Agneswong.的個人專頁

Openrice提前book定台有正價餐牌8折優惠！咁當然我都係book左台啦，由落單拎menu斟水到到最後埋單，都要叫好一陣間等佢咁啱係你身邊路過先幫到你，樓面既人唔多，做緊野既更唔多。咁就叫左個咖哩蟹配法包、泰式生蝦、串燒拼盤、炒大蝦金邊粉、冬陰公湯。上菜都算快既一碟接一碟咁上。冬陰湯夠香辣而且都算多料，蝦都有5/6隻。串燒拼盤就律雞豬各2串，個人覺得牛就老左少少，但雞豬都唔錯，個汁都夾既。泰式生蝦都大大隻，但就冇出面個啲咁刺激味蕾，亦都唔會腥算新鮮。炒大蝦金邊粉呢啲正常發揮，都算大碟既。最後盤咖哩大蟹好大盤，但個人覺得佢就咸左啲，不過配法包中和返啲好啲，而且隻蟹都真係好大隻，不過$418黎講少貴啦。叫左5杯野飲，埋單折後around $1000都算合理價！但服務好啲/加多個樓面就仲好。…查看更多

提前係openrice book定台，4人同行過到去唔駛等直接入得，近聖誕節已經有哂聖誕裝飾，幾好感覺。今次叫左個海鮮千層麵（$168）、紅酒雞（$178）、忌廉蘑菇扁意粉（$148）、白酒煮青口配薯條（$188）。價錢已經包左個湯或沙律，野飲就要加錢，最平$18都有選擇（洋甘菊香蕉茶/水果茶），咁就2款都叫左黎試。唔駛等幾耐好快就上哂菜，都唔會話要逐碟逐碟慢慢上咁。全部都熱辣辣既，咁逐款講啦。 個人最鍾意海鮮千層麵，佢個汁好濃，海鮮鮮得黎煮得夠時間，好易入口。紅酒雞都好足味，配料例如紅蘿蔔咁都好入味應該熬足時間，雞都淋身。忌廉蘑菇扁意粉呢啲正常發揮，冇話咩特別impressive，但好食！煮青口都唔錯，新鮮唔會腥，同埋都好多隻，唔會係淨係得殼個啲。野飲呢，水果茶唔錯，洋甘菊香蕉就好似唔太覺香蕉味，但ok啦。埋單7百幾4個人，價錢合理，野食好食！下次再黎試埋個甜品！…查看更多

平日夜晚同朋友黎食，好彩唔駛等好耐，大概等5分鐘就入得。入到去係自助落單既，都方便。朋友就叫左個走地雞飯配肉骨茶再加$20要左個參巴醬通菜，而我就叫左個龍蝦喇沙摻摻配牛油咖央多士（$128，再睇返openrice先發現佢加價加左$30⋯）落左單之後好快就上哂菜，份量都好夠，2個人都食唔哂。先講個雞飯，雞大大舊亦都多件數而且又夠滑，配個油飯都幾出色。而個龍蝦喇沙，個湯底都香，龍蝦有半邊仲有唔少魚蛋魚片豆卜咁，好足料。不過個人覺得牛油咖央多士仲出色，大大塊牛油配足料咖央再加脆口多士，牛油入口就融，冇得輸。而個通菜呢，就略為覺得唔太夠熱，個味唔算香濃，因為好似冇咩辣味，但爽口既！下次要再黎試其他款！…查看更多

平日9點幾到都坐滿人咁濟，好好彩last張大台比我地坐埋，唔駛點等。ORDER完到上點心都要5-10分鐘咁上下，不過唔緊要啦，上台個陣D野食都仲係熱辣辣就好，唔似D大酒樓咁有時D點心好似擺得耐涼涼地咁。咁一行4人，叫左8個點心，連埋茶錢都係around $240咁上下，又唔駛加一，都OK啦算正常價。咁就例牌都係叫返D蝦餃、傳統燒賣、鮑魚燒賣、蝦腸、叉燒包、流沙包、牛肉球、粥咁，D野食overall都冇令人失望既地方，樣樣都熱辣辣又足料，粥夠大碗，流沙包都真係流沙既，而家都唔係咁易遇到嫁喇。唯一可以改進既係個蝦餃，塊皮略為厚左DD，但都可以接受! 同埋呢間有好多唔同款式既燒賣，下次再黎可以試下其他特別款!同埋見張menu都幾體貼，有D 1人餐，2人餐咁，適合D1/2個人但又想試唔同款式既客。…查看更多

最近新開既咖哩專門店，平時路過都見好大堆人係到排隊等位/等外賣，亦會好大陣好香既咖哩味，已經好吸引，今次黎試試佢！ 入面位唔多，大概30個左右，早少少到，好彩唔駛等好耐！就叫左個咖哩吉列豬扒蛋包飯（$80），佢辣度有大/中/小揀。平時其他日式咖哩都冇得揀辣度，咁就叫個中辣試試佢，仲可以唔駛加錢要樽仔奶茶。落完單冇耐都好快就上哂，整體黎講都覺得好OK，份量都夠，首先隻蛋算係半熟既，滑漏漏咁唔會Dry，而咖哩汁絕對唔同你吝嗇，勁多汁保證啖啖都撈到😂而豬扒都好脆口好厚肉，亦都唔會話炸粉太重。最後，個中辣都冇令人失望，係會比出面既日式咖哩辣既，唔太食得辣既都唔建議叫中辣。仲有樽仔奶茶，個人覺得有點兒太細支，可能得2支益力多既量咁，不過係滑同香濃既！唯一美中不足就係好似可以係咖哩汁到加啲啲配料例如薯仔，哈哈。…查看更多

朋友推介既，但都幾full所以佢幫手提早左幾個禮拜book台，一行6人平日夜晚黎既準時去到等左大概15分鐘左右啦就有得入喇，呢到就半自助啦，有D火鍋料、野飲同醬料係出面自己拎，首先一埋位就緊係落左個BB辣雞煲先再慢慢去拎野飲啦！坐左一陣就上雞煲喇，個員工會擺低埋個鐘仔教你幾耐要搞一搞佢，大概再等左幾分鐘就食得，個雞煲D雞都好滑，個味都好香，既然咁好食，就當然要再添啦！無錯，呢到既雞煲係可以再添嫁！！！之後重覆左食雞煲既流程，食到7788就叫佢上下一round - 海鮮! 因為都全店滿坐，幾位員工都做到唔停手，只好坐一陣等上海鮮，佢既海鮮係人頭數既，有蚌呀、鮑魚呀、扇貝呀、蝦等等。都好入味好鮮甜! 之後又食到7788又叫佢上下一round - 燉湯! 個湯好足料，有烏雞呀蟲草花呢D，都好清甜，冬天食呢D簡直一流呀! 最後個湯會用埋黎做邊爐湯底既，呢個諗法都幾好，又唔會浪費，又可以帶埋D鮮甜味去打邊爐，轉個頭佢就上埋D牛喇，份量夠多，差D食唔哂，仲要係新鮮靚牛，好高質。最後佢仲有埋甜品，咁多樣野都係around $300位，好surprised，朋友果然冇介紹錯!但因為佢有咁多round，差唔多都3/4個鐘先食哂捧住個肚走，同朋友一路食一路吹水都唔錯既選擇，最近仲開左分店，下次去九龍分店再試!…查看更多

約左朋友係isquare 7:00左右睇戲，收工再過去得返唔多既時間可以食飯，咁就隨便係isquare到睇，見呢間可以即入，而且係openrice既評語都好似OK，咁就試試佢快食一餐啦。咁佢有散叫同晚市套餐既，晚市套餐就一個小食+主菜+野飲就$108，個人覺得唔算係特別抵食，而且個小食唔太有興趣，咁就散叫左個忠孝魯肉飯啦($65)，朋友就叫套餐(麻辣豬耳+香酥怪味雞配魯肉飯+豆漿)，好彩都唔駛等好耐，好快就上左個忠孝魯肉飯，佢好細心咁有隻碟墊底，因為都幾多料基本上一放隻匙落去就會倒瀉，不過食落發覺個魯肉&汁係冇味...唔睇個飯樣會唔知食緊咩。同時我都偷食左朋友D野食黎試下，佢個麻辣豬耳係勁淋身，冇左豬耳個種爽口感，都幾一般。但佢既香酥怪味雞就OK既，份量都算多，味道係合理，亦唔會話大大舊粉細細舊雞個類。總括黎講啦，呢個質素既話呢，我就覺得個價錢偏貴既，大概都唔會再翻兜呢間lu。…查看更多

最近有D想食鐵板燒，係openrice碌左一陣見到呢間價錢相對親民，就book埋台試試佢! 到到用餐當日都唔駛等，直接入得，餐廳唔大，大概都係坐得廿個人左右，所以如果想試就最好book定台。入到去就好好咁比左份前菜沙律我地話助開胃（不過最後埋單發現原來收左錢..雖係係$28，但如果冇興趣就提早出聲話唔要喇）。然後員工都好好服務，係我地睇緊餐牌個陣都會主動埋黎介紹返佢地有咩推介，除左menu上面既仲有D寫左係幅牆到既，咁我地2個人就叫左蟹肉忌廉薯餅、炸魷魚鬚、清酒煮蜆、章魚大阪燒。野飲方面因為酒類/soft drinks類選擇都唔算多，就叫2支梳打算。咁上菜都算上得快既，蟹肉忌廉薯餅個餡就creamy D 偏軟身，最初個下以為未熟透哈，但佢實際係咁既，都炸得幾香口。炸魷魚鬚呢D基本小食就都正常發揮，冇話特別差亦冇話特別好。清油煮蜆呢就特別D，佢會用個袋袋住D清酒蜆，可能等佢冇散熱得咁快(?)，雖然數量唔多但D蜆就大大隻，滿足過細隻但一大堆哈，個酒味都幾清唔好話帶苦仲都幾入味，幾欣賞。大阪燒都唔錯，做到佢脆脆地，唔會軟淋淋咁，都都幾多料，不過就唔算大份。Overall，都唔錯，不過咁埋單都$480，平唔算特別平啦，但都OK!…查看更多

今次同朋友黎呢間食lunch，$145 fresh salad (unlimited refill) 再加一個main，係呢區黎講唔算貴啦！咁講講個fresh salad先啦，有3款既，3款都任你食唔夠可以再叫佢加，當中個茄子個人覺得好出色，個miso sauce好香濃，個茄子都好林身入口有驚喜，不過就唔食得多因為有少少油膩，不過有其他菜沙律比你中和返 哈咁個主菜我就揀左香烤雞腿burger，成個burger好足料，塊雞腿好juicy嫩滑，而個車打芝士都唔同你慳料，食到可以拉絲，成個配搭都好好。另外佢係配蕃薯條既，啲蕃薯條好大條，唔會碎濕濕咁，仲香脆得黎唔會好油膩，配埋個醬好夾好好食！不過加野飲既話就少貴，要加$30先有野飲，但唔計野飲既話，呢個價錢呢個質素絕對會翻兜呀！…查看更多

突然想食台灣野，附近就有間春水堂，初初春水堂係APM開個陣食高都覺得唔錯，咁就諗住翻兜啦。週六晏就食飯都預左要排隊，不過入坐算快，大概10分鐘左右都轉左3張台。今次叫左個鹽酥雞翼魯肉飯便當（$92）、珍珠鐵觀音奶茶（$34），同行朋友叫左個紅燒牛肉麵（$82）、鐵觀音拿鐵（$36），落單時侍應話便當要耐啲時間大概15-20分鐘，好彩最後都唔係要等好耐，只係慢個麵少少。首先講下野飲啦，雖然杯珍珠鐵觀音奶茶叫左半糖，但最後麵係好甜好似正常糖咁，不過都幾香茶味既。而個便當呢，主菜鹽酥雞翼只有3隻，都幾少既，不過有唔少配菜例如菇、菜咁，都算豐富既，而且都食既時候都熱辣辣既。不過就平平無奇，個人覺得啲配茶、菇仲偏油，比起當初初開張時食感覺好似差左。而朋友都話個牛肉麵既牛肉一般，有啲韌。連加一埋單都$268，好似可以再尋覓下其他台灣店了。…查看更多

天氣最近轉涼，成日都想食啲熱辣辣既野，睇見openrice尖沙咀粉麵類之中呢間咁多正評決定試試佢！夜晚6點半咁上下黎到，都要等一等先有位，雖然唔駛等好耐，而環境黎講都尚可，唔會話好逼。可以揀餸/湯底同粉類，但晚市就冇set叫，野飲正價，對比午市每款粉都貴$20，唔算特別抵食，連埋加一，齋叫碗粉都$76埋單。咁我就叫左個黑豚肉船湯河粉，都唔駛等好耐，轉個頭就有得食，熱辣辣上，個湯底好濃，好重胡椒味，會不停想連湯食！而個粉仲會跟啲炸豬皮、2粒丸同埋蘿蔔秋葵，有好多配料唔會好齋。連埋炸豬皮食好正，事關佢就算浸左湯都仲係好脆口，有唔同口感。而個蘿蔔就吸收哂個湯既精華咀好入味！但個黑豚肉就冇咩特別，個人覺得有少少韌添，不過都ok，全碗食光光！下次揀午市再黎食先😆同埋都見有唔少小食類，下次要再試埋佢！…查看更多

之前路過見到呢間日本小店，就諗住搵日黎試下。見lunch set唔算特別貴(around $110-$160再加一咁上下），lunch hour都唔多客，都係幾位咁，就算店細都唔駛點等位。佢係開放式個啲，天氣涼涼地坐係到食都幾舒適，不過坐低左發現佢對住馬路，啲車不停駛上黎都幾嘈下。講返lunch set先，今次叫左個三文魚帶子飯$148，包沙律同味噌湯既。沙律正正常常啦，都係胡麻沙律呢啲，而個味噌湯呢個人就覺得太油同有啲偏咸既。咁個三文魚帶子飯就料唔算多，4件三文魚2件帶子咁，三文魚都算厚切既，而帶子都幾肥美，不過唯獨有件三文魚都幾重筋。Overall都ok既，冇特別差既地方，不過埋單連埋加一$163，lunch呢個價錢又好似會有更好選擇咁。…查看更多

禮拜五晚收工想去搵好野食？係蘭桂坊呢到就有間比你揀！個場都幾大幾多位，不過都最好book定台啦！叫左佢既2人set，頭盤要左八爪魚腳同埋set menu先有既impossible meatball；pizza就叫左pepperoni pizza；main就要左燒春雞。首先八爪魚腳冷盤好嫩滑鮮甜，亦唔會話冇特別多既調味料遮左鮮味，都幾開胃！而個impossible meatball都好似真既一樣，加埋啲茄醬調味都唔錯。到到個pepperoni pizza呢，餅皮好軟熟，唔會話脆但又唔會乾爭爭硬身咁，好鍾意。最後燒春雞仲會已經幫你開埋邊，去左骨，食落好方便，2個人唔駛切黎切去咁麻煩。最後仲加左個tiramisu做甜品，都好食！總括每個菜都冇失望，個人最鍾意都係個pizza，2人餐黎講份量都幾大，但好味照清哂，捧住個肚走人！😋除左野食掂之外，服務都好好，會主動不停幫你加水，換碟/餐具for你食下碟，仲有人會過黎表演魔術比你睇😂 呢間一定會返黎再食呀！…查看更多

早排見佢新開張，終於搵到機會黎試試佢，set lunch都算多款式，中西韓台都有得揀，價錢唔算平但都合理啦$108/$118呢啲價位。不過就全自助式，出去cashier落單，自己斟水，野食ready自己出去拎，最後我地都自己收埋盤。講返野食先，叫左個韓式粉絲伴野菜飯卷$118，仲可以揀2款配菜，揀左茄子同青瓜，配菜都幾好，青瓜夠fresh，茄子夠淋身。而主菜都冇咩野好批評，粉絲配料唔會太多配料，豆芽呀西芹蘿蔔絲咁都算足料啦。個飯卷比得上平時係出面啲韓式店，餡料係素火腿/蛋/醃蘿蔔等等，食落都爽口。而個泡菜都好正宗，仲夠辣！如果可以想refill添😆overall覺得呢間素食店款式多又新穎，味道又好，又唔係特別貴，絕對會返轉頭！有drinks list既，有咖啡/茶呢啲下次再試埋！…查看更多

約朋友食飯，諗住睇下深水埗有咩新餐廳試下，望一望見呢間食素得黎幾吸引，就黎試一試佢。平時12點左右到唔駛點等位直入，但有限時，大概去到12:30鬆啲已經差唔多滿座，好彩早左到。今次叫左個泰式冬陰功煙斗粉同一個照燒茄子烤中東包，佢係menu到都寫到明話份量較大，所以已經要求細份啲，但都幾大碟下。食物質素方面，煙斗粉既發揮空間都唔大所以都冇surprise到啲咩，但味道夠，啲煙斗粉都幾煙韌。而個中東包，包入面好足料，再配左啲嘴豆醬比你點黎食，呢個菜式都幾特別，再配埋火箭菜，如果鍾意食啲raw啲既素菜，呢個菜式都好適合，事關火箭菜同包入面啲料都好fresh好田園。同時見其他枱都比較多人叫impossible burger，下次都想試下呢款！題外話，搵間鋪既時候望住openrice張相隨時會搵唔到間鋪，事關發現原來句野會變😂…查看更多