Go Kumy的個人專頁

話說生日嗰晚要返通宵，咁就諗住近近地搵間機場酒店食生日飯方便返工，揀咗未去過嘅麗豪航天城酒店，諗住泊酒店車場(食滿$400有2個鐘free parking), 點知竟然full咗！車場門口個姐姐話我冇登記車牌所以冇留位俾我，（事前問酒店有冇泊車優惠時，佢完全冇提過要留車牌...）叫我泊過隔離$33/hr嘅11 SKIES......咁就唯有焗住泊啦......入到餐廳，個侍仔俾咗張「茶餐廳」menu我地......我問：「你地website唔係有個"巴西晚市套餐”㗎咩？」佢：「係呀，但係唔好意思今晚冇，因為Hactl今晚響我地宴會廳搞annual dinner，借調咗我地啲廚上去幫手，所以淨係得返依個簡約menu」我真係O爆嘴：「咁有冇甜品食？」佢：「冇呀，唔好意思」人地搞annual dinner你今日先知？！點解唔寫埋響website/social media話今日不適用？！訂位時寫明係「慶祝生日」你乜都冇點解唔通知我地？！真係好想爆粗即刻起身走但又唔想蝕33蚊泊車錢，兼且亦唔太夠時間轉場，唯有「硬食」......個menu基本上只係得steak嗌得落,所以就嗌兩份steak，結果等咗15min，只係嚟咗一份！我問：「我地嗌兩份㗎喎」侍仔：「唔好意思落漏咗單」what？？？！！！我地兩個人你淨係落一份餐唔覺得奇怪㗎咩？？？！！！我無奈：「咁你幫我地拎返依份入廚房heat住先啦」又15min後，佢又淨係上一份餐俾我地！！！？？？！！！咁都可以又唔記得拎埋熱櫃嗰份上返俾我地？？？！！！這是正式錄用的酒店餐廳員工嗎？最後剛剛好夠時間食完趕返工，睇嚟就算有甜品menu都唔夠時間食......生日先嚟中伏，真係so_sad…查看更多

11:15am到達餐廳時只有兩三枱客，差不多8-9成吉枱，我在門口站了一兩分鐘無人接待，便自行選了一張4人梳化卡位坐下，此時侍應突然光速走過來說我1人不能坐4人枱，要我坐去2人小圓枱，我問："依家都冇人，咁都唔可以坐得舒服啲？" 她只說要把卡位枱留給待會繁忙時間的4位客人群，我因為不知餐廳的繁忙時間何時開始，便唯有跟她的指示坐去2人圓枱，但坐下後想點餐時卻又等了很久都沒有侍應來招呼，好不容易等到上餐，我點的牛扒勁細塊，條筋佔咗3份1，真係食得嘅冇幾啖肉，配菜嘅薯條又炸得勁乾，好失望.然後我11：55食完時，間餐廳依然仲有7-8成吉枱！於是我決定唔走住繼續坐，睇下佢究竟幾點先係peak hour，結果最後到12：30先full！然後一full，個侍應就過嚟催我埋單走，真係即刻火起：「既然你地結果都係催客走，點解之前唔俾我坐卡枱？」侍應：「我地規矩就係咁」真係啤啤聲唉，難得黎九龍灣開飯，見依間野響openrice咁高分先揀黎食，依家睇返啲負評先知原來類似我今日嘅不愉快經歷已經有好幾個食評提及過，只能怪自己無好好睇清楚…查看更多

看過openrice 50:0的食評後決定揀依間食今年的生日午餐，真係有做功課就有好西食～新裝修乾淨企理，因為是平日午市唔多人，所以職員安排我二人坐六人卡位，很舒適，讚！揀了5式海鮮套餐（鮑魚，大蝦，花枝片，蠔，脆肉鯇），因我不食魚，職員很好的把脆肉鯇改換兩隻蠔給我們。選擇補差價要了個火焰花甲蟹鍋，打卡一流醬料有XO醬非常好，食海鮮點XO醬真係提升好多套餐中的水餃超好食，有驚喜！可能是平日午市的關係，職員全程服侍，正…查看更多