laumabel的個人專頁

呢度嘅蛋牛治真係好多蛋，好厚，從來未見過咁厚餡嘅三文治！估計可能有三隻蛋。個包好軟熟，牛肉好平均咁散落在炒蛋中，好有驚喜。食落好滿足，飽到不得了，＄25都值嘅。…查看更多

這裏地方不算好大，但食物種類就很足夠。最大特式是食物的醬汁、油、調味恰到好處，感覺清新健康，不會是多汁多醬到一pet pet. 黑松露長通粉好好味，蟹蒸糯米飯好正，甜品都唔會太漏，好滿意。唯一不足是飲品種類好有限，只有水、茶、咖啡、果汁。…查看更多

八人中午去食點心放題，網購訂咗位每位＄158，點知去到又要俾多＄80差價。叫咗好多點心，有部份真係唔好食。所有餃同粉果個皮都好厚又易爛，珍珠雞啲料成pat嘢咁，個灌湯餃啲餡直頭睇唔出食唔出係咩嚟，又係一pat醬咁。炒飯冇味，炒米粉冇鑊氣。豆沙角裏面仲係白色，似未熟透。牛肉球好粉，唔似肉。春卷、腐皮卷、炸雲吞、燒賣、芝麻卷、炸牛奶都正常。唯一驚喜係煎藕餅，有陳皮，好食。漏單三次都追得返，還可以接受。整體嚟講，食物質素及不上一般酒樓，係個景幾靚。…查看更多

今晚二人去吃晚飯，一入餐廳就聞到陣古老氣味，有點像跌打酒味。擺設極懷舊，好有趣。點了台式醉雞、蒜炒A菜、櫻花蝦炒飯、新竹炒粉。醉雞冇乜酒香，反而是酸的，是加了醋嗎？好古怪。炒菜正常，味道不錯。櫻花蝦炒飯不是炒飯，是撈飯，濕濕的，完全冇鑊氣，低下仲係油浸的，賣相同味道還可以。新竹炒粉，好多醬油，好鹹，唔掂。最不幸係食完唔夠一小時就開始攪肚痛，痾咗鑊甘。我都有懷疑係咪自己之前食錯嘢，冇理由呢餐咁快有反應，但當我發現肚瀉之後，沖咗五次廁所都沖唔走晒啲浮面嘅櫻花蝦，就知一定係呢餐飯出咗事。…查看更多

黃昏6點半去到，已經好多人。點了兩份set dinner, 唔記得影餐牌，以下係憑記憶描述。小食1(幾揀一)：麻醬秋葵/醉雞翼(有3隻咁多，好好味！)小食2：茶碗蛋(既定，略鹹)燉湯：有雞腳排骨海底椰？瓜，好好味。主食(幾揀一)：冬筍黑椒醬爆雞柳(好多雞肉，個汁甜甜哋，好香口，冬筍好清新，香甜)/蝦醬豆角炒黑毛豚肉(又係好多肉，夠嫩口，好味，個蝦醬不會太鹹)飯：可選白飯或其他飯(加錢)飲品：養生茶(紅色的，微甜，估計係洛神花同山渣)另叫一杯凍飲加$12。整體感覺係好豐富，好滿足，環境都舒適，推介！…查看更多

今日中午三兄妹去堂食，得兩三枱客，其中兩碗麪竟然要等接近20分鐘，碗菜肉雲吞麪睇落正正常常，但個雲吞餡竟然有點酸，不知是甚麼醃菜還是調味料，風味怪怪的。擔擔麪同葱爆牛肉配飯都算唔錯。價錢偏貴，唔值。…查看更多

牛肉大大塊，有約6件，好滑，粥好香，花生香脆，葱同薑份量啱啱好，正！其實冇太多嘢想講，不過系統要我打夠80字，唯有讚下門口落單個阿姐嘅服務，心水清，數口快，好掂！如果openrice 唔係同呢間店有仇，希望唔好再唔批准刊登。堂食$32，外賣$33。…查看更多

冠軍黑醬油拉麵個麵好大陣鹼水味，湯底冇乜特別香味，完全唔覺得係好食。個富山雞翼外面個汁幾好味，但裏面完全冇味，落些少鹽醃下會好啲。反而個綠茶布甸就幾好食。冇下次。…查看更多

因為要在炮台山上堂，二人第一次去這餐廳晚餐，點了中式牛柳和西蘭花炒石斑球。中式牛柳：有超立體伴碟裝飾，好有藝術感！牛肉鮮嫩，肉汁豐富，味道酸甜適中，正！西蘭花炒石斑球：份量十足，斑塊大大件，咬落有嚼勁，味道鮮甜，似是新鮮魚肉，極有驚喜！西蘭花翠綠爽口，伴有紅黃椒塊，整體令人十分滿意！離開時，門外的疑似老闆娘還問我們對食品有何評價，我們都讚口不絕，她叫我們日後要多多幫襯呢！…查看更多