因為訂座時因生日會送個小蛋糕比我地，因為太飽既原故，無試到佢啲甜品，值得下次會再黎！…查看更多

十分之失望既母親節飯7點入坐，間店已經好空！被安排坐係冷氣位，後來向男店員希望更換座位店店員態度十分不耐煩！之後到點餐，叫到應該係一位新男店員，叫我地等一陣，佢應該係唔識落單，但並無要搵其他同事幫忙招待，之後我地再叫第二位女店員，黑口黑面，並無企係點餐個位客人旁邊，離客人很遠，要客人就佢，已經講得好大聲，但店員仲聽唔清楚，態度令人鼓燥！其後上餐時間慢，食物質素差！豬肋骨焦比肉多，已經不想同佢地理論，都破壞左大家既興致，十分差。一啲西班牙風情都無，較年長既某男店員，行為好粗魯，同茶餐廳有乜分別，收枱粗手粗腳，一定唔會再去，更加呼籲身邊朋友唔好去幫襯！…查看更多