📍中環 | 月山朋友升職，梗係要認真慶祝一下！特登訂咗月山嘅《守破離》Menu，唔單止好食，仲好有哲學味道。🧘♂️ 守破離係咩？• 守：堅持傳統，尊重食材• 破：突破框架，玩味創意• 離：堅持初心，走出自己風格整個Menu就係根據呢三個理念設計，食落去真係有層次、有故事。🥂 送酒小吃🔸炒松子仁：香到不得了，超級適合開波飲返杯🔸鰻魚骨：脆到癲，外面餐廳都好少見，超驚喜🍽️ 前菜🔸沖繩水雲配睡蓮花花冧：煙霧效果打卡一流，但味道偏淡，如果酸味再重啲會更突出🔸山口赤貝裙邊配芝麻葉漬物：厚身鮮甜，酸汁點綴，完美！🔸櫻煮八爪魚（原本係鮟鱇魚肝但師傅覺得唔夠水準）：慢煮三小時，口感軟熟又有咬口，完全改觀！📖 前菜係放喺一本「守破離」嘅書入面，店員點火，煙霧升起，視覺效果超有儀式感，好似睇緊一場料理舞台劇咁😍🐟 刺身🔸真蠔配話梅啫喱：酸酸甜甜，超級refreshing，話梅竟然咁夾蠔！🔸北海道赤牡丹蝦花雕酒漬：蝦頭鮮甜無腥，處理得好好，花雕味可以再重啲就更完美🔸長崎吞拿魚醬油漬：油脂分布靚，醬油味唔會搶戲，好讚🍲 煮物🔸蘇格蘭蟶子鰹魚湯輕燙 + 馬糞海膽 + 魚子醬 + 山椒醬：蟶子鮮甜，湯底清而不淡，配料層次豐富🔥 燒物🔸慢煮法國鵪鶉髀石燒：外表睇落乾乾哋，但食落去肉質鮮甜，焦糖京蔥同山椒醬配得啱啱好🥩 強肴🔸澳洲和牛骨付肋肉酒燒：和牛控表示滿意💯 雖然偏西式，但又好似呼應「離」嘅精神，打破傳統框架🍲 鍋物 & 御食🔸博多地雞水炊鍋 + 雜炊赤玉蛋：味道偏淡，但食材鮮味夠，食到呢度已經飽到上心口🍈 甜品🔸季節水果（日本哈密瓜）：清甜多汁，完美收尾🏮 環境 & 服務獨立房間私隱度高，店員全程講解每道菜嘅故事同做法，服務一流。整體體驗非常滿意，真係一餐有深度、有感情、有驚喜嘅升職飯！…查看更多
